อีซยา 7:20 - Northern Pwo Karen Thai Bible

²⁰ “ล นี้ง แย๊ นอ, ทอดูทึโท๊ทึ กแช่ ม เจ่ โด้พู พี่ โจ่ นี่ ลู่ง ที๊งยูเฟตี อ ที๊งล่างค่างพ้า ล แพ้ แด ได้ะ, เมะเว๊ อะซีเรีย อ กจุ้แฆว้, ลู่ง ท โล้งไฆวะ ชอง ลู่ง ท กดื้งกทะ พ้า ดี๊ ม ทิ้ทางไฆวะ นุ้ชองแคพ้าง ปะ

อีซยา 7:20 ပူးပေါင်းရင်းမြစ်များ

อีซยา 1:5

แบทเล้ น ซื๊ง แบซ้ะ แบ ท พลี ได้ะ? แบทเล้ น ซื๊ง กไบล้ะกแบล ครึๆ? คูฆีง นอ แช๊ เลาพะ เซิงซ้ะ ล้างเพาล้างแช่ไฆวะ เลาพะ

อีซยา 10:15

แกว้ ม ไคล้ เคิ่ง โพล้ง พี่ เจ่ เว๊ กล้าง เท่อ นอ-อ้า? ท้ะลว้ะ ม ทื่งล้าง อ ซ้ะ โท๊เละโพล้ง พี่ เจ่ เว๊ ลว้ะ เท่อ นอ-อ้า? บี่ซุ้ดี๊ นางมื่งคืง ม โชะทาง โพล้ง พี่ โชะ-อ้ะ นอ ซี-อ้า? นางทุ้ ม โชะทาง โพล้ง พี่ ล เมะ เซงกึ้ แบ ซี ชี่-อ้า?

อีซยา 11:15

ดี๊ กแช่ยาเว ม แม้เฌ๊ฌ้องไฆวะ โพล้ง อีไย้ะ อ ปางเล เลาพะ ดี๊ ม แว่ อ จูง ลู่ง ที๊ง ยูเฟตี กล้อง นอ อ คูด้าง ดี๊ อ ลี้ง คู่เล้าคู่ล๊าง ดี๊ ม ดึ้ เว๊ เกม๊า อ เกทาง ก้ะ ที๊งกล้อง พู เนว๊บ้อง ดี๊ โพล้ง ซุ้ คางไพ้ะ ม ไจ ค๊างฌะ ฆ้าง เว๊ ซี

อีซยา 36:1

โอก้ะ ลู่ง ไค๊, ลู่ง เนง ชี๊งลี่ง เนง ล เนง พ้า, พี่ กจุ้แฆว้ เฮเซคียา อ ชู้ แค๊ นอ, อะซีเรีย อ กจุ้แฆว้ เซงนาเคอรี, เฌ๊ทาง ดึ้ซึ้ ยูดา อ เว่ง พี่ โอ ดี๊ ทล่างคุ้แคว่เท่อ เลาพะ, ดี๊ แม้นี่ก้ะ เว๊

อีซยา 8:7

อกย้องบี่นอ, แคว่เซ้อ ทอดูทึโท๊ทึ กแช่, ม ดึ้ เกม๊า ที๊ง ลู่ง ที๊ง ยูเฟตี กล้อง พี่ โอ ดี๊ อไฌ่อแบ้ ดี๊ โอ แอฌี่งแอฌ้อง, เมะเว๊ อะซีเรีย อ กจุ้แฆว้ ดี๊ อฆี๊งอแล้ เลาพะ, เฌ๊ ดึ้ โละซ้ะ ดี๊ อ ซื๊งเว๊, ที๊ง นอ ม แยว้ล้าง ล้างพะ อ กล้อง กุ้บ้อง, ดี๊ กลึ้ไบ้ะ อ คื่อ พ้าไท้ะ เลาพะ

อีซยา 9:13

แบเด้าะ โพล้ง เฌงพูฆ๊างพู นอ, ล นี่ แกยไท้ อ ซ้ะ เฌ๊ฌูง กแช่แยว้ พี่ ท่าง อ ซื๊งเว๊ นอ แบ ดี๊ ล นี่ อางฆื๊ง แคว่ กแช่ยาเว ซึ้คู ดูทึชองทึ แบ

เยเรมี 2:18

ทบี่นอ, น นี่แบ ทเม้งเล้, พี่ น ลี้ล้าง ลู่ง อีไย้ะ นอ บี่ซุ้ โอ ที๊ง ลู่ง ที๊งไน อ กล้อง พ้า-อ้า? น นี่ แบ ท เม้งเล้, พี่ น ลี้ล้าง ลู่ง อะซีเรีย นอ บี่ซุ้ โอ้ ที๊ง ลู่ง ที๊ง ยูเฟตี อ กล้อง พ้า-อ้า?

เอเซเคียง 29:18

“กโพล้ง อ พู-เอ้อ, เนบูคาเนซา กจุ้แฆว้ ลู่ง บาบีโลง, นี่ ไจทางฌ้า อ ซึ้พูมู๊ง เฌ๊ ดึ้ซึ้ โละซ้ะ ดี๊ ไทระ น้ะ มะ, คูฆีง กุ้ โพลง นอ ลี้แชว้, ดี๊ จื๊งแป กุ้ แพ้ นอ, เท้าเบล้า, ทึเมะ บี่ นอ ฌี้ นอ, อ เว๊ ฌี้, อ ซึ้พูมู๊ง ฌี้ นอ, ล นี่แบ เท่อ ดี๊ ไทระ, เก คางเล้ง น่างเม้ง แบ, พี่ อ เว๊ ดึ้ซึ้ โละซ้ะ ดี๊ เว่ง นอ

เอเซเคียง 29:20

ก นี่ อางกีล้าง ค่าง อีไย้ะ เอะ-อ้ะ, บี่ซุ้ เก อ คางเล้ง ลู่ง อ ท ดึ้ซึ้ พ้า, พี่ อ ซื๊งเว๊ ซีง ลแพ นี่ แม้ เอะ เฆ้อ นอ, ทอดูทึโท๊ทึกแช่ยาเว โล้ เว๊ บี่อี้ง ล้อ