อีซยา 59:4 - Northern Pwo Karen Thai Bible

⁴ โพล้ง ล โอ ฟ่อง กุ้ทาง เท่อ ลู่ง อเกิ้งอแบ น่างแฌ้ แบ โพล้ง ล โอ ดึ้ บ้าคว่าง ลู่ง อโต้อล้อง น่างแฌ้ แบ อ เว๊ อางกีล้าง อ ซ้ะ ดี๊ ท พี่ อซูงอแซ ล โอ แบ, อ เว๊ ไคล้ คีงอูง เท่อ อ เว๊ ด้าทาง นี่ ทอ้าทซ๊าง, ดี๊ กึทาง ทเด้บ้ะ

อีซยา 59:4 ပူးပေါင်းရင်းမြစ်များ

โยบา 15:31

เกม๊า อ เว๊ อางกีล้าง อ ซ้ะ ดี๊ ทลเฌิ่งลค๊า แบ, พี่ เก ทอางโล๊ นี่ อ กแช่ นอ ล ฌี้ เมะเว๊ ทลเฌิ่งลค๊า แบ นอ, ม เก ทเกล๊าง ช๊า ไท้-อ้ะ

โยบา 15:35

อ ซื๊งเว๊ซีง ลแพ ด้าทางนี่ ทอ้าทซ๊าง, ดี๊ กึทางนี่ ท ล ฌี้ ล แอว้ แบ ดี๊ อ เซิง อ ซ้ะ นอ, เตะเว้แด้เว้ ทโล๊ไล้ะ นอ ล้อ”

ทอางปฆ้า 12:3

เกม๊าเต้ กแช่ยาเว แม้ไฆวะ นุ้เฌะ, พี่ ไคล้ มึแน่ ดุ้ เท่อ นอ เลาพะ ไช้ะ ดี๊ กล้างเทะไฆวะ พลี้, พี่ อางปฆ้า ทไพ้ะทแม้ พ้ะดู นอ

ทอางปฆ้า 62:10

อางกีล้าง ซ้ะ ดี๊ ทแคแนแคแก้ ล ฌี้ มื้งแล่ โปล้ เท่อ, ดี๊ ทตมละตเช ล ฌี้ ทโอทช๊อง เมะ แอทาง นอ, อางกีล้าง ซ้ะ ดี๊ เท่อ อ นอ ล ฌี้

ทอางปฆ้า 62:4

อซื๊งเว๊ ช๊องมอง ที่ ม ชางล้างไฆวะ แน้, ลู่ง ทเม้งดูแซโท๊ อเว๊ แบ อ ซ้ะ ลู่ง ทกไบล้ะกแบล พ้า อเว๊ ชูฌี้ชูแอว้ เท่อ ดี๊ นุ้ แบเด้าะ ชูอ้าชูซ๊าง เท่อ ลู่ง อ ซ้ะ พ้าเซ่-ลา

ทอางปฆ้า 7:15

อเว๊ เคิงล้างนี่ ทพ้า ดี๊ ล้างเทะ ลู่ง ซลา พี่ อ แม้เว้ เว๊ นอ

ทอางด้อง 4:16

อไฌ่บี่อี้ง, อ ซื๊งเว๊ มี๊ง ล นี่ แบ, เมะ ล นี่ แม้ ทอ้าทซ๊าง แบ นอ อ ซื๊งเว๊ ม ล มี๊ง แบ, เมะ ล นี่ ดึ้ เกม๊า โพล้ง แบท้า แบ นอ

อีซยา 10:1

ท เซงทื่งเฌ๊ฌ้อง แบ โพล้ง ลแพ นอ, พี่ คลุ้ล้าง ทอางกีล้าง ลู่ง ออ้าอซ๊าง ดี๊ ท เซงทื่งเฌ๊ฌ้อง แบ โพล้ง ลแพ นอ, พี่ อ กวิ้ทาง ท อเค้อะอต้าง แคแนแคแก้ เท่อ

อีซยา 26:18

เฆ้อ ลแพ อี้ง ก ด้า, เฆ้อ ก ไวะ ก ซ้ะ แบเด้าะ แคว่ บี่ซุ้ดี๊ เฆ้อ ซีง ลแพ, กึทางนี่ ที่ ลี้ง เฆาะ ล้อ เฆ้อ ก แม้พ้องพลิ้ ฌางคูโคล๊งคู ล ซี แบ ดี๊ แม้ กึทาง โพล้ง ฌางคูโคล๊งคู ล ซี แบ

อีซยา 28:15

เมะเว๊ น ซื๊ง ไคล้ บี่อี้ง, “ก นี่ แม้ ทเอิ้งล้าง ดี๊ ทซี๊ง เย้า ดี๊ ก นี่ แม้ ทเอิ้งล้าง โละซ้ะ ดี๊ พลื่งค่าง ท่อง ทอ้าทน้ะ เฌ๊ แยว้ล้าง นอ ม ล เฌ๊ท้อง เฆ้อ แบ เมะเว๊ ก แม้ เกม๊า ท กไบล้ะกแบล เก ก ทล่าง ทุ้กดื้ง ซ้ะ ดี๊ ก แบ ท กดื้งทะ ดี๊ ท คีงอูง”

อีซยา 29:20

เมะเว๊ โพล้งดู้งโพล้งลู่ ม เลาเทาไฆวะ ดี๊ โพล้ง แม้ไฌ๊ซ้ะ เท่อ มึ ม เลาไฆวะ ดี๊ โพล้ง กุ้แฌ้ พี่ อางฆื๊ง อช๊าอโท่ แม้อ้าแม้ซ๊าง เท่อ นอ, ม แบ ทแม้ไฆวะ ล้อ

อีซยา 30:12

อกย้องบี่นอ, อีซลาเอง อ กแช่แยว้ พี่ อฌี้อแอว้ ไจ้ะเว๊ บี่อี้ง “เป๊งนี่ น ดึ้เดว ทไคล้ อี้ง ดี๊ อางกีล้าง ซ้ะ ลู่ง ท แคแน พ้า ดี๊ ท ลโต้ลล้อง แบ ดี๊ เปิ่ง ท ลแพ นอ

อีซยา 30:9

เมะเว๊ อ เว๊ เก โพล้ง เฌงพูฆ๊างพู พี่ กไบล้ะกแบล เก พู ลี้ง พี่ ไคล้ คีงอูง เท่อ เก พู ลี้ง พี่ ล ญ่อง ชู่ง กแช่ยาเว อ ทอางแม้เลา แบ

อีซยา 33:11

น ซื๊ง ด้า ที่ พี๊ซวิ้, น กึทาง ที่ บืงทุ้โล่ทุ้ น ซื๊ง ลี้ง แซทางแซล้าง เก มี พี่ ม อางเฌ๊ฌ้อง แน้

อีซยา 44:20

อ เว๊ อาง พี๊แคล, ซ้ะ พี่ อางโล๊ไละ เท่อ นอ, ลี้ฌ้า-อ้ะ เกม๊า อ เฌ๊พลุ้, อ เว๊ แม้พ้องพลิ้ ล้าง อ ซ้ะ ล ซี แบ, ดี๊ ไคล้ บี่อี้ง ล ซี แบ, “โอ ดี๊ ท อางโล๊ไละ ลู่ง จ จูง ฆุ้ ล โค๊ ล เมะ แบ-อ้า?”

อีซยา 47:10

น ช๊องมอง น โอเฌิ่งโอค๊า ลู่ง น ทอ้าทซ๊าง พ้า น ไจ้ะ บี่อี้ง, “โพล้ง ล โอ แด แย้ น่างแฌ้ แบ” น ทโกงซีมองแบ, ดี๊ น ท ซีงแฌ๊แน่ฌ๊า ดึ้ เกม๊า น เฌ๊พลุ้ไฆวะ ดี๊ น ช๊องมอง เท่อ ลู่ง น ซ้ะ พ้า บี่อี้ง “แย้ อี้ง ล้อ, ดี๊ โพล้ง อ แฌ้แพ ล โอ น่างแฌ้ ล้า แบ”

อีซยา 5:18

ท เซงทื่งเฌ๊ฌ้อง แบ โพล้ง ลแพ นอ, พี่ ทวี่งเละ ทไพ้ะทแม ดี๊ ท ลเมะลโต้ แบ อ พลี้ง ดี๊ ทวี่งเละ ทเด้บ้ะ บี่ซุ้ดี๊ เจ่ พลี้ง เชิ่ง เลาะ

อีซยา 5:7

เมะเว๊ กแช่ยาเว ซึ้คู ดูทึชองทึ อ โซ๊ง ซไบ้ะแซ เมะเว๊ อีซลาเอง อชื้ออชะ ดี๊ โพล้ง ยูดา เก เซง มื่งเทิง พี่ กแช่แยว้ แบ อ ซ้ะ ดี๊ กแช่แยว้ มื้งแล่ ท อเกิ้งอแบ แบเด้าะ แคว่เซ้อ โอ ดี๊ ท ซวีงล้างบุ้ล้าง มื้งแล่ ทฌี้ทแอว้ แบเด้าะ แคว่เซ้อ โอ ดี๊ ท อ ลู่ง กุ้ซย้ะ เกม๊า แม้ช้า-อ้ะ

อีซยา 59:15

ทเมะทโต้ ล้างแม่ไฆวะ ดี๊ โพล้ง พี่ ล้างแซยล้างพ้ะ ดี๊ ทอ้าทซ๊าง นอ, ดึ้ เกม๊า อ กแช่ แบ ท ตมละตเช กแช่ยาเว แด เว๊ นอ, ล แบ ทมอง ลู่ง อ เมะแซ พ้า แบ พี่ ล โอ ดี๊ ท อเกิ้งอแบ แบ

อีซยา 59:16

กแช่แยว้ แด เว๊ ล โอ น่างแฌ้ แบ ดี๊ ล้ะ แบ อ ซ้ะ, พี่ โพล้ง ล โอ อางโฆอางแย๊ เท่อ คิ้ อ ฌ่าง น่างแฌ้ แบ ฌ้อง กแช่แยว้ อ จูง แด เว๊ นอ, เฌ๊โชะ ทน้าทฆ่าง เอะ กแช่แยว้ ดี๊ ทแบกแช่แยว้อซ้ะ นอ, อางกีดูอางกีโท๊ ทาง กแช่แยว้

อีซยา 59:3

เป๊งนี่ น ซื๊ง จูง แบอ้า ดี๊ ทซวีง ดี๊ น จูงโน้ง แบอ้า ดี๊ ทเด้บ้ะ ออ้าอซ๊าง น ซื๊ง นุ้เฌะ ไคล้ คีงอูงคีงตู๊ง เท่อ น พลี้ ไคล้พลื่งไคล้มวี๊ง ทอ้าทซ๊าง

อีซยา 64:7

โพล้ง ล โอ ชูแพ โล้ แบ เท่อ ดี๊ กแช่แยว้ อ เม้ง-อ้า เฌา แม้ ชองทาง อ ซ้ะ, เกม๊า โอเฌิ่งโอค๊า ดี๊ กแช่แยว้-อ้า, น่างแฌ้ แบ เมะเว๊ กแช่แยว้ อางกีซูงไฆวะ อ เมะ ดี๊ ก ซื๊งเว๊ ซีง ลแพ ดี๊ ดึ้ เกม๊า ก ซื๊งเว๊ พลี่งไฆวะ ดี๊ ก ทเด้บ้ะ อดู้งอยาง

อีซยา 9:15

โพล้งเม้งโพล้งแซย่ ดี๊ โพล้ง อ เม้งดูแซโท๊ นอ, เมะเว๊ คูฆีง แบเด้าะ โมไคล้คิ้กแช่แยว้ ดี๊ โพล้ง ซอง กไบล้ะกแบล เท่อ นอ, เมะเว๊ มี่ก้อง

เยเรมี 48:7

เป๊งนี่ น นี่ อางกีล้าง ซ้ะ ลู่ง ทล่าง ทุ้กดื้ง ซ้ะ เฌิ่งเพิ่ง พ้า, ดี๊ นคองนแซย้ พ้า น ม แบ ท แม้นี่ก้ะ ปะ ดี๊ ท กโช้งกแช่ เคโม ม แบ ท แม้นี่ ลี้ เก ทอฆ่อง ล พ๊าฆ่าง ดี๊ โพล้งลื่งเท่ออคู, ดี๊ อคูอแน่ ล้อ

เยเรมี 5:1

เกม๊า ซยู๊ ลี้ ซยู๊ ไท้ ลู่ง เกล้, ลู่ง เว่ง เยรูซเลง พ้า เกม๊า แคว่ เท่อ, ดี๊ แคว่ที๊งแคว่โต้ เท่อ เกม๊า อางฆื๊ง คู๊ แคว่ดุ้ เท่อ ลู่ง เว่ง อ คว้าง พ้า ม อางฆื๊ง โพล้ง ล แฌ้, ซี-อ้า, ล ซี แบ-อ้า เมะเว๊ โพล้ง แม้ ท อเกิ้งอแบ ดี๊ อางฆื๊ง แคว่ ทเมะทโต้ บี่ซุ้ ก ล ทื๊งนี่นะนี่ เว่ง นอ แบ

เยเรมี 7:4

อางกีล้าง น ซ้ะ ดี๊ ทไคล้ อางโล๊ไละ ลแพ อี้ง ล ฌี้, พี่ ไจ้ะเว๊ ‘อ อี้ง เก กแช่ยาเว อ เว่งฮ๊าง, กแช่ยาเว อ เว่งฮ๊าง, กแช่ยาเว อ เว่งฮ๊าง’

เยเรมี 7:8

“อี้งเซ้อ, น อางกีล้าง น ซ้ะ ดี๊ ทไคล้ อางโล๊ไละ เท่อ, พี่ ล นี่แบ ท ล้างเปิ่ง น่างเม้ง แบ เฆาะ

โฮเชยา 4:1

โอ้, อีซลาเอง อชื้ออชะ-เอ้อ, เกม๊า คุ้ช๊องแน กแช่ยาเว อ ลู่งอแท๊ เมะเว๊ กแช่ยาเว โอบ้าโอคว่าง ดี๊ โพล้ง ลู่ง ที๊งล่างค่างพ้า นอ เป๊งนี่ ที๊งล่างค่างพ้า นอ, ทโต้ทล้อง ฌี้ ทเอทกวี้ง ฌี้, ท ย๊างเซิงย๊างซ้ะ ฌี้, ท ซีงแฌ๊ กแช่แยว้ ฌี้ นอ ล โอ แบ

มีคา 2:1

ท เซงทื่งเฌ๊ฌ้อง แบ โพล้ง พี่ อ ช๊องมองเว้ ท แม้อ้าแม้ซ๊าง ดี๊ ช๊องมอง แม้ ทอ้าทซ๊าง โอ ลู่ง อ ล่างมี๊ง คู ท่อง ทพ้างทาง โฌ้โค๊ นอ, อ ซื๊งเว๊ ลี้ แม้ เว๊ เมะเว๊ ท อดู้งอยาง โอ ลู่ง อ จูง พ้า พี่ แม้ เว๊ ซี

ท​แม้ 24:9

โพล้ง ยู ล มู๊ง นอ ไคล้ทาง เท่อ ล เอ้า ฆ่าง ไจ้ะ เว๊, “เมะ เต้ๆ, แบ กุ้ อ ทีง ล้อ”

ยาเก้า 1:15

พี่ ท แม้ โพะ ท ซ้ะกวี้ง ล๊องก้อง อ ไค๊ นอ, เก ทาง ท เด้บ้ะ, ฌ้อง ท่อง ท เด้บ้ะ ดู ทาง เย้า นอ, เก ทาง ก้ะ ท ซี๊ง นอ ล้อ