เยเรมี 12:3 - Northern Pwo Karen Thai Bible

³ จ กแช่ยาเว-เอ้อ, แบเด้าะ น ซีงแฌ๊ แย้ ล้อ น แด แย้, ดี๊ น ลองดุ้ แม้แคว่ดุ้ จ ท ช๊องมอง, พี่ โอ ดี๊ แน้ อวีงซ้ะชู้ พอง ม้องทาง-อ้ะ, บี่ซุ้ดี๊ แกะ ลู่ง ท แม้ซี๊ง อ ฌ่าง ดี๊ อางกีเจไฆวะ-อ้ะ, ลู่ง มื่งนี้ง แม้ซี๊ง อ ฌ่าง

เยเรมี 12:3 ပူးပေါင်းရင်းမြစ်များ

2​กจุ้แฆว้ 20:3

“กแช่ยาเว-เอ้อ, ม๊า เต้ น นางแบไท้-อ้ะ บี่อี้ง, จ โอม๊าโอเฌ้ ลู่ง น เมะแซ พ้า, ดี๊ ทโต้ทล้อง ดี๊ อางกีล้าง ซ้ะ เมาน่าง ดี๊ แม้ ทอฌี้ ลู่ง อ แบ น ซ้ะ”, ฌ้อง เฮเซคียา ฌาง น้ะ มะ

1​ทกวิ้ไน 29:17

จ กแช่แยว้-เอ้อ, แย้ จ ซีงแฌ๊-อ้ะ, แน้ น กว้ะแคว่ดุ้ เซิงซ้ะ, ดี๊ แบ น ซ้ะ ดี๊ ทอโต้อล้อง, เมะ แย้ นอ จ เทว๊ ทลแพ อี้ง เลาพะ ดี๊ จ ทซ้ะ โอ, ทเซิงเท่งซ้ะโต้, ดี๊ ค๊องเนงอี้ง นอ, จ เซิงมึซ้ะมึ พี่ จ แด แบ น พู น ลี้ง พี่ อ โอ พี่ อี้ง, อ ซื๊งเว๊ อ ซ้ะ โอ, พี่ ม เทว๊ เท่อ ดี๊ ทเซิงฆวี๊งซ้ะโย้ เอะ แน้

โยบา 23:10

แบเด้าะ กแช่แยว้ ซีงแฌ๊ เกล้, พี่ จ ลี้ โพะ-อ้ะ นอ ท่อง กแช่แยว้ แม้แคว่ดุ้ แย้ ฌ้อง นอ, แย้ จ ม เก แบด้องซุ้ ท๊อง

ทอางปฆ้า 11:5

กแช่ยาเว แม้แคว่ดุ้ โพล้ง ทแบกแช่แยว้อซ้ะ, ดี๊ โพล้งอ้าโพล้งซ๊าง ซ้ะ ดี๊ กแช่แยว้ แช๊เมะไฌ๊ซ้ะ ดี๊ โพล้ง, พี่ อ เอ ทอชองอจุ้

ทอางปฆ้า 139:23

จ กแช่ยาเว-เอ้อ, เกม๊าเต้ คู๊ แคว่ที๊งแคว่โต้ แย้, ดี๊ ซีงแฌ๊ จเซิงจซ้ะ เกม๊าเต้ ลองแม้แคว่ดุ้ แย้, ดี๊ ซีงแฌ๊ จ ท ช๊องมองช๊องม้ะ

ทอางปฆ้า 17:3

พี่ กแช่แยว้ แม้แคว่ดุ้ จ ซ้ะ, ดี๊ เฌ๊ ไจ จ โอ ลู่ง มแน้แค๊ ท่อง แม้แคว่ดุ้ แย้ เย้า นอ, กแช่แยว้ ล แด ทอ้าทซ๊าง ดี๊ แย้ แบ เฆาะ จ นุ้ ล ลือค๊างพะ เท่อ แบ

ทอางปฆ้า 26:1

จ กแช่ยาเว-เอ้อ, เกม๊าเต้ เกล๊าง ทอเกิ้งอแบ เอะ แย้ เมะเว๊ จ โอม๊า ลู่ง จ ทโต้ทล้อง อ พ้า จ อางกีล้าง จ ซ้ะ ดี๊ กแช่ยาเว, จ ล เด้งด้าง แบ

ทอางปฆ้า 7:9

กแช่แยว้ พี่ อเกิ้งอแบ-เอ้อ พี่ อ แม้แคว่ดุ้ ทช๊องมอง ดี๊ เซิงซ้ะ นอ เกม๊า โพล้งอ้าโพล้งซ๊าง, อ ทอ้าทซ๊าง เฌ๊ท้อง ทอทึอจุ้ แบเด้าะ เกม๊า ไต้ทางต๊างทาง โพล้ง, พี่ ทแบกแช่แยว้อซ้ะ นอ

เยเรมี 15:15

จ กแช่ยาเว-เอ้อ น ซีงแฌ๊ เว๊ ล้อ อวีงซ้ะชู้, นางแบทางไท้ แย้, ดี๊ เฌ๊ ไจ โอ แย้ อวีงซ้ะชู้, แม้แกไท้ โพล้ง, พี่ อ แม้น้ะแม้โน๊ง แย้ นอ, ลู่ง จ ฌ่าง ลู่ง กแช่แยว้ อ ท โก้งเซิงโก้งซ้ะ อกย้องนอ, อวีงซ้ะชู้, ลี้ฌ้าไฆวะ แย้ ล ฌี้ อวีงซ้ะชู้, ช๊องมอง ที๊ง-อ้ะ บี่อี้ง, จ โท่ง ท อางโกไจ้ะแบ ลู่ง น ฌ่าง

เยเรมี 17:16

ยี๊ แด จ ล ปชื่ง ไจคุ้ซูงไฆวะ ดี๊ ท เก โพล้ง ลื่ง เท่อ, พี่ โพะ น ไค๊ นอ แบ จ ล แบซ้ะ มื่งนี้ง ลู่ง ท เซงทื่งเฌ๊ฌ้อง แบ น ซีงแฌ๊ แบฆ้ะ ดี๊ ท พี่ อ ไจทางนี่ ลู่ง จ นุ้เฌะ พ้า อ โอ ลู่ง น เมะแซ พ้า นอ ล้อ

เยเรมี 17:18

อวีงซ้ะชู้, เกม๊า โพล้ง พี่ อ แม้น้ะแม้โน๊ง แย้ นอ, ล้าง ฌางแช้ฌางเด แบเด้าะ, อวีงซ้ะชู้, เกม๊า จ แบ ท ฌางแช้ ล ฌี้ อวีงซ้ะชู้, เกม๊า อ เว๊ ซ้ะเมซ้ะไพล้ เท่อ แบเด้าะ เกม๊า จ ซ้ะเมซ้ะไพล้ เท่อ ล ฌี้ อวีงซ้ะชู้, ดึ้ เกม๊า มื่งนี้ง ลู่ง ออ้าอซ๊าง เฌ๊ล้าง แบ-อ้ะ อวีงซ้ะชู้ แม้เฌ๊ฌ้อง-อ้ะ, ดี๊ ท แม้เฌ๊ฌ้อง แอไบล้ะแอท๊า

เยเรมี 20:12

จ กแช่ยาเว ซึ้คู ดูทึชองทึ, พี่ ลองดุ้ โพล้ง แบ อ ซ้ะ พี่ แคว่ดุ้ เท่อ เลา ดี๊ ซ้ะ ดี๊ วีงแล้ อวีงซ้ะชู้ เกม๊า จ แด น ท แม้แกไท้ อ ซื๊งเว๊ ลแพ นอ เมะเว๊ จ นี่ โล้ล้าง จบ้าจคว่าง เย้า

เยเรมี 48:15

โพล้ง แม้เฌ๊ฌ้อง โมอา, ดี๊ อ เว่ง กุ้ เว่ง นอ, เฌ๊ทาง เย้า ดี๊ เว่ง อ โพล้ง น่างบางซ้ะบาง พี่ อ ซี ทึ นอ, ลี้ล้าง บี่ซุ้ แบ ท แม้ซี๊ง ล้อ กจุ้แฆว้ พี่ อ เม้ง, เมะเว๊ กแช่ยาเว ซึ้คู ดูทึชองทึ นอ โล้ เว๊ บี่อี้ง ล้อ

เยเรมี 50:27

เกม๊า แม้ซี๊ง อ งู้ แพ๊ ท่อง อ เลา เกม๊า อ ซื๊งเว๊ ซีง ลแพ ลี้ล้าง แบ ท แม้ซี๊ง ท เซงทื่งเฌ๊ฌ้อง แบ อ ซื๊งเว๊, อไฌ่บี่อี้ง, อ มื่งนี้ง อช๊าอโท่ เฌ๊ ท้อง เย้า เมะเว๊ อช๊าอโท่ ลู่ง ท แม้เตาแม้แต๊-อ้ะ

เยเรมี 51:4

อ ซื๊งเว๊ ลแพ นอ, ม แบ ท แม้ซี๊ง ล้างเทะเค้า ลู่ง ค่าง เคลเดีย พ้า ดี๊ แบเจ้าแบแช๊ โอ ลู่ง เกล้ เว่ง พ้า นอ ล้อ

โยฮาง 21:17

กแช่ เยซู อางจ้ะ เด้าะ ซ๊า พ๊า ล พ๊า ไจ้ะ เว๊, “ซีโมง โยฮาง อ พูแคว๊-เอ้อ, เมะ น เอ แย้-อ้า” ลู่ง กแช่ เยซู อางจ้ะ แบ อ เว๊ แด, “เมะ น เอ แย้-อ้า”, ซ๊า พ๊า ล พ๊า อ กย้อง นอ เปโต อ ซ้ะ ล มึ แบ, ต้ะ โล้ แบ กแช่ เยซู ไจ้ะ เว๊, “กแช่-เอ้อ, น ซีงแฌ๊ ท กุ้ อ เม้ง ล้อ, น ซีงแฌ๊ จ เอ แน้ ล้อ” กแช่ เยซู โล้ แบ อ เว๊ แด ไจ้ะ เว๊, “ลื่ง เอะ จ แกะ ล มู๊ง นอ ไช้ะ

ยาเก้า 5:5

ลู่ง ฌางคู โคล๊ง คู อี้ง, น ซื๊ง โอ โบ โอ โย๊ อาง กึ้ โอ้ ฆวี้, น อาง ท้อง น บอง, แบ เด้าะ น ล ซีงแฌ๊-อ้ะ แบ, ลู่ง ท ม แม้ ซี๊ง น ซื๊ง โคะ นอ ล้อ

2​เปโต 2:12

แบเด้าะ โพล้ง ล แพ นอ, เก บี่ ซุ้ ท พูแฆ่ พี่ อ ท โกง ท มอง ล โอ แบ, แม้ เท่อ ท๊อง อ กแช่ อ ซ้ะ, ดี๊ กึ ทาง บี่ ซุ้ ม แบ ท พองนี่ แม้ ซี๊ง-อ้ะ, โพล้ง ล แพ นอ ไจ้ะ อ้า เท่อ พี่ อ แน เว๊ ล ซี แบ, อซื๊งเว๊ ม แบ ท แม้ ซี๊ง-อ้ะ บี่ ซุ้ ท พูแฆ่ นอ ล้อ