อีซยา 39:6 - Northern Pwo Karen Thai Bible

⁶ ‘แคว่เซ้อ, อช๊าอโท่ เฌ๊ เบ้า ม ท้อง เย้า, พี่ ทกุ้เม้ง พี่ โอ น บลาง พ้า, ดี๊ ทกุ้เม้ง พี่ นพี๊งนพู๊ง ลู่ง แย๊ อู้ง, นี่ อางกีซยอง เว๊ ท้อง กุ้ มื่งนี้ง อี้ง, ม แบ ท แม้นี่ ลี้โชะ ลู่ง บาบีโลง พ้า, เท่อ ล โอ ล้างลื๊อ น่างเม้ง ล้า แบ, กแช่ยาเว โล้ เว๊ บี่อี้ง ล้อ

อีซยา 39:6 ပူးပေါင်းရင်းမြစ်များ

2​กจุ้แฆว้ 24:13

ดี๊ กจุ้แฆว้ ค่าง บาบีโลง โชะนี่ก้ะ คองแซย้ ลู่ง กแช่ยาเวอล่างโอ พ้า, ดี๊ ทฆ้าทโฆ่ ลู่ง บลาง พ้า, ดี๊ แม้เทะนี่ ทซู๊งทเจ่ พี่ อ เก ท๊อง, พี่ ซาโลโม กจุ้แฆว้ ค่าง อีซลาเอง ไต้ทาง เว๊, ลู่ง กแช่ยาเวอเว่งฮ๊าง พ้า นอ, ทแม้ อ ซ้ะ บี่ซุ้ดี๊ กแช่ยาเว ไคล้ เว้ เว๊ เย้า นอ ล้อ

2ทกวิ้ไน 36:10

ท่อง อ ท้อง ทคู่ แค๊ นอ, กจุ้แฆว้ เนบูคาเนซา เจ่ทาง โพล้ง เกม๊า เฌ๊ฌ้า เยโฮยาคี ลู่ง บาบีโลง พ้า เฌ๊ โชะ ดี๊ กแช่ยาเวอล่างโอ อ ทฆ้าทโฆ่ พี่ อ ลื่งดูฆวี้แค้ นอ, ดี๊ ต๊างทาง อ ตแคว๊ เก กจุ้แฆว้ โพะคอง ยูดา ดี๊ เว่ง เยรูซเลง

2ทกวิ้ไน 36:18

ดี๊ ทซู๊งทเจ่ กุ้เม้ง ลู่ง กแช่แยว้อล่างโอ พ้า, เลา ดี๊ อ ดู อ ปี๊, ดี๊ คองแซย้ ลู่ง กแช่ยาเวอล่างโอ พ้า, ดี๊ กจุ้แฆว้ อคองอแซย้, ดี๊ อ กดูกแซย่ อคองอแซย้, กจุ้แฆว้ นอ เฌ๊ โชะ เท่อ เลาพะ นอ ลู่ง บาบีโลง พ้า

เยเรมี 20:5

แอ นี่ อ นอ ได้ะ, เว่ง อี้ง อ ทโอทช๊อง, เมะเว๊ ท อซูงอแซ กุ้เม้ง, ดี๊ เว่ง อี้ง อ ท ลื่งโอฆวี้โอ กุ้เม้ง, ดี๊ ยูดา อ กจุ้แฆว้ อคองอแซย้ กุ้เม้ง นอ, ก ม อางกีล้าง-อ้ะ ลู่ง อ ซื๊งเว๊ ซีง ลแพ อดีงอแด้ อ จูง พ้า, โพล้ง พี่ ม ตมละ เท่อ ดี๊ แม้ แคแน เท่อ, ดี๊ พองนี่ อ ซื๊งเว๊ ลี้ ลู่ง บาบีโลง นอ ล้อ

เอเซเคียง 23:26

อ เว๊ ม เบ้าะล้างไฆวะ นไช๊นช้าง, ดี๊ แม้นี่ก้ะ น ทฆ้าทโฆ่ อฌี้อแอว้

ดานีเอง 1:2

ดี๊ ทอดูทึโท๊ทึกแช่, อางกีล้าง ยูดา อ กจุ้แฆว้ เยโฮยาคีง ลู่ง เนบูคาเนซา อ จูง พ้า, ล พ๊าฆ่าง ดี๊ เด้กแช่แยว้อล่างโอ อ ทพ้าทล่าง แบ ล เม้งๆ, ดี๊ อ เว๊ แม้นี่ ทพ้าทล่าง ลแพ นอ, เฌ๊โชะ เว๊ ลู่ง ค่าง ชิ้นา, เฌ๊ ลู่ง น ท กโช้งกแช่ อ ล่างโอ, ดี๊ ชวี๊งล้าง ทพ้าทล่าง ลแพ นอ ลู่ง อ กแช่แยว้ อ ทล่างอางกีซยองเท่อ อ พ้า

ดานีเอง 1:3

ฌ้อง กจุ้แฆว้ นอ อางแบเลา อาเปนา, อ เว๊ อ กแคว๊ได้ะดีง อคูอแน่, ลี้ฌ้า โพล้ง อีซลาเอง แบ ล แฌ้ๆ, เลา ดี๊ อชื้ออชะ ดี๊ เพล่ดูแม้เท่อบลางพ้า อชื้ออชะ