อ ซื๊งเว๊ เมะ เฌ๊ไท้ฌูงไท้ แน้ เลาเซิงเลาซ้ะ, ลู่ง ที๊งล่างค่างพ้า พี่ อ ลี้ เก ท ฆ่อง, พี่ อ ซื๊งเว๊ แบ ทพองนี่-อ้ะ ลี้ เก ทอฆ่อง, ดี๊ ชูแพ อางท่าง เท่อ ดี๊ แน้, ดี๊ ที๊งล่างค่างพ้า พี่ น เกล๊าง เอะ อ ซื๊งเว๊ซีง อ พี๊ง อ พู๊ง ลู่ง แย๊, เมะเว๊ เว่ง พี่ น อางลึนี่ เว้-อ้ะ, ดี๊ กแช่แยว้อล่างโอ พี่ จ ไต้ทางนี่-อ้ะ, ลู่ง น เม้ง น แซ อ ฌ่าง นอ
เยเรมี 24:7 - Northern Pwo Karen Thai Bible7 ก ม เกล๊าง เอะ-อ้ะ อเซิงอซ้ะ, พี่ ม ซีงแฌ๊ เว๊ เฆ้อ, เมะเว๊ กแช่ยาเว, ดี๊ อ ซื๊งเว๊ ซีง ลแพ, ม เก กพูกลี้ง, ดี๊ ก ม เก อ กแช่แยว้, อไฌ่บี่อี้ง, อ เว๊ ม เฌ๊ไท้ฌูงไท้ เฆ้อ เลาเซิงเลาซ้ะ အခန်းကိုကြည့်ပါ။ |
เยเรมี 24:7
32 ပူးပေါင်းရင်းမြစ်များ
เมะเว๊ ทเอิ้งล้าง พี่ ก อางแบเลา เอะ น ซื๊ง พี๊งชู้พู๊งชู้ ลู่ง แย๊ อู้ง, โพล้ง พี่ ก นี่ ไจทางฌ้าไฆวะ-อ้ะ ลู่ง ค่าง อีไย้ะ พ้า, ไจแดไฆวะ มีอ้า อ ล่าง ท้ะ, ดี๊ โล้ เอะ-อ้ะ บี่อี้ง, เกม๊า คุ้ช๊องแน ก ลู่ง, ดี๊ เกม๊า แม้ ทกุ้เม้ง พี่ ก อางแบเลา เว้ แน้ นอ, ฌ้อง น ม เก กพูกลี้ง, ดี๊ ก ม เก น กแช่แยว้ ล้อ
ดี๊ อ ซื๊งเว๊ ม ล แม้ แบอ้า ล้าง อ ซ้ะ ดี๊ ทเค่งทฌ้าง-อ้า, ดี๊ อ ท ล้าง ซ้ะลูซ้ะไล้ะ-อ้า, ดี๊ อ ท ลือค๊างพะ เท่อ กุ้เม้ง นอ-อ้า ล้า แบ, แบเด้าะ ก ม แม้ช้า-อ้ะ เกม๊า พ้องไฆวะ ดี๊ ทเด้บ้ะ, ลู่ง อ ซื๊งเว๊ อ ล่าง เปิ่งโอเปิ่งช๊อง พ้า นอ, ดี๊ ก ม แม้เช๊งแม้เกล้ง-อ้ะ, ฌ้อง อ ซื๊งเว๊ ม เก กพูกลี้ง, ดี๊ ก ม เก อ กแช่แยว้
ซ๊าโทะ อี้ง ก ม แม้นี่ ล โทะ พลึ้ล้าง มีอ้า พ้า ดี๊ ฆู่งพลี่ง-อ้ะ, บี่ซุ้ดี๊ ฆู่งพลี่ง จี้ ดี๊ ลองแม้แคว่ดุ้-อ้ะ, บี่ซุ้ดี๊ ลองแม้แคว่ดุ้ ท๊องบ้าง อ เว๊ ม กุ้ทาง กเม้งกแซ ดี๊ ก ม ไคล้ช๊า-อ้ะ ก ม ไจ้ะ บี่อี้ง, ‘อ ซื๊งเว๊ ซีง ลแพ, เก กพูกลี้ง’ ดี๊ อ เว๊ ม ไจ้ะ บี่อี้ง, ‘กแช่ยาเว เมะเว๊ จ กแช่แยว้ ล้อ’,”
ฌ้อง ซามูเอง ไคล้ ดี๊ โพล้ง อีซลาเอง อชื้ออชะ เลาพะ นอ ไจ้ะเว๊, “น ซื๊งซีง เมะ แกยไท้ ซ้ะ เฌ๊ฌูง ไท้ กแช่ยาเว เลา เซิง เลา ซ้ะ นอ, น ซื๊ง แบ ญ๊องไฆวะ ทกโช้งกแช่ อ แฌ้แพ, ดี๊ ทกโช้งกแช่ อะทาโร นอ ลู่ง น ซื๊ง แกล้ พ้า, ดี๊ เกล๊างล้าง น ซื๊ง ซ้ะ เอะ กแช่ยาเว, ดี๊ แม้ เอะ อ เท่อ ล เม้ง เฆาะ, ฌ้อง อ เว๊ ม แม้พ้องพลิ้ น ซื๊ง, เกม๊า พ้องไฆวะ ดี๊ โพล้ง ฟีลีเตีย อ จูง”
ကြော်ငြာတွေ