อีซยา 63:3 - Northern Pwo Karen Thai Bible

³ “ก ไย่ ซไบ้ะแซ อ โบ้ ยื่งเย้ง ล แฌ้ เฆาะ ดี๊ โพล้ง เฌ๊นี่ ลู่ง ชื้อ โพล้ง กุ้ชื้อ ซีง ลแพ นอ, ล โอ ดี๊ เฆ้อ น่างแฌ้ แบ เฆาะ ก ท๊าเท่ง-อ้ะ ดี๊ ก ท ซ้ะทาง พ้ะดู ก ไย่-อ้ะ ดี๊ ก ท เอ้งไน๊ อ เว๊ อ ซวีง บึ้ ลู่ง กไช๊กช้าง อ ล้อง ดี๊ ก ดึ้ เกม๊า กฆ้ากโฆ่ แบอ้า เลาพะ

อีซยา 63:3 ပူးပေါင်းရင်းမြစ်များ

ทอคางไท้ะ 49:11

จ้าทะ เว๊ อ แลว้ แพ๊ ลู่ง ซไบ้ะ มื่ง จ้าทะ แลว้ พู ลู่ง ซไบ้ะ มื่ง อ แซ โฌ้ อ เว๊ อางชืง อไช๊อช้าง ดี๊ ไซ้ะ ซไบ้ะ แซ ที๊ง อางชืง อ ไช๊แค่ พ้ะโท๊ ดี๊ ซไบ้ะ แซ ที๊ง โฌ้ซวีง

2​กจุ้แฆว้ 9:33

เยฮู ไจ้ะเว๊, “ไควะล้าง กมืง นอ”, อ ซื๊งเว๊ ไควะล้าง เว๊, ฌ้อง น่าง เยเซเบง อ ซวีง เชง แบ บึ้ กางแป อ แพ้ล้อง, ดี๊ บึ้ กซี พี่ อ ลี้ ไย่ แบ เว๊ อ จู นอ

โยบา 40:12

เกม๊า น แคว่ โพล้ง กุ้ แฌ้, พี่ ทื่งดูล้าง อ ซ้ะ, เกม๊า น ทึ้ล้าง-อ้ะ ดี๊ ไย่ล้างทะ โพล้งอ้าโพล้งซ๊าง, ลู่ง ล จอง แย๊ พี่ อ เว๊ ชี๊เทิง โอ นอ

ทอางปฆ้า 60:12

ลู่ง ท เปิ่ง กแช่แยว้ นอ, ก ม ดึ้ เท่อ ลู่ง อชองอไคล๊ กแช่แยว้ เก โพล้ง พี่ ไย่ล้าง กดีงกแด้ ล้อ

อีซยา 22:5

อไฌ่บี่อี้ง, ทอดูทึโท๊ทึ กแช่ยาเว, พี่ เก ซึ้คู ดูทึชองทึ นอ อ มื่ง โอ ล นี้ง เก มื่งนี้ง ลู่ง ท เติ้งทางเติ้งล้าง, ท ไย่เละค๊างพะ ดี๊ ท บีงบูงโช้งไท๊ ลู่ง ทลู่ง คางไท้ะ ลู่ง ท แด เว้ พ้า กางแป ม แบ ทแม้ เฌ๊ฌ้อง ดี๊ ท อ ลู่ง กุ้ซย้ะ เท่อ เกม๊า แม้ช้า-อ้ะ ม ลี้ท้อง ทลู่ง

อีซยา 25:10

เมะเว๊ กแช่ยาเว อ จูง ม ยู่ทะแคว่ทะ ทลู่ง คู แบเด้าะ โมอา ม แบ ทไย่ล้าง ลู่ง อ ทล่าง พ้า บี่ซุ้ดี๊ ทไย่ล้าง โล่ ลู่ง ทพูแฆ่ อ อี พ้า

อีซยา 28:3

โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ม แบ ทไย่ล้าง ลู่ง คางย๊างซ้ะ เช๊ละ

อีซยา 59:17

กแช่แยว้ ซุ้ทาง ทแบอซ้ะ เก ทด้างทะ ซ้ะแน๊ ดี๊ คลึทาง คูเพิง ลู่ง ทพ้องทพลิ้, โอ กแช่แยว้ อ คูล้อง กแช่แยว้ ซุ้ทาง ไช๊ช้าง ลู่ง ทแม้ แกไท้ เก ท ไต้ฆี๊ง ดี๊ แม้นี่ ท เฌาโละ แม้ เท่อ, พุ้ไบ้ะ ล้าง อ ซ้ะ

อีซยา 63:6

ก ไย่ล้าง โพล้ง กุ้ชื้อกุ้ชะ ลแพ นอ, ดี๊ ก ท ซ้ะทาง ก ดึ้ เกม๊า อ เว๊ ม้า เท่อ ดี๊ ก ท ซ้ะทาง พ้ะดู ดี๊ ก ลู๊งล้าง อ ซื๊งเว๊ อ ซวีง ลู่ง ฌางคูโคล๊งคู”

ท​ฌางล้างย้าล้าง 1:15

ทอดูทึโท๊ทึกแช่ นี่ ซม๊า โพล้งดึ้ซึ้เท่อพู เลาพะ ลู่ง จซุ้จแกล้ กแช่แยว้ โล้ล้าง มื่งนี้ง อช๊าอโท่, พี่ ม เฌ๊ ดึ้ซึ้ แย้ บี่ซุ้ ไน้ะเน้า จ โพล้ง น่างบางซ้ะบาง, เกม๊า เว๊ อ ล้างบลิ้ไฆวะ ทอดูทึโท๊ทึกแช่ ไย่ จ โพล้ง เฌงพูฆ๊างพู ด้องซุ้ ไย่ ซไบ้ะ แซ ลู่ง ทล่าง ไย่ ซไบ้ะ แซ อ โบ้ พ้า

โยเอง 3:13

เกม๊า แม้นี่ ท้ะเฌะ เก้า แดเทา เมะเว๊ ท้อง ท เก้า อาง อว๊างอแค๊ เย้า เกม๊า ลี้ฆ้าง ไย่ เซ้อ เมะเว๊ ทล่าง ไย่ ซไบ้ะแซ นอ ฆวี้ เย้า ทล่าง อางกี ซไบ้ะแซ ที๊ง ล้างพะ เย้า อไฌ่บี่อี้ง, อ ซื๊งเว๊ อ ทอ้าทซ๊าง โอ แอฌี่งแอฌ้อง ล้อ

มีคา 7:10

ฌ้อง จดีงจแด้ ม แด เว๊ ดี๊ ท ฌางแช้ฌางเด ม จึ้ไบ้ะ-อ้ะ, พี่ อ ไจ้ะ เอะ แย้ บี่อี้ง “กแช่ยาเว น กแช่แยว้ โอ พี่จองเล้?” จ เมะคลี๊ง ม แคว่เจ้ท๊าง-อ้ะ ล พ๊า แย๊ อี้ง นอ, อ เว๊ ม แบ ท ไย่เละค๊างพะ, บี่ซุ้ดี๊ กไพะ ลู่ง เกล้

เซคารียา 10:5

โอซยอง โละซ้ะ นอ, อ ซื๊งเว๊ ม เก ด้องซุ้ โพล้ง แคว๊ ไฌ่ชองแบ้ชอง ลู่ง ทดึ้ทชาง พ้า ไย่เละค๊างพะ อดีงอแด้ ลี้ กไพะ พ้า ลู่ง เกล้ อ ซื๊งเว๊ ม ดึ้ซึ้ เท่อ, เมะเว๊ กแช่ยาเว โอ ดี๊-อ้ะ อ เว๊ ม ดึ้ เกม๊า ซึ้พู เทา กซี ฌางแช้ฌางเด

มาลาคี 4:3

ดี๊ อ ซื๊งเว๊ ม ไย่เละค๊างพะ โพล้งอ้าโพล้งซ๊าง, อไฌ่บี่อี้ง, อ ซื๊งเว๊ ม เก บี่ซุ้ดี๊ พี๊แคล ลู่ง น คางย๊างซ้ะ พ้า, ลู่ง มื่ง ล นี้ง แย๊ พี่ ก แม้เท่อไพ้ะเท่อ นอ, กแช่ยาเว ซึ้คู ดูทึชองทึ โล้ เว๊ บี่อี้ง ล้อ