อีซยา 66:4 - Northern Pwo Karen Thai Bible

⁴ ก เว๊ แด นอ, ก ม อางลึ นี่ ท น้ะเซิงน้ะซ้ะ เอะ อ ซื๊งเว๊ ปะ ดี๊ ก ม เฌ๊โชะ เอะ อ ซื๊งเว๊ อ เท่อ, พี่ อ ซ้ะเมซ้ะไพล้ เว๊ นอ, เฌ๊ ลู่ง อ โอ เป๊งนี่ พี่ ก กุ้ซย้ะ เท่อ นอ, โพล้ง ล โอ เช๊ช๊า เท่อ น่างแฌ้ แบ พี่ ก ไคล้ นอ, อ ซื๊งเว๊ ซีง ลแพ ล คุ้ช๊องแน แบ แบเด้าะ อ ซื๊งเว๊ นี่ แม้ ทอ้าทซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

อีซยา 66:4 ပူးပေါင်းရင်းမြစ်များ

2​กจุ้แฆว้ 21:2

อ เว๊ แม้ ทอ้าทซ๊าง ลู่ง กแช่ยาเว อ เมะแซ พ้า เมะเว๊ แม้โพะ โพล้ง กุ้ที๊งกุ้ค่าง ลแพ นอ อ ทแม้ พี่ ล้าง แช๊เมะไฌ๊ซ้ะ อ ไค๊, พี่ กแช่ยาเว โฌ๊ไจไฆวะ เว๊, พ้องไฆวะ ดี๊ โพล้งเฌงพูฆ๊างพู อีซลาเอง ลแพ อ เมะ

2​กจุ้แฆว้ 21:6

ดี๊ อ เว๊ เกม๊า อ พูแคว๊ พลึ้ล้าง อ ซ้ะ มีอ้า พ้า, แคว่ มื่ง แคว่ แล้, แม้ ทอูงทโป้, อางจ้ะนี่ เท่อ ดี๊ ตี้งน่าง, ดี๊ กมืง กแคว๊ พี่ เก โพล้ง อูง เท่อ ซี ล่อง เท่อ นึ, อ เว๊ แม้ ทอ้าทซ๊าง น้ะ เต้ๆ, ลู่ง กแช่ยาเว อ เมะแซ พ้า, ดึ้ เกม๊า กแช่แยว้ อ ซ้ะทาง พ้ะดู

ทอางปฆ้า 81:12

อกย้อง บี่นอ, จ อางกีล้าง-อ้ะ ดี๊ อ กแช่ อ ซ้ะ, พี่ ลือค๊างพะ เท่อ นอ เกม๊า อ แม้โพะ อ กแช่ อ ท เนฌ้าโล้ฌ้า อ ไค๊

ทอางด้อง 1:24

เมะเว๊ จ นี่ กุ้ เท่อ เย้า, แบเด้าะ น ซื๊ง ซม๊า แย้ จ เยาฆ้าง จูง, แบเด้าะ โพล้ง ล ควี๊งคูแกยแน่ น่างแฌ้ แบ

ทอางด้อง 10:24

เท่อ พี่ โพล้งอ้าโพล้งซ๊าง ซ้ะเมซ้ะไพล้ เว๊ นอ, อ ม เฌ๊ท้อง-อ้ะ แบเด้าะ เท่อ พี่ โพล้งแบกแช่แยว้อซ้ะ แบซ้ะ เว๊ นอ, กแช่แยว้ ม เกล๊าง-อ้ะ ล้อ

อีซยา 50:2

แบ ทเม้งเล้, ท่อง ก เฌ๊ นอ, ล แด โพล้ง น่างแฌ้ แบ เฆาะ? พี่ ก กุ้ซย้ะ เท่อ นอ, โพล้ง ล โอ เซ๊ช๊า เท่อ น่างแฌ้ แบ? ก จูง พือ น้ะกชุ้, ท๊อง เทะนี่ไท้ เท่อ ล ซี แบ-อ้า? ดี๊ กไฌ่กแบ้ ม แม้พ้องพลิ้ เท่อ นอ, ล โอ แบ-อ้า? แคว่เซ้อ, ก ดึ้ เกม๊า ที๊ง ปางเล ซู๊งทาง ดี๊ ก ท แม้น้าแม้ฆ่าง ล้อ ก ดึ้ เกม๊า ที๊งกล้อง ลแพ นอ, เก แพะคูทเคแกล้ แยพู ลู่ง ที๊งกล้อง พ้า ล กล้องๆ, นอ, ล้างอืง น๊าอืง, เป๊งนี่ ที๊ง ล โอ แบ ดี๊ อ ซี๊งไฆวะ, เป๊งนี่ ซู๊โอ้ซ้ะที๊ง

อีซยา 59:15

ทเมะทโต้ ล้างแม่ไฆวะ ดี๊ โพล้ง พี่ ล้างแซยล้างพ้ะ ดี๊ ทอ้าทซ๊าง นอ, ดึ้ เกม๊า อ กแช่ แบ ท ตมละตเช กแช่ยาเว แด เว๊ นอ, ล แบ ทมอง ลู่ง อ เมะแซ พ้า แบ พี่ ล โอ ดี๊ ท อเกิ้งอแบ แบ

อีซยา 59:7

อ ซื๊งเว๊ อ คาง ซยู๊ ลี้ฌูง ทอ้าทซ๊าง ดี๊ อ เว๊ ปชื่ง ลี้ แม้ล้าง โพล้ง พี่ อ ทไพ้ะทแม ล โอ แบ อ ซวีง อ ซื๊งเว๊ อ ท ช๊องมอง เก ท ช๊องมอง ลู่ง ออ้าอซ๊าง ทแม้ ล้างเทา ดี๊ ทแม้ เฌ๊ฌ้อง โอ ลู่ง อ เกล้ อ พ้า

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

อีซยา 65:2

ก เยาฆ้าง ก จูง เซ๊งนี้งคล้อง ดี๊ โพล้ง อ ชื้อ พี่ อ เฌา กไบล้ะ กแบล โพล้ง พี่ อ โพะ เกล้ ลฌี้ลแอว้ แบ ดี๊ โพะตไล่ อ ซื๊งเว๊ อ ทโกงทแกย อ ไค๊

อีซยา 65:3

โพล้ง อ ชื้อ พี่ ไล๊ดุ้ เฆ้อ ลู่ง ก เมะแซ พ้า ไค๊คื๊ง เทว๊ ทลื่งทาง ลู่ง โซ๊งคูม่องพ้า ดี๊ เช้า ทน๊าม๊า ลู่ง เดิ้งจีง อ โป้ง คู

อีซยา 65:7

เลา ดี๊ อ ซื๊งเว๊ อ ทอ้าทซ๊าง, ดี๊ อ พี๊งชู้พู๊งชู้ ลู่ง แย๊ อู้งอ ทอ้าทซ๊าง, โอซยอง โละซ้ะ, กแช่ยาเว ไจ้ะเว๊ บี่อี้ง เป๊งนี่ อ ซื๊งเว๊ เช้า ทน๊าม๊า ลู่ง ทลู่ง คู ดี๊ ไคล้อ้าไคล้ซ๊าง แบ เฆ้อ ลู่ง ทจ้องม๊อง คู ก ม โตง อ ซื๊งเว๊ อ ทอ้าทซ๊าง, ลู่ง อ พ้องไฆวะ ลแพ นอ นึฆ้าง อ ซื๊งเว๊ ซีง ลแพ อ ซ้ะแน๊ พ้า

เยเรมี 35:17

ทบี่นอ, กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘อี้งเซ้อ, ก ม ดึ้ เกม๊า ทเตาทแต๊ กุ้เม้ง, พี่ ก โล้ล้าง เว้-อ้ะ นอ, เฌ๊ล้างแบ ยูดา ดี๊ กเย่ โพล้ง เว่ง เยรูซเลง, อไฌ่บี่อี้ง, ก ไคล้ ดี๊ อ ซื๊งเว๊, แบเด้าะ อ เว๊ ล คุ้ช๊องแน เฆ้อ แบ, ก กุ้-อ้ะ, แบเด้าะ อ เว๊ ล เซ๊ช๊า เฆ้อ แบ”

เยเรมี 7:13

ดี๊ ค๊องเนงอี้ง, ลู่ง น ซื๊งเว๊ ซีง ลแพ, นี่ แม้ ท ลแพ อี้ง กุ้เม้ง อกย้องนอ, กแช่ยาเว โล้ เว๊ บี่อี้ง ล้อ, ดี๊ พี่ ก ไคล้ ดี๊ แน้, พ๊าๆ, เย้า พ๊าๆ, เด้าะ นอ, แบเด้าะ น ซื๊งเว๊ ซีง ลแพ, ล นี่ คุ้ช๊องแน แบ, ดี๊ พี่ ก นี่ กุ้ น ซื๊งเว๊ นอ, แบเด้าะ น ล นี่ ไคล้ช๊า เท่อ แบ

เยเรมี 7:30

“ยูดา อชื้ออชะ นี่ แม้ ทอ้าทซ๊าง ลู่ง ก เมะแซ พ้า”, กแช่ยาเว โล้ เว๊ บี่อี้ง ล้อ, “อ ซื๊งเว๊ นี่ อางกีล้าง ท ล้าง ซ้ะลูซ้ะไล้ะ ลู่ง ก ล่างโอ พ้า, พี่ กุ้-อ้ะ บี่ซุ้ดี๊ กเม้งกแซ นอ ล้อ, แม้ เว๊ เกม๊า โอ ดี๊ ท แบอ้า

เอเซเคียง 11:8

น ซื๊ง ซ้ะเม น้ะ, แบเด้าะ ก ม เฌ๊โชะ น้ะ ลู่ง น ซื๊ง โอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 14:4

อกย้องบี่นอ, เกม๊า ไคล้ ดี๊ อ ซื๊งเว๊, ดี๊ โล้ เอะ-อ้ะ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง, โพล้ง แฌ้ฌี้ๆ, ลู่ง อีซลาเอง อชื้ออชะ พ้า, พี่ ช๊างล้าง ทเค่งทฌ้าง ลู่ง อ ซ้ะ พ้า, ดี๊ อางกีล้าง ทแบท้า เกม๊า ล้างเทะเค้า ทเด้บ้ะ พ้า ลู่ง อ เมะแซ พ้า, ฌ้อง เฌ๊ฌูง โมไคล้คิ้เท่อ นอ, เฆ้อ เมะเว๊ ยาเว, ม แม้ช๊า-อ้ะ, พี่ อ เว๊ เฌ๊ ดี๊ อ ทเค่งทฌ้าง แอฌี่งแอฌ้อง นอ

เอเซเคียง 20:25

แอเละ อ นอ ได้ะ, ก คลุ้ล้าง ท อเค้อะอต้าง พี่ ออ้าอซ๊าง เอะ อ ซื๊งเว๊, ดี๊ คลุ้ล้าง ท อางกีล้าง พี่ แม้โพะ เว๊ อ ไค๊ ฌ้อง นอ, ล ดึ้ เกม๊า อ ซื๊งเว๊ โอม๊า แบ

ม้ะทู 24:24

อ ไฌ่ บี่ อี้ง คริ้ กไบล้ะ กแบล ดี๊ โม กไบล้ะ กแบล ม โอ ทาง เว๊ แอ แฌ้, ม ปล้ะ ล้าง อ ซยื๊ง อ ซย้อง บี่ ซุ้ เก ท แม้ไน พ้ะดู, ดี๊ ม แม้ ท ล้ะ ท เล่ บี่ ซุ้, เมะ ซี นอ แบ อ ซ้ะ อางโล๊ นี่ โพล้ง พี่ กแช่ แยว้ อางลึ นี่ เว๊ เย้า ล แพ นอ ล้อ

1ซามูเอง 8:19

แบเด้าะ โพล้งเฌงพูฆ๊างพู ซม๊า เว๊, อ ซื๊งเว๊ ล ช๊องแน ซามูเอง แบ, อ ซื๊งเว๊ซีง ไจ้ะเว๊ บี่อี้ง, “ก ล ญ่อง แบ, ก แบ โอ ดี๊ กจุ้แฆว้ พี่ ม โพะคอง เฆ้อ