เยเรมี 25:34 - Northern Pwo Karen Thai Bible

³⁴ โพล้ง ลื่ง แกะ ลแพ ซีง-เอ้อ, เกม๊า ฌางล้างย้าล้าง ดี๊ กุ้ซย้ะ แดเทา โพล้ง เก แกะ อ กแช่-เอ้อ, เกม๊า เลว๊ น ซ้ะ พี๊แคล พ้า เมะเว๊ มื่งนี้ง อช๊าอโท่ ลู่ง ท แม้ซี๊ง แน้, ดี๊ มื่งนี้ง อช๊าอโท่ พี่ น แบ ที่มื่งที่พ้ะ นอ, เฌ๊ท้อง เย้า ดี๊ น ซื๊งเว๊ ซีง ลแพ, ม ล้างเทะเค้า บี่ซุ้ดี๊ ทพ้าทล่าง พี่ อ ลื่งดูฆวี้ดู

เยเรมี 25:34 ပူးပေါင်းရင်းမြစ်များ

2ทกวิ้ไน 36:10

ท่อง อ ท้อง ทคู่ แค๊ นอ, กจุ้แฆว้ เนบูคาเนซา เจ่ทาง โพล้ง เกม๊า เฌ๊ฌ้า เยโฮยาคี ลู่ง บาบีโลง พ้า เฌ๊ โชะ ดี๊ กแช่ยาเวอล่างโอ อ ทฆ้าทโฆ่ พี่ อ ลื่งดูฆวี้แค้ นอ, ดี๊ ต๊างทาง อ ตแคว๊ เก กจุ้แฆว้ โพะคอง ยูดา ดี๊ เว่ง เยรูซเลง

ทอางปฆ้า 2:9

น ม ท่าง อซื๊งเว๊, เกม๊า อ เท้พ้ะไฆวะ ดี๊ นางทุ้บ้อง ท้ะ ดี๊ เป้-อ้ะ, เกม๊า อ ล้างบลิ้ ล ไก้ๆ, ด้องซุ้ ซแล้ ไต้พ้า อ ทพ้า ทล่าง”

อีซยา 10:12

ท่อง ทอดูทึโท๊ทึ กแช่ แม้ อ ทไพ้ะทแม้ เลาพะ, ลู่ง ทลู่ง ซีโยง ดี๊ ลู่ง เยรูซเลง ฌ้องทางเกทาง เย้า นอ, กแช่แยว้ ม แม้เตา แม้แต๊ ท อางปฆ้า, เฌ๊นี่ ลู่ง อะซีเรีย อ กจุ้แฆว้ อ เซิงพ้าซ้ะพ้า ทื่งดูล้าง ซ้ะ, ดี๊ ท ชีอูพู๊ ล้าง ซ้ะ ลู่ง อ เมะคลี้ง แคว่แช้แคว่เด เท่อ

อีซยา 2:16

พี่ ม ดึ้ โละซ้ะ ดี๊ ทาราชิ้ อ คลี๊ง พ้ะดู เลาพะ ดี๊ คลี๊ง ฌี้ กุ้ บ้อง

อีซยา 30:14

อ ม ล้างฆ่อง บี่ซุ้ดี๊ ซแล้ ไต้พ้า, อ ทพ้าทล่าง พี่ อ เฌ๊ฌ้อง ไฆวะ พี่ แบ ท ท่างพ้ะ ด้องซุ้ ล ย๊างซ้ะ เท่อ แบ พี่ ล แด ทพ้าทล่าง นอ อไก้อโค๊ แบ เมาะ ม เจ เบลิงไฆวะ มี ลู่ง มีอ้า อ ล่าง ฌ๊างไท้ะ-อ้า เจ่ เบลิงไฆวะ ที๊ง ลู่ง อ โบ้ อางกี ที๊ง-อ้า นอ แบ”

อีซยา 33:1

ท เซงทื่งเฌ๊ฌ้อง แบ แน้, พี่ แม้เฌ๊ฌ้อง เท่อ ดี๊ น กแช่ ล แบ ท แม้เฌ๊ฌ้อง แบ ท เซงทื่งเฌ๊ฌ้อง แบ แน้, โพล้ง กไบล้ะ กแบล ดี๊ โพล้ง กไบล้ะกแบล ดี๊ แน้ ล โอ น่างแฌ้ แบ พี่ น โอโท๊ไฆวะ ดี๊ ท แม้เฌ๊ฌ้อง นอ น ม แบ ท แม้เฌ๊ฌ้อง ดี๊ ท่อง น โอโท๊ไฆวะ ทแม้ กไบล้ะกแบล นอ อ ซื๊งเว๊ ซีง ลแพ ม กไบล้ะกแบล ดี๊ แน้

อีซยา 34:6

กแช่แยว้ อ น้ะ แบโจ ดี๊ ทซวีง แบอ้า ดี๊ ท อซูอไย้ ดี๊ แกะพู อ ซวีง, ดี๊ แมะ แพ๊ อ ซวีง ดี๊ แกะ แพ๊ อ ลี่ อซูอไย้ เมะเว๊ กแช่ยาเว โอ ดี๊ ท แม้ซี๊ง ลื่งทาง เท่อ ลู่ง เว่ง โบรา พ้า โอ ดี๊ ทแม้ซี๊ง พ้ะดู ลู่ง ค่าง เอโดง พ้า

อีซยา 34:7

ทดู โฌ้ ม ล้างเทะเค้า ล พ๊าฆ่าง ดี๊ อ ซื๊งเว๊ ดี๊ งู้ บาง ล พ๊าฆ่าง ดี๊ งู้ แพ๊ พี่ อชองอไคล๊ อ ซื๊งเว๊ อ ที๊งล่างค่างพ้า ม โอฆวี้ ดี๊ ทซวีง ดี๊ ฌางคู ม แบโจ ดี๊ ท อซูอไย้

เยเรมี 18:22

อวีงซ้ะชู้, เกม๊า แน่ฌ๊า โพล้ง อ ลู่ง กุ้ซย้ะ เท่อ, เฌ๊นี่ ลู่ง อ ซื๊งเว๊ อ เด้าคูล่างพ้า พี่ กแช่แยว้ เฌ๊ฌ้า โพล้ง ซรอง เท่อ, เฌ๊ ตมละ-อ้ะ ล ทีงฆ่าง นอ เป๊งนี่ อ เว๊ เคิง เว้ ทพ้า ดุ้ล้าง แย้ ดี๊ อางกีล้าง พลี้งกวอง บล้ะ จ คาง

เยเรมี 22:28

โคนียา กแคว๊ ล แฌ้ อี้ง, เก พ้า พี่ อ แบ ท ดึ้เดว, ดี๊ เท้พ้ะ โบ่? เก ทพ้าทล่าง พี่ ล แบโพล้ง อ ซ้ะ น่างแฌ้ แบ โบ่? แบทเล้ อ กแช่, ดี๊ อ พู นอ, แบ ท เว่งว๊าง, ดี๊ แบ ท ไควะ ฆ้าง ลู่ง ที๊งล่างค่างพ้า, พี่ อ ซื๊งเว๊ ซีง ลแพ, ล ซีงแฌ๊ เว๊ แบ นอ?

เยเรมี 23:1

กแช่ยาเว ไจ้ะเว๊, “ทเซงทื่งเฌ๊ฌ้อง แบ โพล้ง ลื่ง แกะ, โพล้ง แม้ เฌ๊ฌ้อง เท่อ, ดี๊ แม้ ที่มื่งที่พ้ะ แกะ ลู่ง ก นาง ล่าง พ้ะเล่ พ้า”

เยเรมี 25:12

กแช่ยาเว ไจ้ะเว๊, ‘ท่อง อ ชิ้ ทาง อ เนง เนว๊ ชี๊ง เย้า นอ, ก ม แม้เตาแม้แต๊ กจุ้แฆว้ บาบีโลง, ดี๊ อ เฌงพูฆ๊างพู นอ, เมะเว๊ โพล้ง เคลเดีย อที๊งอค่าง, ลู่ง อ ซื๊งเว๊ ซีง ลแพ อ ทเด้เทาเด้บ้ะ อกย้อง, ก ม ดึ้ เกม๊า ที๊งล่างค่างพ้า นอ, แบ ท ญ๊องไฆวะ ล้างชู้ล้างแกย ล้อ

เยเรมี 25:23

เว่ง เดดาง, เทมา, บุ้, ดี๊ กเย่ โพล้ง พี่ โล้งไฆวะ คูซู๊ง ลู่ง แน่เก้งไท้ะ

เยเรมี 25:36

เกม๊า คุ้ช๊องแน โพล้ง ลื่ง แกะ อ ลู่ง กุ้ซย้ะ เท่อ ดี๊ แกะ น๊างมู๊ง อ กแช่ อ ลู่ง ฌางล้างย้าล้าง เมะเว๊ กแช่ยาเว แม้ เฌ๊ฌ้องไฆวะ อ ซื๊งเว๊ อ นาง ล่าง พ้ะเล่

เยเรมี 27:7

โพล้ง กุ้ที๊งกุ้ค่าง, ม แบ แม้ เอะ อ เว๊ อ เท่อ, แม้ เอะ อ พู อ ลี้ง อ เท่อ, ท๊อง ท อางกีล้าง อช๊าอโท่ ลู่ง อที๊งอค่าง แด เว๊, ม เฌ๊ท้อง, ฌ้อง โพล้ง ตบลึ้ ชื้อ, ดี๊ กเย่ กจุ้แฆว้ นอ, ม ดึ้ เกม๊า อ ซื๊งเว๊ ล้าง แบ เก อ ฆ่อง

เยเรมี 3:19

ก ช๊องมอง บี่อี้ง ก ม ต๊างทาง แน้ ลู่ง ก พู ลแพ อี้ง อซุ้อแกล้ พ้า, บี่จะเล้ ม ฌี้ ดี๊ เกม๊า เอะ แน้ ค่าง พี่ ล้าง แบซ้ะ-อ้ะ เก คองแซย้ พี่ อ ฌี้ ทึ ลู่ง โพล้ง กุ้ชื้อกุ้ชะ พ้า ดี๊ ก ช๊องมอง เว๊ บี่อี้ง, น ม กุ้ เฆ้อ จ แพ่ กแช่แยว้ ดี๊ น ม โพะ ก ไค๊, ล แกยไท้ น ซ้ะ แบ

เยเรมี 48:26

“เกม๊า อ เว๊ ม้า เท่อ, เป๊งนี่ อ เว๊ ชีอูงพู๊ ทาง อ ซ้ะ ดี๊ กแช่ยาเว, อกย้องบี่นอ, โมอา ม แบ เลว๊ อ ซ้ะ, โอ อ กแช่ อ ปยุ้ พ้า, ดี๊ อ เว๊ ม แบ ทไคล้ ไฌ๊ซ้ะ ปะ

เยเรมี 48:38

โมอา อ เด้า คู เลาพะ, ดี๊ ลู่ง เว่ง อ คว้าง พ้า ลแพ นอ, โอ ที่ ท อ ลู่ง ฌางอีงฌางเอ้า เฆ้ง พะ, อไฌ่บี่อี้ง, ก ท่าง โมอา บี่ซุ้ดี๊ ท่าง ทพ้าทล่าง, พี่ ก ล แบซ้ะ แบ, กแช่ยาเว โล้ เว๊ บี่อี้ง ล้อ

เยเรมี 50:27

เกม๊า แม้ซี๊ง อ งู้ แพ๊ ท่อง อ เลา เกม๊า อ ซื๊งเว๊ ซีง ลแพ ลี้ล้าง แบ ท แม้ซี๊ง ท เซงทื่งเฌ๊ฌ้อง แบ อ ซื๊งเว๊, อไฌ่บี่อี้ง, อ มื่งนี้ง อช๊าอโท่ เฌ๊ ท้อง เย้า เมะเว๊ อช๊าอโท่ ลู่ง ท แม้เตาแม้แต๊-อ้ะ

เยเรมี 6:26

กพูกลี้ง-เอ้อ, เกม๊า แม้นี่ ตไก้ยะ เต่ เรา ทะ ย่างเด้ง ดี๊ เลว๊ น ซ้ะ โอ พี๊แคล อ โป้ง พ้า เกม๊า มองแบม้ะแบ เท่อ, บี่ซุ้ดี๊ แม้-อ้ะ ลู่ง พูแคว๊ ล แฌ้ อ ฌ่าง เก ท ฌางล้างย้าล้าง ลู่ง ซ้ะ เฌ๊ฌ้อง น้ะ ทึ เป๊งนี่ โพล้ง แม้ เฌ๊ฌ้อง เท่อ เฌ๊ ดึ้ เฆ้อ ล ทีง ฆ่าง ล้อ

ท​ฌางล้างย้าล้าง 4:21

โอ้, พูมืง ลู่ง เอโดง-เอ้อ, เกม๊า เซิงฆวี๊งซ้ะโย้, ดี๊ ซ้ะอวีงซ้ะโทะ เท่อ แดเทา เมะเว๊ แน้ พี่ เปิ่งโอเปิ่งช๊อง ค่าง อุ้ พ้า โท๊กีง นอ, ม เฌ๊ แพ๊ ท้อง แน้ ปะ น ม ม้า เท่อ, ม โบลงโกงไล้ไท้ ล้อ

เอเซเคียง 34:20

“อกย้องบี่นอ, ทอดูทึโท๊ทึกแช่ยาเว ไคล้ ดี๊ อ ซื๊งเว๊ บี่อี้ง, อี้งเซ้อ, เฆ้อ เมะเว๊ เฆ้อ อี้ง ล้อ, ก ม ต้ะเซ๊ง เท่อ ลู่ง แกะ บองอืง ดี๊ แกะ ฆวี่กิ้ อ ฌ่าง

ดานีเอง 11:8

อ เว๊ แม้นี่ โชะไฆวะ ท กโช้งกแช่, ล พ๊าฆ่าง ดี๊ ท กโช้งกแช่ อ ทเค่งทฌ้าง โล๊ล้างนี่ เว๊ ดี๊ ท้ะ ลแพ นอ, ดี๊ ทพ้าทล่าง โอ ดี๊ อลื่งอฆวี้ พี่ แม้ เว๊ ดี๊ จี้ ดี๊ ท๊อง, เก ทลู่นี่ ก้ะ ลู่ง อีไย้ะ, ดี๊ อ เว๊ ม โอ ช้างชื้ง ไย้ ดี๊ กจุ้แฆว้ ลู่ง มื่งเค๊ง ตบลึ้ เนง

โฮเชยา 8:8

อีซลาเอง แบ ท อางไฆวะ เลาพะ เย้า ค๊องเนงอี้ง อ เว๊ โอ ลู่ง โพล้ง กุ้ชื้อกุ้ชะ ลแพ นอ อซุ้อแกล้ เก บี่ซุ้ดี๊ ทพ้าทล่าง พี่ ล ล้างเปิ่ง แบ

อาโม 5:11

เป๊งนี่ น ซื๊ง ไย่เละค๊างพะ โพล้ง ซยาง ดี๊ กิ้ นี่ บืงซาลี อ ค๊อง ดี๊-อ้ะ น ไต้ทาง เด้า ดี๊ โล่ง แพล้ นี่ แบเด้าะ น ล นี่ โอ แบ อ พ้า นอ แบ น แม้ โซ๊ง ซไบ้ะแซ พี่ อ ซยืง อ เคลง แบเด้าะ น ล นี่ โอ้ แบ ไซ้ะ ซไบ้ะแซ ที๊ง ลู่ง โซ๊ง นอ แบ

เซคารียา 10:3

“ก ซ้ะทาง ดี๊ โพล้ง ลื่ง แกะ ดูมะ ดี๊ ก ม แม้เตาแม้แต๊ กเย่ ท อคูอแน่ ลแพ นอ เมะเว๊ กแช่ยาเว ซึ้คู ดูทึชองทึ, ยู่แคว่ อ แกะ น๊างมู๊ง, เมะเว๊ ยูดา อชื้ออชะ ดี๊ ม ดึ้ เกม๊า เว๊ อ เก บี่ซุ้ดี๊ กซี ดึ้ซึ้ เซิงชองซ้ะชอง, ลู่ง ทดึ้ทชาง พ้า

เซคารียา 11:3

คุ้ช๊องแน เซ้อ, โพล้ง ลื่ง แกะ อ ลู่ง ฌางซย้ะ เป๊งนี่ อ ซื๊งเว๊ อฆี๊งอแล้ นอ, แบ ทแม้ เฌ๊ฌ้องไฆวะ เย้า คุ้ช๊องแน เซ้อ, คี๊ยื่ง แพ๊ อ ลู่ง กุ้ซย้ะ อ โคะ เป๊งนี่ ทแซย่ ทล้างแด้ ที๊ง โจเด้ง กล้อง นอ, โอโปล้ก้ะ ล้อ

ยาเก้า 5:5

ลู่ง ฌางคู โคล๊ง คู อี้ง, น ซื๊ง โอ โบ โอ โย๊ อาง กึ้ โอ้ ฆวี้, น อาง ท้อง น บอง, แบ เด้าะ น ล ซีงแฌ๊-อ้ะ แบ, ลู่ง ท ม แม้ ซี๊ง น ซื๊ง โคะ นอ ล้อ