อีซยา 49:2 - Northern Pwo Karen Thai Bible

² กแช่แยว้ ดึ้ เกม๊า จ นุ้ บี่ซุ้ดี๊ น้ะไอ กแช่แยว้ อางกีซูง ทะ แย้ ลู่ง อ จูง ย๊างซ้ะ พ้า กแช่แยว้ ดึ้ เกม๊า จ เก คลีงแช เท้าพลี๊ กแช่แยว้ อางกีซูง ทะ แย้ ลู่ง อ คลีงแช โด้ง พ้า

อีซยา 49:2 ပူးပေါင်းရင်းမြစ်များ

ทอางปฆ้า 91:1

โพล้ง พี่ อ เปิ่งโอเปิ่งช๊อง, ลู่ง กแช่แยว้ ดูทึโท๊ทึ อ ทล่างทุ้กดื้งซ้ะ นอ ม โอซยืง ลู่ง กแช่แยว้, พี่ โอ ดี๊ ดู้งยางซยื๊งซย้องแอทึ อ กดื้งแล้ พ้า

ทไจทางไฆวะ 33:22

ฌ้อง ท่อง จ โฌ่ง จ พ้าง ลี้ พ้องไฆวะ นอ, จ ม อางกีซูง แน้ ลู่ง ไล๊ อ เช้า พ้า, ดี๊ จ ม กาง กดื้งทะ แน้ ดี๊ จ จูง ท่อง จ ลี้ พ้องไฆวะ

อีซยา 11:4

แบเด้าะ อ เว๊ ม ต้ะเซ๊ง โพล้งซยางโพล้งน้ะ ดี๊ ท อเกิ้งอแบ ดี๊ ต้ะเซ๊ง เอะ โพล้งพือโพล้งปี๊, ลู่ง ที๊งล่างค่างพ้า ดี๊ ท อเกิ้งอแบ อ เว๊ ม ท่าง ฌางคูโคล๊งคู ดี๊ นางเพ๊บ้อง เฌ๊นี่ ลู่ง อ นุ้ ดี๊ อ เว๊ ม แม้ซี๊ง โพล้งอ้าโพล้งซ๊าง ดี๊ ลี้ง เฌ๊นี่ ลู่ง อ นุ้เฌะ

อีซยา 42:1

แคว่เซ้อ, เฆ้อ ก เพล่, โพล้ง พี่ ก อางกีทางโท๊-อ้ะ โพล้ง พี่ ก อางลึ นี่-อ้ะ, โพล้ง พี่ ก เซิงมึซ้ะมึ ดี๊-อ้ะ จ แม้นี่ จวีงจแล้ อางกีล้าง ลู่ง อ ล้อง อ เว๊ ม โซ๊งทาง ท อเกิ้งอแบ ลี้ ลู่ง โพล้ง กุ้ชื้อกุ้ชะ อ โอ

อีซยา 50:10

โพล้ง พี่ แฌ้ เล้ ลู่ง น ซื๊ง แกล้, พี่ อ ยางแบซ้ะเม กแช่ยาเว ดี๊ คุ้ช๊องแน กแช่แยว้ อ เพล่ อ ลู่ง? โพล้ง พี่ อ โอม๊า ลู่ง ทไค้ะ แกล้ ดี๊ ทโฌ่งทพ้าง ล โอ แบ แบเด้าะ อางกีล้าง อ ซ้ะ ดี๊ กแช่ยาเว อเม้งอแซ ดี๊ เปิ่ง อ กแช่แยว้

อีซยา 50:4

ทอดูทึโท๊ทึ กแช่ยาเว เกล๊าง เอะ แย้ เกม๊า จ โอ ดี๊ โพล้ง พี่ นี่แบ ทซองทซ๊าง อ พลี้ บี่ซุ้ จ ม ซีงแฌ๊ ทดุ้เฌิ่ง ทะ เมะเว๊ ดุ้เฌิ่ง ทะ โพล้ง พี่ ล้างเพาล้างแช่ ดี๊ ทไคล้ กุ้ มื่ง โฌ้ นอ, กแช่แยว้ กุ้ เฌ้เทิง-อ้ะ กแช่แยว้ กุ้ เฌ้เทิง จ แน่ บี่ซุ้ เกม๊า คุ้ช๊องแน เท่อ, บี่ซุ้ดี๊ โพล้ง นี่แบ ทซองทซ๊าง

อีซยา 51:16

ดี๊ ก ชวี๊งล้าง ก ทไคล้ ลู่ง น นุ้พ้า ดี๊ อางกีซูง แน้ ลู่ง กจูง อ ซยืง พ้า ก ต๊างทาง ทมุ้คู ดี๊ อางกีล้าง ฌางคูโคล๊งคู อ คางไท้ะคางพ๊าง ดี๊ โล้ เอะ ซีโยง บี่อี้ง, “น เก โพล้ง เฆ้อ ก ชื้อ”

เยเรมี 1:18

ก เว๊ แด นอ, อี้งเซ้อ, ล นี้ง แย๊ อี้ง, ก ดึ้ เกม๊า น เก เว่ง โอ ดี๊ ทล่างแคว่จู้เท่อ, เก เฌเทิง ท้ะ, ดี๊ เก กางแป ท่องบ้าง, บี่ซุ้ ม ดึ้ โละซ้ะ ดี๊ ที๊งล่างค่างพ้า เลาพะ, ดึ้ โละซ้ะ ดี๊ กเย่ กจุ้แฆว้ ลู่ง ยูดา ลแพ นอ, ดึ้ โละซ้ะ ดี๊ ท อคูอแน่, ดึ้ โละซ้ะ ดี๊ โพล้งลื่งเท่ออคู, ดี๊ ดึ้ โละซ้ะ ดี๊ โพล้งเฌงพูฆ๊างพู ลู่ง ค่าง พ้า

โฮเชยา 6:5

อกย้องบี่อี้ง นอ, ก เกม๊า โมไคล้คิ้กแช่แยว้ ไคล้บลิ้ไคล้เนา แน้ ก ม แม้ซี๊ง แน้, ดี๊ ทไคล้ ลู่ง ก นุ้ พ้า ก ท ต้ะเซ๊ง นอ, ไจทาง ด้องซุ้ ทโฌ่งทพ้าง

ฮาบากุ้ 3:11

มื่ง ดี๊ แล้ โอโท๊ เฌิ่งเพิ่ง ลู่ง ทล่าง พ้ะโท๊ พี่ กแช่แยว้ อ คลีงแช ซีง ลแพ พ้าง ลี้ซยุ้ แพ๊ฆ้าง พี่ กแช่แยว้ อ พ้าง โฌ่งค้ะ ลี้ ซยุ้ ฆ้าง นอ

ลูกา 23:46

กแช่ เยซู กุ้ ทาง เท่อ อ ลู่ง เซ๊ พ้ะดู ไจ้ะ เว๊, “แพ่-เอ้อ, จ อางกี ล้าง จ วีง จ แล้ ลู่ง น จูง พ้า” ไคล้ บี่ นอ ฌ้อง อ ซ้ะ เทะ โย๊ เว๊ ล้อ

เอเฟโซ 6:17

แม้ นี่ ท พ้อง ท พลิ้ บี่ ซุ้ เก คลื้งโมะ ด้างทะ น คู, ฌ้อง แม้ นี่ กแช่ แยว้ อ ลู่ง อ แท๊ บี่ ซุ้ เก น้ะ, พี่ วีง ฌี้ แล้ แอว้ เกล๊าง เว๊

ฮีบรู 4:12

กแช่ แยว้ อ ลู่ง อ แท๊ นอ โอ ม๊า, โอ ดี๊ อ ซยื๊ง อ ซย้อง, ไอ ฌี้ นี่ น้ะ พี่ อ แน่ ไอ คี๊ง แพ้, ชิ้ เท่อ นึ โยะ ล โยะ นอ ท้อง ลู่ง ม อางน้าง พ้ะ เซิง ซ้ะ ดี๊ วีง แล้, ดี๊ อางน้าง พ้ะ ฆีง ดูโมะ ดี๊ ฆีง อ คี่ง อ ซอง, ดี๊ ต้ะเซ๊ง โพล้ง อ ท ช๊องมอง ดี๊ อ ท แบ ซ้ะ

ท​เน​โพล​ทาง 1:16

อ จูง ฆุ้ ล โค๊ นอ โชะ ดี๊ แซย เนว๊ โพลง, น้ะ อ แน่ ไอ คี๊ง แพ้ โอ ลู่ง อ นุ้ พ้า เฌ๊ ทาง, ดี๊ อ เมะแซ นอ แบ ด้อง มื่ง พ้าง ล้าง เล๊เก้

ท​เน​โพล​ทาง 19:15

น้ะ อ แน่ ไอ บึ้ชึ ล เบง โอ ลู่ง อ เว๊ อ นุ้ พ้า ไจ ทาง, บี่ ซุ้ ม แม้ น้า โพล้ง ล ชื้อๆ, อ เว๊ ม ยู่แคว่ เว๊ ดี๊ อ ดู้ง ดู ยาง ดู, ม ไย่ เท่อ ลู่ง ท ล่าง ไย่ นี่ ซไบ้ะ แซ นอ อ พ้า, อ นอ เมะ เว๊ ท ล่าง พี่ กแช่ แยว้ ลู่ง อ โอ ดี๊ อ ซยื๊ง อ ซย้อง ดู ทึ ล แฌ้ นอ ปล้ะ ล้าง อ ท ซ้ะทาง พ้ะดู

ท​เน​โพล​ทาง 2:12

กวิ้ เอะ ท มุ้คู พู พี่ อ โอ ลู่ง โพล้ง ทื๊ง ซยอง เท่อ เว่ง เปอกามาง อ ไละ บี่ อี้ง โพล้ง พี่ อ โชะ ดี๊ น้ะ อ แน่ ไอ คี๊ง แพ้ ล แฌ้ นอ ไจ้ะ เว๊ บี่ อี้ง

ท​เน​โพล​ทาง 2:16

ท บี่ นอ เปลง ไท้ น ซ้ะ อ ซ๊าง ไช้ะ, เมะ ล แม้ บี่ นอ แบ จ ม เฌ๊ ฌู แน้ เพลๆ, อี้ง ล้อ, ฌ้อง จ ม เจ่ น้ะ พี่ อ โอ จ นุ้ พ้า เฌ๊ ทาง นอ กล้าง โพล้ง ล แพ นอ