เยเรมี 10:11 - Northern Pwo Karen Thai Bible

¹¹ เกม๊า น ไคล้ ดี๊ อ เว๊ กุ้แฌ้ บี่อี้ง, “กเย่ ท กโช้งกแช่ พี่ ล นี่ ไต้ล้าง มุ้คู ดี๊ ฌางคู แบ นอ, ม เซงทื่งเฌ๊ฌ้อง แดไฆวะ ฌางคูโคล๊งคู ดี๊ มุ้คู เช๊ละ”,

เยเรมี 10:11 ပူးပေါင်းရင်းမြစ်များ

ทอางปฆ้า 96:5

เมะเว๊ โพล้ง กุ้ที๊งกุ้ค่าง, อ ทกโช้งกแช่ ลแพ นอ, เก ทเค่งทฌ้าง ล้อ แบเด้าะ กแช่ยาเว ไต้ล้าง ทมุ้คู

อีซยา 2:18

ดี๊ ทเค่งทฌ้าง ลแพ นอ ม ล้างเทาล้างแม่ไฆวะ

อีซยา 57:12

ก ม โล้ แบฆ้ะ ดี๊ น ทแบกแช่แยว้อซ้ะ ดี๊ น ทไพ้ะทแม้ แบเด้าะ นอ, อ ล ล้างเปิ่ง ดี๊ แน้ แบ

เยเรมี 10:15

อ เก ท พี่ อลื่งอฆวี้ ล โอ แบ, ดี๊ เก ทแม้ อซูงอแซ พี่ ล้าง ทแม้ไฌ๊ซ้ะ อ ม แบ เซงทื่งเฌ๊ฌ้องไฆวะ ล้อ, ท่อง อ ท้อง อช๊าอโท่ แม้เตาแม้แต๊ เท่อ นอ

เยเรมี 43:12

ดี๊ ก ม แม้เค้ทาง มี ลู่ง อีไย้ะ อ ท กโช้งกแช่ อ เว่งฮ๊าง พ้า, ดี๊ อ เว๊ ม เช้าไฆวะ เว๊, ดี๊ พองนี่ อ ซื๊งเว๊ ลี้ เก ทอฆ่อง, ดี๊ ม แม้ ทไฌ่ อางกี ฌี้ ค่าง อีไย้ะ, บี่ซุ้ดี๊ โพล้ง ลื่ง แกะ แม้เช๊งแม้เกล้งไฆวะ เซิง ลู่ง อ ไช๊แค่ พ้ะโท๊ ล้อ, ดี๊ อ เว๊ ม ไจแดไฆวะ พี่ นอ ดี๊ ทมึทพ้า ล้อ

เยเรมี 43:13

อ เว๊ ม แม้แค่ไฆวะ เฌเทิง ซยื๊งซย้อง ลู่ง เว่งฮ๊าง มื่ง พ้า, พี่ โอ อีไย้ะ อ ที๊งล่างค่างพ้า นอ, ดี๊ อ เว๊ ม แม้นี่ มี เช้าไฆวะ อีไย้ะ อ ท กโช้งกแช่ ซีง ลแพ อ เว่งฮ๊าง นอ ล้อ”

เยเรมี 50:2

“เกม๊า โล้ล้าง ดี๊ กุ้ซย้ะ เท่อ ลู่ง โพล้ง กุ้ชื้อกุ้ชะ อซุ้อแกล้ เกม๊า บุ้ชี๊เทิง ทาง ตไก้ยะแม้ไนเท่อ ดี๊ กุ้ซย้ะ เท่อ แม้ไบ้ะแม้บ้า ทะ-อ้ะ ล ฌี้, เกม๊า โล้ล้าง เท่อ บี่อี้ง ‘บาบีโลง แบ ท แม้นี่ก้ะ เย้า ท กโช้งกแช่ เบง แบ ฌางแช้ ท กโช้งกแช่ เมโรดะ นอ, ซ้ะเมซ้ะไพล้ เท่อ เว่ง นอ อ ทเค่งทฌ้าง ซีง ลแพ, แบ ทแม้ เกม๊า ฌางแช้ฌางเด ดี๊ ทฌ้าง ไต้ทาง นี่ เว๊ ลแพ นอ, ซ้ะเมซ้ะไพล้ เท่อ’

เยเรมี 51:18

ท ลแพ นอ, เก ท พี่ อลื่งอฆวี้ ล โอ แบ, ดี๊ เก ทแม้ อซูงอแซ พี่ อ ล้าง ไคล้ ไฌ๊ซ้ะ-อ้ะ อ ม แบ เซงทื่งเฌ๊ฌ้อง, พี่ ท้อง ท แม้เตาแม้แต๊ อช๊าอโท่ นอ

ท​ฌางล้างย้าล้าง 3:66

อวีงซ้ะชู้ ล้องช่อง-อ้ะ, ดี๊ ทซ้ะทาง พ้ะดู, ดี๊ แม้ เฌ๊ฌ้องไฆวะ-อ้ะ โอนี่ ลู่ง กแช่ยา อ ท มุ้คู เช๊ละ”

เอเซเคียง 30:13

“ทอดูทึโท๊ทึกแช่ยาเว ไจ้ะเว๊ บี่อี้ง ก ม แม้เฌ๊ฌ้อง ทเค่งทฌ้าง ลแพ นอ ดี๊ ดึ้ เกม๊า โพล้ง ไต้ เท่อ ลู่ง เว่ง เมงฟี พ้า นอ เลาเทาไฆวะ ดี๊ ท อคูอแน่ เฌ๊นี่ ลู่ง ค่าง อีไย้ะ ม ล โอ ล้า แบ ดี๊ ก ม ชวี๊งล้าง ท ซ้ะเมซ้ะไพล้ ลู่ง ค่าง อีไย้ะ พ้า

เซฟางยา 2:11

กแช่ยาเว ม เก อ ซื๊งเว๊ อ ท ล้าง ซ้ะเม เมะเว๊ กแช่แยว้ ม ดึ้ เกม๊า ฌางคูโคล๊งคู อ ท กโช้งกแช่ เลาพะ, ล้างฆวี่งล้างบ้าง ฌ้อง กเย่ โพล้ง กุ้ชื้อกุ้ชะ ลู่ง ปางเล พ้าไท้ะ ม ซย๊องล้าง อ ซ้ะ แบ้ทาง กแช่แยว้ โอนี่ ลู่ง ล แฌ้ๆ อ ล่าง โอ

เซคารียา 13:2

“กแช่ยาเว ซึ้คู ดูทึชองทึ ไจ้ะเว๊, ล นี้ง แย๊ นอ, ก ม แม้ไฆวะ ทเค่งทฌ้าง อ เม้ง ลู่ง ที๊งล่างค่างพ้า, บี่ซุ้ เม้ง นอ, ม ล แบ ท นางแบทางไท้ ล้า แบ เฆาะ, ดี๊ ก ม โฌ๊ไจไฆวะ กเย่ โมไคล้คิ้กแช่แยว้, ดี๊ วีงแล้ พี่ ลเช๊งลเกล้ง แบ ลู่ง ที๊งล่างค่างพ้า

ท​เน​โพล​ทาง 20:2

อ เว๊ พองนี่ ฌู่ง พ้ะดู พี่ อ เก ฌู่ง ลู่ง อ ไยะ อ เช้ ล บ้อง นอ, เมะ เว๊ ม้างโค้ไล่, ฌ้อง จ้าทะ เว๊ อ เนง ล ม๊า

1ซามูเอง 5:4

แบเด้าะ ท่อง อ ซื๊งเว๊ มี๊ง เฌ้เทิงทาง มโฌ้โค๊ นอ, แด เว๊ ทกโช้งกแช่ ดาโกง นอ, ล้างแพล้ คะด้ะ ล้าง อ ซ้ะ ลู่ง ฌางคู คู, ลู่ง กแช่ยาเว อ ไฮะ อ เมะแซ พ้า, ทกโช้งกแช่ ดาโกง อ คู ดี๊ อ จูง คี๊ง แพ้ นอ, แค่เทา พลุ้ฆ้าง ลู่ง ป้ะตู๊ง อ เคิง ไท้ะ, โอก้ะ ที่ ทกโช้งกแช่ ดาโกง อ กแช่ นอ เฆาะ