เยเรมี 20:12 - Northern Pwo Karen Thai Bible

¹² จ กแช่ยาเว ซึ้คู ดูทึชองทึ, พี่ ลองดุ้ โพล้ง แบ อ ซ้ะ พี่ แคว่ดุ้ เท่อ เลา ดี๊ ซ้ะ ดี๊ วีงแล้ อวีงซ้ะชู้ เกม๊า จ แด น ท แม้แกไท้ อ ซื๊งเว๊ ลแพ นอ เมะเว๊ จ นี่ โล้ล้าง จบ้าจคว่าง เย้า

เยเรมี 20:12 ပူးပေါင်းရင်းမြစ်များ

2ทกวิ้ไน 24:22

กจุ้แฆว้ โยอ้ะ ล ช๊องมอง ทางไท้ ทย๊างซ้ะ, พี่ เซคารียา อ แพ่ เมะเว๊ เยโฮยาดา เนโพลทาง เอะ-อ้ะ นอ แบ, แบเด้าะ แม้ซี๊ง เว๊ อ พูแคว๊, ดี๊ พี่ อ เว๊ เบ้า ม ซี๊ง นอ อ เว๊ ไคล้ทาง ไจ้ะเว๊, “เกม๊า กแช่ยาเว แคว่ เว๊ ดี๊ แม้แกไท้ เว๊ ไช้ะ”

ทอางปฆ้า 11:5

กแช่ยาเว แม้แคว่ดุ้ โพล้ง ทแบกแช่แยว้อซ้ะ, ดี๊ โพล้งอ้าโพล้งซ๊าง ซ้ะ ดี๊ กแช่แยว้ แช๊เมะไฌ๊ซ้ะ ดี๊ โพล้ง, พี่ อ เอ ทอชองอจุ้

ทอางปฆ้า 139:23

จ กแช่ยาเว-เอ้อ, เกม๊าเต้ คู๊ แคว่ที๊งแคว่โต้ แย้, ดี๊ ซีงแฌ๊ จเซิงจซ้ะ เกม๊าเต้ ลองแม้แคว่ดุ้ แย้, ดี๊ ซีงแฌ๊ จ ท ช๊องมองช๊องม้ะ

ทอางปฆ้า 17:3

พี่ กแช่แยว้ แม้แคว่ดุ้ จ ซ้ะ, ดี๊ เฌ๊ ไจ จ โอ ลู่ง มแน้แค๊ ท่อง แม้แคว่ดุ้ แย้ เย้า นอ, กแช่แยว้ ล แด ทอ้าทซ๊าง ดี๊ แย้ แบ เฆาะ จ นุ้ ล ลือค๊างพะ เท่อ แบ

ทอางปฆ้า 54:7

เมะเว๊ กแช่แยว้, แม้พ้องพลิ้ แย้ เกม๊า พ้องไฆวะ ดี๊ ทน้ะทโน๊ง เลาพะ ดี๊ จ เมะคลี๊ง แคว่ เท่อ, แด ดีงแด้ ลแพ นอ, ลน้าลฆ่าง เท่อ แบ ล้อ

ทอางปฆ้า 58:10

โพล้ง ทแบกแช่แยว้อซ้ะ นอ, ม เซิงมึซ้ะมึ, พี่ อเว๊ แด ทแม้แกแม้ช๊าไท้ อเว๊ ม แม้นี่ โพล้งอ้าโพล้งซ๊าง อ ซวีง, ซฌ้ะ อ คาง

ทอางปฆ้า 59:10

จ กแช่แยว้, ม แด แย้ ดี๊ อ ทเอทกวี้ง, พี่ อเฌิ่งอค๊า กแช่แยว้ ม เกม๊า จ แด จดีงจแด้ ลแพ นอ, ลน้าลฆ่าง เท่อ แบ

ทอางปฆ้า 62:8

โพล้งเฌงพูฆ๊างพู-เอ้อ, เกม๊า อางกีล้าง ซ้ะ ดี๊ กแช่แยว้ กุ้ช๊ากุ้โท่ เกม๊า โล้ล้าง เท่อ ลู่ง น ซ้ะพ้า นอ เอะ กแช่แยว้ กแช่แยว้ เก ก ทล่างโอคุ้ซูงเซ่-ลา

ทอางปฆ้า 7:9

กแช่แยว้ พี่ อเกิ้งอแบ-เอ้อ พี่ อ แม้แคว่ดุ้ ทช๊องมอง ดี๊ เซิงซ้ะ นอ เกม๊า โพล้งอ้าโพล้งซ๊าง, อ ทอ้าทซ๊าง เฌ๊ท้อง ทอทึอจุ้ แบเด้าะ เกม๊า ไต้ทางต๊างทาง โพล้ง, พี่ ทแบกแช่แยว้อซ้ะ นอ

ทอางปฆ้า 86:4

อวีงซ้ะชู้, เกม๊า น เพล่ อ เซิงมึซ้ะมึ ทอดูทึโท๊ทึ จ กแช่แยว้-เอ้อ, จ โชะทาง จเซิงจซ้ะ เอะ แน้

อีซยา 37:14

เฮเซคียา พองนี่ ไละกวิ้ยื่ง, ลู่ง โพล้งไคล้เดิงเท่อ อ จูง พ้า, ดี๊ พ้ะ เว๊, ฌ้อง เฮเซคียา ลี้ทาง ลู่ง เด้กแช่ยาเวอล่างโอ, ดี๊ อุ้ทาง ไละกวิ้ยื่ง นอ, ลู่ง กแช่ยาเว อ เมะแซ พ้า

อีซยา 38:14

จ กุ้ซย้ะ บี่ซุ้ดี๊ เบลงบลาง, บี่ซุ้ดี๊ ทูแท้ที๊ง จ ฌาง บี่ซุ้ดี๊ ทูลี่งแอว้ จ เมะคลี๊ง ล้างไปว้ะล้างท้าง ดี๊ ท แคว่ทาง ลู่ง ท้ะโค๊ ทอดูทึโท๊ทึ จ กแช่แยว้-เอ้อ, จ แบ ท แคแนแคแก้, อวีงซ้ะชู้ เก เอะ แย้ ทเฌิ่งทค๊า

เยเรมี 11:20

แบเด้าะ, จ กแช่ยาเว ซึ้คู ดูทึชองทึ, พี่ ต้ะเซ๊ง เท่อ ลู่ง อเกิ้งอแบ กแช่แยว้ พี่ ลอง แม้แคว่ดุ้ โพล้ง อ ช๊องมอง, ดี๊ อเซิงอซ้ะ อวีงซ้ะชู้, เกม๊า จ แด แบ กแช่แยว้ อ ท แม้แกไท้, ล้าง แบ อ ซื๊งเว๊ เมะเว๊ จ อางกีล้าง จไฌ่จกย้อง ดี๊ กแช่แยว้ เย้า

เยเรมี 12:8

กคองกแซย้ นี่ เกทางก้ะ, บี่ซุ้ดี๊ คี๊ยื่ง เม้ง ลู่ง ก ฌ่าง พ้า อ เว๊ กุ้ซย้ะ ฆ้าง เฆ้อ อกย้องบี่นอ, ก แช๊เมะไฌ๊ซ้ะ ดี๊-อ้ะ

เยเรมี 17:10

“เฆ้อ, เมะเว๊ กแช่ยาเว แคว่ที๊งแคว่โต้ ซ้ะ ดี๊ ลอง แม้แคว่ดุ้ ซ้ะ ล้อ บี่ซุ้ เกล๊าง เอะ โพล้ง กุ้แฌ้ บี่ ซุ้ ดี๊ อ กแช่ ท แม้ ทอาง บี่ซุ้ดี๊ อ ทไพ้ะทแม้ พี่ แม้ เว๊ ล เม้งๆ, นอ”

เยเรมี 17:18

อวีงซ้ะชู้, เกม๊า โพล้ง พี่ อ แม้น้ะแม้โน๊ง แย้ นอ, ล้าง ฌางแช้ฌางเด แบเด้าะ, อวีงซ้ะชู้, เกม๊า จ แบ ท ฌางแช้ ล ฌี้ อวีงซ้ะชู้, เกม๊า อ เว๊ ซ้ะเมซ้ะไพล้ เท่อ แบเด้าะ เกม๊า จ ซ้ะเมซ้ะไพล้ เท่อ ล ฌี้ อวีงซ้ะชู้, ดึ้ เกม๊า มื่งนี้ง ลู่ง ออ้าอซ๊าง เฌ๊ล้าง แบ-อ้ะ อวีงซ้ะชู้ แม้เฌ๊ฌ้อง-อ้ะ, ดี๊ ท แม้เฌ๊ฌ้อง แอไบล้ะแอท๊า

1เปโต 2:23

พี่ โพล้ง ไจ้ะ อ้า แบ-อ้ะ นอ, อ เว๊ ล ไจ้ะ ช๊า โพล้ง น่าง เม้ง แบ, พี่ อ เว๊ แบ โท่ง ท น้ะ ท โน๊ง นอ, อ เว๊ ล เคิ่ง โพล้ง น่าง เม้ง แบ, แบ เด้าะ อางกี ล้าง อ ซ้ะ ดี๊ กแช่ แยว้, พี่ อ ต้ะเซ๊ง เท่อ ลู่ง อ เกิ้ง อ แบ ล แฌ้ นอ ล้อ

1เปโต 4:19

ท บี่ นอ, เกม๊า โพล้ง พี่ อ แบ โท่ง ท น้ะ ท โน๊ง ลู่ง แบ กแช่ แยว้ อ ซ้ะ นอ, แม้ ท อ ฌี้ ครึๆ, ดี๊ อางกี ล้าง ซ้ะ ดี๊ กแช่ แยว้, พี่ อ ไต้ ล้าง เท่อ ล แฌ้ นอ เมาน่าง, กแช่ แยว้ นอ แฌแซ อ ท เอิ้งล้าง ครึๆ, ล้อ

ท​เน​โพล​ทาง 18:20

ท มุ้คู-เอ้อ ซ้ะอวีง ซ้ะโทะ แด เทา, พี่ เว่ง ล เว่ง อี้ง แบ ท แม้ เฌ๊ฌ้อง-อ้ะ เย้า, กแช่ แยว้ อ พู อ ลี้ง, ดี๊ กแช่ เยซู อ เพล่ ดู, ดี๊ โม ไคล้ คิ้ กแช่ แยว้ ซีง-เอ้อ, ซ้ะอวีง ซ้ะโทะ แด เทา, อ ไฌ่ บี่ อี้ง กแช่ แยว้ แม้ เตา แม้ แต๊ เว่ง ล เว่ง นอ เอะ น ซื๊ง เย้า

ท​เน​โพล​ทาง 2:23

กมืง ล แฌ้ อี้ง อ พู อ ลี้ง นอ จ ม แม้ ซี๊ง ไฆวะ-อ้ะ กุ้ อ แฌ้, ฌ้อง โพล้ง ทื๊ง ซยอง เท่อ กุ้ อ จอง นอ, ม ซีงแฌ๊ แบ เว๊ แย้ จ เก โพล้ง พี่ อ ซีงแฌ๊ ท ช๊องมอง, ดี๊ ท ซ้ะกวี้ง ล๊องก้อง ลู่ง กโพล้ง อ ซ้ะ พ้า, จ ม เกล๊าง เอะ น คางเล้ง ท๊อง ล แฌ้ๆ, เกิ้ง ดี๊ น ท ไพ้ะ ท แม้ นอ ล้อ

ท​เน​โพล​ทาง 6:10

อซื๊งเว๊ซีง ล แพ นอ กุ้ ซย้ะ เท่อ เซ๊ พ้ะดู ไจ้ะ เว๊ บี่ อี้ง, “กแช่ ลู่ง อ ฌี้ อ แอว้ ดี๊ อ ที๊ง อ โต้-เอ้อ, ชี่ ไยะ เด้าะ เล้ น ม แม้ เตา แม้ แต๊ ดี๊ แม้ ช๊า ก้ะ โพล้ง พี่ อ โอ ฌางคู โคล๊ง คู, ลู่ง อ แม้ ซี๊ง เฆ้อ อ กย้อง”

1ซามูเอง 1:15

แบเด้าะ น่าง ฮางนา ไคล้ช๊า-อ้ะ ไจ้ะเว๊, “จ เซงคู-เอ้อ, ล เมะ บี่นอ แบ, แย้ จ เก กมืง พี่ ทน้ะ แบ จ ซ้ะ เต้ๆ, แย้ จ ล นี่ โอ้ ไซ้ะ ซไบ้ะ แซ ที๊ง แบ, ล โอ้ ทม้า ทปยุ้ แบ, แบเด้าะ จ ไคล้ ซูงทางไฆวะ เท่อ พี่ อ โอ จ ซ้ะ พ้า, ลู่ง กแช่ยาเว อ เมะแซ พ้า