เยเรมี 16:5 - Northern Pwo Karen Thai Bible

⁵ “อไฌ่บี่อี้ง, กแช่ยาเว ไจ้ะเว๊, ลี้ นึฆ้าง ลู่ง เด้า พี่ เมะมองแน๊อึ้ อ พ้า-อ้า, ลี้ ฌางล้างย้าล้าง-อ้า, ลี้ ซ้ะ เฌ๊ฌ้อง ฆึ-อ้า ล ฌี้, เมะเว๊ ก แม้นี่ไฆวะ ก ท ชูฌี้ ทมึทพ้า ดี๊ โพล้ง ล ชื้อ อี้ง เย้า, กแช่ยาเว โล้ เว๊ บี่อี้ง ล้อ, เลา ดี๊ ก ทเอทกวี้ง ลู่ง อเฌิ่งอค๊า ดี๊ ก ท ย๊างเซิงย๊างซ้ะ นอ ล้อ

เยเรมี 16:5 ပူးပေါင်းရင်းမြစ်များ

ทอางปฆ้า 25:6

จ กแช่ยาเว-เอ้อ, เกม๊าเต้ นางแบทางไท้, น ทย๊างเซิงย๊างซ้ะ, ดี๊ น ทเอทกวี้ง พี่ อเฌิ่งอค๊า นอ เมะเว๊ ทลแพ นอ โอ นี่ ล โค๊ ลู่ง อไยะอเช้ เย้า

อีซยา 27:11

ท่อง อ ได้ ไฆ๊ นอ, อ แบ ทบุ้แค่ ล้อ กมืง ลแพ นอ, เฌ๊ท้อง ดี๊ แม้นี่ เว๊ ลี้ อูงเค้ทาง มี เมะเว๊ อ อี้ง เก โพล้ง อ ชื้อ พี่ ล โอ ดี๊ ท แนซีโน้งซี แบ อกย้องบี่นอ, โพล้ง พี่ ไต้ล้าง-อ้ะ นอ, ม ล ย๊างซ้ะ-อ้ะ แบ โพล้ง พี่ อ ไต้ล้าง-อ้ะ นอ, ม ล เนโพลทาง ทย๊างซ้ะ ดี๊-อ้ะ แบ

เยเรมี 12:12

โพล้ง แม้ เซงทื่งเฌ๊ฌ้อง เท่อ นอ เฌ๊ ลู่ง ทล่าง พ้ะโท๊ เกล้งเน้ง ลแพ นอ อ คู, ลู่ง แพะคูทเคแกล้ เมะเว๊ กแช่ยาเว อ น้ะ นอ, แม้ เฌ๊ฌ้อง เท่อ, โอ นี่ ลู่ง มุ้คูทึฌางคูทึ อ ทุ้ ล แพ้ อี้ง, ลี้ท้อง อ ทุ้ ล แพ้ เด้าะ ทมึทพ้า ล โอ ดี๊ กโพล้ง น่างแฌ้ แบ เฆาะ

เยเรมี 13:14

ดี๊ กแช่ยาเว ไจ้ะเว๊ บี่อี้ง, ก ม เว่งว๊าง อ ซื๊งเว๊, เกม๊า แบไท้ะ โละซ้ะ, แพ่ ซีง ลแพ, ดี๊ พู ซีง ลแพ, ก ล ย๊างซ้ะ-อ้า, อางกี ม๊า-อ้า, โอ ดี๊ ท เอดู พี่ ม ล แม้ เฌ๊ฌ้อง-อ้ะ แบ-อ้า แบ’, ”

เยเรมี 16:13

อกย้องบี่นอ, ก ม เว่งว๊าง ไจทางไฆวะ แน้ ลู่ง ค่าง อี้ง, ลี้ นึฆ้าง ลู่ง ที๊งล่างค่างพ้า, พี่ แน้-อ้า, น พี๊งชู้พู๊งชู้ ลู่ง แย๊ อู้ง-อ้า นอ, ล ซีงแฌ๊ เว๊ แบ, ดี๊ พี่ พ นอ, น ม แม้ เอะ ท กโช้งกแช่ อ แฌ้แพ อ เท่อ, เลามแน้เลามแช๊, เมะเว๊ ก ล เนโพลทาง ก ท ย๊างซ้ะ เอะ แน้ แบ เฆาะ ล้อ’

ท​ฌางล้างย้าล้าง 3:17

จ ทม๊า ไว้ะว๊างไฆวะ ดี๊ ทมึทพ้า ท้อง ลู่ง จ ซ้ะนางไฆวะ เว๊, ทมึทพ้า แม้ อ ซ้ะ บี่จะเล้

เซคารียา 8:10

เมะเว๊ ลู่ง แย๊ ว๊าง อู้ง นอ, โพล้ง ฌี้, ทพูแฆ่ ฌี้ นอ, อ จูงเล้งคางเล๊ ล โอ แบ, เลา ดี๊ โพล้ง พี่ นึฆ้าง ไจทาง นอ, ทมึทพ้า พ้องไฆวะ ดี๊ ดีงแด้ ล โอ แบ, อไฌ่บี่อี้ง, ก ทูแพล่ เกม๊า โพล้ง ลแพ นอ, ดึ้ซึ้ โละซ้ะ ดี๊ อ ฌุ้พาง

โล้​ล้างที๊ง​ทอางแม้เลา 31:17

ฌ้อง ล นี้ง แย๊ นอ, จ ม เซิงทางซ้ะไฌ๊ ดี๊-อ้ะ, ดี๊ ญ๊องไฆวะ-อ้ะ, ดี๊ อางกีซูงไฆวะ จ เมะ ดี๊-อ้ะ, อ ซื๊งเว๊ ม แบ ทอางยื่งคล่อง-อ้ะ, ดี๊ ม ต้องนอง ทอ้าทซ๊าง, ดี๊ ทน้ะทโน๊ง แอ มะ, ล นี้ง แย๊ นอ, อ เว๊ ม ไจ้ะ บี่อี้ง, ‘เฆ้อ ก ต้องนอง ทอ้าทซ๊าง ลแพ อี้ง นอ, เป๊งนี่ กแช่แยว้ ล โอ ลู่ง กซุ้กแกล้ แบ, ล เมะ แบ-อ้า?’

ท​เน​โพล​ทาง 6:4

ท่อง อ ช๊าง กซี ล ดื้ง เด้าะ เฌ๊ ฆ้าง, เก กซี โฌ้, โพล้ง เทา กซี ล ดื้ง อี้ง นอ นี่ แบ อ ดู้ง อ ยาง เกม๊า อ โชะ ไฆวะ ท มึ ท พ้า ลู่ง ฌางคู โคล๊ง คู, บี่ ซุ้ ม เกม๊า โพล้ง กุ้ อ แฌ้ ดึ้ โละ อ ซ้ะ, อ เว๊ นอ นี่ แบ น้ะ พ้ะดู ล เบง