อีซยา 31:9 - Northern Pwo Karen Thai Bible

⁹ อ ทล่างทุ้กดื้งซ้ะ ม เลาไฆวะ ดี๊ ท เซิงไพ่ซ้ะว้ะ ดี๊ อ เซงคู ลแพ นอ ม ญ๊องไฆวะ ตไก้ยะ แม้ไน เท่อ ดี๊ ท ซ้ะเมซ้ะไพล้ กแช่ยาเว พี่ อ มี โอ ลู่ง ซีโยง พ้า ดี๊ กแช่แยว้ พี่ อ มีอ้า ล่าง โอ ลู่ง เยรูซเลง พ้า นอ, ไจ้ะเว๊ บี่อี้ง ล้อ

อีซยา 31:9 ပူးပေါင်းရင်းမြစ်များ

อีซยา 10:16

ทบี่นอ, ทอดูทึโท๊ทึ กแช่, กแช่ยาเว ซึ้คู ดูทึชองทึ ม ดึ้ เกม๊า ทแช๊ ฆวี่กิ้ เฌ๊ ลู่ง อ โพล้ง เค่งดูฌ้างโท๊ ลแพ นอ อ โป้ง พ้า ดี๊ ม โอ ดี๊ ท เช้า เค้ทาง ลู่ง อฆี๊งอแล้ เช๊ละ บี่ซุ้ดี๊ มีอาง เท่อ

อีซยา 10:17

ทโฌ่งทพ้าง ลู่ง อีซลาเอง ม เก มี ดี๊ อ กแช่แยว้ ลู่ง อฌี้อแอว้ ม เก มีเค้ ฌ้อง มี ม อาง ดี๊ แม้เฌ๊ฌ้อง อ ทชูง พ้ะดู ดี๊ อ ทชูง พูปรี้ง ล นี้ง ฆ่าง ล้อ

อีซยา 11:10

ล นี้ง แย๊ นอ, เจซี อฌี่งอเฌ้ พี่ ต๊างทาง เก ทแม้ไน เอะ โพล้ง กุ้ชื้อกุ้ชะ, ดี๊ อ เว๊ ม เก โพล้ง กุ้ชื้อกุ้ชะ อ ท อางฆื๊ง นี่, ดี๊ อ เว๊ อ ล่าง โอไปว้ะ ม ดูทางโท๊ทาง

อีซยา 13:2

เกม๊า เยาทาง ตไก้ยะ แม้ไน เท่อ, ลู่ง ทลู่ง เกล้งเน้ง คู เกม๊า กุ้ซย้ะ อ ซื๊งเว๊ ลแพ นอ แว่จูง เกม๊า อ นึฆ้าง ลู่ง เซงคู อ เว่ง ป้ะตู๊ง พ้า

อีซยา 17:13

กเย่ โพล้ง กุ้ชื้อกุ้ชะ, แม้ เซ๊ อ ลู่ง ล้างว้างล้างซวาง, บี่ซุ้ดี๊ ที๊ง แอฌี่งแอฌ้อง อ ลู่ง แบเด้าะ กแช่แยว้ ม แม้น้าแม้ฆ่าง -อ้ะ, ดี๊ อ เว๊ ม ไจคุ้ซูงไฆวะ ไย้โยะ แบ ท โฌ๊ไจไฆวะ บี่ซุ้ดี๊ พี๊ซวิ้, พี่ แบ ลี้งอูง-อ้ะ ลู่ง ทลู่ง คู บี่ซุ้ดี๊ ทมูงทมวี๊ง พี่ อ ดี้งไฆวะ ลู่ง ลี้ง อ เมะแซ พ้า

อีซยา 18:3

น ซื๊ง กุ้แฌ้ พี่ เก โพล้ง ฌางคูโคล๊งคู โพล้ง พี่ เปิ่งโอเปิ่งช๊อง ลู่ง ฌางคูโคล๊งคู ซีง ลแพ ท่อง ตไก้ยะ แม้ไน เท่อ, โชะทาง อ ซ้ะ ลู่ง ทลู่ง คู นอ, น ซื๊ง ม แด-อ้ะ ล้อ ท่อง โอ ดี๊ ท อูงเซ๊ ทาง ทพูแฆ่ อ โน้ง นอ, น ม แน่ฌ๊า-อ้ะ ล้อ

อีซยา 26:1

ล นี้ง แย๊ นอ, อ เว๊ ม ซ้ะอวีงแท๊ อี้ง ลู่ง ค่าง ยูดา พ้า “ก เว่ง อเฌิ่งอค๊า โอ ล เว่ง กแช่แยว้ ต๊างทาง ทพ้องทพลิ้ เก กางแป ดี๊ ท อ ช๊า ด้างทะ เท่อ

อีซยา 27:7

กแช่แยว้ ม เป้ อีซลาเอง บี่ซุ้ดี๊ เป้ โพล้ง พี่ อ เป้-อ้ะ ชี่-อ้า? อีซลาเอง ม แบ ทแม้ซี๊ง บี่ซุ้ดี๊ โพล้ง แม้ซี๊ง-อ้ะ นอ, แบ ทแม้ซี๊ง-อ้า?

อีซยา 29:6

กแช่ยาเว ซึ้คู ดูทึชองทึ ม ลี้ไจ โอ แน้ ดี๊ ล๊างเซ๊, ดี๊ ฌางคู ว้ะ, ดี๊ ท อ ลู่ง เซ๊ พ้ะดู เลา ดี๊ ลี้ง ว้างไร้ะ, ลี้งเฌ๊ พ้ะดู, ดี๊ มีอ้า เค้ทาง พี่ อาง เฌ๊ฌ้อง เท่อ

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

อีซยา 37:37

ฌ้อง อะซีเรีย อ กจุ้แฆว้ เซงนาเคอรี นอ, แญ่ไฆวะ อ ล่าง, ดี๊ ไท้ไท้ ลู่ง เด้า, ฌ้อง เปิ่งโอเปิ่งช๊อง ลู่ง เว่ง นีนะเว พ้า

อีซยา 4:4

พี่ ทอดูทึโท๊ทึ กแช่ นี่ ซฌ้ะไฆวะ ซีโยง อ พูมืง ลแพ นอ อ ท แบอ้าแบซ๊าง, ดี๊ แม้เช๊งแม้เกล้ง เยรูซเลง อ ซวีง ล่าง ลู่ง เว่ง นอ อซุ้อแกล้, ดี๊ วีงแล้ ลู่ง ทต้ะเซ๊ง, ดี๊ วีงแล้ ลู่ง เช้า อางไฆวะ เท่อ

อีซยา 5:26

กแช่แยว้ ม แม้ ซีงแฌ๊ เท่อ เอะ โพล้ง กุ้ที๊งกุ้ค่าง พี่ อ โอ ไย้ ดี๊ กแช่แยว้ ยู อ นุ้, กุ้-อ้ะ เฌ๊นี่ ลู่ง มุ้คูทึ ฌางคูทึ ดี๊ อี้ง เซ้อ, อ เว๊ ม เฌ๊ เพลเพล้าเด้า ดี๊ ปชื่งปตี้

อีซยา 66:15

เมะเว๊ แคว่เซ้อ, กแช่ยาเว ม เฌ๊ ดี๊ มี ดี๊ อ เลาะ ดึ้ซึ้ บี่ซุ้ดี๊ ลี้งเฌ๊ พ้ะดู บี่ซุ้ เนโพลทาง อ ท ซ้ะทาง พ้ะดู ดี๊ เนโพลทาง อ ท แม้น้าแม้ฆ่าง ดี๊ มี

เลวี​อ​ไฌ่ 6:13

อ เว๊ แบ ยู่แคว่ เท่อ, เกม๊า มี เค้ ท๊าง ลู่ง ทลื่งล่าง คู ครึๆ, เกม๊า อ ล้างไพะ ล ฌี้ เฆาะ

เซคารียา 2:5

ก ม เก บี่ซุ้ดี๊ กางแป มีเค้ พ้องวะทะ-อ้ะ, ดี๊ ก ม เก ทฆี๊งทแล้ ลู่ง เว่ง พ้า นอ, กแช่ยาเว โล้ เว๊ บี่อี้ง ล้อ’

มาลาคี 4:1

“กแช่ยาเว ซึ้คู ดูทึชองทึ ไจ้ะเว๊, อี้งเซ้อ, ล นี้ง แย๊ นอ, ม เฌ๊ ท้อง, เมะเว๊ มื่งนี้ง พี่ ม อาง เฌ๊ฌ้อง เท่อ, บี่ซุ้ดี๊ มีอ้า ล่าง ฆู่ง เม้ง เท่อ, พี่ โพล้ง ทื่งดูล้างซ้ะ กุ้แฌ้, ดี๊ โพล้ง พี่ แม้ ทอ้าทซ๊าง เลาพะ นอ, ม เก บี่ซุ้ดี๊ โล่ทุ้, มื่งนี้ง พี่ ม เฌ๊ นอ, ม อางไฆวะ-อ้ะ เลาพะ, ท้อง ลู่ง อ ฌี่ง ฌี้, อได้อพ๊าง ฌี้ นอ, ล โอ ล้างลื๊อ ล้า แบ

โล้​ล้างที๊ง​ทอางแม้เลา 32:31

อไฌ่บี่อี้ง, อ เว๊ อ โล่ง นอ, ล บี่ซุ้ดี๊ เฆ้อ ก กแช่ ไล๊ แบ ทึเมะ กดีงกแด้ นอ, ต้ะเซ๊ง เว๊ บี่ นอ ล้อ

โล้​ล้างที๊ง​ทอางแม้เลา 32:37

ฌ้อง กแช่แยว้ ม ไจ้ะเว๊, ‘อ ซื๊งเว๊ อ ท กโช้งกแช่ ลแพ นอ, โอ พี่จองเล้ ไล๊ พี่ อ เว๊ โอคุ้ซูง เท่อ นอ, โอ พี่จองเล้?