เยเรมี 25:3 - Northern Pwo Karen Thai Bible3 “ ล โค๊ ลู่ง อาโมง กจุ้แฆว้ ลู่ง ยูดา อ พูแคว๊ โยซียา เก กจุ้แฆว้ อ ชู้ แค๊, ลู่ง ชี๊ง ซ๊า เนง ล เนง พ้า, ท๊อง อ ท้อง ล นี้ง แย๊ อี้ง นอ, เก อช๊าอโท่ คี๊ง ชี๊ง ซ๊า เนง, กแช่ยาเว อลู่งอแท๊ เฌ๊ ลู่ง จ โอ, ดี๊ จ นี่ โล้ เอะ น ซื๊งเว๊ ซีง ลแพ ล โอที่งโอโท๊ แบ เฆาะ, แบเด้าะ น ซื๊ง ล คุ้ช๊องแน แบ အခန်းကိုကြည့်ပါ။ |
เยเรมี 25:3
32 ပူးပေါင်းရင်းမြစ်များ
กแช่ยาเว เจ่ โมไคล้คิ้ ดี๊ โพล้งพ้ะเว้เท่อ กุ้ แฌ้, เกม๊า โล้ เอะ โพล้ง อีซลาเอง ดี๊ โพล้ง ยูดา อ เท่อ ไจ้ะเว๊, “วีงแซยไฆวะ น ซื๊ง ซ้ะ ดี๊ น เกล้, พี่ อ อ้า อ ซ๊าง ลแพ นอ ท่อง อ เลา, ดี๊ แฌแซกต้าง จ ทซองทซ๊าง, ดี๊ ท อเค้อะอต้าง, เกม๊า แม้โพะ จ ทอางแม้เลา, พี่ จ โล้ เอะ น พี๊ง น พู๊ง ลู่ง แย๊ อู้ง, ดี๊ พี่ จ โซ๊ง เอะ แน้, เฌ๊ เว๊ ลู่ง โม ไคล้คิ้ กแช่แยว้ อลู่งอแท๊ นอ”
เมะเว๊ ลู่ง โฆะ เนง ล เนง พ้า ลู่ง อ เว๊ อ ชู้, พี่ อ ซ้ะ บาง ได้ะ อ แค๊ นอ, อ เว๊ อางฆื๊งนี่ อ พู๊ง ดาเว อ กแช่แยว้, โอ ลู่ง ไค๊ ลู่ง ชี๊ง คี๊ง เนง ล เนง พ้า นอ, อ เว๊ แม้ ทไฌ่ อางกีฌี้ ล้างซ้ะ เอะ ยูดา ดี๊ เว่ง เยรูซเลง, เป๊งนี่ ทล่างซยื๊งซย้องพ้ะโท๊ โอ, กเย่ อาเชรา อ เทิง โอ, ทเค่งทฌ้าง แพล้กีงแพล้ไว้ ดี๊ ทเค่งทฌ้าง โล๊ล้างนี่ โอ
ชี๊ง โฆะ เนง ล เนง พ้า, ลู่ง อ เว๊ อ ชู้ แค๊, พี่ อ เว๊ แม้ ทไฌ่ อางกี ฌี้ ที๊งล่างค่างพ้า ดี๊ กแช่แยว้อล่างโอ นอ, อ เว๊ เจ่ทาง อาซาลียา อ พู เมะเว๊ ชาฟาง, มาอาเซยา พี่ เก ทอดู ยู่แคว่ เว่ง นอ, ดี๊ โยอาฮ้ะ อ พู เมะเว๊ โยอา, พี่ อ เก โพล้ง นางแบไท้ ทกวิ้ไน เท่อ กุ้ อ เม้ง นอ, เกม๊า ลี้ แม้ฌี้ไท้ กแช่ยาเวอล่างโอ
เรค้ะ อ พูแคว๊ โยนาด้ะ อ ทไคล้, พี่ นี่ อางแบเลา อ พูแคว๊ ซีง ลแพ, ล เกม๊า เว๊ อ โอ้ ไซ้ะซไบ้ะแซที๊ง นอ แบ, อ ซื๊งเว๊ นี่ แฌแซกต้าง เว๊ เย้าม ดี๊ อ ซื๊งเว๊ ล นี่ โอ้ เท่อ แบ ท๊อง อ ท้อง ล นี้ง แย๊ อี้ง ล้อ, อไฌ่บี่อี้ง, อ ซื๊งเว๊ นี่ ชู่ง อ แพ่ อ ท อางแบเลา, แบเด้าะ เฆ้อ อี้ง ล้อ, ก นี่ ไคล้ ดี๊ น ซื๊ง พ๊าๆ, เย้า, พ๊าๆ, เด้าะ, แบเด้าะ น ซื๊ง ล คุ้ช๊องแน เฆ้อ แบ
ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ
เก บี่ซุ้ดี๊ น ซื๊ง พี๊งชู้พู๊งชู้ ลู่ง แย๊ อู้ง ล ฌี้, พี่ กเย่ โมไคล้คิ้กแช่แยว้ ลู่ง อู้งว๊างอู้ง, กุ้ซย้ะ โล้ล้าง เอะ-อ้ะ ไจ้ะเว๊, ‘กแช่ยาเว ซึ้คู ดูทึชองทึ ไจ้ะเว๊ บี่อี้ง, “เกม๊า แกยไฆวะไท้ น ซ้ะ น เกล้อ้าเกล้ซ๊าง, ดี๊ แกยไฆวะ ซ้ะ ดี๊ น ทไพ้ะทแม้ ลู่ง ออ้าอซ๊าง นอ ไช้ะ”,’, แบเด้าะ อ เว๊ ล แน่ฌ๊า ดี๊ ล ชู่ง เฆ้อ แบ, กแช่ยาเว โล้ เว๊ บี่อี้ง ล้อ
ကြော်ငြာတွေ