เยเรมี 2:5 - Northern Pwo Karen Thai Bible

⁵ กแช่ยาเว ไจ้ะเว๊ บี่อี้ง “น พี๊งชู้พู๊งชู้ ลู่ง แย๊ อู้ง, แด ทไพ้ะทแม ดี๊ เฆ้อ ล เม้งๆ, ชี่-อ้า? อ เว๊ แด ช้างชื้งไฆวะ ดี๊ เฆ้อ ดี๊ ลี้โพะ ก้ะ ท อลื่งอฆวี้ ล โอ แบ อ ไค๊, ดี๊ นี่ เกทางก้ะ ท พี่ อลื่งอฆวี้ ล โอ แบ

เยเรมี 2:5 ပူးပေါင်းရင်းမြစ်များ

2​กจุ้แฆว้ 17:15

อ ซื๊งเว๊ ญ๊องไฆวะ กแช่ยาเว อ ทอเค้อะอต้าง, ดี๊ อ ทเอิ้งล้าง, พี่ แม้ เว๊ ดี๊ อ พี๊ง อ พู๊ง ลู่ง แย๊, เลา ดี๊ กแช่แยว้ อลู่งอแท๊ พี่ เกล๊าง เอะ-อ้ะ นอ, อ ซื๊งเว๊ ลี้ โพะ เท่อ พี่ ล ล้างเปิ่ง แบ นอ อ ไค๊, ดี๊ เกทางก้ะ เท่อ พี่ อลื่งอฆวี้ ล โอ แบ, ดี๊ อ ซื๊งเว๊ แม้โพะ โพล้ง ลู่ง ค่าง พ้า, พี่ โอ วะ อ ฆ้อง ลแพ นอ อ ไค๊, พี่ กแช่ยาเว ล เกม๊า อ แม้โพะ อ ไค๊ แบ

ทอางปฆ้า 115:8

โพล้ง พี่ อ ไต้ ทเค่งทฌ้าง ลแพ นอ, ม เก บี่ซุ้ดี๊ ทเค่งทฌ้าง ลแพ นอ ล้อ โพล้ง กุ้แฌ้ พี่ อางกีล้าง ซ้ะ ดี๊ ทเค่งทฌ้าง ลแพ นอ บี่ซุ้ ปะ

อีซยา 29:13

ดี๊ ทอดูทึโท๊ทึ กแช่ ไจ้ะเว๊ บี่อี้ง “เป๊งนี่ โพล้ง ล ชื้อ อี้ง เฌ๊ฆ้าง เบ้า ดี๊ อ นุ้ เฆาะ ดี๊ อางกีเมะอางกีแน๊ เฆ้อ ดี๊ อ นุ้เฌะ แบเด้าะ อ ซ้ะ โอ ช้างชื้ง ไย้ ดี๊ เฆ้อ ล้อ อ เว๊ โบงทางแบ้ทาง เฆ้อ บี่ซุ้ดี๊ เก กโพล้ง อ ทอางกีล้าง อเค้อะอต้าง พี่ นางแบ เว๊ ล ชู้ๆ, นอ ล้อ

อีซยา 44:9

กเย่ โพล้ง พี่ อ ไต้ ทเค่งทฌ้าง นอ, เก ทโปล้ปลิ้, ดี๊ ท พี่ อ ซื๊งเว๊ ซ้ะอวีงซ้ะโทะ เว๊ นอ, ล เกบลึ้เกบลาง แบ, อ ซื๊งเว๊ ซีง ลแพ อ พีงญาง นอ, ม แด ล ซี แบ ดี๊ ม ซีงแฌ๊ ล ซี แบ, บี่ซุ้ อ ซื๊งเว๊ ม แบ ฌางแช้ฌางเด

อีซยา 46:12

เกม๊า คุ้ช๊องแน เฆ้อ, น ซื๊งเว๊ ซีง ลแพ พี่ โอ ดี๊ ซ้ะ ลือค๊างพะ เท่อ แน้ โพล้ง พี่ โอ ช้างชื้ง ไย้ ดี๊ ทแบกแช่แยว้อซ้ะ

เยเรมี 10:8

อ ซื๊งเว๊ ลแพ นอ, เซ๊กู ดี๊ เฌ๊ฌ้อง ล้อ ทเค่งทฌ้าง อ ทซองทซ๊าง นอ, เก เซง เฆาะ ล้อ

เยเรมี 12:2

กแช่แยว้ เซิงล้าง อ ซื๊งเว๊, ดี๊ อ ซื๊งเว๊ นอ, เช้ล้าง อ ฌี่ง ล้อ อ ซื๊งเว๊ เมทาง ฌี้ทาง, ดี๊ ซูงทางแซทาง กแช่แยว้ โอ เบ้า ดี๊ อ นุ้ แบเด้าะ ไย้ ดี๊ อเซิงอซ้ะ

เยเรมี 14:22

กเย่ โพล้ง กุ้ชื้อกุ้ชะ อ ทเค่งทฌ้าง ลแพ นอ, โอ ล กแช่ ชี่-อ้า, พี่ อ ดึ้ เกม๊า ท เฌ๊ช้า ซี-อ้า? มุ้คู เฌ๊ช้า ล้าง แด เว๊ ซี ชี่-อ้า? จ กแช่ยาเว, ก ซื๊งเว๊ ก กแช่แยว้-เอ้อ แน้, เมะเว๊ กแช่แยว้ พี่ แม้ เท่อ บี่นอ ซี, ล เมะ แบ โบ่? ก ซื๊งเว๊ ก มื้งแล่ เท่อ ดี๊ แน้ เมะเว๊ น แม้ ท ลแพ อี้ง เลาพะ ล้อ

เยเรมี 2:31

โพล้ง ล ว๊าง แย๊ อี้ง-เอ้อ, น ซื๊งเว๊ ซีง ลแพ, เกม๊า ช๊องมอง แคว่ที๊ง กแช่ยาเว อลู่งอแท๊ ไช้ะ เฆ้อ ก เก บี่ซุ้ดี๊ แพะคูทเคแกล้ ลู่ง อีซลาเอง อ ฌ่าง-อ้า ก เก บี่ซุ้ดี๊ ที๊งล่างค่างพ้า พี่ อ ไค้ะซ๊า-อ้า? แบทเล้ กพูกลี้ง ไจ้ะ มะ เว๊ บี่อี้ง, ‘ก ซื๊งเว๊ ซีง ลแพ, ก พ้องพลิ้ เย้า ก ล เฌ๊ฌู, ‘กแช่แยว้ ล้า แบ’?

เยเรมี 2:4

ยาคุ้ อชื้ออชะ, ดี๊ อีซลาเอง อชื้ออชะ พ้า กุ้ ดอง-เอ้อ, เกม๊า คุ้ช๊องแน กแช่ยาเว อลู่งอแท๊

เยเรมี 8:19

คุ้ช๊องแน เซ้อ, จพูจลี้ง อ ลู่ง กุ้ซย้ะ เท่อ เฌ๊นี่ เฆ้งที๊งเฆ้งค่าง ล้อ “กแช่ยาเว ล นี่ โอ ซีโยง พ้า แบ โบ่? เว่ง อ กจุ้แฆว้ นอ, ล โอ เว่ง พ้า แบ-อ้า? แบทเล้, อ ซื๊งเว๊ ไล๊ดุ้ เฆ้อ, เกม๊า ก ซ้ะ ทาง ดี๊ อ ซื๊งเว๊ อ ทเค่งทฌ้าง อกย้อง ดี๊ อ ทเค่งทฌ้าง ล ค่าง แด อกย้อง?”

เอเซเคียง 11:15

“กโพล้ง อ พู-เอ้อ, น น๊างพื่งวี่, เมะเว๊ น น๊างพื่งวี่ พี่ เก นมื่งนแคว๊, ดี๊ อีซลาเอง อชื้ออชะ เลาพะ, พี่ อ เก โพล้ง พี่ โพล้ง เยรูซเลง ไจ้ะ เอะ เว๊ บี่อี้ง, ‘อ ซื๊งเว๊ ลแพ นอ, นี่ ช้างชื้ง ไย้ทาง ดี๊ กแช่ยาเว, ก นี่แบก้ะ ที๊งล่างค่างพ้า อี้ง เก-ก้ะ ก เท่อ ล้อ’

เอเซเคียง 14:5

บี่ซุ้ ก ม แม้นี่ก้ะ อีซลาเอง อชื้ออชะ กุ้แฌ้ อเซิงอซ้ะ, พี่ อ ช้างชื้ง ไย้ ดี๊ เฆ้อ, เป๊งนี่ ลู่ง อ ทเค่งทฌ้าง อกย้อง นอ ล้อ

โยนา 2:8

โพล้ง พี่ อ โบงทางแบ้ทาง ทเค่งทฌ้าง อซูงอแซ ล โอ แบ นอ อ ซื๊งเว๊ ญ๊องไฆวะ อ ท เซิงเท่งซ้ะโต้ ล้อ

ม้ะทู 15:8

‘กแช่ แยว้ ไจ้ะ เว๊, โพล้ง ล แพ อี้ง ทื๊ง แบ นะ แบ แย้ ที่ อ นุ้ นอ ล้อ แบ เด้าะ อ เซิง อ ซ้ะ โอ ไย้ โยะ ดี๊ แย้

ท​แม้ 14:15

ไจ้ะ เว๊ แด, “มื่ง ซีง แคว๊ ซีง-เอ้อ, แบ เล้ น ซื๊ง แม้ เท่อ บี่ อี้ง, เฆ้อ ก เก โพล้ง ฌางคู คู บี่ ซุ้ๆ, ดี๊ น ซื๊ง ล้อ, ก เฌ๊ โล้ แบ ละ แบ น ซื๊ง ลู่ง ท ฌี้ อ ไฌ่, บี่ ซุ้ น ซื๊ง ม พ้อง ไฆวะ ดี๊ ท ล กลุ้ ล จ้ะ แบ ล เอ้า อี้ง นอ, แกย ไท้ น ซื๊ง ซ้ะ, ทื๊ง ไท้ นะ ไท้ กแช่ แยว้ พี่ อ โอ ม๊า ล แฌ้ นอ, พี่ อ ไต้ ล้าง มุ้คู, ฌางคู, ปางเล ดี๊ กเย่ ท โอ ลู่ง อ พ้า กุ้ อ เม้ง นอ ล้อ

โรมา 1:21

อซื๊งเว๊ซีงแฌ๊ กแช่ แยว้, แบเด้าะ ล โบง ทาง แบ้ ทาง-อ้ะ พี่ อ เกิ้ง แม้ เว๊ นอ แบ, ดี๊ ล ไจ้ะ บลึ้ เว๊ แบ, อซื๊งเว๊ ช๊องมอง ก้ะ เท่อ พี่ อ ล ล้างเปิ่ง แบ, ดี๊ อ เซิง อ ซ้ะ พี่ ล กลุ้ ล จ้ะ แบ นอ โอ ท ไค้ะ ซ๊า แกล้

โล้​ล้างที๊ง​ทอางแม้เลา 32:21

อ ซื๊งเว๊ ซีง ลแพ, ดึ้ เกม๊า จ ไคว๊ซ้ะ เท่อ ดี๊ ท พี่ ล เมะ ท อ กแช่ แบ อ ไล๊ดุ้ เฆ้อ ดี๊ อ ท พี่ อซูงอแซ ล โอ แบ ทบี่นอ, จ ม ดึ้ เกม๊า อ เว๊ ไคว๊ โพล้ง พี่ ล เมะ ชื้อชะ แบ ดี๊ จ ม แม้ ฆวี่งทาง อ ซ้ะ, ดี๊ โพล้ง เซ๊กูเฌ๊ฌ้อง ล ค่าง

1ซามูเอง 12:21

แกยฆ้าง น ซ้ะ ลี้ โพะ ทลที๊งลโต้ แบ, พี่ อ ล ล้างเปิ่ง แบ นอ อ ไค๊ ล ฌี้, อ นอ แม้พ้องพลิ้ น ซื๊ง ล ซี แบ, เมะเว๊ ทลแพ อี้ง นอ เก เท่อ พี่ อ ล ล้างเปิ่ง แบ