อีซยา 6:6 - Northern Pwo Karen Thai Bible

⁶ ฌ้อง เซราฟีง ล ดื้ง ลู่ง เซราฟีง อ โป้ง พ้า นอ, เฌ๊ ยู้ง ฌูง แย้, อ จูงพ้า โอ ดี๊ มีอีอ้า พี่ อ เว๊ แม้นี่ ท้ะไทะ ไทะ นี่ เว๊ ลู่ง ทลื่งล่าง

อีซยา 6:6 ပူးပေါင်းရင်းမြစ်များ

ทไจทางไฆวะ 25:38

เกม๊า ไต้ทางนี่ ท้ะไร้ะ ไร้ะไฆวะ มีโด้ง อ ไฆวะ, ดี๊ ทล่าง อางกี ท้ะไร้ะ นอ, ไต้-อ้ะ ดี๊ ท๊อง ลู่ง อ แย ฌี้

อีซยา 6:2

เซราฟีง ลแพ นอ, ชี๊เทิง โอ ลู่ง กแช่แยว้ อ คูด้าง, ล ดื้งๆ, นอ อ ได้ะ โอ ฆู๊งแพ้, เจ่ ได้ะ คี๊งแพ้ กาไบ้ะ เมะ, ดี๊ เจ่ ได้ะ คี๊งแพ้ กาไบ้ะ ล้าง คาง, ดี๊ เจ่ ได้ะ คี๊งแพ้ ลี้ ยู้ง

เยเรมี 1:9

ฌ้อง กแช่ยาเว เยาฆ้าง อ จูง, ทุ้แบ จ นุ้, ดี๊ กแช่ยาเว ไคล้ ดี๊ แย้ บี่อี้ง “อี้งเซ้อ, ก แม้นี่ ก ทไคล้, ชวี๊งล้าง น นุ้ พ้า

เอเซเคียง 10:2

ดี๊ กแช่แยว้ ไคล้ ดี๊ กแคว๊ ซุ้ ไช๊ ตไก้ยะ ลูง ไว้ะไก้ ไจ้ะเว๊, “เกม๊า ลี้ นึฆ้าง ลู่ง ท อ คางไร้ะ เบ้าช้า, พี่ โอ เครุ้ เช๊ละ นอ, เกม๊า น ช้องนี่ แซวท่อง อ้า, ลู่ง เครุ้ ลแพ นอ อ เบ้าช้า, ฆวี้ น จูง คี๊งโค๊, ฌ้อง นอ ลี้ ฆวีง-อ้ะ ลู่ง เว่ง อ คูด้าง นอ>>, ดี๊ กแคว๊ ล แฌ้ นอ, ลี้ฆ้าง ลู่ง จ เมะแซ พ้า

เลวี​อ​ไฌ่ 16:12

ดี๊ เกม๊า อ แม้นี่ มีอ้าโด้ง ล่าง, พี่ โอ ดี๊ แซว เค้ ได้ะ นอ, ลู่ง ทลื่งล่าง, ลู่ง กแช่ยาเว อ เมะแซ พ้า, ดี๊ แม้นี่ ทน๊าม๊า ท่างบลิ้ กมูงคลูง นอ คี๊ง ช้อง, ลี้ฆ้าง โชะ ลู่ง ตไก้ยะ กางทะ เท่อ นอ อ พ้า

เกล้​ท​ซ้ะวี่ง 16:46

โมเซ ไคล้ ดี๊ อาโรง ไจ้ะเว๊, “แม้นี่ น มีอ้าโด้ง ล่าง, ดี๊ แม้นี่ มี ลู่ง ทลื่งล่าง นอ ชวี๊งล้าง-อ้ะ, ฌ้อง ชวี๊งล้าง ทน๊าม๊า นอ ลู่ง อ พ้า, ดี๊ ปชื่ง ลี้ โชะ-อ้ะ ลู่ง โพล้ง น๊างมู๊ง อ โอ นอ, แม้ ทไฌ่ เท้าไฆวะ ทแบอ้า ลู่ง อ ซื๊งเว๊ อ ฌ่าง, เมะเว๊ กแช่ยาเว อ ทซ้ะทาง เฌ๊ทาง เย้า, ดี๊ ทอ้าทน้ะ กึทาง เย้า”

ม้ะทู 3:11

แย้ จ เกม๊า น ซื๊ง จูง ล้าง ซ้ะ ลู่ง ที๊ง แกล้ นอ, เก ท แม้ไน น เปลง ไท้ ซ้ะ อ ซ๊าง เย้า, แบ เด้าะ โพล้ง เฌ๊ ลู่ง จ ล่างไค๊ ล แฌ้ นอ, อ ดู้ง อ ยาง โอ แอ นี่ แย้ ได้ะ, ทึ เมะ อ คางไพ้ะ ฌี้ จ โชะ เอะ-อ้ะ ล เกิ้ง แบ, อ เว๊ นอ ม จูง ล้าง น ซื๊ง, ดี๊ วีง ฌี้ แล้ แอว้ ดี๊ มี

ท​แม้ 2:3

ท่อง อ ช๊าง นอ ท แบ ด้อง มี เค้ บี่ ซุ้ ท อ พลี้ เนโพล ทาง อ ซ้ะ, ฌ้อง อางน้าง พ้ะ อ ซ้ะ ล้าง แบ โพล้ง อ ล้อง กุ้ อ แฌ้ ล้อ

ฮีบรู 1:14

ท มุ้คู พู ล แพ นอ เก วีง เก แล้ พี่ อ แม้ เอะ กแช่ แยว้ อ เท่อ, กแช่ แยว้ โซ๊ง-อ้ะ เกม๊า อ เฌ๊ แม้ช้า โพล้ง พี่ ม นี่ แบ ท พ้อง ท พลิ้, ล เมะ แบ-อ้า

ฮีบรู 1:7

แบฆ้ะ ดี๊ ท มุ้คู พู ล แพ นอ, กแช่ แยว้ ไจ้ะ เว๊ บี่ อี้ง “กแช่ แยว้ เกม๊า ท มุ้คู พู เก บี่ ซุ้ ลี้ง ดี๊ เกม๊า อ เพล่ เก บี่ ซุ้ มีโพ๊”

ฮีบรู 13:10

เมะ ท โบง ท แบ้ พี่ ก เทว๊ เอะ กแช่ แยว้ นอ, โพลง ลื่ง เท่อ อ คู ซีง พี่ อ แม้ เท่อ ลู่ง เด้ พ้า นอ, ล โอ ดี๊ อ ฌ้อง อ เก พี่ ม อาง เว๊ นอ แบ