อีซยา 48:5 - Northern Pwo Karen Thai Bible

⁵ ก โล้ เอะ แน้ ไยะ เย้า พี่ อ ล คลึ้ กึทาง ได้ะแบ อู้ง นอ, ก นี่ อางโล๊ไท้ เกม๊า น คุ้ช๊องแน เย้า ไค๊ไก้ะ น ม ไคล้ บี่อี้ง, “จ ทเค่งทฌ้าง แม้ แด เว๊ ล้อ จ ทเค่งทฌ้าง แพล้กีงแพล้ไว้ นี่-อ้ะ, ดี๊ จ ทฌ้าง ท้ะ โล๊ล้าง นี่-อ้ะ นอ, อางแบเลา อ เฌ๊”

อีซยา 48:5 ပူးပေါင်းရင်းမြစ်များ

อีซยา 43:19

อี้งเซ้อ, ก แม้ ท อ ซ๊างๆ ค๊องเนงอี้ง, อ เมทาง, น ล แด แบ-อ้า? ดี๊ ก ม แม้ เกล้ ลู่ง แพะคูทเคแกล้ ดี๊ แม้ ที๊งกล้อง ลู่ง ทล่าง ซู๊งไฆ๊ พ้า

อีซยา 44:7

โพล้งเล้ เก บี่ซุ้ดี๊ เฆ้อ?, เกม๊า อ เว๊ โล้ล้าง เท่อ เกม๊า อ เว๊ โล้ล้าง เกม๊า ซีงแฌ๊, ดี๊ เกม๊า อ อางโล๊ไท้ เอะ แย้ ท อ ไฌ่ ล ฆ๊างๆ ลโค๊ลู่ง ก ต๊างทาง โพล้ง เฌงพูฆ๊างพู ลู่ง เอะอู้ ดี๊ เกม๊า อ โล้ เอะ อ ซื๊งเว๊ ลแพ นอ, แบฆ้ะ ดี๊ ท พี่ ม เฌ๊, ดี๊ ท พี่ ม กึทาง นอ

อีซยา 44:8

ซ้ะเม ล ฌี้, ดี๊ เซิงไพ่ซ้ะว้ะ ล ฌี้ ก อางโล๊ไท้ เกม๊า น คุ้ช๊องแน, ลโค๊ลู่ง อไยะอเช้ ดี๊ โล้ล้าง เกม๊า ซีงแฌ๊ เย้า ล เมะ แบ-อ้า? ดี๊ น ซื๊ง ซีง ลแพ เก ก พีงญาง พี่ ล เมะ เฆ้อ แบ นอ, กแช่แยว้ อ แฌ้แพ โอ ได้ะ-อ้า? กแช่ ไล๊ อ แฌ้แพ ล โอ แบ, ก ล ซีงแฌ๊ น่างชุ้ แบ”

อีซยา 45:20

“เกม๊า โอซยอง, ดี๊ เฌ๊ฆ้าง เกม๊า เฌ๊ โอเบ้า พ๊าฆ่าง เปราะ, น ซื๊ง โพล้ง กุ้ชื้อกุ้ชะ อ โพล้ง พี่ พ้องพลิ้ ซี๊ง อ ซื๊งเว๊ ซีง ลแพ, อ ท ซีงแฌ๊แน่ฌ๊า ล โอ แบ เมะเว๊ โพล้ง ลแพ นอ, พี่ ลี้โชะ อ ทเค่งทฌ้าง เซง ดี๊ ชูแพอางท่าง เท่อ ดี๊ ท กโช้งกแช่ พี่ แม้ช้า-อ้ะ, เกม๊า พ้องพลิ้ ล ซี แบ

อีซยา 46:10

โพล้ง พี่ โล้ล้าง ท อ ทึ, เกม๊า ซีงแฌ๊ โค๊ ลู่ง แม้ ทางซ๊าง เท่อ ดี๊ โล้ล้าง เท่อ พี่ ล นี่ แม้ ได้ะแบ นอ, เกม๊า ซีงแฌ๊ โค๊ ลู่ง อไยะอเช้ แค๊ อู้ง เลา ดี๊ ไจ้ะเว๊ บี่อี้ง, ‘ก ท ช๊องมองเว้ทแม้ ม โอเฌิ่งโอค๊า ดี๊ ก ม แม้ เท่อ กุ้เม้ง บี่ซุ้ดี๊ ท แบ ก ซ้ะ นอ ล้อ’

อีซยา 48:3

ท พี่ อ พ้องไฆวะ เย้า นอ, ก นี่ โล้ล้าง เกม๊า ซีงแฌ๊ ไยะ เย้า อ ไจทางนี่ ลู่ง ก นุ้ พ้า, ดี๊ ก นี่ อางโล๊ไท้ เกม๊า คุ้ช๊องแน ดี๊ ล ทีงฆ่าง นอ, ก นี่ แม้-อ้ะ, ดี๊ อ เกทาง เว๊ บี่นอ ล้อ

ลูกา 1:70

อ เว๊ โล้ เว้ เว๊ ลู่ง เอะ อู้ เย้า เจ่ โม ไคล้ คิ้-อ้ะ พี่ อ โอ ดี๊ อ ซยื๊ง อ ซย้อง ไคล้ เท่อ นอ

ท​แม้ 15:18

กแช่ แยว้ พี่ อ เกม๊า โพล้ง ซีงแฌ๊ แน่ฌ๊า ท ล แพ อี้ง ลู่ง อ ไยะ อ เช้ อู้ง นอ เย้า, โล้ เว๊ บี่ นอ’