เยเรมี 12:6 - Northern Pwo Karen Thai Bible

⁶ อไฌ่บี่อี้ง, ทึเมะ น น๊างพื่งวี่, ดี๊ น แพ่ อชื้ออชะ นอ นี่ แม้ กไบล้ะกแบล แบ แน้ อ เว๊ กุ้ซย้ะ เท่อ ทึ อ ลู่ง, ล้องช่อง แน้ ได้ะ ทึเมะ อ เว๊ ไคล้มึไคล้พ้า ดี๊ แน้ ฌี้ นอ นะ-อ้ะ ล ฌี้ เฆาะ

เยเรมี 12:6 ပူးပေါင်းရင်းမြစ်များ

โยบา 6:15

จ พื่ง จ วี่ นอทื๊งแบนะแบ-อ้ะ ลซีแบ ด้องซุ้ ที๊งกล้อง ด้องซุ้ ที๊งกล้อง พี่ ที๊ง แยว้ ล้างอวีงล้างพะ

ทอางปฆ้า 12:2

อซื๊งเว๊ ไคล้ ทคีงอูงคีงตู๊ง โละอซ้ะ อเว๊ ไคล้มึแน่ ดุ้ เท่อ ดี๊ อ นุ้เฌะ, ดี๊ อ ซ้ะ อางโล๊ไละ เท่อ

ทอางปฆ้า 12:3

เกม๊าเต้ กแช่ยาเว แม้ไฆวะ นุ้เฌะ, พี่ ไคล้ มึแน่ ดุ้ เท่อ นอ เลาพะ ไช้ะ ดี๊ กล้างเทะไฆวะ พลี้, พี่ อางปฆ้า ทไพ้ะทแม้ พ้ะดู นอ

ทอางปฆ้า 69:8

จ เกทางก้ะ โพล้ง กมวี้ง, ล้ะเมะล้ะแน๊ ลู่ง จพื่งจวี่ อ ฌ่าง ดี๊ เก ก้ะ โพล้งลชื้อแด ลู่ง มู่ อพูอลี้ง ลแพ นอ อ ฌ่าง

ทอางด้อง 23:8

น ม ปยุ้ทางไท้ ทอาง พี่ น อาง-อ้ะ นอ ดี๊ น ทไคล้ อเพาอเบ้ นอ, ม เฌ๊ฌ้องไฆวะ โปล้ๆ, ล้อ

ทอางด้อง 26:25

พี่ อ เว๊ ไคล้ บี่ซุ้ดี๊ โอ ดี๊ ทย๊างซ้ะ นอ, นะ-อ้ะ ล ฌี้ อไฌ่บี่อี้ง, โอ ดี๊ ท ล้าง แช๊เมะไฌ๊ซ้ะ แอเม้งแอมยู๊ ลู่ง อ ซ้ะ พ้า

อีซยา 31:4

เมะเว๊ กแช่ยาเว ไคล้ ดี๊ แย้ บี่อี้ง ไจ้ะเว๊ “บี่ซุ้ดี๊ คี๊ยื่ง-อ้า, คี๊ยื่ง แพ๊-อ้า, พี่ เคิ่ง เท่อ โอ ลู่ง อ แชอาง เช๊คู ดี๊ ท่อง อ เว๊ กุ้ นี่ โพล้ง ลื่งแกะ ล มู๊ง เฌ๊ ดึ้-อ้ะ นอ อ เว๊ ล ซ้ะเมซ้ะไพล้ อ ซื๊งเว๊ ลแพ นอ, อ ลู่ง กุ้ซย้ะ เท่อ แบ ดี๊ ล เซิงไพ่ซ้ะว้ะ ดี๊ อ ซื๊งเว๊ อ ลู่ง เซ๊ ตทูงล้างคล้าง นอ แบ ทบี่นอ, กแช่ยาเว ซึ้คู ดูทึชองทึ ม เฌ๊ล้าง บี่ซุ้ ดึ้ซึ้ ลู่ง ทลู่ง ซีโยง คู ดี๊ อ ท จ้องม๊อง คู

เยเรมี 11:19

แบเด้าะ จ เก บี่ซุ้ดี๊ แกะพู พี่ อ เน้ ฌี้ ล ดื้ง พี่ แบ ท ลี้ฌ้า แม้ซี๊งแม้แช๊ จ ล ซีงแฌ๊ แบ เฆาะ, พี่ จ กแช่ แด เว๊ แบ อ ซื๊งเว๊ อ ท ช๊องมองเว้ทแม้ ดึ้ แย้, ลู่ง อ ไจ้ะเว๊ บี่อี้ง “เกม๊า ก แม้เฌ๊ฌ้องไฆวะ เซง มื่งเทิง ดี๊ อซูงอแซ ปะ เกม๊า ก แม้ไฆวะ-อ้ะ ลู่ง โพล้ง โอม๊า อล่างอเกล้ บี่ซุ้ อ เว๊ อเม้งอแซ, ม ล เก ท นางแบทางไท้ ล้า แบ เฆาะ”

เยเรมี 11:21

อกย้องบี่นอ, กแช่ยาเว ไจ้ะเว๊ บี่อี้ง, แบฆ้ะ ดี๊ โพล้ง ลู่ง ตางโบง อานาโทะ, พี่ ม แม้ซี๊ง แน้, ดี๊ ไจ้ะ เอะ แน้ บี่อี้ง, “โล้ล้าง ท อลู่งอแท๊ ลู่ง กแช่ยาเว อเม้งอแซ ล ฌี้, บี่ซุ้ น ม แบ ซี๊ง ดี๊ เฆ้อ ก จูง แบ”

เยเรมี 20:10

จ แน่ฌ๊า ท อ ลู่ง ไคล้ กโช้ แอ มะ “ท ไพ้ะฆิ้โค๊ฆิ้ โอ วะ กุ้ แพ้, ซี๊งเค-อ้ะ, เกม๊า ก ซี๊งเค-อ้ะ” จ ฌุ้พาง เท่งซ้ะ พี่ กื้อ ลี้ง โละซ้ะ กุ้ แฌ้ นอ โอคุ้แคว่ดุ้ จ ท เซงทื่งเฌ๊ฌ้อง ไจ้ะเว๊ บี่อี้ง “แบซีงลู่ง อ เว๊ ม แบ ท อางโล๊ไละ ฌ้อง ก ม น้า-อ้ะ ดี๊ แม้แกไท้-อ้ะ ซี”

เยเรมี 9:2

จ ทล่าง โอไปว้ะ เมะ โอ, ลู่ง โพล้ง ลี้เท่อไท้เท่อ อ ฌ่าง โอ ลู่ง แพะคูทเคแกล้ นอ, ม ฌี้ เย้า บี่ซุ้ จ ม นี่ ไจแดไฆวะ โพล้ง ล ชื้อ ฆ่าง ดี๊ แย้ ดี๊ ไจ พ้องไฆวะ ดี๊ อ ซื๊งเว๊ ล้อ เป๊งนี่ อ ซื๊งเว๊ เลาพะ นอ, เก โพล้ง เอโบ้งเอพะ เท่อ ดี๊ เก โพล้ง น๊างมู๊ง พี่ อ เฌา กไบล้ะกแบล ล้อ

เยเรมี 9:3

“อ ซื๊งเว๊ แม้ไก อ พลี้, บี่ซุ้ดี๊ คลีง บ้อง ค้ะ ไจทาง ท ลเมะลโต้ แบ ล เมะ ดี๊ ทเมะทโต้ พี่ อ ซื๊งเว๊ ชองทางไคล๊ทาง ลู่ง ที๊งล่างค่างพ้า แบ เป๊งนี่ อ ซื๊งเว๊ ไจทางแดไฆวะ ทอ้าทซ๊าง ล เม้ง, ลี้ ลู่ง ทอ้าทซ๊าง ล เม้ง เด้าะ ล้อ ดี๊ อ เว๊ ล ซีงแฌ๊ เฆ้อ แบ” กแช่ยาเว โล้ เว๊ บี่อี้ง ล้อ

เยเรมี 9:4

“อวีงซ้ะชู้ เกม๊า กุ้แฌ้ ปโล่ปด้าง อ ฌุ้พาง ดี๊ อางกีล้าง ซ้ะ ดี๊ น๊างพื่งวี่ น่างแฌ้ ล ฌี้ เฆาะ เป๊งนี่ น๊างพื่งวี่ กุ้แฌ้ นอ, เก โพล้ง แซย๊กไบล้ะ ดี๊ ฌุ้พาง กุ้แฌ้ นอ, ลี้ ไจ ไคล้ ซี๊งเคพะเพิ่ง โพล้ง อ แฌ้แพ

เยเรมี 9:5

โพล้ง กุ้แฌ้ โล๊ไละล้าง อ ฌุ้พาง โพล้ง ไคล้ ทเมะทโต้ ล โอ น่างแฌ้ แบ อ เว๊ ซอง อ พลี้ เกม๊า ไคล้ ท คีงอูงคีงตู๊ง อ เว๊ แม้ ท เด้บ้ะ ออ้าอซ๊าง, ดี๊ เปลงไท้ อ ซ้ะ เด้าะ, ล ซี ล้า แบ

ม้ะทู 10:21

โพล้ง ด๊างพื่งวี่ ม ฟ่อง ซี๊ง โละ อ ซ้ะ, ดี๊ แพ่ ม ฟ่อง ซี๊ง อ พู ปะ ล้อ, พู ม ซ้ะทาง ดี๊ อ มู่ อ แพ่, ดี๊ ม เกม๊า โพล้ง แม้ ซี๊ง เว๊

มาร้ะกู 12:12

โพล้ง ยู อ ดู อ แซย่ ล มู๊ง นอ, แบ ซ้ะ พองนี่ กแช่ เยซู, เมะ เว๊ ซีงแฌ๊ เว๊ กแช่ เยซู อางด้อง ล้าง เท่อ นอ แบฆ้ะ ดี๊-อ้ะ, แบ เด้าะ อซื๊งเว๊ ซ้ะเม โพล้ง โอ ซยอง แอ ล มู๊ง นอ, ไจ ทาง ไฆวะ เว๊ อ โอ นอ ไท้ แด เว๊ ล้อ

โยฮาง 7:5

(ทึ เมะ กแช่ เยซู อ พื่ง แคว๊ ซีง ฌี้ ล ทื๊ง ล นะ-อ้ะ แบ ล้อ)

ท​แม้ 16:22

โพล้ง เฌ๊ โอ ซยอง อึๆ, ล แพ นอ ไจ้ะ อ้า ไจ้ะ ซ๊าง แบ เว๊ ปะ เมะ ทอดูอแซย่ นอ ซย๊าง ยะ ไฆวะ เปาโล ดี๊ ซีลา อ ไช๊ อ ช้าง, ฌ้อง เกม๊า โพล้ง พลี เว๊ ท่าง เว๊ ล้อ

ท​แม้ 18:12

ล ว๊าง แย๊ พี่ กางลีโย เก ทาง ทอดู โรมา ลู่ง อาคายา อ ค่าง พ้า นอ, โพล้ง ยู เฌ๊ โอ ซยอง พองทะ เปาโล คระ, ลี้ ม้อง เว๊ ลู่ง ซ่าง พ้า ไวะ