เยเรมี 31:10 - Northern Pwo Karen Thai Bible10 “กเย่ โพล้ง กุ้ชื้อกุ้ชะ-เอ้อ, เกม๊า คุ้ช๊องแน กแช่ยาเว อลู่งอแท๊ ดี๊ เกม๊า โล้ล้าง ท อลู่งอแท๊ นอ, ลู่ง ที๊งล่างค่างพ้า ปางเล พ้าไท้ะ พี่ โอ ช้างชื้ง ไย้ทาง นอ เกม๊า โล้ เท่อ บี่อี้ง, ‘กแช่แยว้ พี่ แม้ ที่มื่งที่พ้ะ อีซลาเอง นอ, ม อางกีซยอง เว๊ ดี๊ ม ยู่แคว่ เว๊, ด้องซุ้ ดี๊ โพล้ง ลื่ง แกะ ยู่แคว่ อ แกะ น๊างมู๊ง นอ ล้อ’ အခန်းကိုကြည့်ပါ။ |
เยเรมี 31:10
43 ပူးပေါင်းရင်းမြစ်များ
ดี๊ ก ม ช๊างล้าง ทแม้ไน ลู่ง อ ซื๊งเว๊ อซุ้อแกล้, ดี๊ ก ม โซ๊งทาง โพล้ง ลู่ง อ ซื๊งเว๊ อ โป้ง พ้า, พี่ อ พลิ้ ซี๊ง นอ, ลี้ ลู่ง โพล้ง กุ้ชื้อกุ้ชะ อ โอ, เมะเว๊ ลี้ ลู่ง ทาราชิ้, พุ้ ดี๊ ลู, (โพล้ง พี่ อ ค้ะ คลีง ซี), ลี้ ลู่ง ทูบาง ดี๊ ยาวาง อ โอ, เลา ดี๊ ลี้ ลู่ง ที๊งล่างค่างพ้า ปางเล พ้าไท้ะ, พี่ อ ลี้ ไย้ ไว้ะ ลู่ง ทล่าง พี่ ล แน่ฌ๊า แบ ก เม้งลื้อแซท้อง-อ้า, แด แบ ก ทฆี๊งทแล้-อ้า ได้ะแบ นอ, ฌ้อง อ ซื๊งเว๊ ม โล้ล้าง กฆี๊งกแล้ ลู่ง โพล้งกุ้ชื้อกุ้ชะ อซุ้อแกล้ พ้า
เกม๊า น แม้ นี่ คูซู๊ง ล โทะ ลู่ง ซ๊าโทะ พ้า นอ, ลี้ เช้าไฆวะ-อ้ะ ลู่ง เว่ง อ คี่งแกล้ พ้า, ลู่ง มื่งนี้ง พี่ ท พ้องวะ ชิ้ทาง เย้า นอ, ดี๊ แม้นี่-อ้ะ ล โทะ เด้าะ ลู่ง ซ๊าโทะ พ้า นอ, กล้างเทะ-อ้ะ ดี๊ น้ะ ลี้ ช่องวีงวะ เว่ง, ดี๊ ล โทะ เด้าะ ลู่ง ซ๊าโทะ พ้า นอ, เกม๊า ทูแพล่ ลี้ ดี้ง ลีงแล่ โพะ ลี้ง อ ไค๊, ฌ้อง นอ ก ม ทึ้ทาง น้ะ ลี้ ช่อง เทว๊-อ้ะ
ကြော်ငြာတွေ