อีซยา 8:22 - Northern Pwo Karen Thai Bible

²² ดี๊ ท่อง อ แคว่ ฌางคูโคล๊งคู นอ, แคว่เซ้อ, โอ ที่ ทน้ะเซิงน้ะซ้ะ ดี๊ ทไค้ะซ๊า, ท ซ้ะ เฌ๊ฌ้อง น้ะ อ ท เมะมองแน๊อึ้, ดี๊ อ เว๊ ม แบ ท ชางพลุ้ฆ้าง ลู่ง ทไค้ะซ๊าโนย๊ง พ้า

อีซยา 8:22 ပူးပေါင်းရင်းမြစ်များ

โยบา 18:18

อ เว๊ แบ ทชางพลุ้ไฆวะ ลู่ง ทพ้าง พ้า, นึฆ้างก้ะ ลู่ง ทไค้ะ พ้า ดี๊ แบ ทโฌ๊ไจทางไฆวะ-อ้ะ, ลู่ง ฌางคูโคล๊งคู

ทไจทางไฆวะ 10:21

กแช่ยาเว ไคล้ ดี๊ โมเซ ไจ้ะเว๊, “เยาทาง น จูง ลู่ง ทพุ้พ๊าง, บี่ซุ้ ม เกม๊า ทไค้ะ โอทาง เฆ้ง ค่าง อีไย้ะ พ้า, เก ทไค้ะ ท๊อง พอง กเลิ่ง แบ-อ้ะ ซี”

ทไจทางไฆวะ 10:22

โมเซ เยาทาง อ จูง ลู่ง ทพุ้พ๊าง, ฌ้อง ทไค้ะซ๊า กึทาง เฆ้ง ค่าง อีไย้ะ พ้า ซ๊า นี้ง

ทอางด้อง 14:32

โพล้งอ้าโพล้งซ๊าง แบ ทเคลิ่งล้าง บี่ ซุ้ อ ทอ้าทซ๊าง แบเด้าะ โพล้งแบกแช่แยว้อซ้ะ, โอ ดี๊ ทล่าง โอคุ้ซูง ลู่ง อ เว๊ ซี๊ง นอ

อีซยา 30:6

ทไคล้ พี่ อ ชอง แบฆ้ะ ดี๊ ทพูแฆ่ เม้ง ลู่ง เนเกะ ลี้ ลู่ง ที๊งล่างค่างพ้า ลู่ง ทน้ะทโน๊ง ดี๊ ซ้ะ เฌ๊ฌ้อง น้ะ ทล่าง พี่ คี๊ยื่ง มู่ ดี๊ คี๊ยื่ง แพ๊ เลา ดี๊ ฌู่ง พ้ะโท๊ ท่อง, ดี๊ ฌู่ง เมยาเซา อ ซื๊งเว๊ ลแพ นอ ต้างทาง อคองอแซย้ ลู่ง แลว้ อ โคล๊ง คู ดี๊ ต้างทาง อฆ้าอโฆ่ ลู่ง เอ้า อ บู้ง คู ลี้ ลู่ง โพล้ง ล ชื้อ พี่ ล ล้างเปิ่ง ดี๊-อ้ะ แบ

อีซยา 5:30

ล นี้ง แย๊ นอ, อ เว๊ ม เคิ่ง อ แช อาง นอ บี่ซุ้ดี๊ ปางเล อ ลู่ง เซ๊ ดี๊ โพล้ง แฌ้ฌี้ๆ, เมะ แคว่ ฆ้าง ที๊งล่างค่างพ้า นอ แคว่เซ้อ, โอ ที่ ทไค้ะซ๊า ดี๊ ท น้ะเซิงน้ะซ้ะ ทึเมะ ทพ้าง นอ, แบ ทเอิง กดื้งทะ เว๊ ล้อ

อีซยา 50:11

อี้งเซ้อ, น ซื๊ง กุ้แฌ้ พี่ อูงเค้ทาง มี โพล้ง พี่ อ แม้ นี่ มีอ้าไค๊ เราทะ นล้องนย่าง เกม๊า น ไจ ดี๊ น ซื๊ง มี อ พ้าง ดี๊ มีอ้าไค๊ พี่ น อูงเค้ทาง-อ้ะ นอ น ซื๊ง ซีง ลแพ, ม นี่แบ ท ล เม้ง อี้ง, ลู่ง ก จูง พ้า เมะเว๊ น ม แบ มี๊งน้าง ล้าง ลู่ง ทน้ะทโน๊ง อ ล่าง พ้า

อีซยา 50:3

ก คลึไบ้ะ ทมุ้คู ดี๊ ทไค้ะ ซ๊าโญ๊ง ดี๊ เจ่ ตไก้ยะ เต่กเซ้าะ เก อ ตไก้ยะ คลึไบ้ะ-อ้ะ”

อีซยา 59:9

อกย้องบี่นอ, ท อเกิ้งอแบ โอ ไย้ ไฆวะ ดี๊ ก เว๊ ซีง ลแพ ดี๊ ทแบกแช่แยว้อซ้ะ ช่อง เฆ้อ ล คลึ้ แบ ก ซื๊งเว๊ ซีง ลแพ มื้งแล่ ทโฌ่งทพ้าง อางฆื๊ง แคว่ ทโฌ่ง ทพ้าง ดี๊ แคว่ แดเทา ทไค้ะ มื้งแล่ ท โฌ่ง ท พ้างฆีง, แบเด้าะ ก ไจ ลู่ง ทไค้ะซ๊า พ้า

อีซยา 60:2

เมะเว๊ แคว่เซ้อ, ทไค้ะ ม คลึไบ้ะ ฌางคูโคล๊งคู ดี๊ ทไค้ะ ซ๊าโนย๊ง คลึไบ้ะ โพล้ง กุ้ชื้อกุ้ชะ แบเด้าะ กแช่ยาเว ม เฌ๊ทาง น เช๊คู ดี๊ กแช่แยว้ อโฌ่งอพ้าง ม โพลทาง ลู่ง น เช๊คู

อีซยา 8:20

ลี้ แคว่ ทอางแม้เลา ดี๊ ทไคล้ พีงญาง, ล้างที๊ง เต้ๆ, ล้อ, โพล้ง พี่ อ ล ไคล้ ด้องซุ้ แย้ แบ นอ, ม เก โพล้ง พี่ ล โอ ดี๊ ทพ้าง ทาง ลู่ง โฌ้โค๊ แบ

อีซยา 9:1

แบเด้าะ เว่ง พี่ โอ ลู่ง ท เมะมองแน๊อึ้ พ้า นอ, ม ล ซ้ะ เฌ๊ฌ้อง น้ะ ล้า แบ, ลู่ง อไยะอเช้ อู้ง กแช่แยว้ เกม๊า เซบูลู ดี๊ นาทาลี อ ก ว้าง พ้า นอ เก ท ดึ้เดวทื่งแช้, แบเด้าะ ลู่ง ไค๊ ล ว๊าง นอ, กแช่แยว้ ม ดึ้ เกม๊า เกล้ ลู่ง ปางเล พ้าไท้ะ, ดี๊ ทล่างทเกล้ ลู่ง ที๊ง โจเด้ง กล้อง อ มื่งนึ ล โค๊, เมะเว๊ โพล้ง กุ้ชื้อกุ้ชะ อ กาลิ้ลี นอ ดูทางโท๊ทาง

อีซยา 9:20

อ เว๊ ซไบล้ะ เท่อ อ ฆุ้ ล โค๊, แบเด้าะ ซู๊อาง ซ้ะ เท่อ ได้ะ อ เว๊ อาง เท่อ อ จี ล โค๊, แบเด้าะ นอ ล บลิ้อาง ได้ะแบ ล แฌ้ๆ, อาง โพล้ง พี่ เก บี่ซุ้ดี๊ อ กแช่ อ จูงดูง นอ อไพ้ะอแย

เยเรมี 13:16

เกม๊า เทว๊ ทโฌ่งทพ้าง เอะ กแช่ยาเว, น ซื๊งเว๊ ซีง ลแพ อ กแช่แยว้ ซลื่อ กแช่แยว้ ม ดึ้ เกม๊า ทไค้ะซ๊า เฌ๊ ซลื่อ น คาง ม แบท้า ลู่ง ทลู่ง คู พี่ โอ ดี๊ ทพ้าง ซู๊งเล๊ ดี๊ พี่ น ซื๊ง อางฆื๊ง แคว่ ทโฌ่งทพ้าง อ แค๊ นอ กแช่แยว้ ดึ้ เกม๊า เว๊ เกก้ะ ทไค้ะ เซยา ดี๊ ดึ้ เกม๊า เว๊ เกก้ะ ทไค้ะ ซ๊าโนย๊ง

เยเรมี 23:12

“อกย้องบี่นอ, อ ซื๊งเว๊ ซีง ลแพ อ เกล้ ม เก เอะ-อ้ะ, บี่ซุ้ดี๊ เกล้ พลี๊ ลู่ง ทไค๊ะซ๊า พ้า อ เว๊ ม แบ ท โฌ๊ไจ ลี้ นึฆ้าง, ดี๊ ล้างเทะเค้า อ พ้า นอ ล้อ เมะเว๊ ก ม ดึ้ เกม๊า ท กึทาง อ ซ้ะ ลู่ง ออ้าอซ๊าง เฌ๊ แบ-อ้ะ ลู่ง เนง ท แม้เตาแม้แต๊-อ้ะ อ พ้า” กแช่ยาเว โล้ เว๊ บี่อี้ง ล้อ

ม้ะทู 22:13

กจุ้แฆว้ ล แฌ้ นอ อางแม้เลา อ เพล่ อ บาง ไจ้ะ เว๊ แด, ‘พองนี่ โพล้ง ล แฌ้ นอ จ้าทะ อ จูง อ คาง, ฌ้อง ลี้ ไควะ ไฆวะ-อ้ะ ลู่ง ค๊อง โค๊ ท ไค้ะ ซ๊า แกล้, ท ล กล้ะ แย๊ นอ โพล้ง ม ฌางล้าง ย้าล้าง เอ้ง เม ช่อง แซว๊ น้ะ มะ ล้อ’

ม้ะทู 24:29

เมาะ มื่ง นี้ง ลู่ง ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ, แซย โอ ลู่ง มุ้คู ม ล้างเทะ ไฆวะ เว๊ ล้อ, เท่อ พี่ อ โอ ดี๊ อ ดู้ง อ ยาง ลู่ง ท พุ้พ๊าง ล แพ นอ, ม ตทูง ตพล้าง นอ ล้อ

ม้ะทู 8:12

แบ เด้าะ โพล้ง พี่ อ เกิ้ง โอ แบ มื่ง บ้าง ล กล้ะ แย๊ นอ, ม แบ ท โฌ๊ ไจ ทาง ไฆวะ-อ้ะ ลู่ง ค๊อง โค๊ ท ไค้ะ ซ๊า แกล้, ท ล กล้ะ แย๊ นอ, โพล้ง ม ฌางล้าง ย้าล้าง เอ้ง เม ช่อง แซว๊ น้ะ มะ ล้อ”

ยูด้ะ 1:13

อซื๊งเว๊ เก บี่ ซุ้ ที๊ง ปางเล อ บู้ง จึ้ไท้ะ อ ซ้ะ, อ ท แม้ นอ แม้ อ ซ้ะ บี่ ซุ้ ที๊ง ซเบว้, อซื๊งเว๊ เก บี่ ซุ้ แซย ยู้ง พลุ้, กแช่ แยว้ แด้ เว้ เอะ อ ล่าง ลู่ง ท ไค้ะ ซ๊า พ้า เกม๊า เว๊ อ โอ พี่ นอ ล้างชู้ ล้างแกย ล้อ

ท​เน​โพล​ทาง 16:10

ท มุ้คู พู เย่ แฌ้ ล แฌ้ นอ, ลู๊ง ล้าง ไฆวะ โล๊ง ลู่ง ท พูแฆ่ อ้า นอ อ ล่าง ชี๊น้าง ยู่แคว่ เท่อ, ท่อง อ ช๊าง ท พูแฆ่ อ้า อ มื่ง อ บ้าง ไค้ะ ซ๊า ไฆวะ เว๊ ล้อ, ฌ้อง โพล้ง ไอ เท่ง อ พลี้ ลู่ง อ แบ น้ะ แบ โน๊ง อ กย้อง