อีซยา 22:5 - Northern Pwo Karen Thai Bible

⁵ อไฌ่บี่อี้ง, ทอดูทึโท๊ทึ กแช่ยาเว, พี่ เก ซึ้คู ดูทึชองทึ นอ อ มื่ง โอ ล นี้ง เก มื่งนี้ง ลู่ง ท เติ้งทางเติ้งล้าง, ท ไย่เละค๊างพะ ดี๊ ท บีงบูงโช้งไท๊ ลู่ง ทลู่ง คางไท้ะ ลู่ง ท แด เว้ พ้า กางแป ม แบ ทแม้ เฌ๊ฌ้อง ดี๊ ท อ ลู่ง กุ้ซย้ะ เท่อ เกม๊า แม้ช้า-อ้ะ ม ลี้ท้อง ทลู่ง

อีซยา 22:5 ပူးပေါင်းရင်းမြစ်များ

2​กจุ้แฆว้ 19:3

อ ซื๊งเว๊ โล้ เอะ อีซยา ไจ้ะเว๊, “เฮเซคียา ไจ้ะเว๊ บี่อี้ง, ‘ล นี้ง แย๊ อี้ง เก มื่ง นี้ง ลู่ง ทน้ะเซิงน้ะซ้ะ, เก มื่ง นี้ง พี่ แบ ทไจ้ะ ทไคล้, ดี๊ ล้าง ฌางแช้ฌางเด, พืงแซ ท้อง อ มื่ง แบ โอ เย้า, แบเด้าะ ไฌ่แบ้ ม โฆ๊ง โอ-อ้ะ นอ ล โอ แบ

2​กจุ้แฆว้ 25:10

ดี๊ โพล้ง เคลเดีย อ ซึ้พู เลาพะ, พี่ อ โอ ดี๊ ซึ้คู ยู่แคว่ ทะ กจุ้แฆว้ นอ, แม้ ล้างฆ่องไฆวะ กางแป วะ เว่ง เยรูซเลง นอ

เอซเทอ 3:15

โพล้ง โชะไละ นอ ปชื่ง ลี้, บี่ซุ้ดี๊ กจุ้แฆว้ อ ทอางแบเลา, แบเด้าะ ไละ อางแบเลา เท่อ นอ, เจ่ทาง เว๊ ลู่ง เว่ง ทล่างคุ้แคว่เท่อ ซูซา พ้า, กจุ้แฆว้ นอ ชี๊น้าง โอ้ ซกุ้ เท่อ ดี๊ ฮามาง, พี่ เว่ง ทล่างคุ้แคว่เท่อ ซูซา พ้า เติ้งทางเติ้งล้าง อ แค๊ นอ

อีซยา 10:6

ก เจ่ อ เว๊ ลี้ ดึ้ โพล้ง ล ค่าง พี่ ไจแดไฆวะ กแช่แยว้ ก อางแบเลา อ เว๊ เกม๊า อ ลี้ ดึ้ โพล้ง อ ชื้อ, พี่ ก ซ้ะทาง ดี๊-อ้ะ เกม๊า อ ลี้ แม้นี่ ท ลู่นี่ ดี๊ ซไบล้ะนี่ ท ตมละ นี่ ดี๊ เกม๊า อ ไย่เท่งไย่แพล้ ล้าง บี่ซุ้ดี๊ ไย่ กไพะ ลู่ง เกล้

อีซยา 22:1

ทไคล้ พี่ อ ชอง แบฆ้ะ ดี๊ ทลู่ง คางไท้ะ ลู่ง ทแดเว้ พ้า อ อี้ง ทเม้งเล้ อ ไฌ่ พี่ น ซื๊ง กุ้แฌ้ ลี้ทาง ลู่ง เด้าคู นอ

อีซยา 25:10

เมะเว๊ กแช่ยาเว อ จูง ม ยู่ทะแคว่ทะ ทลู่ง คู แบเด้าะ โมอา ม แบ ทไย่ล้าง ลู่ง อ ทล่าง พ้า บี่ซุ้ดี๊ ทไย่ล้าง โล่ ลู่ง ทพูแฆ่ อ อี พ้า

อีซยา 37:3

อ ซื๊งเว๊ ลแพ นอ, โล้ แบ-อ้ะ บี่อี้ง, “เฮเซคียา ไจ้ะเว๊ บี่อี้ง, ‘ล นี้ง แย๊ อี้ง, เก มื่งนี้ง น้ะเซิงน้ะซ้ะ, มื่งนี้ง พี่ แบ ทไจ้ะทไคล้, ดี๊ มื่งนี้ง ล้าง ฌางแช้, พืงแซ แบมื่ง กึทาง, แบเด้าะ ไฌ่แบ้ โฆ๊ง เกม๊า อ กึทาง ล โอ แบ

อีซยา 5:5

ค๊องเนงอี้ง ก ม โล้ เอะ น ซื๊ง ซีง ลแพ บี่อี้ง ก ม แม้ ทเม้งเล้ ดี๊ ก โซ๊ง ซไบ้ะแซ ก ม กูงไฆวะ อ ทร้อง ร้องทะ เท่อ ฌ้อง อ ม แบ ทแม้ เฌ๊ฌ้องไฆวะ ก ม แม้ ล้างฆ่อง อ กางแป ฌ้อง อ ม แบ ท ไย่เละค๊างพะ ล้อ

อีซยา 63:3

“ก ไย่ ซไบ้ะแซ อ โบ้ ยื่งเย้ง ล แฌ้ เฆาะ ดี๊ โพล้ง เฌ๊นี่ ลู่ง ชื้อ โพล้ง กุ้ชื้อ ซีง ลแพ นอ, ล โอ ดี๊ เฆ้อ น่างแฌ้ แบ เฆาะ ก ท๊าเท่ง-อ้ะ ดี๊ ก ท ซ้ะทาง พ้ะดู ก ไย่-อ้ะ ดี๊ ก ท เอ้งไน๊ อ เว๊ อ ซวีง บึ้ ลู่ง กไช๊กช้าง อ ล้อง ดี๊ ก ดึ้ เกม๊า กฆ้ากโฆ่ แบอ้า เลาพะ

อีซยา 63:6

ก ไย่ล้าง โพล้ง กุ้ชื้อกุ้ชะ ลแพ นอ, ดี๊ ก ท ซ้ะทาง ก ดึ้ เกม๊า อ เว๊ ม้า เท่อ ดี๊ ก ท ซ้ะทาง พ้ะดู ดี๊ ก ลู๊งล้าง อ ซื๊งเว๊ อ ซวีง ลู่ง ฌางคูโคล๊งคู”

เยเรมี 30:7

เฆว๊-เอ้อ, ล นี้ง แย๊ นอ ดู เต้ๆ, ล้อ มื่งนี้ง บี่ซุ้ดี๊ นอ ล โอ น่าง นี้ง แบ เก ยาคุ้ อ ท น้ะเซิงน้ะซ้ะ อช๊าอโท่ แบเด้าะ อ เว๊ แด นอ, ม พ้องไฆวะ ล นี้ง แย๊ นอ ซี ได้ะ

ท​ฌางล้างย้าล้าง 1:5

โพล้ง โอเว้งโอก๊าง ดี๊-อ้ะ นอ, เกทางก้ะ ท อคูอแน่ อดีงอแด้ นี่ ดูทางโท๊ทาง เมะเว๊ กแช่ยาเว เกม๊า อ โท่ง ทน้ะทโน๊ง เป๊งนี่ ลู่ง อ ท กไบล้ะกแบล แอฌ้อง อกย้อง อ พู ลแพ นอ, ลี้ เก ทอฆ่อง ลู่ง โพล้ง โอเว้งโอก๊าง ดี๊-อ้ะ, อ เมะแซ พ้า

ท​ฌางล้างย้าล้าง 2:2

ทอดูทึโท๊ทึกแช่, แม้เฌ๊ฌ้อง ยาคุ้ อ ล่าง โอ เลาพะ ล โอ ดี๊ ท ย๊างซ้ะ แบ ลู่ง ท ซ้ะทาง อกย้อง นอ, กแช่แยว้ แม้ ล้างฆ่อง พูมืง ลู่ง ยูดา อ ทล่าง ทุ้กดื้ง ซ้ะ ลแพ นอ กแช่แยว้ ทึ้ เว๊ เกม๊า อ ล้างพือ ท้อง ฌางคู, ดี๊ ล้างไช้ะล้างย่อง เมะเว๊ อมื่งอบ้าง ดี๊ อคูอแน่

ท​ฌางล้างย้าล้าง 2:8

กแช่ยาเว อางกีล้าง อ ซ้ะ เย้า พี่ ม แม้ เฌ๊ฌ้องไฆวะ พูมืง ลู่ง ซีโยง อ กางแป กแช่แยว้ เชิ่ง เว้ พลี้ง ทู เท่อ เย้า กแช่แยว้ ล ทึ้ไฆวะไท้ อ จูง ดี๊ ทแม้ เฌ๊ฌ้อง แบ กแช่แยว้ ดึ้ เกม๊า ฌางคู จ้องม๊อง, ดี๊ กางแป นอ, ฌางล้างย้าล้าง เกม๊า เว๊ ล่างลี้ง ล้างฆ่องไฆวะ ล พ๊าฆ่าง

เอเซเคียง 7:7

โพล้ง ที๊งล่างค่างพ้า-เอ้อ น ท เซงทื่งเฌ๊ฌ้อง เฌ๊ท้อง เย้า อช๊าอโท่ นอ, เฌ๊ท้อง เย้า, มื่ง ล นี้ง แย๊ นอ เฌ๊ เบ้าทาง โอ เว๊ ที่ ท เติ้งทางเติ้งล้าง, ดี๊ ท ซ้ะอวีงซ้ะโทะ ล โอ ลู่ง ทลู่งคู แบ

โฮเชยา 10:8

เว่ง อาเวง อ ทล่างซยื๊งซย้องพ้ะโท๊ พี่ เก อีซลาเอง อ ทเด้บ้ะ นอ ม แบ ทแม้ เฌ๊ฌ้อง ทชูง มื่งเทิง, ดี๊ ทดุ้ทแล โอ ดี๊ อ ชูง, เกทาง ลู่ง อ ทลื่งล่าง คู อ เว๊ ม กุ้ซย้ะ โล้ เอะ ทลู่ง ไจ้ะเว๊, เกม๊า คลึไบ้ะ ทะ เฆ้อ ดี๊ กุ้ซย้ะ โล้ เอะ ทจ้องม๊อง ไจ้ะเว๊, เกม๊า ล้างก้า เคล้ล้าง แบ เฆ้อ แดเทา

มีคา 7:4

อ ซื๊งเว๊ อ โพล้ง พี่ ฌี้ ทึ นอ, ล ล้างเปิ่ง แบ, บี่ซุ้ดี๊ ทชูง มื่งเทิง อ โพล้ง พี่ โต้ล้อง ทึ นอ, บี่ซุ้ดี๊ ทร้อง ชูง ทช๊าทโท่ ลู่ง น โพล้งโอคุ้แคว่ทะเท่อ, เมะเว๊ มื่งนี้ง พี่ ม แม้เตาแม้แต๊ แน้ นอ, เฌ๊ ท้อง เย้า ค๊องเนงอี้ง อ ซื๊งเว๊ ม บีงบูง เติ้งทางเติ้งล้าง

เซฟางยา 1:15

ล นี้ง แย๊ นอ, ม เก มื่งนี้ง ลู่ง ท ซ้ะทาง พ้ะดู เก มื่งนี้ง พี่ น้ะเซิงน้ะซ้ะ, ดี๊ แบน้ะแบโน๊ง เก มื่งนี้ง พี่ โอ ดี๊ ท เซงทื่งเฌ๊ฌ้อง, ดี๊ ทแม้ เฌ๊ฌ้องไฆวะ เก มื่งนี้ง พี่ ไค้ะซ๊า, ดี๊ ท อึ้ฆึ เก มื่งนี้ง พี่ ทเอิง คลึไบ้ะ, ดี๊ ไค้ะ ซ๊าโญ๊ง

ม้ะทู 24:16

ล พ๊า แย๊ นอ, โพล้ง พี่ อ โอ ยูเดีย อ ค่าง พ้า ล แพ นอ, แบ ปชื่ง ลี้ โอก้ะ ลู่ง ท ลู่ง คู

ลูกา 23:30

ล พ๊า แย๊ นอ โพล้ง ม อวีงซ้ะชู้ ท ลู่ง, ม ไจ้ะ เว๊, ‘ล้างคื่อ แบ เฆ้อ ไช้ะ’, ดี๊ อวีงซ้ะชู้ ตคื่อ, ‘ล้างละ ไบ้ะ เฆ้อ ไช้ะ’