เยเรมี 18:8 - Northern Pwo Karen Thai Bible

⁸ แบเด้าะ, โพล้ง ล ชื้อ แย๊ พี่ ก นี่ โล้ เว้-อ้ะ นอ, เมะ แกยไฆวะ อ ซ้ะ ดี๊ อ ทอ้าทซ๊าง นอ, ก ม เปลงไฆวะ ไท้ ก ซ้ะ ดี๊ ทเตาทแต๊, พี่ ก โอทางเว้ซ้ะ ม แม้ เอะ โพล้ง ล ชื้อ นอ ล้อ

เยเรมี 18:8 ပူးပေါင်းရင်းမြစ်များ

2ทกวิ้ไน 12:6

ฌ้อง กดูกแซย่ ค่าง อีซลาเอง ดี๊ กจุ้แฆว้ นอ, ชางล้าง ซ้ะ ดี๊ ไจ้ะเว๊, “กแช่ยาเว แม้ เท่อ ลู่ง อ เกิ้ง อ แบ เย้า”

ทอางปฆ้า 106:45

ลู่ง อเว๊ อ ฌ่าง นอ, กแช่แยว้ นางแบทางไท้ อ ท เอิ้งล้าง ดี๊ ย๊างซ้ะ แบ ไท้ เว๊, บี่ซุ้ดี๊ อ ทเอทกวี้ง ลู่ง อเฌิ่งอค๊า นอ ล้อ

ทอางปฆ้า 135:14

เมะเว๊ กแช่ยาเว ม เกล๊าง ทอเกิ้งอแบ เอะ อพูอลี้ง ดี๊ ย๊างเซิงย๊างซ้ะ แบ กเย่ อ เพล่ ลแพ นอ ล้อ

ทอางปฆ้า 90:13

จ กแช่ยาเว-เอ้อ, อวีงซ้ะชู้ แกยฆ้าง น ซ้ะ ไช้ะ, ม ชี่ไยะ เด้าะ เล้? อวีงซ้ะชู้ ย๊างซ้ะ กเย่ นเพล่นบาง ลแพ นอ ไช้ะ

ทไจทางไฆวะ 32:12

แม้ ทเล้, น ม ม๊า โพล้ง อีไย้ะ ไจ้ะเว๊, ‘กแช่แยว้ ไจทางฌ้า-อ้ะ บี่ซุ้ ม แม้อ้าแม้ซ๊าง อ ซื๊งเว๊, แม้ซี๊ง-อ้ะ ลู่ง ทลู่ง คู, ดี๊ แม้ล้างแม่ไฆวะ-อ้ะ ลู่ง ฌางคู คู’?, เกม๊า เต้ น แกย้ไท้ น ซ้ะ ดี๊ น ทซ้ะทาง พ้ะดู นอ ไช้ะ, ดี๊ ม๊า น เปลงไฆวะ น ซ้ะ แม้อ้าแม้ซ๊าง น พู น ลี้ง ล ฌี้

ทไจทางไฆวะ 32:14

ฌ้อง กแช่ยาเว เปลงไท้ อ ซ้ะ, ล แม้อ้าแม้ซ๊าง อ พู อ ลี้ง บี่ซุ้ดี๊ อ ไจ้ะเว๊ นอ ล้าแบ

เยเรมี 12:16

ดี๊ อ ซื๊งเว๊ ลแพ นอ, เมะ เฌา ไฌ่ลู กพูกลี้ง อ เกล้, เมะเว๊ อืงล้าง อ ซ้ะ ลู่ง กเม้งกแซ พ้า บี่อี้ง, ‘กแช่ยาเว โอม๊า ได้ะ ล้างเท่งล้างชิ้ บี่จะเล้ นอ’, ด้องซุ้ อ เว๊ นี่ ซอง กพูกลี้ง, เกม๊า อืงล้าง อ ซ้ะ ดี๊ ท กโช้งกแช่ บาอาง เย้า นอ, อ เว๊ ม นี่แบ ท ไต้ทาง ลู่ง กพูกลี้ง อซุ้อแกล้ พ้า ล้อ

เยเรมี 15:6

น นี่ ซม๊า เฆ้อ” กแช่ยาเว โล้ เว๊ บี่อี้ง ล้อ “น ฌ้าไท้ซ้ะ ลู่ง ล่างไค๊ โค๊ ครึๆ ก เยาทาง ก จูง, ลี้ ดึ้ แน้, ดี๊ แม้ เฌ๊ฌ้อง แน้ ก โก้งเซิงโก้งซ้ะ เกล๊าง อช๊าอโท่ ลมึลพ้า ล้า แบ

เยเรมี 26:13

อกย้องบี่นอ, ค๊องเนงอี้ง น ซื๊งเว๊ ซีง ลแพ, น แบ แม้ฌี้แม้แบ ไท้ น เกล้ ดี๊ น ทไพ้ะทแม้, ดี๊ ชู่ง กแช่ยาเว น กแช่แยว้ อ ลู่ง, ดี๊ กแช่ยาเว ม เปลงไท้ อ ซ้ะ ดี๊ ท กึทาง อ ซ้ะ ลู่ง ออ้าอซ๊าง, พี่ กแช่แยว้ นี่ อางกีล้าง เว้ เอะ แน้ นอ

เยเรมี 26:19

ยูดา อ กจุ้แฆว้ เฮเซคียา, ดี๊ โพล้ง ยูดา เลาพะ นอ, นี่ แม้ซี๊ง ไฆวะ-อ้ะ โบ่?, อ เว๊ ดู้งแบยางแบ กแช่ยาเว, ดี๊ อางท่าง อางโฆอางแย๊ กแช่ยาเว, ดี๊ กแช่ยาเว นี่ เปลงไท้ อ ซ้ะ ดี๊ ทอ้าทซ๊าง, พี่ กแช่แยว้ อางกีล้าง เว้ เอะ อ ซื๊งเว๊ ลแพ นอ, ล เมะแบ-อ้า?, แบเด้าะ ก ดึ้ เกม๊า ทอ้าทซ๊าง พ้ะดู เฌ๊ แบ ก กแช่ แด เว๊ ล้อ”

เยเรมี 26:3

แบซีงลู่ง อ ซื๊งเว๊ ม คุ้ช๊องแน เว๊, ดี๊ กุ้แฌ้ ม แกยไฆวะไท้ อ ซ้ะ ดี๊ อ เกล้อ้าเกล้ซ๊าง, ดี๊ ก ม เปลงไท้ ก ซ้ะ ล แม้ ทอ้าทซ๊าง, พี่ ก อางกีล้าง ซ้ะ ม แม้ เอะ อ ซื๊งเว๊, ลู่ง อ ท แม้อ้าแม้ซ๊าง อกย้อง นอ แบ

เยเรมี 36:3

แบซีงลู่ง โพล้ง ยูดา ม แน่ฌ๊า แบ ทอ้าทซ๊าง กุ้เม้ง, พี่ ก ช๊องมอง ม แม้ เอะ อ ซื๊งเว๊ นอ, บี่ซุ้ กุ้แฌ้ ม วีงแซยไฆวะ อ ซ้ะ ดี๊ อ เกล้อ้าเกล้ซ๊าง, ฌ้อง ก ม นี่ แพล่ไฆวะ อ ทไพ้ะทแม ดี๊ อ ทเด้เทาเด้บ้ะ ล้อ”

เยเรมี 42:10

‘น ซื๊ง เมะ ม โอ ที๊งล่างค่างพ้า อี้ง ได้ะ นอ, ก ม ไต้ทาง น ซื๊ง, ดี๊ ล แม้ ล้างฆ่อง แบ, ก ม เซิงล้าง แน้, ดี๊ ล ทิ้ทางไฆวะ แน้ แบ, เมะเว๊ ก แกยไฆวะ ไท้ ก ซ้ะ ดี๊ ท กึทาง อ ซ้ะ ลู่ง ออ้าอซ๊าง พี่ ก นี่ แม้ เอะ แน้ เย้า นอ ล้อ

เอเซเคียง 18:21

“แบเด้าะ โพล้งอ้าโพล้งซ๊าง แฌ้ฌี้ๆ, เมะ แกยไฆวะ อ ซ้ะ ดี๊ ทเด้บ้ะ กุ้เม้ง, พี่ อ นี่ แม้ แบ เว๊, ดี๊ แฌแซกต้าง ก ท อเค้อะอต้าง กุ้เม้ง, เลา ดี๊ แม้ ท อเกิ้งอแบ ดี๊ แม้ ทฌี้ทแอว้ นอ, อ เว๊ ม โอม๊า เต้ๆ, ล้อ, อ เว๊ ม ล ซี๊ง แบ

เอเซเคียง 33:11

เกม๊า โล้ เอะ อ ซื๊งเว๊ บี่อี้ง, ทอดูทึโท๊ทึกแช่ยาเว ไจ้ะเว๊, ก โอม๊า ได้ะ ล้างเท่งล้างชิ้ บี่จะเล้ นอ, ล แบ ก ซ้ะ ลู่ง โพล้งอ้าโพล้งซ๊าง อ ทซี๊งทแช๊ พ้า แบ, แบเด้าะ แบ ก ซ้ะ พี่ โพล้งอ้าโพล้งซ๊าง แกยไฆวะ อ ซ้ะ ดี๊ อเกล้อพ้า, ดี๊ โอม๊า เว๊ ล้อ ล เมะ แบ-อ้า?, เกม๊า แกยไท้ น ซ้ะ, เกม๊า แกยไฆวะไท้ น ซ้ะ ดี๊ น เกล้อ้าเกล้ซ๊าง, โอ้, อีซลาเอง อชื้ออชะ-เอ้อ, แม้ทเล้ น ญ่อง ซี๊ง?,

เอเซเคียง 33:12

แน้, กโพล้ง อ พู-เอ้อ, เกม๊า น โล้ เอะ โพล้ง ล ชื้อ ฆ่าง ดี๊ แน้ บี่อี้ง, โพล้ง แบกแช่แยว้อซ้ะ อ ทฌี้ทแอว้ นอ, ล แม้ช้า-อ้ะ เกม๊า พ้องพลิ้ แบ, พี่ อ เว๊ แม้ ทลือค๊างพะ นอ, เมะ โพล้งอ้าโพล้งซ๊าง อ ทอ้าทซ๊าง นอ, ม ล ดึ้ เกม๊า อ เว๊ ล้างเทะเค้า แบ, พี่ อ เว๊ แกยไฆวะไท้ อ ซ้ะ ดี๊ อ ทอ้าทซ๊าง นอ, ดี๊ โพล้ง แบกแช่แยว้อซ้ะ นอ, ม ล โอม๊า ซี ดี๊ อ ทฌี้ทแอว้ แบ พี่ อ เว๊ แม้ ทเด้บ้ะ นอ

เอเซเคียง 33:13

ทึเมะ ก ม โล้ เอะ โพล้ง แบกแช่แยว้อซ้ะ บี่อี้ง, อ เว๊ ม โอม๊า เต้ๆ, ล้อ, แบเด้าะ อ เว๊ เมะ อางกีล้าง ซ้ะ ดี๊ อ ทฌี้ทแอว้, ดี๊ แม้ ทเด้บ้ะ นอ, อ ทแม้ พี่ อฌี้อแอว้ กุ้เม้ง นอ, ล นี่แบ ท นางแบเย้แบ ล้า แบ, ดี๊ อ เว๊ ม แบ ซี๊ง ลู่ง ทเด้บ้ะ พี่ อ นี่ แม้ แบ เว๊ นอ ล้อ

เอเซเคียง 33:14

แอเละ อ อี้ง ได้ะ, ทึเมะ ก นี่ โล้ เอะ โพล้งอ้าโพล้งซ๊าง บี่อี้ง, ‘น ม แบ ซี๊ง เต้ๆ, ล้อ’, อ เว๊ เมะ แกยไฆวะไท้ อ ซ้ะ ดี๊ อ ทเด้บ้ะ, เฌ๊ แม้ ท อเกิ้งอแบ ดี๊ ทฌี้ทแอว้

โฮเชยา 11:8

โอ้, เอฟาอีง-เอ้อ, ก ม เกม๊า น เก โพล้ง แฌ้แพ อ เท่อ ซี บี่จะเล้? โอ้, อีซลาเอง-เอ้อ, ก ม อางกีล้าง แน้ เอะ โพล้ง อ แฌ้แพ ซี บี่จะเล้? ก ม เกม๊า น เก บี่ซุ้ดี๊ เว่ง อะมา ซี บี่จะเล้? ก ดึ้ เกม๊า น เก บี่ซุ้ดี๊ เว่ง เซโบยีง ซี บี่จะเล้? กเซิงกซ้ะ เติ้งทางเติ้งล้าง โอ ลู่ง แย๊โค๊ ก ท เอดู นอ เฌ๊ทาง เว๊ ล้อ

อาโม 5:15

เกม๊า น แช๊เมะไฌ๊ซ้ะ ดี๊ ทอ้าทซ๊าง, ดี๊ เกม๊า น เอ ทฌี้ทแอว้ ดี๊ เกม๊า ช๊างล้าง ท อเกิ้งอแบ ลู่ง ซ่าง พ้า แบซีงลู่ง กแช่ยาเว, กแช่แยว้ ซึ้คู ดูทึชองทึ ม ย๊างซ้ะ แบ โยซิ้ อชื้ออชะ, พี่ โอ ล้างลื๊อ ก้ะ นอ

โยนา 4:2

โยนา ชูแพอางท่าง เท่อ ดี๊ กแช่ยาเว ไจ้ะเว๊, “จ กแช่ยาเว-เอ้อ, พี่ จ โอ ลู่ง จ ที๊งล่างค่างพ้า ได้ะ นอ, จ ไคล้ บี่อี้ง เย้า, ม แม้ อ ซ้ะ บี่อี้ง ล เมะ แบ-อ้า?, อ อี้ง เก อไฌ่อกย้อง เกม๊า จ ปชื่ง ไจคุ้ซูง ลี้ ลู่ง เว่ง ทาราชิ้, เป๊งนี่ จ ซีงแฌ๊ บี่อี้ง, กแช่แยว้ เก กแช่แยว้, พี่ โอล๊าโอฆวี้ ดี๊ ทบลึ้ทบลาง, ดี๊ ทย๊างซ้ะ, ซ้ะทาง โกย้, ดี๊ โอล๊าโอฆวี้ ดี๊ ทเอทกวี้ง ลู่ง อเฌิ่งอค๊า ดี๊ เปลงไท้ ซ้ะ ล แม้เตาแม้แต๊ เท่อ แบ

โล้​ล้างที๊ง​ทอางแม้เลา 32:36

อไฌ่บี่อี้ง, กแช่ยาเว ม ต้ะเซ๊ง อพูอลี้ง ล้อ ดี๊ ย๊างซ้ะ แบ อเพล่อบาง พี่ แคว่ เว๊ อไฌ่อแบ้ เลาไฆวะ เย้า นอ โพล้ง ล ล้างลื๊อ น่างแฌ้ ล้าแบ, เมะ ท อ ฆ่อง ฌี้, ล เมะ ท อ ฆ่อง แบ ฌี้

โพล้งต้ะเซ๊งเท่อ 2:18

กแช่ยาเว ต๊างทางนี่ โพล้งต้ะเซ๊งเท่อ พี่ พ๊า เล้ นอ, กแช่ยาเว โอ ดี๊ โพล้งต้ะเซ๊งเท่อ นอ ล้อ, ดี๊ แม้ช้า อ ซื๊งเว๊ พ้องไฆวะ ดี๊ อดีงอแด้ อ จูง เพล้า โพล้งต้ะเซ๊งเท่อ อ ชู้, เมะเว๊ กแช่ยาเว ย๊างซ้ะ แบ อ ซื๊งเว๊, พี่ แน่ฌ๊า เว๊ อ ลู่ง ฌางล้างย้าล้าง ลู่ง โพล้ง แม้น้ะแม้โน๊ง-อ้ะ ดี๊ แคแน-อ้ะ อ กย้อง