อีซยา 8:20 - Northern Pwo Karen Thai Bible

²⁰ ลี้ แคว่ ทอางแม้เลา ดี๊ ทไคล้ พีงญาง, ล้างที๊ง เต้ๆ, ล้อ, โพล้ง พี่ อ ล ไคล้ ด้องซุ้ แย้ แบ นอ, ม เก โพล้ง พี่ ล โอ ดี๊ ทพ้าง ทาง ลู่ง โฌ้โค๊ แบ

อีซยา 8:20 ပူးပေါင်းရင်းမြစ်များ

เอซรา 10:3

อกย้อง บี่นอ, เกม๊า ก แม้ ทเอิ้งล้าง ดี๊ ก กแช่แยว้, พี่ ม ญ๊องไฆวะ แม๊ ลแพ อี้ง, ดี๊ พู พี่ กึทาง นี่ ดี๊ กมืง ลแพ นอ, บี่ซุ้ดี๊ จ เซงคู โพล้งเนฌ้าโล้เท่อ อ ทโล้ฌ้า, ดี๊ กเย่ โพล้ง พี่ อ ดู้งแบยางแบ ก กแช่แยว้ อ ทซองทซ๊าง ลแพ นอ อ ทโล้ ฌ้า, ดี๊ เกม๊า แม้โพะ ทอางกีล้าง อ ไค๊ แดเทา

ทอางปฆ้า 119:130

ทโล้ ล้างที๊ง กแช่แยว้ อลู่งอแท๊ นอ, เกม๊า ทโฌ่งทพ้าง เลา ดี๊ เกม๊า ท แนซี เอะ โพล้ง ซีงแฌ๊ เท่อ แซย้

ทอางปฆ้า 78:5

เมะเว๊ กแช่แยว้ ต๊างทาง, ทอลู่งอแท๊ ดี๊ ยาคุ้ ดี๊ ช๊างล้าง ทอางแม้เลา, ลู่ง อีซลาเอง พ้า พี่ กแช่แยว้ อางแบเลา เอะ, ก พี๊งพู๊งลู่งแย๊ อู้ง ไจ้ะเว๊, เกม๊า โล้ล้าง ท อไฌะอไฌ่ ลแพ อี้ง, เอะ อซื๊งเว๊ อพูอลี้ง

ทอางด้อง 4:18

แบเด้าะ โพล้งแบกแช่แยว้อซ้ะ นอ, บี่ซุ้ดี๊ ทพ้าง ลู่ง โฌ้โค๊ พี่ อ พ้าง ฆีงฆอง ดูทางๆ, ท้อง อ พ้าง เติ้งต้าง เมาน่าง นอ ล้อ

อีซยา 1:10

เกม๊า คุ้ช๊องแน กแช่ยาเว อลู่งอแท๊ โพล้ง โพะคอง เว่งโซโดง-เอ้อ เกม๊า ดุ้แน่ คุ้ช๊องแน ก กแช่แยว้ อ ทอางแม้เลา โพล้ง เฌงพูฆ๊างพู เว่ง โกโมรา

อีซยา 8:16

เกม๊า อางกี ทไคล้ พีงญาง, ดี๊ เกม๊า กวิ้ล้าง แม้ไน ทอางแม้เลา ลู่ง จพูจลี้ง ลแพ นอ อซุ้อแกล้ พ้า

อีซยา 8:22

ดี๊ ท่อง อ แคว่ ฌางคูโคล๊งคู นอ, แคว่เซ้อ, โอ ที่ ทน้ะเซิงน้ะซ้ะ ดี๊ ทไค้ะซ๊า, ท ซ้ะ เฌ๊ฌ้อง น้ะ อ ท เมะมองแน๊อึ้, ดี๊ อ เว๊ ม แบ ท ชางพลุ้ฆ้าง ลู่ง ทไค้ะซ๊าโนย๊ง พ้า

เยเรมี 6:16

กแช่ยาเว ไจ้ะเว๊ บี่อี้ง “เกม๊า ชี๊เทิง ลู่ง เกล้ อู้ง, ดี๊ แคว่-อ้ะ เมะ ฌี้ ดี๊ อางจ้ะ โค เกล้ เอะ อู้ง นอ บี่อี้ง, เกล้ ฌี้ โอ พี่จองเล้, ฌ้อง ลี้โพะ เกล้ นอ ดี๊ เกม๊า นเซิงนซ้ะ นี่แบ ทซยืงทบ้ะ แบเด้าะ อ ซื๊งเว๊ ซีง ลแพ ไจ้ะเว๊ บี่อี้ง, ‘ก ล โพะ เกล้ นอ แบ’

เยเรมี 8:9

โพล้ง โอ ดี๊ ทโกงซีมองแบ ซีง ลแพ, ม แบ ฌางแช้ฌางเด อ ซื๊งเว๊ ม ซ้ะเมซ้ะไพล้ เท่อ, ดี๊ แบ ท พองนี่-อ้ะ อี้งเซ้อ, อ ซื๊งเว๊ นี่ ซม๊า กแช่ยาเว อลู่งอแท๊ ดี๊ อ เว๊ โอ ดี๊ ทโกงซีมองแบ บี่จะเล้?

โฮเชยา 6:3

เกม๊า ก ซีงแฌ๊, เกม๊า ก เฌา ซีงแฌ๊ กแช่ยาเว กแช่แยว้ อ ท เนโพลทาง อ ซ้ะ นอ, ล้างเท่งล้างเม๊ง บี่ซุ้ดี๊ ทพ้างทาง ลู่ง โฌ้โค๊ กแช่แยว้ ม เฌ๊ฌูง เฆ้อ ด้องซุ้ ทเฌ๊ช้า ด้องซุ้ ทเฌ๊ช้า แอ ลู่ง อว๊างอแค๊ ม เลา, พี่ ช้าล้าง แบโจ ฌางคู คู”

มีคา 3:6

อกย้องบี่นอ, มแน้แค๊ ล โอ ดี๊ ทแดเว้ เอะ อ ซื๊งเว๊ แบ ดี๊ ทไค้ะ ซ๊าโญ๊ง, ม กึทาง เอะ อ ซื๊งเว๊, ดี๊ น ซื๊ง ม พ้ะเว้ เท่อ ล ซี น่างแฌ้ แบ ลู่ง โมไคล้คิ้กแช่แยว้ ซีง ลแพ อ ฌ่าง นอ, มื่ง ม ล้างนึไฆวะ ดี๊ ลู่ง อ ซื๊งเว๊ อ ฌ่าง, มแช๊แค๊ นอ, ม ไค้ะซ๊า

มาลาคี 4:2

แบเด้าะ โพล้ง พี่ ดู้งแบยางแบ กเม้งกแซ ซีง ลแพ อ ฌ่าง นอ, มื่ง ลู่ง ทแบกแช่แยว้อซ้ะ, พี่ โอ ดี๊ อ ได้ะ แม้ก้องแย่ ทเจ้าทแช๊ ซี นอ, ม โพลทาง เว๊, ฌ้อง น ม พื๊งซยุ้ เฌ้เทิงลี่ง ไจทาง บี่ซุ้ดี๊ งู้ พู ไจทางไฆวะ อ พ้อง พ้า

ม้ะทู 22:29

กแช่ เยซู ไคล้ ช๊า-อ้ะ ไจ้ะ เว๊ แด, “น ซื๊ง ช๊องมอง เท่อ ล แบ แบ, เป๊งนี่ น ซื๊ง ล ซีงแฌ๊ ท กวิ้ ล้าง เว้ เว๊ ลู่ง ไละ ฌี้ ไละ แอว้ อ พ้า แบ, ดี๊ ล ซีงแฌ๊ กแช่ แยว้ อ ซยื๊ง อ ซย้อง แบ

ม้ะทู 6:23

แบ เด้าะ น เมะคลี๊ง เมะ ล ฌี้ แบ นอ, น กแช่ ด๊าง แฌ้ ม โอ ลู่ง ท ไค้ะ แกล้, ท บี่ นอ, ท พ้าง พี่ อ เกิ้ง โอ น ซ้ะ พ้า เมะ ไค้ะ ซ๊า ไฆวะ, ท ไค้ะ นอ ม ไค้ะ ชี่ ไค้ะ เล้

มาร้ะกู 10:3

กแช่ เยซู อางจ้ะ ไท้-อ้ะ, “โมเซ อางแม้เลา น ซื๊ง บี่ จะ เล้”

ลูกา 10:26

กแช่ เยซู ไคล้ ช๊า-อ้ะ, “ทอางแม้เลา โล้ เว๊ บี่ จะ เล้, น พ้ะ-อ้ะ นอ น แน ซี บี่ จะ เล้”

โยฮาง 5:39

ท กวิ้ ล้าง ลู่ง ไละ ฌี้ ไละ แอว้ พ้า ล เม้งๆ, นอ, น ซื๊ง ไฌ่ แบ แคว่ แบ-อ้ะ ครึๆ, ล้อ, อ ไฌ่ บี่ โย้ นอ, น ช๊องมอง ลู่ง ไละ ฌี้ ไละ แอว้ พ้า นอ, น ม แด แบ ท ม๊า ล้างชู้ ล้างแกย, เต้ๆ, นอ, ไละ ฌี้ ไละ แอว้ ล แพ นอ โล้ ล้าง เท่อ แบฆ้ะ ดี๊ แย้

ท​แม้ 17:11

โพล้ง เบเรยา ล มู๊ง นอ อ ซ้ะ ฌี้ นี่ โพล้ง เทซาโลนีเก นอ ล้อ, อ แน่ ล ตาง แบ, ดุ้ อ แน่ ดี๊ เปาโล อ ลู่ง อ แท๊ ฌี้ มะ, พี่ เปาโล โล้ เท่อ นอ ม เมะ เต้ๆ, -อ้า, อซื๊งเว๊ ไฌ่ ไละ ฌี้ ไละ แอว้ ที๊งๆ, ช้ะๆ, ฆ้ะ มะ กุ้ อ นี้ง ล้อ

โรมา 1:22

อซื๊งเว๊ ไจ้ะ ล้าง อ ซ้ะ เก โพล้ง โอ ดี๊ ท โกง ซี มอง แบ, เต้ๆ, นอ อ ซื๊ง เว๊ เก โพล้ง ล กลุ้ ล จ้ะ แบ

2​เปโต 1:19

ท บี่ นอ, ก ซ้ะ ค๊า ฌี้ ทาง ดี๊ ท ไคล้ พี่ โม ไคล้ คิ้ กแช่ แยว้ โล้ เว้ เว๊ ล แพ นอ, น ซื๊ง เมะ ดุ้ แน่ ดี๊ ท ไคล้ อี้ง นอ ม เก ท อ ฌี้, อ ไฌ่ บี่ อี้ง, ท ไคล้ นอ เก บี่ ซุ้ มีโด้ง พี่ อ พ้าง ฆ้าง ท ไค้ะ แกล้ ท้อง ท พ้าง ทาง, ดี๊ กแช่ เยซู อ โฌ่ง อ พ้าง ม พ้าง ล้าง ลู่ง น ซื๊ง ซ้ะ พ้า, ด้อง ซุ้ แซย ทู่โฌ้

2​เปโต 1:9

แบเด้าะ โพล้ง พี่ อ มยู๊ อ จะ ล โอ บี่ อี้ง แบ ล แพ นอ, เก บี่ ซุ้ โพล้ง อ เมะ ล แด เท่อ แบ, อ เมะโบล เมะไค้ะ ดี๊ ซ้ะนาง เว๊ พี่ กแช่ แยว้ อางซฌ้ะ-อ้ะ พ้อง ไฆวะ ดี๊ อ ท เด้บ้ะ เย้า