อีซยา 3:9 - Northern Pwo Karen Thai Bible

⁹ อ ซื๊งเว๊ ซีง ลแพ อเมะอแน๊ อมยู๊อฮ๊าง นอ, เก พีงญาง ไจ้ะ แบ-อ้ะ อ ซื๊งเว๊ กุ้ซย้ะ โล้ล้าง อ ท เด้เทาเด้บ้ะ ด้องซุ้ เว่งโซโดง อ ซื๊งเว๊ ล นี่ อางกีซูงอางกีไบ้ะ เว๊ แบ ท เซงทื่งเฌ๊ฌ้อง แบ-อ้ะ เป๊งนี่ อ ซื๊งเว๊ แม้นี่ ทอ้าทซ๊าง เฌ๊ ท้อง อ กแช่ แด เว๊ ล้อ

อีซยา 3:9 ပူးပေါင်းရင်းမြစ်များ

ทอคางไท้ะ 13:13

โพล้ง แคว๊ เว่ง โซโดง นอ, เก โพล้งอ้าโพล้งซ๊าง, แม้ทเด้บ้ะ แบ กแช่ยาเว แอ มะ

ทอคางไท้ะ 19:34

ทพ้างทาง โฌ้โค๊, อ น่าง นอ, โล้ เอะ อ พื่ง ไจ้ะเว๊, “แคว่เซ้อ, มแน้ อู้ง นอ, จ ลี้ มี๊ง ดี๊ แพ่, ล แน้ แย๊ อี้ง นอ, เกม๊า แพ่ โอ้ ไซ้ะ ซไบ้ะ แซ ที๊ง เด้าะ, ฌ้อง นี๊แด ลี้ มี๊ง ดี๊-อ้ะ, บี่ซุ้ ก ม อางกีนี่แพ่ อชื้ออชะ”

ทอคางไท้ะ 4:5

แบเด้าะ คาเอง ดี๊ อ ทเทว๊ นอ, กแช่แยว้ ล แบ อ ซ้ะ แบ, คาเอง อ ซ้ะเฌ๊ทาง น้ะ มะ, ซย๊องล้าง อ เมะ

2​กจุ้แฆว้ 9:30

พี่ เยฮู เฌ๊ ท้อง เว่ง ยีซเรเอง พ้า นอ, น่าง เยเซเบง ซีงแฌ๊ เว๊, อ เว๊ แม้ ฆี๊งทาง อ ซ้ะ, กวิ้ อ เมะ อ แน๊ ดี๊ แม้ ฌี้ อ คูซู๊ง, ดี๊ แคว่ล้าง เท่อ ลู่ง ป้อง พ้า

ทอางปฆ้า 10:4

ลู่ง ททื่งดูล้างซ้ะ อกย้อง นอ, โพล้งอ้าโพล้งซ๊าง ล อางฆื๊งนี่ กแช่แยว้ แบ อ ทช๊องมอง เลาพะ นอ, เมะเว๊, “กแช่แยว้ ลโอแบ”

ทอางด้อง 15:32

โพล้ง พี่ ล ดุ้ อ แน่ ดี๊ ทซองทซ๊าง แบ นอ, ดึ้เดว ล้าง อ ซ้ะ แบเด้าะ โพล้ง พี่ ควี๊งคูแกยแน่ ดี๊ ท โล้ซีงแฌ๊ นอ, นี่แบ ท แนซีโน้งซี ล้อ

ทอางด้อง 30:13

โพล้ง พี่ อ เมะคลี๊ง ปล้ะล้าง ท ทื่งดู ล้างซ้ะ นอ โอ ดี๊ อ เมะไพ้ะ เนโพลทาง ท ทื่งฌี้ ล้างซ้ะ

ทอางด้อง 8:36

แบเด้าะ โพล้ง พี่ ล แด แย้ แบ นอ, ดึ้ เกม๊า อ กแช่ แช๊ กุ้แฌ้ พี่ แช๊เมะ ดี๊ แย้ นอ, อ เอ ทซี๊งทแซย”

อีซยา 1:10

เกม๊า คุ้ช๊องแน กแช่ยาเว อลู่งอแท๊ โพล้ง โพะคอง เว่งโซโดง-เอ้อ เกม๊า ดุ้แน่ คุ้ช๊องแน ก กแช่แยว้ อ ทอางแม้เลา โพล้ง เฌงพูฆ๊างพู เว่ง โกโมรา

อีซยา 3:16

ดี๊ กแช่ยาเว ไจ้ะเว๊ บี่อี้ง “เมะเว๊ กเย่ ซีโยง อ พูมืง ลแพ นอ, ทื่งดูล้างซ้ะ ดี๊ ไจ โคะเยาโคะโท๊ เลา ดี๊ อ เมะคลี๊ง แคว่ โล๊ไละ เท่อ ไจ แมละแจ้ะ ดุ้ อ ซ้ะ ซึ้ อ คาง เกม๊า อ เซ๊ โกร๊งเกร๊ง

อีซยา 57:20

แบเด้าะ โพล้งอ้าโพล้งซ๊าง นอ, บี่ซุ้ดี๊ ปางเล พี่ จึ้ไท้ะ อ ซ้ะ พี่ โอ กโช้ เฌิ่งเพิ่ง ล ซี แบ ดี๊ อ ที๊ง นอ, ควิ้คว้ะ กไพะ, ดี๊ ทโซยะทซย้าง เฌ๊ทาง

อีซยา 59:12

เป๊งนี่ ก ซื๊งเว๊ ซีง ลแพ, ก ท กไบล้ะกแบล ดี๊ กแช่แยว้ แอทางโฌ่ทาง ดี๊ ก ทเด้บ้ะ นอ, ไคล้ ชางบ้า เฆ้อ ล้อ อไฌ่บี่อี้ง, ก ท กไบล้ะกแบล โอ ดี๊ ก ซื๊งเว๊ ดี๊ ก ซื๊งเว๊ ก ช๊องมอง แบ ก ทเด้บ้ะ ออ้าอซ๊าง

เยเรมี 2:19

น ทอ้าทซ๊าง นอ, มซองมซ๊าง แน้ แด เว๊ ล้อ ดี๊ น ท ลโต้ลล้อง แบ นอ, ม อางโกไจ้ะแบ แน้ ล้อ เกม๊า น ซีงแฌ๊, ดี๊ แด-อ้ะ บี่อี้ง ไช้ะ, อ เก ทอ้าทซ๊าง, ดี๊ ท ซ้ะ เฌ๊ฌ้อง น้ะ มะ ล้อ พี่ ญ๊องไฆวะ กแช่ยาเว น กแช่แยว้ ดี๊ ท ดู้งแบยางแบ เฆ้อ นอ, ล โอ ดี๊ แน้ แบ เฆาะ” ทอดูทึโท๊ทึกแช่ยาเว, พี่ เก ซึ้คู ดูทึชองทึ นอ, ไจ้ะเว๊ บี่อี้ง ล้อ

เยเรมี 3:3

อกย้องบี่นอ, ทเฌ๊ช้า แบ ทแม้ โอโท๊ไฆวะ ดี๊ ทเฌ๊ช้า ลู่ง เนง คี๊ง นอ, ล โอ ล้า แบ แบเด้าะ น โอ ดี๊ กมืง เอโบ้งเอพะ เท่อ อ เมะเทิ่งคู น ซม๊า เท่อ, ล ญ่อง ฌางแช้ แบ

เยเรมี 6:15

พี่ อ เว๊ แม้ ท ล้าง แช๊เมะไฌ๊ซ้ะ นอ, อ เว๊ ฌางแช้ฌางเด ชี่-อ้า? ล เมะ แบ, อ เว๊ ล ฌางแช้ แบ เฆาะ อ เว๊ ล ซีงแฌ๊ ฌางแช้ แบ อกย้องบี่นอ, อ เว๊ ม ล้างเทะเค้า, ลู่ง โพล้ง พี่ อ ล้างเทะเค้า เย้า ลแพ นอ, อ โป้ง พ้า ท่อง ก แม้เตาแม้แต๊ อ ซื๊งเว๊ นอ, อ เว๊ ม ล้างอางซย่าง ล้อ” กแช่ยาเว โล้ เว๊ บี่อี้ง ล้อ

เยเรมี 8:12

พี่ อ เว๊ แม้ ท ล้าง แช๊เมะไฌ๊ซ้ะ นอ, อ เว๊ ฌางแช้ ชี่-อ้า? ล เมะ แบ, อ เว๊ ล ฌางแช้ แบ เฆาะ ล้อ อ เว๊ ล ซีงแฌ๊ ฌางแช้ แบ อกย้องบี่นอ, อ เว๊ ม ล้างเทะเค้า, ลู่ง โพล้ง พี่ อ ล้างเทะเค้า เย้า ลแพ นอ, อ โป้ง พ้า ท่อง ก แม้เตาแม้แต๊-อ้ะ นอ, อ เว๊ ม ล้างอางซย่าง ล้อ” กแช่ยาเว โล้ เว๊ บี่อี้ง ล้อ

ท​ฌางล้างย้าล้าง 5:16

คูคล้าง ล้างเทะแดไฆวะ เฆ้อ ก คู ล้อง เย้า ท เซงทื่งเฌ๊ฌ้อง แบ เฆ้อ, เป๊งนี่ ก แม้ ทเด้บ้ะ

เอเซเคียง 16:30

“ทอดูทึโท๊ทึกแช่ยาเว ไจ้ะเว๊, น ซ้ะ แช่ เต้ๆ, พี่ น แม้ ท ลแพ อี้ง นอ, เก กมืง เอโบ้งเอพะ เท่อ อ ทแม้ พี่ อ ซ้ะ ชอง ล้อ

เอเซเคียง 16:49

แคว่เซ้อ, ท ซ้ะ ชอง อี้ง ล้อ, เมะเว๊ น พื่ง มืงน้าง โซโดง อ ทเด้เทาเด้บ้ะ, อ เว๊ ดี๊ อ พู มืงน้าง นอ, อ ทอาง โอ ล้างลื๊อล้างพื๊อ, โอ ดี๊ ทมึทพ้า ดี๊ ทซยืงทบ้ะ, แบเด้าะ ล ญ่อง แม้ช้า โพล้งน้ะโพล้งซยาง ดี๊ โพล้ง ลกู้งลล๊า แบ

เอเซเคียง 23:16

ท่อง อ แด เว๊ นอ, เซิงไต้ะซ้ะไต้ะ อ ซื๊งเว๊, ฌ้อง โซ๊งทาง โพล้งไคล้เดิงเท่อ ลี้ฌูง อ ซื๊งเว๊ ลู่ง เคลเดีย

ดานีเอง 7:20

ดี๊ แบซ้ะ ซีงแฌ๊ แบฆ้ะ ดี๊ ทโน้ง อ บ้อง ล ชี๊ง, พี่ โอ อ คู ล้อง, ดี๊ ทโน้ง ล บ้อง เด้าะ, พี่ ซยุ้ทาง ลู่ง ทโน้ง ซ๊า บ้อง อ ต้องคู ล ว๊าง อ เมะแซ พ้า, พี่ อ ล้างพลืงไฆวะ นอ, ทโน้ง พี่ โอ ดี๊ เมะคลี๊ง, ดี๊ โอ ดี๊ นุ้ พี่ ไคล้ คีงอูงคีงตู๊ง เท่อ, ดี๊ พี่ แคว่-อ้ะ บี่ซุ้ดี๊ ม ดูเละโท๊เละ อ ฌุ้พาง นอ

โฮเชยา 13:9

โอ้, อีซลาเอง-เอ้อ, ก ม แม้เฌ๊ฌ้อง แน้ โพล้งเล้ ม แม้ช้า แน้ ซี?

โฮเชยา 5:5

อีซลาเอง อ ท ทื่งดู ล้างซ้ะ นอ, โพลทาง เก พีงญาง ลู่ง อ เมะแซ พ้า เย้า อีซลาเอง ดี๊ เอฟาอีง ม แบท้า ลู่ง อ กแช่ อ ทไพ้ะทแม พ้า ยูดา นอ แบท้า ลี้ ดี๊ อ ซื๊งเว๊ ซีง ลแพ ปะ

โรมา 6:23

อ ไฌ่ บี่ อี้ง ท เด้บ้ะ อ แซ เมะ เว๊ ท ซี๊ง, แบเด้าะ กแช่ แยว้ อ ท เกล๊าง โปล้ นอ, เมะ เว๊ ท ม๊า ล้างชู้ ล้างแกย, พี่ ก โอ ลู่ง ก กแช่ เยซู คริ้ อ ซุ้ นอ ล้อ

ท​เน​โพล​ทาง 11:8

อซื๊งเว๊ อ จู นอ ม โอ ลู่ง เกล้ เว่ง พ้ะดู พ้า ล จอง นอ, เมะ เว๊ เว่ง พี่ อ กแช่ เยซู แบ ท แพล้ ทาง-อ้ะ, เว่ง ล จอง นอ อ เม้ง แบ ทอางด้องล้าง ดี๊ เฌง โซโดง ดี๊ ค่าง อีไย้ะ

1ซามูเอง 15:32

ซามูเอง ไจ้ะเว๊, “เกม๊า น ซื๊ง เฌ๊ฌ้า อาก้ะ โพล้ง อามาเละ อ กจุ้แฆว้ นอ เอะ แย้, ดี๊ อาก้ะ เฌ๊ฆ้าง ฌูง-อ้ะ โอ กโช้ ไก้ไม่, อาก้ะ ไจ้ะเว๊, “ทซ้ะเฌ๊ฌ้องน้ะ ลู่ง ทซี๊ง อ กย้อง นอ, ม พ้องไฆวะ ดี๊ แย้ เต้ เย้า”