อีซยา 26:17 - Northern Pwo Karen Thai Bible

¹⁷ ด้องซุ้ กมืง ด้า พี่ ไวะ อ ซ้ะ ดี๊ กุ้ซย้ะ เท่อ ดี๊ ทแช๊ ทคลี พี่ เบ้า ม ท้อง อช๊าอโท่ อ พู แบ โอ จ กแช่ยาเว-เอ้อ, เฆ้อ ลแพ อี้ง นอ, ก เก โพล้ง บี่นอ ลู่ง กแช่แยว้ อ เมะแซ พ้า

อีซยา 26:17 ပူးပေါင်းရင်းမြစ်များ

ทอคางไท้ะ 3:16

กแช่แยว้ โล้ เอะ โพล้ง มืง นอ ไจ้ะเว๊ “ก ม แม้ แอทาง เอะ แน้ ทน้ะทโน๊ง ดี๊ พี่ น ด้า นอ, น ม กึทาง น พู ดี๊ ทแช๊ ทคลี ทึเมะ บี่นอ ฌี้ นอ, น ม แบเซิงแบซ้ะ ดี๊ น แว้ ได้ะ ดี๊ อ เว๊ ม โพะคอง แน้ ล้อ”

ทอางปฆ้า 48:6

ทพล่างซ๊าง กลึ้ไบ้ะ อซื๊งเว๊ พี่นอ โอ ดี๊ ทน้ะทโน๊ง, ด้องซุ้ กมืง อ พู โอ อ แค๊

อีซยา 13:8

ดี๊ อ ซื๊งเว๊ ม ซยึ้ ซ้ะเม เท่อ ทแช๊ ดี๊ ทคลี ม เชาเช๊ง-อ้ะ อ เว๊ ม เฌ้พลื่งเฌ้มวี๊ง ด้องซุ้ กมืง อ พู มโอ อ เว๊ ม แคว่ โละ อ เมะ ดี๊ ท เซิงไพ่ซ้ะว้ะ อ ซื๊งเว๊ อ เมะ บี่ซุ้ดี๊ มีพ้าง

อีซยา 21:3

อกย้องบี่นอ, จ ย่างเด้ง โอ ฆวี้ ดี๊ ทน้ะทโน๊ง ทแช๊ ทคลี เชาเช๊ง ทะ แย้ บี่ซุ้ดี๊ กมืง พี่ อ พู โอ อ ทแช้ ทคลี ทฆ๊า แบ จ ซ้ะ ท้อง ลู่ง คุ้ช๊องแน ล ซี แบ จ ซ้ะ ล้างท่อง ท้อง ลู่ง แคว่ ล ซี แบ

อีซยา 37:3

อ ซื๊งเว๊ ลแพ นอ, โล้ แบ-อ้ะ บี่อี้ง, “เฮเซคียา ไจ้ะเว๊ บี่อี้ง, ‘ล นี้ง แย๊ อี้ง, เก มื่งนี้ง น้ะเซิงน้ะซ้ะ, มื่งนี้ง พี่ แบ ทไจ้ะทไคล้, ดี๊ มื่งนี้ง ล้าง ฌางแช้, พืงแซ แบมื่ง กึทาง, แบเด้าะ ไฌ่แบ้ โฆ๊ง เกม๊า อ กึทาง ล โอ แบ

เยเรมี 30:6

เกม๊า อางจ้ะ เท่อ แดเทา, ดี๊ แคว่-อ้ะ กแคว๊ อ พู ม โอ ซี ชี่-อ้า? แบทเล้ ก แด กแคว๊ กุ้แฌ้ อ จูง ชางล้าง เว๊ ลู่ง ย่างเด้ง, บี่ซุ้ดี๊ กมืง อ พู ม โอ? แบทเล้ กุ้แฌ้ อ เมะ ล้างบ้าง ล้างโมย?

เยเรมี 4:31

อไฌ่บี่อี้ง, ก แน่ฌ๊า ท อ ลู่ง, บี่ซุ้ดี๊ กมืง อ พู โอ อ ลู่ง กุ้ซย้ะ เท่อ อ แช๊ น้ะ ด้องซุ้ ดี๊ ม กึทาง อ พู วี่แซย่ ซีโยง อ พูมืง อ ลู่ง กุ้ซย้ะ เท่อ นอ, อ ซ้ะ เบ้า ม เทะ เย้า เย้า ฆ้าง อ จูง กุ้ซย้ะ เท่อ ไจ้ะเว๊ บี่อี้ง “ทเซงทื่งเฌ๊ฌ้อง แบ แย้, จ ไฌ่แช่แบ้แช่ โอ ลู่ง โพล้ง แม้ซี๊ง เท่อ อ เมะแซ พ้า ล้อ”

เยเรมี 6:24

ก ซื๊งเว๊ ก แน่ฌ๊า ทโล้โค ลแพ นอ ก จูง ล้างเพาล้างแช่ พี่ แม้ช้า ล ซี แบ ท ซ้ะ เฌ๊ฌ้อง ลู่ง อ น้ะ ทึ พองทะ เฆ้อ เก ทแช๊ทคลี บี่ซุ้ดี๊ กมืง อ พู โอ

โยฮาง 16:21

ท่อง กมืง อ พู ม โอ นอ ซ้ะอึ้ เว๊ ดู มะ, เมะ เว๊ ท้อง อ มื่ง อ แค๊ เย้า, แบ เด้าะ ท่อง อ พู โอ ฌ้อง เย้า นอ, อ เว๊ ล นาง แบ ท แช๊ ล้า แบ, อ ไฌ่ บี่ อี้ง อ เว๊ ซ้ะอวีง ซ้ะโทะ เว๊ พี่ อ พู ล แฌ้ กึ ทาง ลู่ง ฌางคู โคล๊ง คู

1​เทซาโลนีเก 5:3

อ ช๊า อ โท่ พี่ โพล้ง ไจ้ะ เว๊, “ท กุ้ อ เม้ง โอ ฆู๊ง โอ พุ้ โอ มึ โอ พ้า เย้า”, แบเด้าะ ล พ๊า แย๊ นอ, ท แม้ เฌ๊ฌี่ง เฌ๊ฌ้อง ดี๊ ท น้ะ ท โน๊ง ม เฌ๊ ท้อง ล ทีง ฆ่าง, บี่ ซุ้ โพล้ง มืง แบ เจ้า แบ แช๊ ลู่ง อ พู ม โอ, โพล้ง เฌ๊ ฆิ้ ไฆวะ เว๊ ล ซี น่าง แฌ้ แบ เฆาะ

ท​เน​โพล​ทาง 12:2

กมืง ล แฌ้ นอ โอ ทะ, พี่ อ โฌ่งโพ๊ง แช๊ ทาง อ พู เบ้า ม โอ เย้า นอ อ กแช่ ฌางอื้ง ฌางโทะ