อีซยา 54:7 - Northern Pwo Karen Thai Bible

⁷ ก นี่ ญ๊องไฆวะ แน้ ลชู่ลล่าง ล้อ แบเด้าะ ก ม อางกีซยอง แน้ ดี๊ ท ย๊างซ้ะ ดู มะ

อีซยา 54:7 ပူးပေါင်းရင်းမြစ်များ

ทอางปฆ้า 106:47

จ กแช่ยาเว เฆ้อ ซีงลแพ ก กแช่แยว้-เอ้อ, เกม๊าเต้ แม้ช้า เฆ้อ ซีงลแพ เกม๊า พ้องพลิ้ ดี๊ เกม๊าเต้ อางกีซยอง นี่ ไท้ เฆ้อ ซีงลแพ, ลู่ง โพล้ง กุ้ที๊งกุ้ค่าง อซุ้อแกล้ บี่ซุ้ เฆ้อ ซีงลแพ ม อางปฆ้า ทาง กแช่แยว้ อเม้งอแซ, พี่ อฌี้อแอว้ ดี๊ บี่ซุ้ ซ้ะอวีงซ้ะโทะ เท่อ, ลู่ง ท อางปฆ้า ทาง กแช่แยว้

ทอางปฆ้า 107:3

ดี๊ อางกีซยอง นี่ ไท้ เว๊ ลู่ง ที๊งล่างค่างพ้า ลแพ นอ โอนี่ ลู่ง มื่งทาง ดี๊ ลู่ง มื่งนึ โอนี่ ลู่ง มื่งเค๊ง ดี๊ ลู่ง มื่งแพ้

ทอางปฆ้า 30:5

เมะเว๊ กแช่แยว้ อ ทซ้ะทาง นอ, เก ท ลชู่ลล่าง ล้อ แบเด้าะ กแช่แยว้ อ ท แบเมะล้างซ้ะโอ นอ, เพล้าชู้เพล้าแกย ทฌางทย้า แบซีงลู่ง ม โอ เมาะ ล แน้ แบเด้าะ ทเซิงมึซ้ะมึ, ม เฌ๊ ลู่ง โฌ้โค๊

ทอางปฆ้า 30:6

แบเด้าะ ยี๊แด นอ, จ ไคล้ ลู่ง จ ทโอทางช๊องทาง อ พ้า บี่อี้ง “จ ล เด้งด้าง แบเฆาะ”

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 11:12

กแช่แยว้ ม โชะทาง ตไก้ยะ แม้ไน เท่อม เอะ โพล้ง กุ้ชื้อกุ้ชะ ลแพ นอ ดี๊ ม กุ้ซยอง อีซลาเอง พี่ อ ล้างมื่งล้างพะ ดี๊ อางกีซยอง ยูดา พี่ อ ที่มื่งที่พ้ะ โอนี่ ลู่ง ฌางคูโคล๊งคู อ โนง ลี่งโนง นอ

อีซยา 12:1

ล นี้ง แย๊ นอ, น ม ไจ้ะ บี่อี้ง “จ กแช่ยาเว-เอ้อ, จ ม ไจ้ะบลึ้ แน้ อไฌ่บี่อี้ง, ทึเมะ น ซ้ะทาง พ้ะดู ดี๊ แย้ ฌี้ นอ น ท ซ้ะทาง นอ แกยไท้ อ ซ้ะ เย้า ดี๊ น แม้ มึทาง จ ซ้ะ

อีซยา 14:1

แบเด้าะ กแช่ยาเว ม ย๊างซ้ะ แบ ยาคุ้, ดี๊ ม อางลึนี่ อีซลาเอง ได้ะ, เลา ดี๊ ม ต๊างทาง อ ซื๊งเว๊ ซีง ลแพ ลู่ง อ ที๊งล่างค่างพ้า, ฌ้อง โพล้งลชื้อแด ม เฌ๊ โอซยอง ดี๊ อ ซื๊งเว๊ ซีง ลแพ, ดี๊ ม โอเบ้าโอเท่ง นึซยอง ดี๊ ยาคุ้ อชื้ออชะ

อีซยา 26:20

เฌ๊ แดเทา, โพล้ง ล ชื้อ ฆ่าง ดี๊ แย้-เอ้อ, เกม๊า น นึฆ้าง ลู่ง น เด้า อ เช้า พ้า ดี๊ กาไบ้ะไฆวะ ป้ะตู๊ง เกม๊า น โอคุ้ซูง ล ชู่ ท้อง ลู่ง กแช่แยว้ อ ท ซ้ะทาง พ้ะดู ม พ้องไฆวะ

อีซยา 27:12

ล นี้ง แย๊ นอ, กแช่ยาเว ม ไย่ล้าง บืง, ล โค๊ ลู่ง ที๊ง ยูเฟตี กล้อง, ลี้ท้อง ลู่ง ที๊ง อีไย้ะ อ กล้องพู, โพล้ง เฌงพูฆ๊างพู อีซลาเอง-เอ้อ, น ม แบ ทอางกีซยอง นี่ พ๊าแฌ้ๆ

อีซยา 27:8

กแช่แยว้ ม ดึ้ โละซ้ะ ดี๊ อีซลาเอง ดี๊ ทโฌ๊ไจ, ดี๊ ท พองนี่ ลี้ เก ทฆ่อง กแช่แยว้ ม กว้ะ อีซลาเอง ดี๊ ลี้ง พี่ ล้าง ซ้ะเม, ลู่ง มื่งนี้ง พี่ โอ ดี๊ ลี้งเฌ๊ ลู่ง มื่งทาง ล โค๊

อีซยา 40:11

กแช่แยว้ ม ลื่ง อ แกะ น๊างมู๊ง, บี่ซุ้ดี๊ โพล้ง ลื่ง แกะ กแช่แยว้ ม อางกีซยอง แกะพู ดี๊ อ จูง แด เว๊ ล้อ กแช่แยว้ ม โชะทะ เว๊ ลู่ง ซ้ะแน๊ล้อง ดี๊ แกะ มื้งแซย่ พี่ อ พูไช้ะ โอ นอ, ม ลี้ฌ้า เว๊ โกย้ๆ, ล้อ

อีซยา 49:13

โอ้, ทมุ้คู-เอ้อ, เกม๊า แม้เซ๊ทาง ลู่ง เซิงฆวี๊งซ้ะโย้, ดี๊ ฌางคูโคล๊งคู-เอ้อ, เกม๊า เซิงฆวี๊งซ้ะมึ แดเทา โอ้, ทลู่ง-เอ้อ, เกม๊า กุ้ซย้ะ ดี๊ ท ซ้ะอวีงซ้ะโทะ เมะเว๊ กแช่ยเว นี่ แม้มึทาง อพูอลี้ง เย้า ดี๊ ม ย๊างซ้ะ อ โพล้ง พี่ แบ ท แคแน อ ซ้ะ

อีซยา 49:18

เกม๊า บุ้ทาง เมะ, ดี๊ แคว่ เท่อ วะชวะ อ ซื๊งเว๊ ซีง ลแพ โอซยอง โละซ้ะ, ดี๊ อ ซื๊งเว๊ เฌ๊ ลู่ง น โอ” กแช่ยาเว ไจ้ะเว๊ บี่อี้ง, “ พี่ ก โอม๊า ได้ะ อี้ง นอ น ม ซุ้ อ ซื๊งเว๊ กุ้แฌ้ บี่ซุ้ดี๊ ทฆ้าทโฆ่ ไต้ฆี๊ง น ม จ้าทะ อ ซื๊งเว๊ ด้องซุ้ เม้ากแช่ มืง ไต้ทาง อฆ้าอโฆ่

อีซยา 49:21

ฌ้อง น ม ไคล้ ลู่ง น ซ้ะ พ้า บี่อี้ง โพล้งเล้ กึทาง นี่ เอะ แย้ โพล้ง ล แพ อี้ง ทน้ะทโน๊ง แบ แย้ น้ะ เป๊งนี่ พู ซี๊ง ดี๊ เก โพล้ง เทาพู อกย้อง แบ ท พองนี่ เก ทฆ่อง, ดี๊ แบ ท โฌ๊ไจ แบเด้าะ โพล้งเล้ ลื่งอาง แคว่ โพล้ง ลแพ อี้ง? อี้งเซ้อ, จ แบ ท ญ๊องไฆวะ โอ ยื่งเย้ง ล แฌ้ เฆาะ ฌ้อง โพล้ง ลแพ อี้ง เฌ๊นี่ เด้าะ ชี่ พี่จองเล้?’, ”

อีซยา 50:1

กแช่ยาเว ไจ้ะเว๊ บี่อี้ง “ไละทไจแดโละซ้ะ ดี๊ น ซื๊ง มู่ พี่ ก เจ่ โฌ๊ไจไฆวะ-อ้ะ นอ, โอ พี่จองเล้? ดี๊ โพล้ง พี่ ก ทางดีงทางแม่ ดี๊-อ้ะ พี่ ล แฌ้ เล้ พี่ ก อางแช๊ น ซื๊ง เกม๊า เอะ-อ้ะ? อี้งเซ้อ, น แบ ท อางแช๊ ลู่ง น ทเด้บ้ะ อกย้อง ดี๊ น มู่ แบ ท โฌ๊ไจไฆวะ ลู่ง น ท กไบล้ะกแบล อกย้อง

อีซยา 56:8

ทอดูทึโท๊ทึกแช่ยาเว พี่ อางกีซยอง อีซลาเอง ลู่ง อ ที่มื่งที่พ้ะ นอ, ไจ้ะเว๊ บี่อี้ง “ก ม อางกีซยอง นี่ โพล้ง อ แฌ้แพ, เฌ๊ โอ ดี๊-อ้ะ โพล้ง พี่ ก อางกีซยอง นี่ เว้-อ้ะ เย้า นอ, โอเจ ได้ะ”

อีซยา 60:10

โพล้งลชื้อแด ม ไต้ทาง น กางแป ดี๊ อ กจุ้แฆว้ ม แม้ เอะ น เท่อ อไฌ่บี่อี้ง, ก นี่ พลี แน้ ดี๊ ก ท ซ้ะทาง แบเด้าะ ก นี่ ย๊างซ้ะ แน้ ดี๊ ท แบ ก ทมอง ล้อ

อีซยา 60:4

เกม๊า บุ้ทาง น เมะ, ดี๊ แคว่ เท่อ วะชวะ อ เว๊ กุ้แฌ้ แบ ท อางกีซยอง เฌ๊ฆ้าง, อ ซื๊งเว๊ ซีง ลแพ เฌ๊ฌูง แน้ น พูแคว๊ ลแพ นอ, ม เฌ๊นี่ ลู่ง ค่าง ไย้ ดี๊ น พูมืง ลแพ นอ, ม แบ ท เฌ๊โชะ เก้งก้าง ย่างเด้ง ล้อ

อีซยา 62:4

น ล แบ ท กุ้ บี่อี้งโพล้ง แบ ท ญ๊องไฆวะ ล้า แบ ดี๊ น ที๊งล่างค่างพ้า, ม ล แบ ท กุ้ บี่อี้ง, ทล่าง ญ๊องไฆวะ โอโปล้ก้ะ ล้า แบ แบเด้าะ โพล้ง ม กุ้ แน้ บี่อี้งก ท ซ้ะอวีงซ้ะโทะ โอ ดี๊-อ้ะ ดี๊ กุ้ น ที๊งล่างค่างพ้า บี่อี้งทางแซย่ เย้า เมะเว๊ กแช่ยาเว ซ้ะอวีงซ้ะโทะ ดี๊ แน้ ดี๊ น ที๊งล่างค่างพ้า ม อางเม้า

อีซยา 63:7

จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

อีซยา 66:18

“เมะเว๊ ก ซีงแฌ๊ อ ซื๊งเว๊ อ ทไพ้ะทแม้, ดี๊ อ ท ช๊องมอง, ดี๊ ก ม เฌ๊ บี่ซุ้ อางกีซยอง โพล้ง กุ้ชื้อกุ้ชะ, ดี๊ อ คว่าง, ดี๊ อ ซื๊งเว๊ ลแพ นอ ม เฌ๊, ดี๊ แด ก ทฆี๊งทแล้

เยเรมี 51:5

เมะเว๊ อีซลาเอง ดี๊ ยูดา ล แบ ท ญ๊องไฆวะ แบ ลู่ง กแช่ยาเว ซึ้คู ดูทึชองทึ, อ ซื๊งเว๊ อ กแช่แยว้ นอ ล้อ แบเด้าะ ค่าง เคลเดีย นอ, โอ ฆวี้ ดี๊ ทไพ้ะทแม แบ กแช่แยว้ พี่ อฌี้อแอว้ ลู่ง อีซลาเอง

ท​ฌางล้างย้าล้าง 3:31

เมะเว๊ ทอดูทึโท๊ทึกแช่ ม ล ญ๊องไฆวะ เท่อ ล้างชู้ล้างแกย แบ

ท​ฌางล้างย้าล้าง 3:32

ทึเมะ ดึ้ เกม๊า ท เมะมองแน๊อึ้ กึทาง ฌี้ นอ, กแช่แยว้ ม ย๊างซ้ะ เท่อ บี่ซุ้ดี๊ อ ทเอทกวี้ง ลู่ง อเฌิ่งอค๊า พี่ อล๊าอฆวี้

เอเซเคียง 36:24

เมะเว๊ ก ม ไจทางฌ้าไฆวะ น ซื๊ง, ลู่ง โพล้ง กุ้ชื้อกุ้ชะ ลแพ นอ อซุ้อแกล้ พ้า, ดี๊ อางกีซยอง แน้ เฌ๊ไท้นี่ ลู่ง กุ้ที๊งกุ้ค่าง, ฌ้อง เฌ๊ฆ้าง ฌ้า แน้ ลู่ง น ที๊งล่างค่างพ้า

มีคา 4:6

กแช่ยาเว ไจ้ะเว๊, ล นี้ง แย๊ นอ ก ม อางกีซยอง โพล้ง อ คาง เฌ๊ฌ้อง ดี๊ ก ม อางกีซยอง กเย่ โพล้ง พี่ อ แบ ท โฌ๊ไจไฆวะ ดี๊ กเย่ โพล้ง พี่ ก นี่ เกม๊า ทน้ะ แบ อ ซ้ะ

ม้ะทู 23:37

โอ๊ เว่ง เยรูซเลง, เยรูซเลง-เอ้อ, น แม้ ซี๊ง โม ไคล้ คิ้ กแช่ แยว้, ดี๊ น แม้ นี่ โล่ง ไควะ ซี๊ง โพล้ง พี่ กแช่ แยว้ เจ่ เว๊ อ เฌ๊ ฌู แน้, โอ ตบลึ้ พ๊า พี่ จ แบ ซ้ะ พุ้โฌ๊ง น พู น ลี้ง บี่ ซุ้ ช๊าง มื้งแซย่ พุ้ไบ้ะ อ พู ดี๊ อ ได้ะ, แบ เด้าะ น ล ญ่อง เกม๊า จ แม้ แบ

2​โคเรง 4:17

ค๊องเนง อี้ง ก แบ น้ะ แบ โน๊ง ล ปี๊ ล คี่, พี่ ก แบ แบ-อ้ะ ล ชู่ ล ล่าง นอ ม เกม๊า ก โอ ดี๊ ก ฆี๊ง ก แล้ แอๆ, พี่ อ โอ ล้างชู้ ล้างแกย, อางเพ๊ง ล้าง-อ้ะ ดี๊ เท่อ ล ซี น่าง เม้ง แบ

เอเฟโซ 1:10

ท่อง อ ท้อง อ ช๊า อ โท่ กแช่ แยว้ ม แม้ ท ไฌ่ อี้ง, เมะ เว๊ ม แม้ นี่ ท กุ้ อ เม้ง พี่ อ แบ ท ไต้ทาง-อ้ะ ลู่ง มุ้คู ฌี้, ฌางคู คู ฌี้, ม อางกี ซยอง เว๊ ฌ้อง ม เกม๊า กแช่ เยซู คริ้ เก ท ล แพ อี้ง อ กแช่

โล้​ล้างที๊ง​ทอางแม้เลา 30:3

ฌ้อง กแช่ยาเว น กแช่แยว้, ม เกม๊า น เฌ๊ไท้แดไฆวะ ท เก ท อ ฆ่อง, ดี๊ ย๊างซ้ะ แบ แน้, ดี๊ ม อางกีซยองนี่ ไท้ แน้ ได้ะ, ลู่ง โพล้ง กุ้ชื้อกุ้ชะ อซุ้อแกล้, พี่ กแช่ยาเว น กแช่แยว้, เกม๊า น ที่มื่งที่พ้ะ ลี้ โอ-อ้ะ นอ ล้อ

ยาเก้า 4:6

แบเด้าะ กแช่ แยว้ เกล๊าง อ โก้ง อ โบ้ง อ บลึ้ อ บลาง แอ นี่ นอ ได้ะ, บี่ ซุ้ ไละ ฌี้ ไละ แอว้ ไจ้ะ เว๊ “กแช่ แยว้ ชาง ล้าง โพล้ง พี่ อ อางกี ทาง โท๊ อ ซ้ะ, แบเด้าะ เกล๊าง อ โก้ง อ โบ้ง อ บลึ้ อ บลาง เอะ โพล้ง ลู่ง อ ชาง ล้าง อ ซ้ะ”

2​เปโต 3:8

ฌุ้พาง ลู่ง จ เอ-อ้ะ ซีง-เอ้อ, ซ้ะนาง ท ไคล้ อี้ง ล ฌี้, เมะ เว๊ กแช่ แยว้ แคว่ เว๊ ล นี้ง นอ บี่ ซุ้ ดี๊ อ เนง ล ม๊า, อ เนง ล ม๊า นอ บี่ ซุ้ ดี๊ ล นี้ง ล้อ