อีซยา 54:9 - Northern Pwo Karen Thai Bible

⁹ “ลู่ง ก ฌ่าง พ้า, ท ล ไฌ่ อี้ง นอ, บี่ซุ้ดี๊ โนอา อ ชู้ แค๊ อู้ง ล้อ ก นี่ อืงล้าง เท่อ บี่อี้ง, ที๊ง ลู่ง โนอา อ ชู้ ม ล กลึ้ไบ้ะ ฌางคูโคล๊งคู ล้า แบ บี่จะเล้ นอ เฆ้อ ก เอิ้งล้าง -อ้ะ, ก ล ซ้ะทาง ดี๊ แน้ แบ ดี๊ ก ล โละซ้ะ เอ้งไฌ้ แน้ ล้า แบ บี่ นอ ล้อ

อีซยา 54:9 ပူးပေါင်းရင်းမြစ်များ

ทอคางไท้ะ 8:21

กแช่ยาเว น๊า แบ ท กลื่ง พี่ แบ อ ซ้ะ เย้า นอ, ช๊องมอง เท่อ ลู่ง อ ซ้ะ พ้า ไจ้ะเว๊, “ก ล ชูอ้า ฌางคู คู ล้า แบ, ทึเมะ กโพล้ง ล ฌี้ แบ, เป๊งนี่ กโพล้ง อ ท ช๊องมอง ทาง ลู่ง อ ซ้ะ พ้า, โอ ที่ ทอ้าทซ๊าง, โค๊ ลู่ง อ พืงแซ แค๊ เย้า ฌี้ นอ, ก ล แม้ เฌ๊ฌ้อง ท พี่ อ โอม๊า กุ้เม้ง, ด้องซุ้ พี่ ก นี่ แม้ -อ้ะ เย้า นอ ล้า แบ

โยบา 11:16

น กแช่ แด เว๊ ม ซ้ะนาง ทน้ะทโน๊ง น ม นางแบเย้แบ-อ้ะ ลซีแบ, บี่ซุ้ดี๊ ที๊ง พี่ อ ล้างแยว้ไฆวะ นอ ล้อ

ทอางปฆ้า 104:9

กแช่แยว้ อางกีล้าง เว๊ อ ช๊า, ล เกม๊า อ ค๊างพะ แบ บี่ซุ้ ล เกม๊า เว๊ อ กลึ้ไบ้ะ, ฌางคูโคล๊งคู ล้าแบ

อีซยา 12:1

ล นี้ง แย๊ นอ, น ม ไจ้ะ บี่อี้ง “จ กแช่ยาเว-เอ้อ, จ ม ไจ้ะบลึ้ แน้ อไฌ่บี่อี้ง, ทึเมะ น ซ้ะทาง พ้ะดู ดี๊ แย้ ฌี้ นอ น ท ซ้ะทาง นอ แกยไท้ อ ซ้ะ เย้า ดี๊ น แม้ มึทาง จ ซ้ะ

อีซยา 49:18

เกม๊า บุ้ทาง เมะ, ดี๊ แคว่ เท่อ วะชวะ อ ซื๊งเว๊ ซีง ลแพ โอซยอง โละซ้ะ, ดี๊ อ ซื๊งเว๊ เฌ๊ ลู่ง น โอ” กแช่ยาเว ไจ้ะเว๊ บี่อี้ง, “ พี่ ก โอม๊า ได้ะ อี้ง นอ น ม ซุ้ อ ซื๊งเว๊ กุ้แฌ้ บี่ซุ้ดี๊ ทฆ้าทโฆ่ ไต้ฆี๊ง น ม จ้าทะ อ ซื๊งเว๊ ด้องซุ้ เม้ากแช่ มืง ไต้ทาง อฆ้าอโฆ่

อีซยา 51:22

น ทอดูทึโท๊ทึ กแช่, เมะเว๊ กแช่ยาเว น กแช่แยว้ พี่ อ ดึ้ เอะ อพูอลี้ง อบ้าอคว่าง, ไจ้ะเว๊ บี่อี้ง “อี้งเซ้อ, ก แม้ นี่ โล๊ง ลู่ง ท เด้งเค๊งแดฆ้าง ลู่ง น จูง ล้อง เย้า โล๊ง ลู่ง ก ท ซ้ะทาง พ้ะดู น ล แบ โอ้ ล้า แบ

อีซยา 51:6

เกม๊า บุ้ทาง น ซื๊ง เมะ แคว่ ทมุ้คู ฌ้อง แคว่ ฌางคูโคล๊งคู ลู่ง ละโค๊ เมะเว๊ ทมุ้คู ม ล้างแม่ไฆวะ, บี่ซุ้ดี๊ ท อ คูง ดี๊ ฌางคูโคล๊งคู ม เฌ๊กูงเฌ๊ซยื๊งไฆวะ, บี่ซุ้ดี๊ ไช๊ช้าง ฌ้อง โพล้ง พี่ เปิ่งโอเปิ่งช๊อง เว๊ อ พ้า นอ, ม ซี๊งไฆวะ บี่ซุ้ดี๊ กย้ะซ๊า แบเด้าะ ก ทพ้องทพลิ้ ม โอ ล้างชู้ล้างแกย ดี๊ ก ทฌี้ทแอว้ ม ล ทึไฆวะ แบ

อีซยา 51:8

เมะเว๊ ท พูโฆ้งพูแฆ่ ม อาง-อ้ะ, บี่ซุ้ดี๊ อาง ไช๊ช้าง ดี๊ โลง ม อาง-อ้ะ บี่ซุ้ดี๊ อาง แกะชอง แบเด้าะ ก ทฌี้ทแอว้ ม โอ ล้างชู้ล้างแกย ดี๊ ก ทพ้องทพลิ้ ม โอ ท้อง โพล้ง กุ้ชู้กุ้ว๊าง

อีซยา 55:11

บี่ซุ้ บ นอ, ก ทไคล้ พี่ อ ไจทาง นี่ ลู่ง ก นุ้ พ้า นอ ม ล เฌ๊ไท้ฌูงไท้ เฆ้อ โปล้ๆ, แบ แบเด้าะ ม ดึ้ เกม๊า ท พี่ อ แบ ก ซ้ะ นอ, ฌ้องทางเกทาง เว๊ ดี๊ เกม๊า ท พี่ ก เจ่ทาง ลี้ แม้-อ้ะ นอ, เกทางเกโท๊ เว๊ ล้อ

อีซยา 62:8

กแช่ยาเว อืงล้าง เท่อ ดี๊ อ จูงฆุ้ ดี๊ อ จูง พี่ อชองอไคล๊ บี่อี้ง “ก ล เกม๊า น บืง เก นดีงนแด้ อ ทอาง ล้า แบ ดี๊ โพล้งลชื้อแด ม ล โอ้ น ไซ้ะ ซไบ้ะแซ ที๊ง แบ พี่ น นี่ แบ-อ้ะ ลู่ง แม้-อ้ะ น้ะ นอ แบ

เยเรมี 31:37

กแช่ยาเว ไจ้ะเว๊ บี่อี้ง “ทมุ้คู ลู่ง ท้ะโค๊ เมะ เก ท พี่ ทู ดุ้-อ้ะ ซี ดี๊ ฌางคูโคล๊งคู ละโค๊ อ คางไท้ะ, เมะ เก ท พี่ ไจ แคว่ ดุ้-อ้ะ ซี นอ ก ม ทูแพล่ ญ๊องไฆวะ อีซลาเอง อชื้ออชะ เลาพะ, ลู่ง ท กุ้เม้ง พี่ อ นี่ แม้ เว๊ นอ อกย้อง ล้อ” กแช่ยาเว โล้ เว๊ บี่อี้ง ล้อ

เอเซเคียง 16:42

ฌ้อง ก ม เกม๊า ก ท ซ้ะทาง ดี๊ แน้ โอโท่ไฆวะ, ดี๊ ก ม แกยไฆวะ ก ท ล๊องก้องไท้เท่อ ดี๊ แน้, ฌ้อง ก ม โอกโช้ ดี๊ ล ซ้ะทาง ล้า แบ

เอเซเคียง 39:20

ดี๊ น ม อางกึ้โอ้ฆวี้ ลู่ง ก คะ ทอาง คู, ดี๊ กซี อ แย, ดี๊ โพล้ง เทา กซี อ แย, เลา ดี๊ โพล้ง เซิงน้าซ้ะน้า ลแพ นอ อ แย, ดี๊ โพล้ง ดึ้ซึ้ เท่อ พู กุ้ แฌ้ อ แย, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 39:29

ดี๊ ก ล อางกีซูงไฆวะ ก เมะ ดี๊-อ้ะ ล้า แบ, เมะเว๊ ก ม ลู๊งล้าง กวีงกแล้ ลู่ง อีซลาเอง อ คูด้าง”, ทอดูทึโท๊ทึกแช่ยาเว โล้ เว๊ บี่อี้ง ล้อ