อีซยา 41:23 - Northern Pwo Karen Thai Bible

²³ เกม๊า โล้ล้าง แบฆ้ะ ดี๊ เท่อ พี่ ม กึทาง ท่อง อี้ง ชู่ง แย๊ บี่ซุ้ ก ม ซีงแฌ๊-อ้ะ น ซื๊ง เก ท กโช้งกแช่ เอ้อ, เกม๊า แม้ ท อ ฌี้-อ้า, ท อ อ้า-อ้า บี่ซุ้ ก ม แคว่ท๊าง ดี๊ แคว่ ซกุ้ ดุ้-อ้ะ พ๊าฆ่าง เปราะ

อีซยา 41:23 ပူးပေါင်းရင်းမြစ်များ

อีซยา 19:12

น โพล้ง ซีงแฌ๊แน่ฌ๊า เท่อ โอ พี่จองเล้? เกม๊า อ เว๊ โล้ แน้, ดี๊ เกม๊า อ ซื๊งเว๊ โล้ ซีงแฌ๊ เท่อ บี่อี้ง เซ้อ กแช่ยาเว ซึ้คู ดูทึชองทึ อ ท แบซ้ะ โอ ดี๊ โพล้ง อีไย้ะ บี่จะเล้

อีซยา 42:9

แคว่เซ้อ, ท พี่ อ พ้องไค๊ไฆวะ เย้า นอ, ฌ้องทางเกทาง เว๊ ดี๊ ก โล้ล้าง ก้ะ ท อ ซ๊าง ล้อ พี่ ท ลแพ นอ ล คลึ้ กึทาง ได้ะแบ นอ ก นี่ อางโล๊ไท้ เกม๊า คุ้ช๊องแน เย้า

อีซยา 43:9

เกม๊า โพล้ง กุ้ชื้อกุ้ชะ เลาพะ, แพโซง ล พ๊า ฆ่าง เปราะ ดี๊ เกม๊า โพล้ง อ ชื้อ ลแพ นอ, โอซยอง โละซ้ะ ลู่ง อ ซื๊งเว๊ อซุ้อแกล้ นอ, โพล้ง โอ ล แฌ้ๆ, ชี่-อ้า พี่ โล้ล้าง ท ล เม้ง อี้ง ซี? ดี๊ อางโล๊ไท้ ท พี่ อ พ้องไฆวะ เย้า นอ, เกม๊า ก คุ้ช๊องแน ซี? เกม๊า อ ซื๊งเว๊ เฌ๊โชะ อ พีงญาง, เฌ๊ ลองแม้แคว่ดุ้ ปล้ะล้างที๊ง เว๊ บี่อี้ง, อ เว๊ แบเมาะ ดี๊ เกม๊า อ ซื๊งเว๊ คุ้ช๊องแน เท่อ, ดี๊ ไคล้ บี่อี้ง, “เมะ เต้ๆ, ล้อ”

อีซยา 45:21

เกม๊า โล้ล้าง ท อไฌ่อกย้อง, ดี๊ เฌ๊ฆ้าง ฌ้า เบ้าทาง-อ้ะ เอ้อ, เกม๊า อ ซื๊งเว๊ ลแพ นอ, ก้างแก้ เนฌ้าโล้ฌ้า โละ อ ซ้ะ โพล้งเล้ อางโล๊ไท้ ท ล เม้ง อี้ง, เกม๊า คุ้ช๊องแน เว้ ไยะ เย้า? โพล้งเล้ โล้ล้าง เกม๊า ซีงแฌ๊, ล โค๊ ลู่ง อไยะอเช้ แค๊ อู้ง เย้า? เมะเว๊ เฆ้อ อี้ง ล้อ, ยาเว ล เมะ แบ-อ้า? โอ เว๊ เฆ้อ ล แฌ้ ล้อ, กแช่แยว้ อ แฌ้แพ ล โอ ล้า แบ กแช่แยว้ พี่ อฌี้อแอว้, ดี๊ แม้ช้า เกม๊า พ้องพลิ้ โอ เว๊ เฆ้อ ล แฌ้ ล้อ, โพล้ง อ แฌ้แพ ล โอ แบ

อีซยา 45:3

ก ม เกล๊าง เอะ แน้ คองแซย้ ลู่ง ทไค้ะ แกล้ ดี๊ เกล๊าง ทฆ้าทโฆ่ ลู่ง ทล่าง กดื้งกทะ พ้า บี่ซุ้ น ม ซีงแฌ๊ อ้ะ บี่อี้ง, เฆ้อ เมะเว๊ ยาเว อีซลาเอง อ กแช่แยว้, พี่ อ กุ้ แน้ บี่ซุ้ดี๊ น เม้ง

อีซยา 46:7

อ ซื๊งเว๊ ลแพ นอ, โชะทาง ทเค่งทฌ้าง นอ ลู่ง จื๊งแป คู, ฌ้อง ไท้ ยุ้ เว๊ อ ซื๊งเว๊ ช๊างล้าง เว๊ ลู่ง อ ล่าง โอ ลี้ง คระ, ดี๊ อ โอ เว๊ พี่ นอ ล้อ อ ไจแดไฆวะ พี่ นอ ล ซี แบ พี่ โพล้ง เฌ๊ กุ้ซย้ะ อางท่าง เท่อ ดี๊ ทเค่งทฌ้าง นอ, อ แม้ช้าอางช้า เท่อ ล ซี แบ ดี๊ อ เท่อ แม้ช้า-อ้ะ, เกม๊า พ้องไฆวะ ดี๊ อ ทน้ะทโน๊ง ล ซี แบ

เยเรมี 10:5

อ ทเค่งทฌ้าง นอ, บี่ซุ้ดี๊ ทฌ้าง โฌ๊ไจ กล้ะ, โอ ลู่ง โซ๊ง ที้ง ช๊างอี พ้า อ ไคล้ ล ซี แบ โพล้ง แบ ลี้โชะ เว๊ เป๊งนี่ อ ไจ ล ซี แบ ซ้ะเม-อ้ะ ล ฌี้ เมะเว๊ อ แม้อ้าแม้ซ๊าง เท่อ ล ซี แบ ดี๊ อ แม้ ทฌี้ทแอว้ ล ซี แบ ปะ”

ดานีเอง 2:9

น เมะ ล เกม๊า ก ซีงแฌ๊ ทอางมี๊งม่าง แบ นอ, โอ ดี๊ ทไคล้ ต้ะเซ๊ง แน้ ล ทีง ล้อ, น ซื๊ง เอิ้งล้าง ม ไคล้ คีงอูง เท่อ, ดี๊ ไคล้ กไบล้ะกแบล ดี๊ เฆ้อ, แบซีงลู่ง ท กึทาง อ ซ้ะ ม เปลงไฆวะ อ ซ้ะ, อกย้องบี่นอ, เกม๊า น โล้ เอะ เฆ้อ ทอางมี๊งม่าง, ฌ้อง ก ม ซีงแฌ๊-อ้ะ, แน้ น แม้แบไท้ เอะ เฆ้อ ทอางมี๊งม่าง ซี”

โยฮาง 13:19

อ นอ ล เก ทาง ได้ะ แบ, แบเด้าะ จ โล้ เว้ น ซื๊ง บี่ ซุ้ เมะ เก ทาง โคะ นอ, น ม นะ แย้ พี่ จ เก ล แฌ้ แย๊ นอ ล้อ

ท​แม้ 15:18

กแช่ แยว้ พี่ อ เกม๊า โพล้ง ซีงแฌ๊ แน่ฌ๊า ท ล แพ อี้ง ลู่ง อ ไยะ อ เช้ อู้ง นอ เย้า, โล้ เว๊ บี่ นอ’