เยเรมี 19:5 - Northern Pwo Karen Thai Bible

⁵ ดี๊ นี่ ไต้ทาง ทล่างซยื๊งซย้องพ้ะโท๊ ลู่ง ท กโช้งกแช่ บาอาง อ ฌ่าง, บี่ซุ้ ม เช้า อ พูแคว๊ ลู่ง มีอ้า พ้า, เก ทลื่งทางเช้าน๊างแฌ้ เทว๊ เอะ ท กโช้งกแช่ บาอาง พี่ ก ล นี่ อางแบเลา-อ้า, เฆว้ง แบ-อ้ะ-อ้า, ช๊องมอง-อ้ะ ลู่ง ก ซ้ะ พ้า-อ้า แบ

เยเรมี 19:5 ပူးပေါင်းရင်းမြစ်များ

2​กจุ้แฆว้ 17:17

ดี๊ อ ซื๊งเว๊ เกม๊า อ พูมืง พูแคว๊ ไจ มีอ้า พ้า, ดี๊ แคว่ มื่ง แคว่ แล้, ดี๊ แม้ ทอูงทโป้, ดี๊ อางแช๊ ล้าง อ ซ้ะ ลี้ แม้ก้ะ ทอ้าทซ๊าง ลู่ง กแช่ยาเว อ เมะแซ พ้า, ดึ้ เกม๊า กแช่แยว้ อ ซ้ะทาง

2​กจุ้แฆว้ 21:6

ดี๊ อ เว๊ เกม๊า อ พูแคว๊ พลึ้ล้าง อ ซ้ะ มีอ้า พ้า, แคว่ มื่ง แคว่ แล้, แม้ ทอูงทโป้, อางจ้ะนี่ เท่อ ดี๊ ตี้งน่าง, ดี๊ กมืง กแคว๊ พี่ เก โพล้ง อูง เท่อ ซี ล่อง เท่อ นึ, อ เว๊ แม้ ทอ้าทซ๊าง น้ะ เต้ๆ, ลู่ง กแช่ยาเว อ เมะแซ พ้า, ดึ้ เกม๊า กแช่แยว้ อ ซ้ะทาง พ้ะดู

2ทกวิ้ไน 28:3

ดี๊ อ เว๊ เช้า ทน๊าม๊า ลู่ง ทลู่ง เบงเฮงโนง คางไท้ะ, ดี๊ เช้า กเย่ อ พูแคว๊ ลแพ นอ ดี๊ มี เก ทลื่งทาง, แม้ เว๊ ด้องซุ้ โพล้ง กุ้ที๊งกุ้ค่าง อ ทแม้, พี่ อ ล้างแช๊เมะไฌ๊ซ้ะ, พี่ กแช่ยาเว โฌ๊ไจทางไฆวะ เว๊, เกม๊า พ้องไฆวะ ดี๊ โพล้ง อีซลาเอง อ เมะ อ แน๊ นอ

เยเรมี 32:35

อ ซื๊งเว๊ นี่ ไต้ทาง ทล่างซยื๊งซย้องพ้ะโท๊ ลู่ง ท กโช้งกแช่ บาอาง อ ฌ่าง, ลู่ง ทลู่ง เบงเฮงโนง คางไท้ะ บี่ซุ้ เทว๊ อ พูแคว๊ ดี๊ อ พูมืง เอะ ท กโช้งกแช่ โมเละ ทึเมะ ก ล นี่ อางแบเลา-อ้ะ-อ้า, ช๊องมอง เท่อ ลู่ง ก ซ้ะ พ้า-อ้า แบ บี่อี้ง, อ เว๊ เกิ้ง ม แม้ ท ล้าง แช๊เมะไฌ๊ซ้ะ อี้ง, พี่ ดึ้ เกม๊า ยูดา ทางไพ้ะ เด้บ้ะ”

เอเซเคียง 16:36

ทอดูทึโท๊ทึกแช่ยาเว ไจ้ะเว๊ บี่อี้ง, เป๊งนี่ น ลู๊งล้างไฆวะ นคองนแซย้ ดี๊ โล้ล้าง น ท โบลงโกง โปล้ปลิ้, ลู่ง น ท โละกวี้ เอโบ้ง เท่อ ดี๊ โพล้ง พี่ น เอ-อ้ะ ลแพ นอ, ดี๊ เป๊งนี่ น ทเค่งทฌ้าง ล้าง ซ้ะลูซ้ะไล้ะ กุ้เม้ง, เลา ดี๊ น พู อ ซวีง พี่ น เทว๊ เอะ ทฌ้าง ลแพ นอ

เอเซเคียง 20:26

ฌ้อง นอ ก เกม๊า อ ซื๊งเว๊ แบอ้า ดี๊ อ ท เทว๊, ดี๊ อ พู วี่แซย่ กุ้แฌ้, บี่ซุ้ ก ม ดึ้ เกม๊า อ ซื๊งเว๊ ซ้ะเมซ้ะไพล้ เท่อ, บี่ซุ้ เกม๊า อ ซื๊งเว๊ ซีง ลแพ ซีงแฌ๊ เว๊ บี่อี้ง, เฆ้อ เมะเว๊ ยาเว ล้อ

เอเซเคียง 38:10

“ทอดูทึโท๊ทึกแช่ยาเว ไจ้ะเว๊ บี่อี้ง, ล นี้ง แย๊ นอ, ม เกทาง ทช๊องมอง ลู่ง น ซ้ะ พ้า, ดี๊ น ม ช๊องมองเว้ทแม้ ออ้าอซ๊าง

ดานีเอง 2:29

จ กจุ้แฆว้-เอ้อ, พี่ น มี๊ง ลู่ง ล่างมี๊ง คู อ แค๊ นอ, ทช๊องมอง แบฆ้ะ ดี๊ ท อ ไฌ่ พี่ ม เฌ๊ กึทาง ลู่ง ไค๊ นี่ เฌ๊ทาง, ดี๊ กแช่แยว้ พี่ โล้ ล้างที๊ง ทคิ้ซูงคิ้บีง นอ, เกม๊า น ซีงแฌ๊ เท่อ, แบฆ้ะ ดี๊ ท พี่ อ ม กึทาง

เลวี​อ​ไฌ่ 18:21

น พู น ลี้ง นอ, เทว๊ เอะ ทกโช้งกแช่ โมเละ ลู่ง ท ไจ มี พ้า ล ฌี้, แม้ เฌ๊ฌ้อง น กแช่แยว้ อเม้งอแซ ล ฌี้ แย้ จ เก กแช่ยาเว

เกล้​ท​ซ้ะวี่ง 22:41

ทพ้างทาง โฌ้โค๊ บาล้ะ ลี้ฌ้า บาลาอาง ลี้ทาง ลู่ง ทจ้องคู บาโมบาอาง ดี๊ โอนี่ พี่ นอ, อ เว๊ แดจู้ล้าง โพล้ง อีซลาเอง พี่ อ โอ เบ้า ทึ ลแพ นอ ล้อ

โล้​ล้างที๊ง​ทอางแม้เลา 12:31

แม้ เท่อ บี่ นอ ดี๊ กแช่ยาเว น กแช่แยว้ ล ฌี้, เมะเว๊ ท ล้าง ซ้ะลูซ้ะไล้ะ กุ้เม้ง, พี่ กแช่ยาเว ซ้ะลูซ้ะไล้ะ เว๊ นอ, อ ซื๊งเว๊ นี่ แม้ เอะ อ ท กโช้งกแช่, ทึเมะ อ ซื๊งเว๊ อ พูแคว๊ พูมืง ฌี้ นอ, อ ซื๊งเว๊ เช้า เว๊ ดี๊ มี, ลื่งทาง เทว๊ เอะ อ ท กโช้งกแช่ นอ ล้อ”