เยเรมี 3:24 - Northern Pwo Karen Thai Bible

²⁴ “แบเด้าะ ท ล้าง ฌางแช้ นอ, นี่ ไอ อาง ทกุ้เม้ง พี่ ก พี๊งชู้พู๊งชู้ ลู่ง แย๊ อู้ง, นี่ เจ่ไฌ่เจ้แบ้ แม้ เว๊, ล โค๊ ลู่ง ก เก พืงแซ น่างบางซ้ะบาง แค๊ ได้ะ, เมะเว๊ แกะ น๊างมู๊ง, งู้ น๊างมู๊ง, กเย่ อ ซื๊งเว๊ อ พูแคว๊, ดี๊ อ พูมืง

เยเรมี 3:24 ပူးပေါင်းရင်းမြစ်များ

เยเรมี 11:13

ยูดา-เอ้อ, น ท กโช้งกแช่ ลแพ นอ, โอ แอ ฆวี๊ซุ้ดี๊ น เว่ง ลแพ นอ ล้อ, ดี๊ กเย่ เมะ เกล้ ลู่ง เว่ง เยรูซเลง พ้า นอ, น ช๊างล้าง ทลื่งทาง อ ล่าง, เทว๊ ท พี่ อ ล้าง ฌางแช้, เมะเว๊ ทลื่งทาง อ ล่าง ลู่ง ท เช้า ทน๊าม๊า, เทว๊ เอะ ท กโช้งกแช่ บาอาง อ ฌ่าง

เยเรมี 22:21

ก นี่ ไคล้ ดี๊ แน้, พี่ น โอซยืงโอบ้ะ อ แค๊ แบเด้าะ น ไจ้ะ บี่อี้ง, ‘ก ล คุ้ช๊องแน แบ’ อ อี้ง เก น ท อเค้อะอต้าง, ล โค๊ ลู่ง น น่างบางซ้ะบาง แค๊ ได้ะ เมะเว๊ น ล คุ้ช๊องแน ก ลู่ง แบ

เยเรมี 44:7

ดี๊ ค๊องเนงอี้ง กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, แม้ทเล้ น ซื๊ง แม้อ้าแม้ซ๊าง ล้าง น ซ้ะ บี่อี้ง, ดี๊ แม้ไฆวะ กแคว๊, กมืง, เลา ดี๊ พืงแซ โอซ๊าง, ดี๊ พืงแซ ลู่ง ยูดา อซุ้อแกล้ พ้า, ท๊อง โพล้ง ล โอ ล้างลื๊อ เอะ แน้ น่างแฌ้ ล้า แบ

เยเรมี 8:16

“อ กซี อ ลู่ง กุ้ซย้ะ อ โคะ นอ, แน่ฌ๊า-อ้ะ เฌ๊นี่ ลู่ง เว่ง ดาง กเย่ ค่าง เลาพะ นอ, ว้ะ เทาทื้ง ดี๊ อ กซี ลแพ นอ, อ ลู่ง กุ้ซย้ะ โคะ อ ซื๊งเว๊ เฌ๊ อาง ค่าง, ดี๊ ท กุ้เม้ง พี่ โอ ค่าง คู นอ, ท้อง อ เลา ล้อ เลา ดี๊ เว่ง, ดี๊ โพล้ง พี่ เปิ่งโอเปิ่งช๊อง เว่ง พ้า นอ

เยเรมี 9:18

เกม๊า อ ซื๊งเว๊ ปชื่ง แม้ เซ๊ อ ลู่ง ฌางล้างย้าล้าง ลู่ง เฆ้อ ซีง ลแพ อ ฌ่าง บี่ซุ้ เมะที๊ง ม แยว้ล้าง นี่ ลู่ง ก เมะคลี๊ง ดี๊ ก เมะไพ้ะ, ม โอ ดี๊ เมะที๊ง แยว้ล้าง

เอเซเคียง 16:19

เมะ ทอาง พี่ ก เกม๊า น อางกี อาง-อ้ะ, เมะเว๊ ฌื๊งไน้ะ ลู่ง อ ฌี้, ทซู ดี๊ นี๊จ้าง นอ, น แม้นี่ เฌ๊ อางกีล้าง ลู่ง อ เมะแซ พ้า, เกม๊า อ เก ท กลื่ง น๊าม๊า พี่ แบ อ ซ้ะ, ดี๊ ทแม้ อ ซ้ะ บี่ นอ, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 16:20

แอเละ อ นอ ได้ะ, น ลี้ฌ้า น พูแคว๊ ดี๊ น พูมืง, พี่ น กึทาง เอะ เฆ้อ นอ, ลี้ เทว๊ เอะ ทฌ้าง ลแพ นอ, บี่ซุ้ เกม๊า อ เช้า เฌ๊ฌ้อง เว๊, น ท โละกวี้ เอโบ้ง เท่อ นอ, เก ท ลปี๊ลคี่ ได้ะ ล้อ-อ้า?

เอเซเคียง 16:61

ฌ้อง น ม นางแบทางไท้ น ท โอม๊า อ เกล้, ดี๊ โอ ดี๊ ท ฌางแช้, พี่ น ฮะนี่ น น่าง, ดี๊ น พืงมืง นอ, ดี๊ ก อางกีล้าง อ ซื๊งเว๊ เกม๊า อ เก น พูมืง, แบเด้าะ ล เมะ บี่ซุ้ดี๊ ทเอิ้งล้าง พี่ ก แม้ ดี๊ แน้ นอ แบ

เอเซเคียง 16:63

บี่ซุ้ น ม นางแบ-อ้ะ, ดี๊ โอ ดี๊ ท ฌางแช้, น ม อ้างทาง นุ้ ไคล้ ล้า แบ, เป๊งนี่ ฌางแช้เมะฌางแช้แน๊, พี่ ก เท้าไฆวะ ทแบอ้า ลู่ง ท กุ้เม้ง พ้า, พี่ น นี่ แม้ แบ-อ้ะ เย้า นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

โฮเชยา 10:6

เอ้อ, ทเค่งทฌ้าง นอ ฌี้, ม แบ ท ลี้โชะ ลู่ง อะซีเรีย เก ท แบ เกล๊าง เอะ กจุ้แฆว้ พี่ อ ดู ทึ เอฟาอีง ม นี่ แบ ท ล้างไช้ะล้างย่อง อีซลาเอง ม ซีงแฌ๊ ฌางแช้ฌางเด, ลู่ง อ ท ช๊องมองเว้ทแม้ อ กย้อง

โฮเชยา 2:8

แบเด้าะ อ เว๊ ล ซีงแฌ๊ แบ พี่ ก เก โพล้ง เกล๊าง เอะ-อ้ะ บืง ไซ้ะ ซไบ้ะแซ ที๊ง ดี๊ ทซู ดี๊ นี่ เกล๊าง เอะ-อ้ะ จี้ ดี๊ ท๊อง แอฌี่งแอฌ้อง พี่ อ เจ่ เว๊ ลู่ง ท กโช้งกแช่ บาอาง อ ฌ่าง

โฮเชยา 9:10

ก แด อีซลาเอง บี่ซุ้ดี๊ แด ซไบ้ะแซ ลู่ง แพะคูทเคแกล้ พ้า ก แด น ซื๊ง พี๊งชู้พู๊งชู้ ลู่ง แย๊ อู้ง บี่ซุ้ดี๊ แด กูงเย้ แซ อ ต้องคู ล ว๊าง ลู่ง อ มื่งเทิง ล้อง พี่ ลพ๊าแย๊ แซทาง อ ต้องคู ล ว๊าง นอ แบเด้าะ อ เว๊ เฌ๊ฌูง ท กโช้งกแช่ บาอางเปโอ ดี๊ เทว๊ล้าง อ ซ้ะ เอะ ท พี่ อ ล้างไช้ะล้างย่อง นอ ดี๊ เกทางก้ะ ท ล้าง ซ้ะลูซ้ะไล้ะ ด้องซุ้ ท พี่ อ เอ เว๊ นอ