เยเรมี 11:8 - Northern Pwo Karen Thai Bible8 แบเด้าะ อ ซื๊งเว๊ นอ, ล ชู่ง เท่อ-อ้า, ดุ้ แน่ คุ้ช๊องแน เท่อ-อ้า แบ, กุ้แฌ้ นอ, แม้โพะ อ ซ้ะ ลือเท่อแจวเท่อ ลู่ง ออ้าอซ๊าง อ ไค๊, ทบี่นอ, ก ดึ้ เกม๊า ทกุ้เม้ง บี่ซุ้ดี๊ ทไคล้ ลู่ง ทเอิ้งล้าง พ้า อี้ง, พี่ ก นี่ อางแบเลา, เกม๊า อ เว๊ แม้, แบเด้าะ อ เว๊ ล นี่ แม้โพะ เว๊ อ ไค๊ แบ นอ, เฌ๊ล้าง แบ-อ้ะ ล้อ” အခန်းကိုကြည့်ပါ။ |
เยเรมี 11:8
31 ပူးပေါင်းရင်းမြစ်များ
ดี๊ กแช่แยว้ โล้ ซีงแฌ๊-อ้ะ, บี่ซุ้ ม แกยไท้ เว๊ เกม๊า อ เฌ๊ฌูงไท้ กแช่แยว้ อ ทอางแม้เลา, แบเด้าะ อ เว๊ แม้ เท่อ ทื่งดูล้างซ้ะ ได้ะ, ล ญ่อง ชู่ง กแช่แยว้ อ ทซองทซ๊าง แบ, แบเด้าะ แม้ไพ้ะ แบ กแช่แยว้ อ ทอางกีล้าง, (พี่ เก ทแม้โพะ ท อ ไค๊ ลู่ง กโพล้ง ม โอม๊า ซี) ดี๊ แกยไฆวะ อ ซ้ะ ลือ เท่อ, ดี๊ อ แน่ลู่, ดึ้ เท่อ ดี๊ ล ชู่ง เท่อ แบ
เมะเว๊ ชื้อชะ พี่ ออ้าอซ๊าง อี้ง, พี่ อ ซม๊า เท่อ, ล คุ้ช๊องแน ก ทไคล้ แบ, โพล้ง พี่ แม้ เท่อ ท๊อง อ กแช่ อ ซ้ะ แด เว๊, ดี๊ นี่ โพะตไล่ ท กโช้งกแช่ อ แฌ้แพ อ ไค๊, บี่ซุ้ ม แม้ เอะ เว๊ อ เท่อ, ดี๊ โบงทางแบ้ทาง ท กโช้งกแช่ ลแพ นอ, ม เก บี่ซุ้ดี๊ ตไก้ยะ เรา ย่างเด้ง อี้ง, พี่ ม เจ่-อ้ะ เม้งฌี้ๆ, นอ, ล ซี ล้า แบ
ดี๊ อ ซื๊งเว๊ นอ, นี่ นึฆ้าง ดี๊ แม้ก้ะ ค่าง นอ ล้อ, แบเด้าะ อ ซื๊งเว๊ ล ชู่ง กแช่แยว้ อ ลู่ง-อ้า, แม้โพะ กแช่แยว้ อ ทอางแม้เลา, พี่ กแช่แยว้ อางแบเลา เกม๊า อ แม้ นอ อ ไค๊-อ้า แบ, อ ซื๊งเว๊ ล นี่ แม้ เว๊ แบ เฆาะ, อกย้องบี่นอ, กแช่แยว้ ดึ้ เกม๊า ท กึทาง อ ซ้ะ ลู่ง อ อ้าอซ๊าง กุ้เม้ง อี้ง เฌ๊ท้อง อ ซื๊งเว๊ ล้อ
ท่อง ชิ้ทาง เนว๊ เนง ล เนง เย้า นอ, น ซื๊ง กุ้แฌ้ แบ ทูแพล่ น๊างพื่งวี่ ฮีบรู, พี่ อ แบ ท อางแช๊ โอ ดี๊ แน้, ดี๊ แม้ เอะ น เท่อ ชิ้ทาง ฆู๊ง เนง เย้า, น แบ ทูแพล่-อ้ะ เกม๊า อ พ้องพลิ้, พ้องไฆวะ ดี๊ ทแม้ เอะ น เท่อ แบเด้าะ น พี๊งชู้พู๊งชู้ ลู่ง แย๊ อู้ง นอ, ล คุ้ช๊องแน เฆ้อ แบ, ดี๊ ล ดุ้ อ แน่ คุ้ช๊องแน เฆ้อ แบ
ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ
ทบี่นอ, กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘อี้งเซ้อ, ก ม ดึ้ เกม๊า ทเตาทแต๊ กุ้เม้ง, พี่ ก โล้ล้าง เว้-อ้ะ นอ, เฌ๊ล้างแบ ยูดา ดี๊ กเย่ โพล้ง เว่ง เยรูซเลง, อไฌ่บี่อี้ง, ก ไคล้ ดี๊ อ ซื๊งเว๊, แบเด้าะ อ เว๊ ล คุ้ช๊องแน เฆ้อ แบ, ก กุ้-อ้ะ, แบเด้าะ อ เว๊ ล เซ๊ช๊า เฆ้อ แบ”
แบเด้าะ ก ม แม้ ท กุ้เม้ง, พี่ ก นี่ อืงล้าง เว้-อ้ะ, เมะเว๊ เช้า ทน๊าม๊า, เทว๊ เอะ ท กแช่ มืง ลู่ง มุ้คู, ดี๊ ลู๊งล้าง ทโอ้ลื่งทางเท่อ เทว๊ เอะ ท กแช่ มืง, ด้องซุ้ พี่ ก นี่ แม้-อ้ะ, เลา ดี๊ ก ซื๊งเว๊, ดี๊ ก พี๊งชู้พู๊งชู้ ลู่ง แย๊, กเย่ กจุ้แฆว้ ดี๊ กคูกแน่, ลู่ง ยูดา อ เว่ง พ้า กุ้ เว่ง, ดี๊ ลู่ง เกล้คูเกล้พ้า ลู่ง เว่ง เยรูซเลง พ้า, แม้ บี่นอ ฌ้อง ก โอ ดี๊ ทอาง ลู่ง อกู้งอล๊า, ดี๊ โอซยืงโอบ้ะ, ดี๊ ล แด ทอ้าทซ๊าง น่างเม้ง แบ ล้อ
แบเด้าะ อ ซื๊งเว๊ ลแพ นอ, กไบล้ะ ดี๊ เฆ้อ, ดี๊ ล ญ่อง ชู่ง เฆ้อ แบ, อ ซื๊งเว๊ ซีง ลแพ, ล นี่ ญ๊องไฆวะ ท ล้าง ซ้ะลูซ้ะไล้ะ พี่ กุ้แฌ้ อ เมะคลี๊ง แคว่ท๊าง เว๊ นอ แบ, ดี๊ อ ซื๊งเว๊ นอ, ล นี่ ญ๊องไฆวะ โพล้ง อีไย้ะ อ ทเค่งทฌ้าง แบ “ฌ้อง นอ ก โล้ เอะ-อ้ะ บี่อี้ง, ก ม แม้ไจทาง ก ทซ้ะทาง ลู่ง อ ซื๊งเว๊ อ คูด้าง, ดี๊ เกม๊า ก ท ซ้ะทาง พ้ะดู พี่ โอ ดี๊-อ้ะ นอ, ไจทาง ท่อง อ เลา ลู่ง ค่าง อีไย้ะ อซุ้อแกล้
เก บี่ซุ้ดี๊ น ซื๊ง พี๊งชู้พู๊งชู้ ลู่ง แย๊ อู้ง ล ฌี้, พี่ กเย่ โมไคล้คิ้กแช่แยว้ ลู่ง อู้งว๊างอู้ง, กุ้ซย้ะ โล้ล้าง เอะ-อ้ะ ไจ้ะเว๊, ‘กแช่ยาเว ซึ้คู ดูทึชองทึ ไจ้ะเว๊ บี่อี้ง, “เกม๊า แกยไฆวะไท้ น ซ้ะ น เกล้อ้าเกล้ซ๊าง, ดี๊ แกยไฆวะ ซ้ะ ดี๊ น ทไพ้ะทแม้ ลู่ง ออ้าอซ๊าง นอ ไช้ะ”,’, แบเด้าะ อ เว๊ ล แน่ฌ๊า ดี๊ ล ชู่ง เฆ้อ แบ, กแช่ยาเว โล้ เว๊ บี่อี้ง ล้อ
ကြော်ငြာတွေ