อีซยา 7:3 - Northern Pwo Karen Thai Bible

³ ดี๊ กแช่ยาเว ไคล้ ดี๊ อีซยา บี่อี้ง, “เกม๊า น ไจทาง ลี้ ต้องนอง อาฮ้ะ, เลา ดี๊ น กแช่ ดี๊ น พูแคว๊ เชอารายาชู ลู่ง ที๊งกวี้ง ท้ะโค๊ อ ที๊งท้อง คูทุ้, ลู่ง เกล้ ทล่าง อางชืง เท่อ

อีซยา 7:3 ပူးပေါင်းရင်းမြစ်များ

2​กจุ้แฆว้ 16:1

ลู่ง ชี๊ง เนว๊ เนง ล เนง พ้า, พี่ เรมาลียา อ พู เปคา เก กจุ้แฆว้ อ ชู้ แค๊ นอ, โยทาง อ พูแคว๊ อาฮ้ะ กจุ้แฆว้ ลู่ง ค่าง ยูดา พ้า, ทางโพะคอง เท่อ

2​กจุ้แฆว้ 18:17

ดี๊ กจุ้แฆว้ ค่าง อะซีเรีย อางแบเลา โพล้ง พี่ เก ทอดู ทาราทาง ร้ะซารี ร้ะชาเค ดี๊ ซึ้พู พ้ะดู ล มู๊ง, ไจทางนี่ ลู่ง เว่ง ลาคิ้, ลี้ฆ้าง โอ กจุ้แฆว้ เฮเซคียา ลู่ง เว่ง เยรูซเลง พ้า, อ ซื๊งเว๊ซีง ลี้ทาง ลู่ง เว่ง เยรูซเลง พ้า, พี่ อ เฌ๊ทาง ท้อง นอ, ช๊างล้าง อ ทล่างโอซยอง ลู่ง เกล้ ลี้ฌูง ที๊งโคละ บ้องนี่ ที๊ง ลู่ง กวี้ง พ้า ท้ะโค๊ กวี้ง, อ นอ โอ ลู่ง เกล้ ทล่าง อางชืง เท่อ อ ล่าง

2​กจุ้แฆว้ 20:20

เฮเซคียา อ ทไพ้ะทแม้ อ แฌ้แพ, ดี๊ อดู้งอยาง เลาพะ, ดี๊ พี่ อ ไต้ทางนี่ กวี้ง ดี๊ ที๊งโท้ง, เกม๊า ที๊ง เฌ๊ นึฆ้าง เว่ง พ้า บี่จะเล้ นอ, แบ ทกวิ้ล้าง-อ้ะ, ลู่ง ไละ กวิ้ไน กจุ้แฆว้ ค่าง ยูดา อ ไฌ่ ล ปะ นอ อ พ้า, ล เมะ แบ-อ้า?

เนฮะมี 3:16

เท่ง ดี๊-อ้ะ เด้าะ นอ เก อาบู อ พู เมะเว๊ เนฮะมี, พี่ อ โพะคอง ทล่าง เบะซู ล พุ้พ๊าง, อ เว๊ แม้ฌี้ไท้ เท่อ ลี้ ท้อง ลู่ง ทล่าง พี่ กแท้ โละซ้ะ ดี๊ ไล๊ พ้า เคิงล้างบ้า ดาเว อ จู, ท้อง กวี้ง เคิงนี่ ดี๊ ท้อง ซึ้พู อ ทล่างโอซยอง

ทไจทางไฆวะ 7:15

เกม๊า น ลี้ ฌูง ฟาโร ลู่ง โฌ้โค๊, พี่ อ เว๊ ลี้ ลู่ง ที๊งกล้อง พ้า นอ, ม๊า น ชี๊เทิง โอคุ้แท๊-อ้ะ ลู่ง ที๊งกล้อง พ้าไท้ะ, ลี้ โชะ ดี๊ นางทุ้บ้อง พี่ อ เกทางก้ะ ฌู่ง ซี นอ ปะ

อีซยา 10:21

โพล้ง พี่ โอ ล้างลื๊อ ก้ะ นอ, ม เฌ๊ไท้ ฌูง กแช่แยว้ พี่ อ ดูทึ ชองทึ, เมะเว๊ ยาคุ้ อ โพล้ง พี่ โอ ล้างลื๊อ ก้ะ นอ ล้อ

อีซยา 22:10

น ซื๊ง ดว้ะ เยรูซเลง อ เด้า อแออแซย้, ฌ้อง นอ กูงไฆวะ เด้า เฌ๊ แม้เฌิ่งแม้ค๊า ทาง เว่ง อ กางแป

อีซยา 22:11

น แม้ ทล่าง อางกี นี่ ที๊ง ลู่ง กางแป คี๊งแพ้ อ เบ้าช้า, บี่ซุ้ เจ่ ลู่ง ที๊งกวี้ง ล่างลี้ง พ้า, แบเด้าะ น ซื๊ง ซีง ลแพ, ล นี่ แคว่ฆ้าง กแช่แยว้ พี่ อ ดึ้ เกม๊า ท กึทาง อ ซ้ะ อี้ง แบ, ดี๊ ล แคว่ท๊าง โพล้ง พี่ อ ช๊องมองเว้ทแม้ ไยะ เย้า อี้ง นอ แบ

อีซยา 36:2

ฌ้อง อะซีเรีย อ กจุ้แฆว้ เจ่ทาง ร้ะชาเค โอ นี่ ลู่ง เว่ง ลาคิ้, เฌ๊ฆ้าง โอ กจุ้แฆว้ เฮเซคียา, ลู่ง เว่ง เยรูซเลง, ล พ๊า ฆ่าง ดี๊ ซึ้พู มู๊ง พ้ะดู, ดี๊ อ เว๊ เฌ๊ ชี๊เทิง โอ ลู่ง ที๊งกวี้ง ท้ะโค๊ อ ที๊งเคิงชวี้ บ้องไฆวะ ที๊ง, ลู่ง เกล้ ทล่าง อางชืง เท่อ

อีซยา 55:7

เกม๊า โพล้งอ้าโพล้งซ๊าง ญ๊องไฆวะ อเกล้อพ้า ดี๊ เกม๊า โพล้ง ลกลุ้ลจ้ะ แบ ญ๊องไฆวะ อ ทช๊องมอง เกม๊า อ เว๊ เฌ๊ไท้ฌูง กแช่ยาเว, ดี๊ กแช่แยว้ ม ย๊างซ้ะ-อ้ะ ดี๊ เฌ๊ไท้ฌูง เฆ้อ ก กแช่แยว้, เมะเว๊ กแช่แยว้ โอ ดี๊ ท แพล่ไฆวะ ลู่ง อล๊าอฆวี้

อีซยา 6:13

ทึเมะ โอ ล้างลื๊อ ก้ะ ได้ะ พี่ นอ, เมาะ ล โทะ ลู่ง อ โทะ ล ชี๊ง นอ ม แบ ทเช้า ดี๊ มี ได้ะ บี่ซุ้ดี๊ ซย๊อง มื่งเทิง-อ้า ซี๊พ้ะดู มื่งเทิง-อ้า พี่ ล้างลื๊อ โอก้ะ ที่ อทุ้อแน๊ พี่ แบ ท เคาล้างไฆวะ” อทุ้อแน๊ นอ, เมะเว๊ ชื้อ อคลี๊งอแซ ลู่ง อฌี้อแอว้ ล้อ

เยเรมี 22:1

กแช่ยาเว ไจ้ะเว๊, “เกม๊า ลี้ล้าง ลู่ง กจุ้แฆว้ ยูดา อ บลาง พ้า, ดี๊ โล้ล้าง ทไคล้ ลแพ อี้ง พี่ นอ

โรมา 9:27

อีซายา โล้ เท่อ แบฆ้ะ ดี๊ อีซลาเอง บี่ อี้ง “ทึ เมะ โพล้ง อีซลาเอง ม แอ บี่ ซุ้ มิ้ ลู่ง ปางเล พ้าไท้ะ ฌี้ๆ, แบเด้าะ โอ แซย้ โคะ ล้อ พี่ ม พ้อง ม พลิ้