เยเรมี 30:14 - Northern Pwo Karen Thai Bible

¹⁴ โพล้ง พี่ น เอ-อ้ะ กุ้แฌ้ นอ, นี่ ซ้ะนางไฆวะ แน้ อ ซื๊งเว๊ ล แบซ้ะ แน้ ล้า แบ เมะเว๊ ก ท่าง แน้, ด้องซุ้ นดีงนแด้ อ ทพลีทท่าง เก ท แม้เตาแม้แต๊, ด้องซุ้ โพล้งดู้งโพล้งลู่ เว๊ เป๊งนี่ น ทไพ้ะทแม นอ ดู มะ ดี๊ น ทเด้บ้ะ นอ, แอฌี่งแอฌ้อง ล้อ

เยเรมี 30:14 ပူးပေါင်းရင်းမြစ်များ

โยบา 16:9

กแช่แยว้ ซย๊างยะ แย้ ดี๊ อ ทซ้ะทาง, ดี๊ แช๊เมะไฌ๊ซ้ะ แย้ กแช่แยว้ ไอตไก้ะ อ แซว๊ ดี๊ แย้ จ ดีง จ แด้ แคว่ฌี๊แคว่ฌู๊ แย้

โยบา 19:11

กแช่แยว้ อ ทซ้ะทาง ซยุ้ทาง แบ แย้ ดี๊ ทื่ง แย้ เก อดีงอแด้

โยบา 30:21

กแช่แยว้ แม้ดู้งแม้ลู่ เท่อ ดี๊ แย้ ล โค๊ เด้าะ กแช่แยว้ แม้น้ะแม้โน๊ง แย้ ดี๊ อ จูง, พี่ โอ ดี๊ อดู้งอยางอซยื๊งอซย้อง นอ ล้อ

ทอางปฆ้า 107:17

แบ ล น้างๆ, นอ, เก โพล้งเซ๊กูเฌ๊ฌ้อง, เป๊งนี่ ลู่ง อซื๊งเว๊ อ เกล้ ลือค๊างพะ เท่อ อกย้อง ดี๊ เป๊งนี่ ลู่ง อซื๊งเว๊ อ ทอ้าทซ๊าง อกย้อง นอ, อซื๊งเว๊ แบ โท่ง ทน้ะทโน๊ง

อีซยา 57:13

พี่ น กุ้ซย้ะ อางทาง เท่อ นอ, เกม๊า ทเค่งทฌ้าง พี่ น อางกีซยอง นี่ เว้-อ้ะ นอ, แม้ช้า แน้ เซ้อ แบเด้าะ ลี้ง ม อูงพลุ้ไฆวะ เว๊ เลาพะ ฆวี๊ ลี้ง แซทางแซล้าง นอ, อูงไฆวะ เว๊ เย้า แบเด้าะ โพล้ง โอ คุ้ซูง อ ซ้ะ ดี๊ เฆ้อ นอ, ม นี่ ยู่แคว่ ที๊งล่างค่างพ้า ดี๊ ม นี่แบ ก ทลู่ง พี่ อฌี้อแอว้, เก อคองอแซย้ ล้อ

เยเรมี 14:17

“เกม๊า น โล้ล้าง เอะ-อ้ะ ทไคล้ อี้ง บี่อี้ง ‘เกม๊า ก เมะคลี๊ง โอ ดี๊ เมะที๊ง, ล้างแยว้ ซ๊างแน้คล้อง, ดี๊ เซ๊งนี้งคล้อง เกม๊า โอโท๊ ล ฌี้ อไฌ่บี่อี้ง, กพูกลี้ง แบ ทแช๊ทคลี, ดี๊ พ้าล่างพ้าเกล้ พ้ะเล่ ดี๊ แบ ทพลีทท่าง น้ะ มะ ล้อ

เยเรมี 2:36

แบทเล้ น ไจพลุ้ฌ้ะเม้ง บี่นอ ลู่ง ท เปลง นเกล้นพ้า? อีไย้ะ ม แม้ ฌางแช้ฌางเด แน้ บี่ซุ้ดี๊ พี่ อะซีเรีย แม้ ฌางแช้ฌางเด แบ แน้ เย้า นอ

เยเรมี 22:20

“เกม๊า ลี้ทาง ลู่ง เลบาโนง, ดี๊ กุ้ซย้ะ เท่อ ดี๊ เกม๊า แม้ เซ๊ น ลู่ง, ลู่ง เว่ง บาชาง พ้า เกม๊า กุ้ซย้ะ ทาง นี่ เท่อ ลู่ง อาบารีง เมะเว๊ โพล้ง กุ้ แฌ้ พี่ นเอนกวี้ง-อ้ะ นอ, แบ ทแม้ เฌ๊ฌ้องไฆวะ เย้า

เยเรมี 22:22

ลี้ง ม ยู่แคว่ ทะ น เพล่ ลื่ง แกะ เลาพะ ดี๊ กเย่ โพล้ง พี่ น เอ-อ้ะ นอ, ม ลี้ เก ท อ ฆ่อง ฌ้อง น ม ฌางแช้ฌางเด เป๊งนี่ ลู่ง น ทอ้าทซ๊าง กุ้เม้ง อกย้อง ล้อ

เยเรมี 30:15

แบทเล้ น กุ้ซย้ะ เท่อ, ลู่ง น ทแช๊ อกย้อง ท พี่ อ แช๊ แน้ นอ, แม้ ก้องแย่ ล ก้องแย่ แบ เป๊งนี่ น ทไพ้ะทแม ดู มะ เป๊งนี่ น ทเด้บ้ะ แอ มะ ก นี่ แม้ เอะ แน้ ท ลแพ อี้ง

เยเรมี 32:29

โพล้ง เคลเดีย พี่ ดึ้ โละซ้ะ ดี๊ เว่ง อี้ง นอ, ม เฌ๊ โต้ทาง มี เช้าไฆวะ เว่ง อี้ง, เลา ดี๊ กเย่ เด้า พี่ อ เช้า ทน้าม๊า เทว๊ เอะ ท กโช้งกแช่ บาอาง ลู่ง เด้าคู, ดี๊ ลู๊งล้าง ทโอ้ลื่งทางเท่อ เทว๊ เอะ ท กโช้งกแช่ อ แฌ้แพ, บี่ซุ้ ไล๊ดุ้ เฆ้อ เกม๊า ก ซ้ะทาง

เยเรมี 32:30

เมะเว๊ อีซลาเอง อชื้ออชะ ดี๊ ยูดา อชื้ออชะ นอ, แม้ ที่ ทอ้าทซ๊าง ลู่ง ก เมะแซ พ้า, ลโค๊ลู่ง อ มืงน้าง พืงแซแคว๊ เละ เย้า, อีซลาเอง อชื้ออชะ นี่ ไล๊ดุ้ เฆ้อ, เกม๊า ก ซ้ะทาง ดี๊ อ จูงล่างคางคู”, กแช่ยาเว โล้ เว๊ บี่อี้ง ล้อ

เยเรมี 32:34

แบเด้าะ อ ซื๊งเว๊ นี่ ช๊างล้าง อ เท่อ, พี่ ล้าง ซ้ะลูซ้ะไล้ะ นอ, ลู่ง ก ล่างโอ พ้า, พี่ กุ้ เว๊ บี่ซุ้ดี๊ กเม้งกแซ นอ, ดึ้ เกม๊า โอ ดี๊ ทแบอ้า ล้อ

เยเรมี 32:35

อ ซื๊งเว๊ นี่ ไต้ทาง ทล่างซยื๊งซย้องพ้ะโท๊ ลู่ง ท กโช้งกแช่ บาอาง อ ฌ่าง, ลู่ง ทลู่ง เบงเฮงโนง คางไท้ะ บี่ซุ้ เทว๊ อ พูแคว๊ ดี๊ อ พูมืง เอะ ท กโช้งกแช่ โมเละ ทึเมะ ก ล นี่ อางแบเลา-อ้ะ-อ้า, ช๊องมอง เท่อ ลู่ง ก ซ้ะ พ้า-อ้า แบ บี่อี้ง, อ เว๊ เกิ้ง ม แม้ ท ล้าง แช๊เมะไฌ๊ซ้ะ อี้ง, พี่ ดึ้ เกม๊า ยูดา ทางไพ้ะ เด้บ้ะ”

เยเรมี 38:22

อี้งเซ้อ, กมืง กุ้แฌ้ พี่ ล้างลื๊อ โอก้ะ ลู่ง ยูดา อ กจุ้แฆว้ อ บลาง พ้า นอ, ม แบ ท ลี้ฌ้า เกม๊า เอะ กจุ้แฆว้ ลู่ง บาบีโลง อคูอแน่, ดี๊ อ ซื๊งเว๊ ม ไคล้ บี่อี้ง ‘ฌุ้พาง เท่งซ้ะ พี่ น อางกีล้าง ซ้ะ นอ, นี่ อางโล๊ไละ แน้ ดี๊ อน้าอฆ่าง แน้ เย้า พี่ น คาง ล้างจูง กไพะ พ้า นอ อ ซื๊งเว๊ ซีง ลแพ นอ, แกยไฆวะ อ ซ้ะ ดี๊ แน้ ล้อ’

เยเรมี 4:30

แน้, โพล้ง พี่ อ แบ ท ญ๊องไฆวะ โอโปล้ก้ะ-เอ้อ, น แม้ ทเม้งเล้? พี่ น ไต้ทาง น ซ้ะ โฌ้ จีลี ดี๊ พี่ น ไต้ฆี๊ง น ซ้ะ ดี๊ ฆ้า โฆ่ ท๊อง พี่ น แม้ เล่ทาง น เมะคลี๊ง ดี๊ ท เท้า ซี่ง เอ้อ, น ไต้ ฌี้ น ซ้ะ โปล้ๆ, ล้อ โพล้ง พี่ น เอ-อ้ะ นอ, ดึ้เดว แน้ อ ซื๊งเว๊ อางฆื๊ง แม้ ซี๊ง แน้

เยเรมี 44:22

กแช่ยาเว ม โอโก้ง น ทไพ้ะทแม้ พี่ ออ้าอซ๊าง, ดี๊ ท ล้าง ซ้ะลูซ้ะไล้ะ, พี่ น นี่ แม้-อ้ะ นอ, ท้อง ชู่ง แย๊ ได้ะ ล เก ล้า แบ, อกย้องบี่นอ, น ค่าง เกทางก้ะ ทล่าง ญ๊องไฆวะ ทางกย้ะ, ดี๊ เก ทล่าง โอโปล้ก้ะ, ดี๊ เก ทชูอ้า, โพล้ง ล โอ เปิ่งโอเปิ่งช๊อง เว๊ น่างแฌ้ แบ, ด้องซุ้ กุ้ มื่งนี้ง อี้ง ล้อ

เยเรมี 5:5

จ ม ลี้ฌูง โพล้งเม้งโพล้งแซย่ ลแพ นอ ดี๊ ม ไคล้ ดี๊ อ ซื๊งเว๊ เมะเว๊ อ เว๊ ซีงแฌ๊ กแช่ยาเว อ เกล้ ดี๊ ซีงแฌ๊ อ กแช่แยว้ อ ทซองทซ๊าง” แบเด้าะ อ ซื๊งเว๊ กุ้แฌ้ นอ, บุ้แค่ไฆวะ แอะ เฆาะ อ เว๊ แม้ เฌ๊ฌ้อง ไฆวะ พลี้งท้ะ

เยเรมี 5:6

อกย้องบี่นอ, คี๊ยื่ง ลู่ง ทเคแกล้ ม เฌ๊ แม้ซี๊ง-อ้ะ ทวีงเม้ง ลู่ง ทแด้คู ซู๊งไฆ๊ ม แม้ เฌ๊ฌ้อง-อ้ะ ซู๊งโพย่ โอคุ้ทะ อ เว่ง ลแพ นอ กุ้แฌ้ พี่ ไจแดไฆวะ เว่ง ลแพ นอ, ม แบ ท ซย๊างยะ ล ไก้ๆ เป๊งนี่ อ ท ลือค๊างพะ นอ แอ น้ะ อ ท ลโต้ลล้อง แบ นอ, อดูอโท๊ น้ะมะ ล้อ

เยเรมี 50:42

อ ซื๊งเว๊ พอง คลีง บ้อง ดี๊ พ้าง อ เว๊ ดู้งลู่ ดี๊ ท ย๊างซ้ะ ล โอ แบ อ เว๊ อ ลู่ง นอ, บี่ซุ้ดี๊ ปางเล อ ลู่ง เซ๊ อ ซื๊งเว๊ เทา กซี โอ ล เทวๆ, ด้องซุ้ โพล้ง นึ ดึ้ซึ้ ดึ้ แน้ ล้อ, เฌงพูฆ๊างพู ลู่ง บาบีโลง-เอ้อ

เยเรมี 6:23

อ ซื๊งเว๊ ลแพ นอ, พอง ทาง คลีงบ้อง ดี๊ พ้าง อ เว๊ ดู้ง ลู่, ล โอ ดี๊ ท ย๊างซ้ะ แบ อ ลู่ง นอ, เซ๊ บี่ซุ้ดี๊ ปางเล จึ้ไท้ะ อ ซ้ะ เซ๊ อ ซื๊งเว๊ เทา กซี ดี๊ แด้เว้ อ ซ้ะ เมาน่าง, บี่ซุ้ดี๊ กแคว๊ นึฆ้าง ดึ้ซึ้ พูมืง ซีโยง-เอ้อ, อ ซื๊งเว๊ เฌ๊ ดึ้ แน้ ล้อ”

ท​ฌางล้างย้าล้าง 1:19

“จ นี่ กุ้ซย้ะ กเย่ โพล้ง พี่ จ เอ-อ้ะ แบเด้าะ อ ซื๊งเว๊ ลแพ นอ, นี่ อางโล๊ไละ แย้ จ โพล้งลื่งเท่ออคู ซีง ลแพ, ดี๊ จ โพล้งเม้งโพล้งแซย่ นอ ซี๊ง ลู่ง เว่ง อ ซ้ะคี่ง พ้า พี่ อ ลี้ อางฆื๊ง ทอาง บี่ซุ้ ม โอม๊า เว๊

ท​ฌางล้างย้าล้าง 1:2

อ เว๊ ฌางซย้ะ ดี๊ ท ซ้ะ เฌ๊ฌ้อง น้ะ ลู่ง มแน้แค๊ ดี๊ เมะที๊งล้าง แบโจ บุ้แพ้ โพล้ง พี่ เอ-อ้ะ อซุ้อแกล้ พ้า นอ ล โอ อางเลว๊-อ้ะ น่างแฌ้ แบ อ ฌุ้พาง กุ้แฌ้ กไบล้ะกแบล ดี๊-อ้ะ อ ซื๊งเว๊ เกทางก้ะ อดีงอแด้ ล้อ

ท​ฌางล้างย้าล้าง 2:1

เฆว๊, ลู่ง ท ซ้ะทาง พ้ะดู อกย้อง นอ ทอดูทึโท๊ทึกแช่, ดึ้ เกม๊า พูมืง ลู่ง ซีโยง ฌางแช้ฌางเด กแช่แยว้ ไพละพลู๊ไฆวะ อีซลาเอง อฆี๊งอแล้ เกม๊า ล้างเทะ นี่ ลู่ง มุ้คู ท้อง ฌางคู กแช่แยว้ ล นางแบทางไท้ อ คางไย่ล่าง ลู่ง ท ซ้ะทาง พ้ะดู อ มื่งนี้ง พ้า แบ

เอเซเคียง 23:22

“อกย้องบี่นอ, โอโฮลีบา-เอ้อ, ทอดูทึโท๊ทึกแช่ยาเว ไจ้ะเว๊ บี่อี้ง, แคว่เซ้อ, ก ม ดึ้ เกม๊า โพล้ง พี่ นเอนกวี้ง-อ้ะ, พี่ น ไจพ้ะแดไฆวะ-อ้ะ เย้า นอ, เกม๊า อ เฌ๊ ดึ้ โละซ้ะ ดี๊ แน้, ดี๊ ก ม เฌ๊ฌ้า-อ้ะ เฌ๊ ดึ้ โละซ้ะ ดี๊ แน้ กุ้ แพ้ ล้อ

เอเซเคียง 23:9

อกย้องบี่นอ, ก อางกีล้าง-อ้ะ, เกม๊า อ โอ ลู่ง โพล้ง พี่ อ เอเว๊กวี้งเว๊ นอ อ จูง พ้า, เมะเว๊ อะซีเรีย อ จูง พ้า, พี่ อ เว๊ อ เซิงไต้ะซ้ะไต้ะ นอ

ดานีเอง 9:11

อีซลาเอง น๊าง ชื้อ นี่ แม้ไพ้ะ แบ กแช่แยว้ อ ทอางแม้เลา, ดี๊ นี่ วีงแซยไฆวะ ซ้ะ, ล ชู่ง กแช่แยว้ แบ, ทบี่นอ, ทชูอ้า ดี๊ ทอืงล้าง พี่ กวิ้ล้าง เว๊ ลู่ง กแช่แยว้ อ เพล่ โมเซ อ ทอางแม้เลา พ้า นอ, แบ ท ลู๊งล้าง ดุ้ เฆ้อ ลแพ อี้ง, เป๊งนี่ ก ซื๊งเว๊ ซีง ลแพ แม้ ทเด้บ้ะ แบ กแช่แยว้ ล้อ

ดานีเอง 9:13

ด้องซุ้ พี่ กวิ้ล้าง เว๊ ลู่ง โมเซ อ ทอางแม้เลา พ้า นอ เย้า, ท เซงทื่งเฌ๊ฌ้อง กุ้เม้ง นอ, อ ล้าง แบ ก ซื๊งเว๊ ลแพ อี้ง เย้า, แบเด้าะ ก ซื๊งเว๊ ก ล นี่ อางโฆอางแย๊ เท่อ, อางท่าง นี่ ทย๊างซ้ะ ดี๊ กแช่ยาเว ก กแช่แยว้, ลู่ง ท แกยไฆวะ ซ้ะ ดี๊ ก ทไพ้ะทแม-อ้า, ควี๊งคูแกยแน่ ดี๊ กแช่แยว้ อ ทเมะทโต้ นอ-อ้า ได้ะ แบ

ดานีเอง 9:5

ก ซื๊งเว๊ ซีง ลแพ ก นี่ แม้ ทเด้บ้ะ, ดี๊ นี่ แม้ไพ้ะ แบ เท่อ, นี่ แม้ทาง ทอ้าทซ๊าง ดี๊ ท กไบล้ะกแบล, นี่ แกยไฆวะ ซ้ะ ดี๊ กแช่แยว้ อ ทซองทซ๊าง ดี๊ ทอางกีล้าง

โฮเชยา 2:5

เมะเว๊ อ ซื๊งเว๊ อ มู่ โละกวี้ เอโบ้ง เท่อ มู่ พี่ กึทาง นี่ อ ซื๊งเว๊ ลแพ นอ, นี่ แม้ ท ฌางแช้ฌางเด เมะเว๊ อ ไคล้ บี่อี้ง, ‘จ ม ลี้โพะ โพล้ง พี่ จ เอ-อ้ะ อ ไค๊ โพล้ง พี่ เกล๊าง เอะ แย้ ทอาง ดี๊ ที๊ง แกะ อ ชอง ดี๊ ลูง ไว้ะไก้, เลา ดี๊ ทซู ดี๊ ทโอ้’

โฮเชยา 5:14

เมะเว๊ ก ม เก บี่ซุ้ดี๊ คี๊ยื่ง ลู่ง เอฟาอีง อ ฌ่าง ดี๊ เก บี่ซุ้ดี๊ คี๊ยื่ง แพ๊ ลู่ง ยูดา อชื้ออชะ อ ฌ่าง เฆ้อ, เมะเว๊ เฆ้อ อี้ง ล้อ, ก ม ซย๊างยะ ฌ้อง นอ ไจไวะ ก ม ไท้ ทวี่งเละ-อ้ะ, ดี๊ โพล้ง ม แม้ช้า เว๊ ล ซี น่างแฌ้ แบ

โอบาดี 1:7

ฌุ้พาง กุ้แฌ้ พี่ ชูล้าง ซกุ้ อ ซ้ะ ดี๊ แน้ นอ, นี่ โล๊ไละล้าง แน้ อ ซื๊งเว๊ โฌ๊ไจ แน้ ลี้ ท้อง ค่างช๊า กเย่ น ซกุ้มู๊งโฌ่ นอ, ดึ้ซึ้ น้า แน้ เย้า โพล้ง พี่ อ อาง น ทอาง นอ, อางกีล้าง ทดุ้ทเช ม ดุ้ แน้ ท ล ไฌ่ อี้ง, โพล้ง ล โอ ซีงแฌ๊ น่างแฌ้ แบ เฆาะ