อีซยา 5:14 - Northern Pwo Karen Thai Bible

¹⁴ อกย้องบี่นอ พลื่งค่าง นอ, แม้ เล่ทางโท๊ทาง อ โคะ ดี๊ อ้างทาง อ นุ้ พ้ะเล่, อช๊าอโท่ ล โอ แบ เยรูซเลง อ เซงคู ซีง ลแพ, ดี๊ เว่ง อ โพล้งเฌงพูฆ๊างพู นอ ลี้ล้าง ล พ๊าฆ่าง ดี๊ ท อ ลู่ง เซ๊ตทูงเซ๊ล้างคล้าง, ดี๊ ท แม้มึอางอวีง พี่ โอ เว๊ อ พ้า นอ

อีซยา 5:14 ပူးပေါင်းရင်းမြစ်များ

ทอางปฆ้า 49:14

ด้องซุ้ แกะ, อซื๊งเว๊ แบ ทอางกีล้าง เอะ พลื่งค่าง ทซี๊ง อ กแช่ ม เก โพล้ง ลื่ง เอะ อ แกะ โพล้งโต้โพล้งล้อง อดู้งอยาง ม โอ ดูเละโท๊เละ อซื๊งเว๊ ซีงลแพ ลู่ง โฌ้โค๊ ดี๊ อเค่งอฌ้าง ม ล้างอืงไฆวะ เลาพะ พลื่งค่าง ม เก อเด้าอล่าง

ทอางปฆ้า 55:15

เกม๊าเต้ ทซี๊ง เฌ๊ฌูง อซื๊งเว๊ ซีงลแพ นอ เกม๊า อ ลี้ล้าง ม๊า, ลู่ง พลื่งค่าง เมะเว๊ กเย่ ทอ้าทซ๊าง นอ, โอ ลู่ง อเว๊ อ ล่างโอล่างช๊อง พ้า, ลู่ง อซุ้อแกล้ พ้า

ทอางด้อง 1:12

ม๊า ก อางยื่งคล่อง ม๊า อ ซื๊งเว๊, ด้องซุ้ พลื่งค่าง อางยื่งคล่อง-อ้ะ น๊างแฌ้, ด้องซุ้ โพล้ง ลแพ นอ, พี่ อ ล้าง ลู่ง ทซี๊ง พ้า

ทอางด้อง 27:20

พลื่งค่าง, ดี๊ ท เซงทื่งเฌ๊ฌ้อง อ ล่าง, ล ซีงแฌ๊ ฆวี้ แบ กโพล้ง อ เมะคลี๊ง นอ, แคว่ เท่อ ล บลิ้ แคว่ แบ ปะ ล้อ

ทอางด้อง 30:16

เมะเว๊ พลื่งค่าง, กมืง เทา พู อ ฌู่โพ๊ง ฌางคูโคล๊งคู พี่ ลกึ้ลฆวี้ ดี๊ ที๊ง แบ ดี๊ มี พี่ ล ไคล้ บี่อี้ง น่างชุ้ แบ, “แอ เย้า”

อีซยา 14:11

น ทฆี๊งทแล้ แบ ท เฌ๊ล้างฌ้า ท้อง พลื่งค่าง ล พ๊าฆ่าง ดี๊ น ทแน่ อ ลู่ง ท อ พูบาง ม เก ล่างมี๊ง โอ น เช๊ละ ดี๊ ซ้ะมเทง ม เก น แบย

อีซยา 14:9

โพล้ง ซี๊ง อ แซวคู พ้า ลู่ง ละโค๊ นอ ซ้ะอวีงซ้ะโทะ เท่อ บี่ซุ้ ตองช๊าฮะช๊า แน้ พี่ น เฌ๊ อ บุ้เฌ้เทิง โพล้ง ซี๊ง ลแพ นอ เกม๊า อ เฌ๊ ฮะนี่ แน้ เมะเว๊ โพล้ง กุ้แฌ้ พี่ เก แบ ฌางคูโคล๊งคู อคูอแน่ อ ดึ้ เกม๊า โพล้ง พี่ อ เก แบ โพล้ง กุ้ชื้อกุ้ชะ ซีง ลแพ อ กจุ้แฆว้ นอ เฌ้เทิงทาง นี่ ลู่ง อ ซื๊งเว๊ อ ล่าง ชี๊น้าง

อีซยา 21:4

จ ซ้ะ แบคู่แบโฌ้ เท่อ ทซ้ะเมซ้ะไพล้ กลึ้ไบ้ะ แย้ ท เยาะยะล้าง พี่ จ มื้งแล่-อ้ะ นอ ดึ้ เกม๊า จ ว้ะโทะ ซ้ะเม ก้ะ เท่อ ล โค๊ ล้อ

อีซยา 24:8

รางมานา อ ลู่ง เซ๊มึเซ๊พ้า นอ, ลเซ๊ลคละ แบ โพล้ง พี่ ซ้ะอวีงซ้ะโทะ เท่อ อ ลู่ง เซ๊ทางเซ๊ล้าง นอ, โอโท๊ไฆวะ เว๊ ทแน่พี่โอดี๊อโน้ง อ ลู่ง เซ๊มึเซ๊พ้า นอ, ลเซ๊ลคละ แบ

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

เอเซเคียง 7:12

อช๊าอโท่ นอ เฌ๊ เย้า, ล นี้ง แย๊ นอ เฌ๊ท้อง เย้า เกม๊า โพล้ง ฆวี๊ เท่อ ซ้ะโทะ ล ฌี้, เกม๊า โพล้ง อางแช๊ เท่อ ซ้ะ เฌ๊ฌ้อง ล ฌี้ เมะเว๊ กแช่แยว้ อ ท ซ้ะทาง พ้ะดู, โอ ลู่ง ค่าง อ โพล้ง เฌงพูฆ๊างพู อ คูด้าง

ดานีเอง 5:30

ล แน้ แย๊ นอ ล้อ, โพล้ง เคลเดีย อ กจุ้แฆว้ เบงชาซา แบ ท แม้ซี๊ง

นาฮูง 1:10

อ ซื๊งเว๊ บี่ซุ้ดี๊ ทชูง น๊างโป้ง พี่ อ บล้ะ โละซ้ะ บีงบูงโช้งไท๊ ดี๊ บี่ซุ้ดี๊ โพล้ง ม้าไซ้ะ อ ซื๊งเว๊ ม แบ ท เช้า เฌ๊ฌ้องไฆวะ เลาพะ, บี่ซุ้ดี๊ โล่ทุ้ พี่ อ ไฆ๊ท้ะเท่ง

ฮาบากุ้ 2:5

แอเละ อ นอ ได้ะ, ไซ้ะ ซไบ้ะแซ ที๊ง เก ท ซอึ้คูแช๊, อางกีล้าง ซ้ะ ล ซี แบ โพล้ง ทื่งดูล้างซ้ะ นอ, ล นี่ โอไปว้ะ ไก้ไม่ แบ อ โคะ นอ, อุ้พ้ะ อ ซ้ะ พ้ะเล่, ด้องซุ้ พลื่งค่าง ดี๊ อ เว๊ บี่ซุ้ดี๊ ทซี๊ง อ กแช่ พี่ ล ซีงแฌ๊ บลิ้อางบลิ้โอ้ แบ อ เว๊ แม้นี่ก้ะ โพล้ง กุ้ที๊งกุ้ค่าง, เฌ๊ ลู่ง อ ฌ่าง พ้า ฌ้อง อางกีซยอง โพล้ง กุ้ชื้อ เฌ๊ เกก้ะ อ เท่อ”

ม้ะทู 7:13

เกล้ โอ ล บ้อง อ ป้ะตู๊ง พ้ะเล่, โพล้ง พี่ อ โพะ เกล้ ล บ้อง นอ, โอ แอ มะ, แบ เด้าะ เกล้ ล บ้อง นอ ลี้ ลู่ง เซงทื่งเฌ๊ฌ้อง, เกล้ แก อ ป้ะตู๊ง เอง โอ ปะ, โพล้ง พี่ อ อางฆื๊ง เว๊ ฌ้อง แด แบ เกล้ ล บ้อง นอ โอ แซย้ มะ, แบ เด้าะ เกล้ ล บ้อง นอ, ลี้ ลู่ง ท ม๊า ล้างชู้ ล้างแกย, น แบ นึ ฆ้าง เกล้ ล บ้อง แย๊ นอ

ลูกา 17:27

โพล้ง อาง มี้ โอ้ ที๊ง, เอ แม๊ เอ แว้ โละ อ ซ้ะ ได้ะ ท้อง มื่ง ล นี้ง พี่ โนอา นึ ฆ้าง กบ้าง ที๊ง พ้า, ฌ้อง ที๊ง กลึ้ ไบ้ะ ซี๊ง โพล้ง ล แพ นอ เลา ปะ

ลูกา 21:34

ปโล่ ล้าง น ซื๊ง ซ้ะ เมะ ฌี้ ไช้ะ, เกม๊า น ช๊องมอง ที่ ท โอ้ ไซ้ะ อาง มี้, ท ลื่ง อาง ลื่ง โอ้, ดี๊ ท แบคู่ แบโฌ้ ลู่ง ท โอ ม๊า อ กย้อง ล ฌี้, แบ ซีง ลู่ง ล นี้ง แย๊ นอ ม เฌ๊ ท้อง ล ทีง ฆ่าง, ฌ้อง น ซื๊ง ม เก บี่ ซุ้ แยพู แบ พ๊อง