เยเรมี 22:17 - Northern Pwo Karen Thai Bible17 “แบเด้าะ น เมะ ดี๊ น ซ้ะ โอ แบซ้ะ ที่ อางฆื๊ง น ท นี่แบอางแบ ลู่ง ออ้าอซ๊าง บี่ซุ้ ดึ้ เกม๊า ซวีง พี่ ทไพ้ะทแม ล โอ แบ นอ, ล้าง ท้อง อ ซี๊ง ดี๊ บี่ซุ้ แคแนแคแก้ เท่อ, ดี๊ แม้ชองแม้จุ้ เท่อ ล้อ” အခန်းကိုကြည့်ပါ။ |
เยเรมี 22:17
41 ပူးပေါင်းရင်းမြစ်များ
ล ก้ะ ได้ะ แบ นอ, ลู่ง โพล้งเฌงพูฆ๊างพู เลาพะ อ แกล้ นอ, เกม๊า น อางฆื๊ง แคว่ โพล้ง พี่ อ โอ ดี๊ ทซีทแบ, พี่ อ ดู้งแบยางแบ กแช่แยว้, พี่ อางกีล้าง ซ้ะ ดี๊-อ้ะ ซี, ล แน่แฌ่แน่ท้า จี้ แบ, เกม๊า น ต๊างทาง โพล้ง บี่อี้ง นอ เก โพล้ง โพะคอง โพล้ง อ แฌ้ ล ม๊า ล น้าง, ล แย้ ล น้าง, เย่ ชี๊ง ล น้าง, ดี๊ ล ชี๊ง ล น้าง
เป๊งนี่ อ ซื๊งเว๊ นี่ ญ๊องไฆวะ เฆ้อ, ดี๊ นี่ แม้ แบอ้า ทล่าง อี้ง, ดี๊ ท เช้า ทน๊าม๊า ลู่ง ทล่าง พ้า อี้ง, บี่ซุ้ ลื่งทาง ท กโช้งกแช่ อ แฌ้แพ, เก เท่อ พี่ อ กแช่ ฌี้, อ พี๊งชู้พู๊งชู้ ลู่ง แย๊ อู้ง ฌี้, กเย่ ยูดา อ กจุ้แฆว้ ฌี้ นอ, ล ซีงแฌ๊ เว๊ แบ, ดี๊ เป๊งนี่ อ เว๊ นี่ ดึ้ เกม๊า ทล่าง อี้ง, โอ ฆวี้ ดี๊ โพล้ง พี่ อ ทไพ้ะทแม ล โอ แบ อ ซวีง
กแช่ยาเว ไจ้ะเว๊ บี่อี้ง, เกม๊า แม้ ท อเกิ้งอแบ, ดี๊ แม้ ทแบกแช่แยว้อซ้ะ, เกม๊า แม้พ้องพลิ้ โพล้ง พี่ อ แบ ท ตมละ, เกม๊า พ้องไฆวะ ดี๊ โพล้ง แคแนแคแก้ เท่อ อ จูง, ดี๊ แม้ไพ้ะแม้แม เท่อ-อ้า, แม้ชองแม้จุ้ แบ โพล้ง ลชื้อแด, โพล้ง พูฆวี แพ่, ดี๊ โพล้ง มืงเม๊-อ้า, ดึ้ เกม๊า โพล้ง พี่ อ ทไพ้ะทแม ล โอ แบ, อ ซวีง ล้าง ท้อง อ ซี๊ง ลู่ง ทล่าง พ้า อี้ง-อ้า ล ฌี้
อกย้องบี่นอ, ก ม เกม๊า อ ซื๊งเว๊ อ แม๊, ลี้ เกก้ะ โพล้ง แฌ้แพ อ เท่อ เกม๊า อ เว๊ อ ฆึ้ อ ไชะ นอ, เกก้ะ โพล้ง พี่ ม ลู่ นี่ ก้ะ อ เท่อ นอ อ เท่อ เป๊งนี่ ล โค๊ ลู่ง โพล้ง พือทึปี๊ทึ ท้อง ลู่ง โพล้งดูทึโท๊ทึ นอ กุ้แฌ้ นอ, แน่แฌ่ แบซ้ะ นี่แบอางแบ เท่อ ลู่ง ลเกิ้งลแบ แบ ล โค๊ ลู่ง โมไคล้คิ้กแช่แยว้, ท้อง ลู่ง โพล้งลื่งเท่ออคู กุ้แฌ้ นอ, ล แฌ้ๆ, แม้ กไบล้ะกแบล เท่อ ล้อ
ดี๊ อ ซื๊งเว๊ เฌ๊ฌูง แน้ ด้องซุ้ พี่ โพล้ง ลแพ นอ เฌ๊ เว๊, ดี๊ อ เว๊ เฌ๊ ชี๊น้าง ลู่ง น เมะแซ พ้า ด้องซุ้ กพูกลี้ง, อ ซื๊งเว๊ ม คุ้ช๊องแน ท พี่ น ไคล้-อ้ะ, แบเด้าะ อ เว๊ ล ญ่อง แม้โพะ อ ไค๊ แบ, เป๊งนี่ อ เว๊ เนโพลทาง ทเอทกวี้ง ดี๊ อ นุ้, แบเด้าะ อ ซ้ะ เฌา โอ ดี๊ อ ท นี่แบอางแบ พี่ ลฌี้ลแอว้ แบ นอ ล้อ
ลู่ง ทฆ้าทโฆ่ พี่ แบ ท ลู่นี่-อ้ะ อ แกล้ นอ, จ แด ไช๊แค่ พ้ะโท๊ ฌี้ มะ ลู่ง เว่ง บาบีโลง พ้า นอ ล เบง, ดี๊ จี้ ฆ๊า คี๊ง กีโล, ดี๊ ท๊อง น๊างกึ้ ฆ๊า เมาะ ล คึ กีโล, แย้ จ แน่แฌ่ เท่อ จ แบซ้ะ ท ลแพ นอ, ฌ้อง จ แม้นี่-อ้ะ, แคว่เซ้อ, ท ลแพ นอ จ อางกีซูง-อ้ะ ลู่ง ฌางคู พ้า จ เด้ พ๊างละ, จี้ นอ โอ ลู่ง ท พ๊างละ”
ကြော်ငြာတွေ