อีซยา 22:14 - Northern Pwo Karen Thai Bible

¹⁴ กแช่ยาเว ซึ้คู ดูทึชองทึ โล้ล้างที๊ง เว๊ ลู่ง จ แน่ พ้า บี่อี้ง “ม ล โอ ดี๊ ท แม้ไฆวะ น ซื๊ง ทเด้บ้ะ อี้ง แบ เต้ๆ, ล้อ, ท้อง ลู่ง น ซื๊ง ม ซี๊ง” ทอดูทึโท๊ทึ กแช่ยาเว พี่ เก ซึ้คู ดูทึชองทึ ไจ้ะเว๊ บี่อี้ง ล้อ

อีซยา 22:14 ပူးပေါင်းရင်းမြစ်များ

2​ซามูเอง 6:23

น่าง มีคาง ซาอู อ พูมืง นอ, อ พู ล โอ แบ เพล้า อ ชู้ นอ ล้อ

อีซยา 13:11

ก ม แม้เตาแม้แต๊ ฌางคูโคล๊งคู ลู่ง ทอ้าทซ๊าง อกย้อง ดี๊ แม้เตาแม้แต๊ โพล้งอ้าโพล้งซ๊าง ลู่ง อ ซื๊งเว๊ อ ทเด้บ้ะ อกย้อง ก ม ดึ้ เกม๊า โพล้ง ลือ เท่อ อ ท ชีอูงพู๊ ล้าง ซ้ะ ทึไฆวะ ดี๊ ดึ้ เกม๊า โพล้งดู้งโพล้งลู่ อ ท ชีดูชีพู๊ อ ซ้ะ ล้างพือ

อีซยา 26:21

เมะเว๊, แคว่เซ้อ, กแช่ยาเว ไจทาง นี่ ลู่ง อ ทล่าง พ้า บี่ซุ้ แม้เตาแม้แต๊ โพล้ง ฌางคูโคล๊งคู, เป๊งนี่ ลู่ง อ ซื๊งเว๊ ซีง ล แพ อ ทเด้บ้ะ อกย้อง ดี๊ ฌางคูโคล๊งคู ม โล้ล้าง ทซวีง พี่ แยว้ล้าง โอ อ คู นอ ดี๊ อ โพล้ง พี่ แบ ท แม้ซี๊ง นอ, ล แม้ไบ้ะแม้บ้า เว๊ ล้า แบ

อีซยา 30:13

อกย้องบี่นอ, ทเด้บ้ะ อี้ง ม เก เอะ แน้ บี่ซุ้ดี๊ กางแป พ้ะโท๊ อ ล่าง เท้พ้ะ โพลทาง พี่ ม ล้างฆ่อง พี่ ม ล้างฆ่อง ค๊องเนงอี้ง ล ทีงฆ่าง, เมาะ พล้ะไช้ะ เมะ

อีซยา 31:2

แบเด้าะ กแช่แยว้ นอ, อไพ่อแซย๊ ปะ, ดี๊ ม เฌ๊โชะ เอะ-อ้ะ ทอ้าทน้ะ กแช่แยว้ ล กุ้นี่ไท้ อลู่งอแท๊ แบ แบเด้าะ ม เฌ้เทิงทาง ดึ้ โละซ้ะ ดี๊ โพล้ง อชื้ออชะ พี่ แม้ทอ้าทซ๊าง ดี๊ ซู้ง โละซ้ะ ดี๊ โพล้ง แม้ ทเด้บ้ะ อ โพล้ง แม้ช้า เท่อ

อีซยา 5:9

กแช่ยาเว ซึ้ดู ดูทึชองทึ ไคล้ ดี๊ แย้ ไจ้ะเว๊ “เต้ๆ, ล้อ เด้า ตบลึ้ โพลง ม แบ โอโปล้ ก้ะ กูกิ้ เด้าดูล่างไค้ะ ดี๊ เด้าฌี้เด้าแอว้ นอ, โพล้ง ม ล โอ เว๊ อ พ้า น่างแฌ้ แบ

อีซยา 65:20

ลู่ง ทล่าง พ้า นอ พืงแซ บาง พี่ อ โอม๊า เมาะ เว๊ คี๊งนี้ง ซ๊านี้ง-อ้า โพล้ง ซ้ะแซย่ พี่ อ โญะ ล ชิ้ทาง ทอางกีล้าง เว้ แบ-อ้า นอ, ม ล โอ แบ เมะเว๊ โพล้ง ซี๊ง พี่ อ โญะ ล แย้ เนง นอ, ม ทื่ง-อ้ะ อ น่างบางซ้ะบาง ดี๊ โพล้ง พี่ อ โญะ แซย้เละ ล แย้ เนง นอ, ม ทื่ง-อ้ะ แบ ท ชูอ้า ล้อ

อีซยา 65:7

เลา ดี๊ อ ซื๊งเว๊ อ ทอ้าทซ๊าง, ดี๊ อ พี๊งชู้พู๊งชู้ ลู่ง แย๊ อู้งอ ทอ้าทซ๊าง, โอซยอง โละซ้ะ, กแช่ยาเว ไจ้ะเว๊ บี่อี้ง เป๊งนี่ อ ซื๊งเว๊ เช้า ทน๊าม๊า ลู่ง ทลู่ง คู ดี๊ ไคล้อ้าไคล้ซ๊าง แบ เฆ้อ ลู่ง ทจ้องม๊อง คู ก ม โตง อ ซื๊งเว๊ อ ทอ้าทซ๊าง, ลู่ง อ พ้องไฆวะ ลแพ นอ นึฆ้าง อ ซื๊งเว๊ ซีง ลแพ อ ซ้ะแน๊ พ้า

เอเซเคียง 24:13

ท ซ้ะกวี้งล๊องก้อง แอ ลู่ง ท มี๊งฆึ พ้า นอ, ดึ้ เกม๊า น โอ ดี๊ ทแบอ้า เมะเว๊ ก แม้เช๊งแม้เกล้ง แน้ แบเด้าะ น ล แบ ท แม้เช๊งแม้เกล้งไฆวะ ดี๊ น ทแบอ้า แบ น ล แบ ท แม้เช๊งแม้เกล้ง ล้า แบ ท้อง ลู่ง ก ม แม้ไจทาง ก ท ซ้ะทาง ลู่ง น คูด้าง ท่อง อ เลา

อาโม 3:7

เต้ๆ, นอ, ทอดูทึโท๊ทึกแช่ยาเว, ล แม้ เท่อ พี่ ล นี่ ปล้ะล้าง ท คิ้ซูงคิ้บีง เอะ อ เพล่, เมะ เว๊ โมไคล้คิ้กแช่แยว้ นอ แบ, น่างเม้ง แบ

อาโม 8:7

กแช่ยาเว พี่ ยาคุ้ อางกีดูอางกีโท๊ เว๊ นอ, เอิ้งล้าง เท่อ ดี๊ อ กแช่ แด เว๊ บี่อี้ง “ก ล ซ้ะนาง อ ทไพ้ะทแม้ น่างเม้ง แบ, เต้ๆ, ล้อ

1ซามูเอง 3:14

เป๊งนี่ อ นอ, จ อืงล้าง เท่อ เอะ เอลี อชื้ออชะ บี่อี้ง, เอลี อชื้ออชะ อ ทเด้บ้ะ ดี๊ อ ทอ้าทซ๊าง นอ, ม แม้ล้างแม่ไฆวะ-อ้ะ, ดี๊ ทพูแฆ่ ลื่งทาง เท่อ ดี๊ ทเทว๊ นอ ล ซี แบ ล้างชู้”

1ซามูเอง 9:15

กแช่ยาเว เนโพลทาง เอะ ซามูเอง, ลู่ง ล นี้ง แย๊ พี่ ซาอู เฌ๊ ล ท้อง ได้ะ แบ นอ เย้า ไจ้ะเว๊