เยเรมี 23:22 - Northern Pwo Karen Thai Bible

²² แบเด้าะ อ ซื๊งเว๊ ซีง ลแพ, เมะ นี่ ชี๊เทิง โอ ลู่ง ก ทล่าง โอซยอง พ้า นอ แบซีงลู่ง อ เว๊ ม นี่ กุ้ซย้ะ โล้ล้าง ก ทไคล้ เอะ กพูกลี้ง ดี๊ แบซีงลู่ง ม นี่ เกม๊า อ ซื๊งเว๊ แกยไฆวะ อ ซ้ะ ดี๊ อ เกล้อ้าเกล้ซ๊าง ดี๊ แกยไฆวะ อ ซ้ะ ดี๊ อ ท แม้อ้าแม้ซ๊าง เย้า”

เยเรมี 23:22 ပူးပေါင်းရင်းမြစ်များ

เยเรมี 23:14

แบเด้าะ กเย่ โมไคล้คิ้ เท่อ ลู่ง เยรูซเลง อซุ้อแกล้ นอ ก แด แบ เท่อ พี่ อ ล้าง ซ้ะเมซ้ะไพล้ อ ซื๊งเว๊ กแมมืง กแมแคว๊, ดี๊ โอม๊า ลู่ง ทคีงอูง พ้า อ เว๊ แม้ชองทาง โพล้ง แม้ ทอ้าทซ๊าง อ จูง อกย้องบี่นอ, โพล้ง ล โอ แกยไฆวะ อ ซ้ะ ดี๊ อ ทอ้าทซ๊าง น่างแฌ้ แบ อ เว๊ กุ้แฌ้ เกทางก้ะ บี่ซุ้ดี๊ โซโดง ลู่ง ก ฌ่าง ดี๊ โพล้ง เว่ง นอ, บี่ซุ้ดี๊ เว่ง โกโมรา ล้อ”

เยเรมี 23:18

เมะเว๊ โพล้งเล้, พี่ นี่ ชี๊เทิง โอ ลู่ง กแช่ยาเว, อ ทล่าง โอซยอง พ้า พี่ ม ช๊องมอง แคว่ที๊ง เท่อ, ดี๊ คุ้ช๊องแน กแช่แยว้ อลู่งอแท๊? โพล้งเล้ พี่ ควี๊งคูแกยแน่ ลู่ง กแช่แยว้ อลู่งอแท๊ พ้า, ดี๊ ชู่ง เว๊นะ เว๊ นอ?

เยเรมี 25:5

อ โล้ เว๊ บี่อี้ง, ‘ค๊องเนงอี้ง เกม๊า กุ้ แฌ้ แกยไฆวะไท้ อ ซ้ะ ดี๊ อ เกล้อ้าเกล้ซ๊าง, ดี๊ อ ท แม้ไพ้ะแม้แม เท่อ, บี่ซุ้ ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ กแช่ยาเว เกล๊าง เอะ แน้, ดี๊ น พี๊งชู้พู๊งชู้ ลู่ง แย๊ อู้ง, ล โค๊ ลู่ง เอะ อู้ง ดี๊ ท้อง ชู่ง แย๊ ล้างชู้ล้างแกย ล้อ

เยเรมี 35:15

ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ

เยเรมี 36:3

แบซีงลู่ง โพล้ง ยูดา ม แน่ฌ๊า แบ ทอ้าทซ๊าง กุ้เม้ง, พี่ ก ช๊องมอง ม แม้ เอะ อ ซื๊งเว๊ นอ, บี่ซุ้ กุ้แฌ้ ม วีงแซยไฆวะ อ ซ้ะ ดี๊ อ เกล้อ้าเกล้ซ๊าง, ฌ้อง ก ม นี่ แพล่ไฆวะ อ ทไพ้ะทแม ดี๊ อ ทเด้เทาเด้บ้ะ ล้อ”

เยเรมี 9:12

โพล้งเล้ เก โพล้ง โอ ดี๊ ทโกงซีมองแบ, พี่ ม แนซีโน้งซี ทไคล้ อี้ง?, ดี๊ โพล้ง ล แฌ้ ชี่-อ้า, พี่ กแช่ยาเว อ นุ้, นี่ ไคล้ ดี๊-อ้ะ, อ เว๊ โล้ล้าง ทไคล้ นอ ซี?, แบทเล้ ค่าง ล้างฆ่องล้างซว๊าง, ดี๊ ญ๊องไฆวะ โอก้ะ โปล้ปลิ้, บี่ซุ้ดี๊ แพะคูทเคแกล้, โพล้ง ล โอ ลี้แพ๊ ไท้แพ๊ เว๊ น่างแฌ้ แบ?

เอเซเคียง 13:22

เป๊งนี่ น ดึ้ เกม๊า โพล้งแบกแช่แยว้อซ้ะ อ ซ้ะ ล้างท่อง, ดี๊ ท อางโล๊ไละ, พี่ ก ล นี่ ดึ้ เกม๊า อ ซ้ะ เฌ๊ฌ้อง แบ, ดี๊ น แม้ชองทาง โพล้งอ้าโพล้งซ๊าง อ ซ้ะ, ล เกม๊า อ แกยไฆวะ อ ซ้ะ ดี๊ อ เกล้อ้าเกล้ซ๊าง แบ, ดึ้ เกม๊า อ เว๊ แฌแซกต้าง ล้าง อ ทม๊า ล ซี แบ

เอเซเคียง 13:5

น ซื๊ง ล นี่ ลี้ทาง ลู่ง ท อ เช้า ฌู๊ลู้ แบ, ดี๊ ล นี่ แม้ฌี้ไท้ เอะ อีซลาเอง อ กางแป แบ, บี่ซุ้ เกม๊า โอเฌิ่งโอค๊า ซี ลู่ง ทดึ้ทชาง อ แค๊, ลู่ง กแช่ยาเว อ มื่งนี้ง พ้า

เอเซเคียง 18:30

“ทอดูทึโท๊ทึกแช่ยาเว ไจ้ะเว๊, โอ้, ชื้อชะ อีซลาเอง-เอ้อ, อกย้องบี่นอ, ก ม ต้ะเซ๊ง แน้ ล แฌ้ๆ, บี่ซุ้ดี๊ อ เกล้ แด เว๊, เกม๊า แกยไฆวะ ซ้ะ ดี๊ น ท ลือค๊างพะ กุ้เม้ง, ฌ้อง น ล แบท้า ล้างเทะเค้า ลู่ง ทเด้เทาเด้บ้ะ อกย้อง แบ

เอเซเคียง 2:7

แบเด้าะ เกม๊า น โล้ล้าง ก ทไคล้, เกม๊า อ ซื๊งเว๊ คุ้ช๊องแน, ทึเมะ อ ซื๊งเว๊ ม คุ้ช๊องแน เว๊-อ้า, ซม๊า เว๊-อ้า ฌี้ๆ, ล้อ, เป๊งนี่ อ เว๊ เก ชื้อชะ พี่ อ เฌา กไบล้ะ

เอเซเคียง 3:17

“กโพล้ง อ พู-เอ้อ, ก นี่ ต๊างทาง แน้, เกม๊า น เก โพล้ง คุ้ แคว่ทะ อีซลาเอง อชื้ออชะ, ท่อง น แน่ฌ๊า ทไคล้ เฌ๊นี่ ลู่ง ก นุ้ นอ, เกม๊า น โล้ ก ท โล้แบ ซีงแฌ๊ เอะ อ ซื๊งเว๊

อาโม 3:7

เต้ๆ, นอ, ทอดูทึโท๊ทึกแช่ยาเว, ล แม้ เท่อ พี่ ล นี่ ปล้ะล้าง ท คิ้ซูงคิ้บีง เอะ อ เพล่, เมะ เว๊ โมไคล้คิ้กแช่แยว้ นอ แบ, น่างเม้ง แบ

เซคารียา 1:4

เก บี่ซุ้ดี๊ น ซื๊ง พี๊งชู้พู๊งชู้ ลู่ง แย๊ อู้ง ล ฌี้, พี่ กเย่ โมไคล้คิ้กแช่แยว้ ลู่ง อู้งว๊างอู้ง, กุ้ซย้ะ โล้ล้าง เอะ-อ้ะ ไจ้ะเว๊, ‘กแช่ยาเว ซึ้คู ดูทึชองทึ ไจ้ะเว๊ บี่อี้ง, “เกม๊า แกยไฆวะไท้ น ซ้ะ น เกล้อ้าเกล้ซ๊าง, ดี๊ แกยไฆวะ ซ้ะ ดี๊ น ทไพ้ะทแม้ ลู่ง ออ้าอซ๊าง นอ ไช้ะ”,’, แบเด้าะ อ เว๊ ล แน่ฌ๊า ดี๊ ล ชู่ง เฆ้อ แบ, กแช่ยาเว โล้ เว๊ บี่อี้ง ล้อ

มาลาคี 2:6

ลู่ง อ นุ้พ้า นอ, โอ ดี๊ ทซองทซ๊าง พี่ เก ทที๊งทโต้, ม อางฆื๊ง ทไพ้ะทแม ลู่ง อ นุ้เฌะ ไท้ะ ล โอ แบ เฆาะ, อ เว๊ โอม๊า ดี๊ เฆ้อ ดี๊ ทมึทพ้า, ดี๊ ทโต้ทล้อง, ดี๊ อ เว๊ นี่ แม้ช้า โพล้ง อ แฌ้ แอฌี่งแอฌ้อง, เกม๊า แกยไฆวะ อ ซ้ะ ดี๊ ทเด้เทาเด้บ้ะ

ท​แม้ 20:27

จ ล อางกี ซูง ท น่าง เม้ง แบ, กแช่ แยว้ อ ทอางกี ล้าง โอ บี่ จะ เล้ นอ, จ โล้ น ซื๊ง เติ้งต้าง กุ้ อ เม้ง ล้อ

1​เทซาโลนีเก 5:6

ท บี่ นอ, เกม๊า ก มี๊ง บี่ ซุ้ โพล้ง อ แฌ้แพ ล ฌี้, ก แบ โอ คุ้แคว่ เท่อ, เกม๊า ก ม้า ไซ้ะ ล ฌี้