อีซยา 66:10 - Northern Pwo Karen Thai Bible

¹⁰ “เกม๊า ซ้ะอวีงซ้ะโทะ เท่อ ดี๊ เยรูซเลง, ดี๊ เซิงมึซ้ะมึ ดี๊-อ้ะ ไช้ะ กเย่ โพล้ง พี่ เอ เว๊-เอ้อ เกม๊า ซ้ะอวีงซ้ะโทะ เท่อ ดี๊-อ้ะ, ดี๊ ท เซิงฆวี๊งซ้ะโย้ ไช้ะ กเย่ โพล้ง พี่ มองแบม้ะแบ เท่อ ลู่ง อ เว๊ อ ฌ่าง-เอ้อ

อีซยา 66:10 ပူးပေါင်းရင်းမြစ်များ

ทอางปฆ้า 122:6

เกม๊า ชูแพ อางท่าง ทฆู๊งทพุ้ เอะ เยรูซเลง บี่อี้ง , “เกม๊าเต้ กเย่ โพล้ง พี่ อ เอ เยรูซเลง นอ ดูทางโท๊ทาง

ทอางปฆ้า 137:6

เกม๊า พลี้ บึ้เบง เท่ง ดี๊ แคทะ จ เมะ ล นางแบทางไท้ แน้ แบ จ เมะ ล ต๊างทาง เยรูซเลง, โท๊เละ จ ท เซิงมึซ้ะมึ ดูทึ แบ นอ

ทอางปฆ้า 26:8

จ กแช่ยาเว-เอ้อ, จ เอ เด้ พี่ เก กแช่แยว้อล่างโอ ดี๊ เก กแช่แยว้ อโฌ่งอพ้าง อ ล่าง โอ นอ

อีซยา 25:9

ดี๊ ล นี้ง แย๊ นอ, อ เว๊ ม โล้ โละ อ ซ้ะ บี่อี้ง “แคว่เซ้อ, อ อี้ง เมะเว๊ ก กแช่แยว้, ก โอคุ้แท๊ กแช่แยว้, บี่ซุ้ กแช่แยว้ ม แม้พ้องพลิ้ เฆ้อ อ อี้ง เมะเว๊ กแช่ยาเว, ก โอคุ้แท๊ กแช่แยว้ เกม๊า ก ซ้ะมึ ดี๊ ซ้ะโทะ เฌ๊นี่ ลู่ง กแช่แยว้ อ ทพ้องทพลิ้ พ้า”

อีซยา 35:2

อ ม โพ๊ทาง แอฌี่งแอฌ้อง เลา ดี๊ ซ้ะอวีงซ้ะโทะ, ดี๊ ท เซิงฆวี๊งซ้ะโย้, ดี๊ ท ซ้ะอวีงแท๊ อ ม นี่แบ เลบาโนง อฆี๊งอแล้ เลา ดี๊ คาราเมง ดี๊ ชาโรง อ ท ฆี๊งดูแล้ดู ทล่าง ลแพ อี้ง, ม แด กแช่ยาเว อโฌ่งอพ้าง เมะเว๊ ก กแช่แยว้ อ ท ฆี๊งดูแล้ดู

อีซยา 44:23

โอ้, ทมุ้คู-เอ้อ, เกม๊า ซ้ะอวีงแท๊, เมะเว๊ กแช่ยาเว แม้ เท่อ อี้ง ฌางคูโคล๊งคู อ ท ล้างโอ้ โยะคิ้-เอ้อ, เกม๊า ซองลี้ เท่อ ทลู่ง-เอ้อ, เกม๊า กุ้ทาง เก แท๊ ทเคแกล้ ดี๊ เซง มื่งเทิง กุ้ เทิง ลู่ง ทเคแกล้ นอ ปะ เมะเว๊ กแช่ยาเว เทะนี่ไท้ ยาคุ้ ดี๊ ม นี่แบ ทฆี๊งทแล้ ลู่ง อีซลาเอง พ้า

อีซยา 51:3

เมะเว๊ กแช่ยาเว ม แม้ ชองทาง ซีโยง อ ซ้ะ กแช่แยว้ ม แม้ ชองทาง อ ทล่าง ญ๊องไฆวะ โอโปล้ ก้ะ กุ้จอง ดี๊ ม ดึ้ เกม๊า เว๊ อ แพะคูทเคแกล้ บี่ซุ้ดี๊ โซ๊ง เอเดง ดี๊ อ ทล่าง ซู๊งไฆ๊ บี่ซุ้ดี๊ กแช่ยาเว อ โซ๊ง เซง ม แด ท เซิงฆวี๊งซ้ะโย้, ดี๊ ท ซ้ะอวีงซ้ะโทะ ดี๊ อ เว๊ เลา ดี๊ ท ไจ้ะบลึ้ไจ้ะบลาง, ดี๊ แท๊ ซ้ะอวีง อ ลู่ง

อีซยา 65:18

แบเด้าะ เกม๊า เซิงฆวี๊งซ้ะโย้ ดี๊ ซ้ะอวีงซ้ะโทะ ล้างชู้ล้างแกย ดี๊ ท พี่ ก ไต้ทาง เว๊ เมะเว๊ แคว่เซ้อ, ก ม ไต้ทาง เยรูซเลง เกม๊า อ เก ท ซ้ะอวีงซ้ะโทะ ดี๊ เกม๊า เว่ง อ โพล้ง เฌงพูฆ๊างพู นอ, เก ท เซิงฆวี๊งซ้ะโย้

อีซยา 9:3

กแช่แยว้ แม้ แอทาง โพล้ง อ แฌ้ ลู่ง โพล้ง ล ชื้อ นอ อ พ้า กแช่แยว้ แม้ แอทาง อ ซื๊งเว๊ อ ท เซิงฆวี๊งซ้ะโย้ อ ซื๊งเว๊ ซีง ลแพ ซ้ะอวีงซ้ะโทะ เท่อ ลู่ง กแช่แยว้ อ เมะแซ พ้า ด้องซุ้ ดี๊ ท เซิงฆวี๊งซ้ะโย้ ลู่ง ท เก้านี่ดิ้นี่ อ แค๊ ด้องซุ้ โพล้ง ซ้ะอวีงซ้ะโทะ เท่อ, พี่ อ เว๊ อางน้าง โละซ้ะ ท ลู่นี่ก้ะ อ แค๊ นอ

เอเซเคียง 9:4

ดี๊ กแช่ยาเว อางแบเลา-อ้ะ บี่อี้ง, “เกม๊า นึฆ้าง เว่ง พ้า, เมะเว๊ เว่ง เยรูซเลง, ดี๊ แม้ ทแม้ไน ลู่ง โพล้ง พี่ อ แซซยู ทาง, ดี๊ ฌางล้างย้าล้าง ลแพ นอ, อ เมะเทิ่งคู, เป๊งนี่ ลู่ง ท ล้าง ซ้ะลูซ้ะไล้ะ กุ้เม้ง, พี่ อ แม้ ซกุ้ เว๊ เว่ง พ้า นอ อกย้อง”

โล้​ล้างที๊ง​ทอางแม้เลา 32:43

“เกม๊า เซิงมึซ้ะมึ แดเทา, โพล้ง กุ้ที๊งกุ้ค่าง, ดี๊ กแช่แยว้ อพูอลี้ง ซีง-เอ้อ เมะเว๊ กแช่แยว้ ม แม้แกไท้ เอะ อเพล่อบาง อ ซวีง ดี๊ ม แม้แกไท้ อดีงอแด้ ดี๊ ม แม้ไฆวะ เอะ อพูอลี้ง อ ที๊งล่างค่างพ้า, พี่ อ แบอ้า นอ ล้อ”