ยาเก้า 3:2 - Northern Pwo Karen Thai Bible

² ก เว๊ แด กุ้ อ แฌ้ โย้ นอ, ก แม้ เท่อ ล แบๆ, แอ เม้ง แอ มยู๊ ล้อ, โพล้ง พี่ อ ไคล้ เท่อ ลู่ง อ แบ กุ้ พ๊า นอ, เมะ โพล้ง ลู่ง อ ฌี้ อ แอว้ เมาน่าง, อ เว๊ แคแน ล้าง อ กแช่ อ ซ้ะ เก เลา ปะ นอ ล้อ

ยาเก้า 3:2 ပူးပေါင်းရင်းမြစ်များ

1​กจุ้แฆว้ 8:46

“อ ซื๊งเว๊ซีง เมะ แม้ ทเด้บ้ะ แบ แน้, (เมะเว๊ กโพล้ง ล โอ น่าง แฌ้ แบ พี่ ล แม้ ทเด้บ้ะ แบ), ฌ้อง น ซ้ะทาง ดี๊ อ ซื๊งเว๊, ดี๊ น อางกีล้าง-อ้ะ ดี๊ อดีงอแด้, พี่ พองนี่ เว๊ ไท้ เก ทอฆ่อง ลู่ง ดีงแด้ อ ที๊งล่างค่าง พ้า นอ, เมะ ไย้ ฌี้ เบ้า ฌี้

2ทกวิ้ไน 6:36

“อ ซื๊งเว๊ เมะ แม้ ทเด้บ้ะ แบ แน้, (เมะเว๊ กโพล้ง ล แม้ ทเด้บ้ะ แบ ล โอ น่าง แฌ้ แบ), ดี๊ น ซ้ะทาง ดี๊ อ ซื๊งเว๊, ดี๊ น อางกีล้าง เว๊ ลู่ง อดีงอแด้ อ จูง พ้า, พี่ พองนี่ อ ซื๊งเว๊ ลี้ เก ทอฆ่อง ลู่ง ที๊งล่างค่างพ้า ล จอง, พี่ โอ เบ้า ฌี้ ไย้ เมะ ฌี้

โยบา 15:13

เมะเว๊ พี่ น วีงฆ้าง น เซิง น ซ้ะ ดึ้ กแช่แยว้ ดี๊ เกม๊า ทไคล้ บี่อี้ง ไจทางนี่ ลู่ง น นุ้ พ้า

ทอางปฆ้า 34:13

นอ, เกม๊า ปโล่ล้าง น พลี้ ดี๊ ทอ้าทซ๊าง ดี๊ เกม๊า น นุ้เฌะ ไคล้ อางโล๊ไละ เท่อ ล ฌี้

ทอางปฆ้า 39:1

ยี๊แด นอ จ ไจ้ะ บี่อี้ง, “จ ม ปโล่ปด้างล้าง จเกล้จพ้า บี่ซุ้ จ ล แม้ ทเด้บ้ะ ดี๊ จ พลี้ แบ จ ม จ้าทาง กื่อ ลู่ง จ นุ้ ล้อง พี่ โพล้งอ้าโพล้งซ๊าง โอ ลู่ง จ เมะแซ พ้า อ แค๊ นอ”

ทอางด้อง 10:19

ไคล้ แอทีง น้ะ นอ, แม้แบ ทเด้บ้ะ ซี แบเด้าะ โพล้ง พี่ อ นุ้รู้ง นอ, เก โพล้ง พี่ อไพ่อแซย๊ ล้อ

ทอางด้อง 13:3

โพล้ง พี่ ปโล่ล้าง อ นุ้ นอ, แฌแซกต้าง อ กแช่ อ ทโอม๊า แบเด้าะ โพล้ง พี่ อุ้พ้ะ อ นุ้เฌะ เล่ นอ, เฌ๊ท้อง ทเซงทื่งเฌ๊ฌ้อง ล้อ

ทอางด้อง 20:9

โพล้งเล้ ม ไคล้ บี่อี้งซี, “จ แม้เช๊งแม้เกล้ง จเซิงจซ้ะ เย้า จฌี้จแอว้ พ้องไฆวะ ดี๊ ทเด้บ้ะ เย้า”

ทอางด้อง 21:23

โพล้ง พี่ ปโล่ ล้าง อ นุ้ ดี๊ อ พลี้ นอ ยู่ทะแคว่ทะ อ กแช่ พ้องไฆวะ ดี๊ ทแกทเฌ้

ทโกงซีมองแบ 7:20

เต้ๆ, เฆาะ ล้อ, โพล้งแบกแช่แยว้อซ้ะ ล โอ น่างแฌ้ แบ ลู่ง ฌางคูโคล๊งคู อี้ง, พี่ แม้ ที่ ท อ ฌี้ ดี๊ ล แม้ ทเด้บ้ะ น่างพ๊า แบ

อีซยา 64:6

เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

เลวี​อ​ไฌ่ 13:39

เกม๊า โพล้งลื่งเท่ออคู แคว่ที๊ง-อ้ะ, อ ไพ้ะ ทางแอว้ นอ, เมะ เก แอว้เปย้า นอ, อ นอ เก ทช๊างฆวี๊ง พี่ อ พู๊ทาง ลู่ง อ ไพ้ะ แกล้, อ เว๊ เช๊งเกล้ง ล้อ

ม้ะทู 12:34

น ซื๊ง ท อ้า ท ซ๊าง พู-เอ้อ, น อ้า บี่ ซุ้ ฌู่ง อ จืง, น เก โพล้ง อ้า ฌ้อง น ม ไคล้ ท อ ฌี้ ซี บี่ จะ เล้, อ ไฌ่ บี่ อี้ง, น นุ้ ไคล้ เท่อ พี่ อ เฌ๊ ทาง น ซ้ะ พ้า นอ ล้อ

ม้ะทู 12:37

น เตา โอ ฌี้, ล โอ แบ ฌี้, แคว่ ลู่ง น ท ไจ้ะ ท ไคล้ นอ ล้อ”

โรมา 3:10

บี่ ซุ้ ไละ ฌี้ ไละ แอว้ ไจ้ะ เว๊ “โพล้ง ล โอ น่าง แฌ้ แบ พี่ แบ กแช่ แยว้ อ ซ้ะ

โรมา 7:21

ท บี่ นอ จ แด-อ้ะ เก ท อ เค้อะ ล เม้ง พี่ อ แม้ เท่อ ลู่ง จ ซ้ะ พ้า, เมะ เว๊ พี่ จ แบ ซ้ะ แม้ ท อ ฌี้ นอ ท อ้า ท ซ๊าง โอ ฆวี้ ทะ พี่ นอ ล้อ

1​โคเรง 9:27

จ ญ่อง โท่ง ท น้ะ ท โน๊ง, บี่ ซุ้ จ ล้อง จ ย่าง ม ชอง ทาง ไคล๊ ทาง, จ แคแน ล้าง จ ซ้ะ กุ้ อ เม้ง, อ ไฌ่ บี่ อี้ง, พี่ จ โล้ ล้าง ท ฌี้ อ ไฌ่ เอะ โพล้ง ฌ้อง เย้า นอ, จ ไค๊ไก้ะ จ กแช่ แด เว๊ กแช่ แยว้ ม แคว่ เว๊ ล ล้างเปิ่ง ล้า แบ นอ ล้อ

กาลาเต 3:22

แบเด้าะ ไละ ฌี้ ไละ แอว้ โล้ เว๊ โพล้ง ฌางคู คู กุ้ อ แฌ้ อ ซ้ะ โอ ดี๊ ท เด้บ้ะ, ท บี่ นอ, ท เกล๊าง พี่ กแช่ แยว้ เอิ้งล้าง เว้ เอะ โพล้ง ลู่ง อ ชู่ง กแช่ เยซู คริ้ นอ, ม เกล๊าง เอะ โพล้ง พี่ อ โอ ดี๊ ท ชู่ง ท นะ นอ ล้อ

กาลาเต 5:17

อ ไฌ่ บี่ อี้ง, กโพล้ง อ ท ยื้งแย่ นอ, เอ ดุ้ เท่อ พี่ ล แบ โละ ซ้ะ ดี๊ วีง ฌี้ แล้ แอว้ แบ, วีง ฌี้ แล้ แอว้ นอ, เอ ดุ้ เท่อ พี่ ล แบ โละ ซ้ะ ดี๊ กโพล้ง อ ท ยื้งแย่ แบ, คี๊ง แพ้ อี้ง นอ แช๊เมะ ไฌ๊ซ้ะ โละ อ ซ้ะ, บี่ ซุ้ น ซื๊ง แม้ เท่อ ท๊อง น กแช่ อ ซ้ะ แด เว๊ ล ซี แบ

โคโลซี 1:28

ท บี่ นอ, ก โล้ ล้าง เท่อ แบฆ้ะ ดี๊ กแช่ เยซู คริ้ อ ไฌ่ เอะ โพล้ง กุ้ อ แฌ้, ก โล้ แบ-อ้ะ ดี๊ ซอง-อ้ะ ลู่ง ท โกง ซี มอง แบ กุ้ อ เม้ง, บี่ ซุ้ ม เกม๊า โพล้ง กุ้ อ แฌ้ เฌ๊ ลู่ง กแช่ แยว้ อ เมะแซ พ้า, เก โพล้ง ฌี้ โพล้ง แอว้ เมาน่าง ลู่ง กแช่ เยซู คริ้ อ ซุ้

โคโลซี 4:12

โพล้ง โอ ล แฌ้ ได้ะ ท ยื่ง ซ้ะ ดี๊ น ซื๊ง ปะ, เมะ เว๊ แด กแช่ เยซู คริ้ อ เพล่ อ บาง อ เม้ง เอปาฟา เก ล มู๊ง ฆ่าง ดี๊ น ซื๊ง, อ เว๊ ชูแพ เท่อ เมาน่าง ลู่ง น ซื๊ง ฌ่าง ครึๆ, อางท่าง กแช่ แยว้ เกม๊า น ซื๊ง ท ชู่ง ท นะ โอ เฌิ่ง โอ ค๊า โอ กู้ง โอ ล๊า ดี๊ นะ เท่อ ล้างเท่ง ล้างชิ้, บี่ ซุ้ ม แม้ กแช่ แยว้ อ ซ้ะ กุ้ อ เม้ง

ยาเก้า 1:26

โพล้ง พี่ ล แฌ้ เล้ เมะ ช๊องมอง ล้าง อ ซ้ะ, ลู่ง อ เว๊ ทื๊ง เท่อ นะ เท่อ เมาน่าง, แบเด้าะ ล ปโล่ ล้าง อ กแช่ อ ท ไคล้ แบ, โพล้ง ล แฌ้ นอ อางโล๊ ล้าง อ กแช่ อ ซ้ะ, อ ท ทื๊ง ท นะ ล ล้างเปิ่ง ท น่าง เม้ง แบ นอ ล้อ

ยาเก้า 1:4

พี่ น โก้ง น ซ้ะ เก นอ, แม้-อ้ะ บี่ นอ ครึๆ, แม้ ล้างท่อง น ซ้ะ ล ฌี้, บี่ ซุ้ น ซื๊ง ซีง ม เก แบ โพล้ง ฌี้ โพล้ง แอว้ กู้งๆ, ล๊าๆ, ท๊อง กแช่ แยว้ ม เกม๊า น เก ทล้างไช้ะ ล้างย่อง ล โอ น่าง เม้ง แบ

ยาเก้า 2:10

อ ไฌ่ บี่ อี้ง, โพล้ง พี่ แม้ โพะ ทอางแม้เลา อ ไค๊ นอ แบ เลา เย้า, แบเด้าะ, ลือ ค๊างพะ เว๊ ล ทีง ล้อ, อ นอ ไพ้ะ ที๊ ซุ้ๆ, ดี๊ ล แม้ โพะ ทอางแม้เลา อ ไค๊ น่าง เม้ง แบ นอ ล้อ

1เปโต 3:10

บี่ ซุ้ ไละ ฌี้ ไละ แอว้ โล้ เว๊ “โพล้ง พี่ อ แบ ซ้ะ โอ ดี๊ ท มึ ท พ้า, ดี๊ นี่ แบ ท ฌี้ ท แอว้ นอ ล เกิ้ง ไคล้ เท่อ ลู่ง อ อ้า อ ซ๊าง ล้า แบ ดี๊ ล เกิ้ง ไคล้ คีงอูง เท่อ ล้า แบ

1เปโต 5:10

ท่อง น ซื๊ง โท่ง แบ ท น้ะ ท โน๊ง ล ชู่ ล ล่าง เย้า นอ, กแช่ แยว้ พี่ อ โอ ดี๊ อ โก้ง อ โบ้ง อ บลึ้ อ บลาง ฌี้ ทึ, พี่ อ กุ้ นี่ ไท้ น ซื๊ง เกม๊า น นี่ แบ ฆึ ท อ ฆี๊ง อ แล้ อ โฌ่ง อ พ้าง ล้างชู้ ล้างแกย, ดี๊ กแช่ เยซู คริ้ ล แฌ้ นอ, อ เว๊ ม แม้ ฌี้ ทาง ก้ะ น ซื๊ง, ล เกม๊า น ซ้ะ คูๆ, ไค๊ๆ, แบ, ดี๊ ม เกม๊า น ซื๊ง ไฌ่ ชอง แบ้ ชอง โอ เฌิ่ง โอ ค๊า นอ ล้อ