เยเรมี 26:3 - Northern Pwo Karen Thai Bible

³ แบซีงลู่ง อ ซื๊งเว๊ ม คุ้ช๊องแน เว๊, ดี๊ กุ้แฌ้ ม แกยไฆวะไท้ อ ซ้ะ ดี๊ อ เกล้อ้าเกล้ซ๊าง, ดี๊ ก ม เปลงไท้ ก ซ้ะ ล แม้ ทอ้าทซ๊าง, พี่ ก อางกีล้าง ซ้ะ ม แม้ เอะ อ ซื๊งเว๊, ลู่ง อ ท แม้อ้าแม้ซ๊าง อกย้อง นอ แบ

เยเรมี 26:3 ပူးပေါင်းရင်းမြစ်များ

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

1​กจุ้แฆว้ 21:29

“น แด อาฮะ ชางล้าง อ ซ้ะ ลู่ง จ เมะแซ พ้า เย้า-อ้า?, พี่ อ เว๊ ชางล้าง ซ้ะ ลู่ง จ เมะแซ พ้า อ กย้อง นอ, จ ล เกม๊า ทอ้าทซ๊าง เฌ๊ แบ-อ้ะ ลู่ง อ เว๊ อ ชู้ แค๊ อี้ง ได้ะ แบ, แบเด้าะ จ ม เกม๊า ทอ้าทซ๊าง เฌ๊ แบ อชื้ออชะ ลู่ง อ พู อ ชู้ แค๊ โฆะ”

เยเรมี 26:13

อกย้องบี่นอ, ค๊องเนงอี้ง น ซื๊งเว๊ ซีง ลแพ, น แบ แม้ฌี้แม้แบ ไท้ น เกล้ ดี๊ น ทไพ้ะทแม้, ดี๊ ชู่ง กแช่ยาเว น กแช่แยว้ อ ลู่ง, ดี๊ กแช่ยาเว ม เปลงไท้ อ ซ้ะ ดี๊ ท กึทาง อ ซ้ะ ลู่ง ออ้าอซ๊าง, พี่ กแช่แยว้ นี่ อางกีล้าง เว้ เอะ แน้ นอ

เยเรมี 26:19

ยูดา อ กจุ้แฆว้ เฮเซคียา, ดี๊ โพล้ง ยูดา เลาพะ นอ, นี่ แม้ซี๊ง ไฆวะ-อ้ะ โบ่?, อ เว๊ ดู้งแบยางแบ กแช่ยาเว, ดี๊ อางท่าง อางโฆอางแย๊ กแช่ยาเว, ดี๊ กแช่ยาเว นี่ เปลงไท้ อ ซ้ะ ดี๊ ทอ้าทซ๊าง, พี่ กแช่แยว้ อางกีล้าง เว้ เอะ อ ซื๊งเว๊ ลแพ นอ, ล เมะแบ-อ้า?, แบเด้าะ ก ดึ้ เกม๊า ทอ้าทซ๊าง พ้ะดู เฌ๊ แบ ก กแช่ แด เว๊ ล้อ”

เยเรมี 36:3

แบซีงลู่ง โพล้ง ยูดา ม แน่ฌ๊า แบ ทอ้าทซ๊าง กุ้เม้ง, พี่ ก ช๊องมอง ม แม้ เอะ อ ซื๊งเว๊ นอ, บี่ซุ้ กุ้แฌ้ ม วีงแซยไฆวะ อ ซ้ะ ดี๊ อ เกล้อ้าเกล้ซ๊าง, ฌ้อง ก ม นี่ แพล่ไฆวะ อ ทไพ้ะทแม ดี๊ อ ทเด้เทาเด้บ้ะ ล้อ”

เยเรมี 36:7

แบซีงลู่ง อ ท อางโฆอางแย๊ นอ, ม เฌ๊ ท้อง กแช่ยาเว, ดี๊ กุ้แฌ้ ม วีงแซยไฆวะ อ ซ้ะ ดี๊ อ เกล้อ้าเกล้ซ๊าง, อไฌ่บี่อี้ง, ท เอ้งไน๊ ดี๊ ท ซ้ะทาง พ้ะดู, พี่ กแช่ยาเว โล้ล้าง เว๊ เกเตาเกแต๊ ล้างแบ โพล้ง ล ชื้อ อี้ง นอ, ดู น้ะ มะ ล้อ”

เอเซเคียง 12:3

อกย้องบี่นอ, กโพล้ง อ พู-เอ้อ, เกม๊า แด้เว้ ทฆ้าทโฆ่ เก ท อ ฆ่อง ลู่ง กแช่ อ ฌ่าง พ้า, ดี๊ เกม๊า ลี้ เก ท อ ฆ่อง ลู่ง มแช๊แค๊, ลู่ง อ ซื๊งเว๊ ซีง ลแพ อ เมะแซ พ้า, น ม แบ ไจแดไฆวะ น ทล่างทเกล้ ลี้ เก ท อ ฆ่อง ลู่ง ทล่าง ล จอง แด ได้ะ, ลู่ง อ ซื๊งเว๊ ลแพ นอ อ เมะแซ พ้า, แบซีงลู่ง อ ซื๊งเว๊ ม แน เว๊ ซี, ทึเมะ อ เว๊ เก ชื้อชะ พี่ อ เฌา กไบล้ะ ฌี้ นอ

เอเซเคียง 18:21

“แบเด้าะ โพล้งอ้าโพล้งซ๊าง แฌ้ฌี้ๆ, เมะ แกยไฆวะ อ ซ้ะ ดี๊ ทเด้บ้ะ กุ้เม้ง, พี่ อ นี่ แม้ แบ เว๊, ดี๊ แฌแซกต้าง ก ท อเค้อะอต้าง กุ้เม้ง, เลา ดี๊ แม้ ท อเกิ้งอแบ ดี๊ แม้ ทฌี้ทแอว้ นอ, อ เว๊ ม โอม๊า เต้ๆ, ล้อ, อ เว๊ ม ล ซี๊ง แบ

โฮเชยา 11:9

ก ล แม้ ชิ้เทา เท่อ ดี๊ ท ซ้ะทาง พ้ะดู แบ ก ล แม้เฌ๊ฌ้อง เอฟาอีง ล้า แบ เมะเว๊ ก เก กแช่แยว้, ล เมะ กโพล้ง แบ ก เก โพล้ง เช๊งเกล้ง ลู่ง น ซื๊ง อซุ้อแกล้ ก ล เฌ๊ ดี๊ ท ซ้ะทาง แบ

โยเอง 2:14

โพล้งเล้ ม ซีงแฌ๊ เว๊ ซี, แบซีงลู่ง กแช่แยว้ เฌ๊ไท้, ดี๊ เปลงไท้ อ ซ้ะ เลา ดี๊ อางกี ล้างลื๊อ ทชูฌี้ ลู่ง ล่างไค๊ เมะเว๊ เกม๊า โอ ดี๊ ทเทว๊ทซูงทแซลื่งทางเท่อ, ดี๊ ทโอ้ลื่งทางเท่อ เทว๊ เอะ กแช่ยาเว น กแช่แยว้ ล้อ

โยนา 4:2

โยนา ชูแพอางท่าง เท่อ ดี๊ กแช่ยาเว ไจ้ะเว๊, “จ กแช่ยาเว-เอ้อ, พี่ จ โอ ลู่ง จ ที๊งล่างค่างพ้า ได้ะ นอ, จ ไคล้ บี่อี้ง เย้า, ม แม้ อ ซ้ะ บี่อี้ง ล เมะ แบ-อ้า?, อ อี้ง เก อไฌ่อกย้อง เกม๊า จ ปชื่ง ไจคุ้ซูง ลี้ ลู่ง เว่ง ทาราชิ้, เป๊งนี่ จ ซีงแฌ๊ บี่อี้ง, กแช่แยว้ เก กแช่แยว้, พี่ โอล๊าโอฆวี้ ดี๊ ทบลึ้ทบลาง, ดี๊ ทย๊างซ้ะ, ซ้ะทาง โกย้, ดี๊ โอล๊าโอฆวี้ ดี๊ ทเอทกวี้ง ลู่ง อเฌิ่งอค๊า ดี๊ เปลงไท้ ซ้ะ ล แม้เตาแม้แต๊ เท่อ แบ