อีซยา 66:16 - Northern Pwo Karen Thai Bible

¹⁶ เมะเว๊ กแช่ยาเว ม ต้ะเซ๊ง เท่อ ดี๊ มี เลา ดี๊ อ น้ะ ลู่ง กโพล้ง กุ้แฌ้ อ เช๊คู ดี๊ โพล้ง พี่ กแช่ยาเว แม้ซี๊ง เว๊ นอ, ม โอ แอฌี่งแอฌ้อง ล้อ

อีซยา 66:16 ပူးပေါင်းရင်းမြစ်များ

อีซยา 10:4

ท ล โอ ล้างลื๊อ น่างเม้ง ล้า แบ, โอ เว๊ ที่ ม ซย๊องล้างซ้ะ โอ ดี๊ โค้งเตา ลแพ นอ-อ้า ล้างเทะเค้า ลู่ง โพล้ง พี่ แบ ท แม้ซี๊ง ลแพ นอ อ โป้ง พ้า-อ้า ล้อ ทึเมะ บี่นอ ฌี้ นอ, กแช่แยว้ อ ท ซ้ะทาง พ้ะดู ลแกย ไท้ อ ซ้ะ ได้ะแบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 27:1

ล นี้ง แย๊ นอ, กแช่ยาเว ม แม้เตาแม้แต๊ เลวีอาทาง เมะเว๊ ฌู่ง พ้ะดู พี่ ไจคุ้ซูง นอ, ดี๊ น้ะ ชองโฆะ พ้ะดูพ้ะโท๊, ดี๊ กแช่แยว้ อ ไฌ่ชองแบ้ชอง, เลวีอาทาง เมะเว๊ ฌู่ง พ้ะดู พี่ ไว้ล้าง อ ซ้ะ, ดี๊ กแช่แยว้ ม แม้ซี๊ง ฌู่ง คูจอง พี่ โอ ปางเล พ้า

อีซยา 3:13

กแช่ยาเว ชี๊เทิง ต้ะเซ๊ง บ้าคว่าง กแช่แยว้ ชี๊เทิง ต้ะเซ๊ง อพูอลี้ง

อีซยา 30:30

ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

อีซยา 31:8

ฌ้อง โพล้ง อะซีเรีย ม ล้างเทะเค้า ดี๊ น้ะ พี่ ล เมะ กโพล้ง อ เท่อ แบ ดี๊ น้ะ พี่ ล เมะ กโพล้ง อ เท่อ แบ นอ, ม อางไฆวะ-อ้ะ ดี๊ อ เว๊ ม ซยู๊คุ้ซูงไฆวะ น้ะ ดี๊ อ โพล้ง แคว๊ น่างบางซ้ะบาง นอ, ม แบ ท แคแน เจ่ไฌ่เจ่แบ้

อีซยา 34:2

เมะเว๊ กแช่แยว้ ซ้ะทาง พ้ะดู ดี๊ โพล้ง กุ้ที๊งกุ้ค่าง ดี๊ ซ้ะทาง ดี๊ อ ซึ้พู มู๊ง เลาพะ กแช่แยว้ แม้เฌ๊ฌ้อง อ ซื๊งเว๊, ดี๊ อางกีล้าง เอะ ท แม้ซี๊ง กล้างซี๊ง

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

เยเรมี 25:31

ลู่ง เซ๊ พ้ะดู ม ซ๊อง ลี้ เฆ้ง ฌางคู อ คี๊งทุ้ เมะเว๊ กแช่ยาเว โอบ้าโอคว่าง ดี๊ โพล้ง กุ้ชื้อกุ้ชะ ล้อ กแช่แยว้ นึฆ้าง ต้ะเซ๊ง ไพ้ะ แย เลาพะ แบเด้าะ โพล้งอ้าโพล้งซ๊าง นอ กแช่แยว้ ม กล้างซี๊งไฆวะ เว๊ ดี๊ น้ะ’ กแช่ยาเว โล้ เว๊ บี่อี้ง ล้อ

เยเรมี 25:33

ดี๊ กเย่ โพล้ง พี่ กแช่ยาเว แม้ซี๊ง เว๊ ล นี้ง แย๊ นอ, ม โอ นี่ ลู่ง ฌางคูโคล๊งคู อ คี๊งทุ้ อี้ง แพ้ อี้ง, ลี้ท้อง ฌางคูโคล๊งคู อ คี๊งทุ้ อู้ง แพ้ อู้ง, อ ซื๊งเว๊ ลแพ นอ, โพล้ง ม ล โอ ฌางล้างย้าล้าง แบ-อ้ะ-อ้า, อางกีซยอง-อ้ะ-อ้า, เคิงล้างบ้า-อ้ะ-อ้า, น่างแฌ้ แบ, แบเด้าะ ม เก บี่ซุ้ดี๊ ทพูแฆ่ อ อี โอ ฌางคูคู

เยเรมี 45:5

ดี๊ น ม อางฆื๊ง ท อดูอโท๊ ลู่ง น ฌ่าง โบ่?, อางฆื๊ง-อ้ะ ล ฌี้ เฆาะ, เมะเว๊ กแช่ยาเว ไจ้ะเว๊ บี่อี้ง, อี้งเซ้อ, ก ม ดึ้ เกม๊า ท กึทาง อ ซ้ะ ลู่ง ออ้าอซ๊าง เฌ๊ล้าง แบ กโพล้ง เลาพะ, แบเด้าะ ก ม เกม๊า น ทม๊า เอะ แน้, เก รางวาง ลู่ง ทดึ้ทชาง, ลู่ง ทล่าง พ้า กุ้จอง พี่ น ม ลี้ นอ ล้อ’, ”

เยเรมี 46:15

แม้ทเล้ ท กโช้งกแช่ อะบี ไจคุ้ซูงไฆวะ เด้าะ? แม้ทเล้ น งู้ แพ๊ อ ฌ้าง ล ชี๊เทิง โอ เฌิ่งเพิ่ง แบ? เมะเว๊ กแช่ยาเว ชาง ล้างเทะเค้า-อ้ะ ล้อ

เอเซเคียง 28:18

น แม้ ล้างไช้ะล้างย่อง น ทแบ้แยว้ล่างลู่งอฌี้ ดี๊ ทไพ้ะทแม แอฌี่งแอฌ้อง ลู่ง น ท โพะเละแม้แค้ ออ้าอซ๊าง พ้า ก ดึ้ เกม๊า มี เฌ๊นี่ ลู่ง นซุ้นแกล้ พ้า มี นอ อาง เฌ๊ฌ้อง แน้ ก ดึ้ เกม๊า น เกทางก้ะ แซวท่อง พี๊แคล ลู่ง ฌางคูโคล๊งคู ลู่ง โพล้ง กุ้แฌ้ พี่ แด แน้ นอ, อ เมะแซ พ้า

เอเซเคียง 38:17

“ทอดูทึโท๊ทึกแช่ยาเว ไจ้ะเว๊ บี่อี้ง, แน้ น เก โพล้ง ล แฌ้ แย๊ นอ โบ่?, โพล้ง พี่ ก ไคล้ แบฆ้ะ ดี๊-อ้ะ ลู่ง อู้งว๊างอู้ง, เฌ๊ เว๊ ดี๊ ก เพล่, เมะเว๊ อีซลาเอง อ โมไคล้คิ้ เท่อ, พี่ นี่ โล้ล้าง ท อลู่งอแท๊ ล ว๊าง แย๊ นอ ตบลึ้ เนง เย้า ไจ้ะเว๊, ‘ก ม เฌ๊ฌ้า แน้ ดึ้ซึ้ โละซ้ะ ดี๊ อ ซื๊งเว๊ ลแพ นอ’

เอเซเคียง 5:15

ฌ้อง น ม เก โพล้ง อ ท ไคล้อ้าไคล้ซ๊าง ดี๊ อ ท เชิ่งเชะ, เลา ดี๊ เก ทโล้ ซีงแฌ๊ ดี๊ เก โพล้ง ลู่ง ค่าง พี่ โอ วะชวะ นฆูนฆ้อง นอ อ ท แช๊เมะ ซ้ะเมซ้ะไพล้, พี่ ก เฌ๊โชะ เอะ แน้ ท ต้ะเซ๊ง ดี๊ ท เซิงทางซ้ะไฌ๊ ดี๊ ท ซ้ะทาง, ดี๊ ก ทซองทซ๊าง พี่ อชองอจุ้, เฆ้อ เมะเว๊ ยาเว นี่ ไคล้ล้าง เท่อ บี่อี้ง เย้า

โยเอง 3:2

ก ม อางกีซยอง โพล้งกุ้ชื้อกุ้ชะ เลาพะ, ดี๊ เฌ๊ล้างฌ้า อ ซื๊งเว๊ ซีง ลแพ, ลู่ง ทลู่ง เยโฮชาฟา คางไท้ะ, ดี๊ ก ม นึฆ้าง ลู่ง ทต้ะเซ๊ง พ้า ดี๊ อ ซื๊งเว๊ พี่ นอ, ลู่ง กพูกลี้ง อไฌ่อกย้อง, เมะเว๊ อีซลาเอง กคองกแซย้, โพล้ง พี่ แบ อ ซื๊งเว๊ อ ทแม้ ที่มื่งที่พ้ะ, ลี้ ลู่ง โพล้งกุ้ชื้อกุ้ชะ อซุ้อแกล้ พ้า, อ ซื๊งเว๊ นี่ อางน้าง ก ที๊งล่างค่างพ้า

อาโม 7:4

ทอดูทึโท๊ทึกแช่ยาเว, เนโพลทาง เอะ แย้, อี้งเซ้อ, ทอดูทึโท๊ทึกแช่ยาเว, กุ้นี่ เกม๊า โอ ดี๊ ท แม้เตาแม้แต๊ ดี๊ มี, ดี๊ มี อาง เฌ๊ฌ้องไฆวะ ทโยะคิ้ ลู่ง ฌางคู เช๊ละ ดี๊ อางไฆวะ ฌางคูโคล๊งคู

นาฮูง 3:15

มี นอ ม อางลิ้ แน้ พี่ นอ น้ะ นอ ม กล้าง แน้ อ ม อางไฆวะ แน้, ด้องซุ้ ทวี่ พี่ อ พื๊งซยุ้ ซี เย้า นอ เกม๊า น แม้แอทาง โละ น ซื๊ง ซ้ะ ท่อง อ แอ, ด้องซุ้ ทวี่ พี่ อ พื๊งซยุ้ ซี เย้า เกม๊า แม้แอทาง เมะ แอ, บี่ซุ้ดี๊ ทวี่ พี่ อ ยู้ง ซี เย้า

นาฮูง 3:3

ซึ้พู กซี ลี้ฆ้าง ดึ้ เท่อ น้ะ โฌ่งค้ะ, ดี๊ พ้าง โฌ่งกลี โพล้ง แบ ท แม้ซี๊ง แอฌี่งแอฌ้อง ทจู อ โป้ง พ้ะดู โพล้ง อเค่งอฌ้าง ซี๊ง แอฌี่งแอฌ้อง ลทึลจุ้ แบ อ ซื๊งเว๊ ม แบท้า เค่งฌ้าง ลแพ นอ

เซคารียา 14:5

ดี๊ อ เว๊ ม แบ ไจคุ้ซูง เกล้ ลู่ง ก ทลู่ง คางไท้ะ นอ, เมะเว๊ กเย่ ทลู่ง อ ทลู่ง คางไท้ะ ม เฌ๊ ชิ้ซยอง อาซาง ดี๊ อ ซื๊งเว๊ ซีง ลแพ นอ, ม แบ ไจคุ้ซูงไฆวะ, ด้องซุ้ พี่ ไจคุ้ซูงแดไฆวะ ฌางคู ว้ะ, ลู่ง ค่าง ยูดา อ กจุ้แฆว้ อูซียา อ ชู้ อู้ง, ฌ้อง กแช่ยาเว ก กแช่แยว้ ม เฌ๊, ดี๊ กเย่ อ เพล่ มุ้คูพู เลาพะ ม เฌ๊ ดี๊-อ้ะ