อีซยา 9:21 - Northern Pwo Karen Thai Bible

²¹ มานาเซ อาง เอฟาอีง, เอฟาอีง อาง มานาเซ ดี๊ คี๊งแฌ้ อี้ง ดึ้ โละซ้ะ ดี๊ ยูดา ทึเมะ บี่ นอ ฌี้ นอ, กแช่แยว้ อ ท ซ้ะทาง พ้ะดู นอ ล แกยไท้ อ ซ้ะ ได้ะ แบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 9:21 ပူးပေါင်းရင်းမြစ်များ

2​กจุ้แฆว้ 15:30

ฌ้อง เอลา อ พู โฮเชยา ฆู๊งโละซ้ะ, แม้ ทกไบล้ะ ดี๊ เรมาลียา อ พู เปคา, ดี๊ แม้ ไจทางไฆวะ เว๊, ดี๊ แม้ซี๊ง เว๊, ฌ้อง ทาง โพะคอง เท่อ เท่งก้ะ เว๊ อ ล่าง, ลู่ง คี๊ง ชี๊ง เนง ล เนง พ้า ลู่ง อูซียา อ พู, เมะเว๊ โยทาง เก กจุ้แฆว้ อ ชู้ แค๊ นอ

อีซยา 10:4

ท ล โอ ล้างลื๊อ น่างเม้ง ล้า แบ, โอ เว๊ ที่ ม ซย๊องล้างซ้ะ โอ ดี๊ โค้งเตา ลแพ นอ-อ้า ล้างเทะเค้า ลู่ง โพล้ง พี่ แบ ท แม้ซี๊ง ลแพ นอ อ โป้ง พ้า-อ้า ล้อ ทึเมะ บี่นอ ฌี้ นอ, กแช่แยว้ อ ท ซ้ะทาง พ้ะดู ลแกย ไท้ อ ซ้ะ ได้ะแบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 11:13

เอฟาอีง อ ท ไคว๊เซิงไคว๊ซ้ะ ม ล้างแม่ไฆวะ ดี๊ โพล้ง พี่ อ แม้เทะแม้ท้าง ยูดา นอ, ม แบ ท แม้ไฆวะ ล้อ เอฟาอีง ม ล ไคว๊ ยูดา แบ ดี๊ ยูดา ม ล แม้เทะแม้ท้าง เอฟาอีง แบ

อีซยา 5:25

ทบี่นอ, กแช่ยาเว อ ท ซ้ะทาง พ้ะดู ซยุ้ทาง แบ อพูอลี้ง ดี๊ กแช่แยว้ เยาฆ้าง อ จูง แม้เทะแม้ท้าง-อ้ะ ดี๊ ดึ้ซึ้-อ้ะ ฌ้อง ทลู่ง ลแพ นอ ว้ะโทะ เทาทื้ง ดี๊ อ ซื๊งเว๊ อ จู นอ บี่ซุ้ดี๊ ทโซยะทซย้าง อ โป้ง โอ ลู่ง เกล้ ลู่ง พ้า ทึเมะ บี่นอ ฌี้, กแช่แยว้ อ ท ซ้ะทาง ล ล้างแม่ แบ ดี๊ กแช่แยว้ อ จูง นอ เยาฆ้าง อ ซ้ะ ได้ะ

อีซยา 8:21

อ ซื๊งเว๊ ม ลี้ แพ๊ ที๊งล่างค่างพ้า ดี๊ ทน้ะทโน๊ง, ดี๊ ท ซู๊อางซ้ะเท่อ, พี่ อ เว๊ ซู๊อางซ้ะเท่อ นอ, อ เว๊ ม ซ้ะทาง พ้ะดู, ดี๊ ชูเอ้าชูกย้าง อ กจุ้แฆว้ ดี๊ อ กแช่แยว้, พี่ อ เมะ แคว่ทาง ทพุ้พ๊าง นอ

อีซยา 9:12

เมะเว๊ โพล้ง ซีรี ลู่ง มื่งทาง ล โค๊ ดี๊ โพล้ง ฟีลีเตีย ลู่ง มื่งนึ ล โค๊ ดี๊ อ ซื๊งเว๊ ม อ้างทาง อ นุ้ อางยื่งคล่องไฆวะ อีซลาเอง ทึเมะ บี่นอ ฌี้, กแช่แยว้ อ ท ซ้ะทาง พ้ะดู ล แกยไท้ อ ซ้ะ ได้ะ แบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 9:17

ทบี่นอ, ทอดูทึโท๊ทึ กแช่ ล ซ้ะอวีงซ้ะโทะ ดี๊ อ โพล้ง น่างบางซ้ะบาง ลแพ นอ แบ ดี๊ ล ย๊างซ้ะ แบ อ โพล้ง พูฆวี แพ่-อ้า, อ โพล้ง มืงเม๊-อ้า แบ เป๊งนี่ กุ้แฌ้ อ กแช่แยว้ ล โอ แบ, ดี๊ เก โพล้ง แม้ ทอ้าทซ๊าง ดี๊ นุ้ กุ้ อ พ้า นอ, ไคล้ ทไคล้ เซ๊กูเฌ๊ฌ้อง ทึเมะ บี่นอ ฌี้ นอ, กแช่แยว้ อ ท ซ้ะทาง พ้ะดู ล แกยไท้ อ ซ้ะ ได้ะแบ ดี๊ กแช่แยว้ อ จูง เยาฆ้าง อ ซ้ะ ได้ะ

เยเรมี 13:14

ดี๊ กแช่ยาเว ไจ้ะเว๊ บี่อี้ง, ก ม เว่งว๊าง อ ซื๊งเว๊, เกม๊า แบไท้ะ โละซ้ะ, แพ่ ซีง ลแพ, ดี๊ พู ซีง ลแพ, ก ล ย๊างซ้ะ-อ้า, อางกี ม๊า-อ้า, โอ ดี๊ ท เอดู พี่ ม ล แม้ เฌ๊ฌ้อง-อ้ะ แบ-อ้า แบ’, ”

เยเรมี 4:8

อกย้อง บี่อี้ง นอ, เกม๊า น ซุ้ ตไก้ยะ เต่กเซ้าะ เกม๊า ฌางล้างย้าล้าง, ดี๊ ฌางซย้ะ บี่อี้ง ‘เมะเว๊ กแช่ยาเว อ ท ซ้ะทาง พ้ะดู นอ ล นี่ แกยไฆวะ อ ซ้ะ ดี๊ เฆ้อ แบ’, ”

เซคารียา 11:14

ฌ้อง จ บุ้แค่ไฆวะ นางทุ้บ้อง คี๊ง บ้อง ล บ้อง, พี่ อ เม้ง โอซยอง โละซ้ะ น๊างมู๊ง นอ, แม้ล้างฆ่องไฆวะ ยูดา ดี๊ อีซลาเอง อ ท เก น๊างพื่งวี่ โละซ้ะ

ม้ะทู 24:10

โพล้ง แอ แฌ้ ม ไจ แด แย้, ม แช๊เมะ ไฌ๊ซ้ะ โละ อ ซ้ะ, โพล้ง ม โกง เกม๊า ท พองนี่ โพล้ง ล แพ นอ

กาลาเต 5:15

แบเด้าะ น ซื๊ง เมะ ไอ โละ ซ้ะ ดี๊ แม้ อ้า โละ ซ้ะ นอ, น แบ ปโล่ ล้าง น ซ้ะ เมะ ฌี้, เมะ ล เมะ แบ ม เก ทาง ท เฌ๊ฌี่ง เฌ๊ฌ้อง ลู่ง น ซื๊ง ฌ่าง คี๊ง โค๊ เลา

โพล้งต้ะเซ๊งเท่อ 7:2

กแช่ยาเว ไคล้ ดี๊ กีเดโอง ไจ้ะเว๊, “โพล้ง พี่ อ โอ ดี๊ แน้ นอ โอ แอ น้ะ พี่ จ ม อางกีล้าง โพล้ง มีเดียง ลู่ง อ ซื๊งเว๊ อ จูง พ้า นอ, ไค๊ไก้ะ โพล้ง อีซลาเอง ม อางกี ทางโท๊ อ ซ้ะ ดี๊ แย้, ม ไจ้ะเว๊, “จ กแช่ อ จูง แด เว๊ ล้อ แม้ พ้องพลิ้ ล้าง จ กแช่”

1ซามูเอง 14:20

ฌ้อง ซาอู ดี๊ ซึ้พู เลาพะ พี่ โอ ดี๊-อ้ะ นอ, ลี้ฆ้าง ดึ้ซึ้ เท่อ, ดี๊ แคว่เซ้อ, โพล้ง กุ้ แฌ้ อ น้ะ นอ ดึ้ซึ้ ไท้ อ ฌุ้พาง, อ ซื๊งเว๊ เติ้งทางเติ้งล้าง น้ะมะ