อีซยา 21:4 - Northern Pwo Karen Thai Bible

⁴ จ ซ้ะ แบคู่แบโฌ้ เท่อ ทซ้ะเมซ้ะไพล้ กลึ้ไบ้ะ แย้ ท เยาะยะล้าง พี่ จ มื้งแล่-อ้ะ นอ ดึ้ เกม๊า จ ว้ะโทะ ซ้ะเม ก้ะ เท่อ ล โค๊ ล้อ

อีซยา 21:4 ပူးပေါင်းရင်းမြစ်များ

1​กจุ้แฆว้ 1:49

ฌ้อง กเย่ โพล้ง พี่ อ ลี้ อาโดนียา อ ทลื่งอาง พ้า ลแพ นอ, ซ้ะเม เท่อ ว้ะโทะ โย๊ เฆาะ, ล แฌ้ๆ, เฌ้เทิงทาง ไท้ ลู่ง อ กแช่ อ เกล้ อ พ้า แด เว๊ นอ ล้อ

เอซเทอ 5:12

ฌ้อง ฮามาง โล้ แอทาง เท่อ ได้ะ ไจ้ะเว๊, “ทึเมะ น่าง เอซเทอ ฌี้ นอ, ล เกม๊า โพล้ง ลี้โพะ กจุ้แฆว้ อ ไค๊, ลู่ง อ เว๊ อ ทลื่งอางลื่งโอ้ พ้า อี้ง น่าง แฌ้ แบ, โอ เว๊ ที่ แย้ ล แฌ้ ล้อ, ดี๊ ลู่งโฌ้โฆะ น่าง เอซเทอ โล้แบ แย้ ดี๊ กจุ้แฆว้ ลี้ ได้ะ

ทอางปฆ้า 55:5

ทซ้ะเมซ้ะไพล้ ดี๊ ท เซิงพ่องซ้ะว้ะ เฌ๊ ลู่ง จ คูด้าง ดี๊ ทพล่างซ๊าง เท่อ นอ, คลึไบ้ะ แย้

ทอางปฆ้า 55:6

ดี๊ จ ไจ้ะ บี่อี้ง, “โอ้, จ แบซ้ะ จ ได้ะ โอ ด้องซุ้ ทูลี่งแอว้ ม นี่ ยู้ง คุ้ซูง, ลี้ โอไปว้ะ ลู่ง อซยืงอบ้ะ

เยเรมี 4:19

ซ้ะ เฌ๊ฌ้อง น้ะ, ซ้ะ เฌ๊ฌ้อง น้ะ, จ ไวะปไก้ จ ซ้ะ ดี๊ ทแช๊ทคลี โอ้, จ เซิงพ้าซ้ะพ้า-เอ้อ จ ซ้ะ นอ, ว้ะโทะว้ะตี้ จ ม โอกโช้ ไก้ไม่ ล ซี แบ เป๊งนี่ จ แน่ฌ๊า ทพูแฆ่ โน้ง อ ลู่ง เซ๊ ทดึ้ทชาง อ ลู่ง กุ้ เฌ้เทิง เท่อ

เยเรมี 51:39

พี่ อ เว๊ เซิงคู่ซ้ะโฌ้ แค๊ นอ, ก ม แด้ เว้ เอะ-อ้ะ ท ลื่งอางลื่งโอ้ ดี๊ ดึ้ เกม๊า อ ซื๊งเว๊ ม้า เท่อ, อ เว๊ ม เซิงฆวี๊งซ้ะมึ ดี๊ มี๊งไซวะ ล้างชู้ล้างแกย ล นางทาง อ ซ้ะ ล้า แบ

เยเรมี 51:57

ก ม ดึ้ เกม๊า อคูอแน่, ดี๊ อ โพล้ง ซีงแฌ๊แน่ฌ๊าเท่อ ม้า เท่อ อ โพล้งโพะคองเว่ง, อ โพล้งแคว่ทะเท่อ, ดี๊ อ โพล้งดึ้ซึ้เท่อพู นอ อ ซื๊งเว๊ ม มี๊ง ล้างชู้ล้างแกย, ล นางทาง อ ซ้ะ ล้า แบ เฆาะ กจุ้แฆว้ ดูทึโท๊ทึ, พี่ อ เม้ง กแช่ยาเว ซึ้คู ดูทึชองทึ โล้ เว๊ บี่อี้ง

ดานีเอง 5:1

กจุ้แฆว้ เบงชาซา แม้มึอางอวีง, ลื่งอางลื่งโอ้ พ้ะดู ท อคูอแน่ อ แฌ้ ล ม๊า, ดี๊ โอ้ ไซ้ะ ซไบ้ะแซ ที๊ง ลู่ง โพล้ง อ แฌ้ ล ม๊า นอ อซุ้อแกล้

ดานีเอง 5:30

ล แน้ แย๊ นอ ล้อ, โพล้ง เคลเดีย อ กจุ้แฆว้ เบงชาซา แบ ท แม้ซี๊ง

ดานีเอง 5:5

ล ทีงฆ่าง นอ, โพล้ง อ จูงโน้ง โพลทาง ดี๊ กวิ้ล้าง เท่อ ลู่ง กจุ้แฆว้ อ บลาง อ ดอง ล้อง, ลู่ง มีโด้ง เทิง อ เมะแซ พ้า, ดี๊ กจุ้แฆว้ แคว่ จูง พี่ อ กวิ้ เท่อ นอ

นาฮูง 1:10

อ ซื๊งเว๊ บี่ซุ้ดี๊ ทชูง น๊างโป้ง พี่ อ บล้ะ โละซ้ะ บีงบูงโช้งไท๊ ดี๊ บี่ซุ้ดี๊ โพล้ง ม้าไซ้ะ อ ซื๊งเว๊ ม แบ ท เช้า เฌ๊ฌ้องไฆวะ เลาพะ, บี่ซุ้ดี๊ โล่ทุ้ พี่ อ ไฆ๊ท้ะเท่ง

โล้​ล้างที๊ง​ทอางแม้เลา 28:67

ลู่ง โฌ้โค๊ นอ, น ม ไจ้ะ บี่อี้ง, ‘เมะ เก มื่งแฌล้างโค๊ ม ฌี้ เย้า’, ดี๊ ลู่ง มื่งแฌล้างโค๊ นอ, น ม ไจ้ะ บี่อี้ง, ‘เมะ เก ลู่ง โฌ้โค๊ ม ฌี้ เย้า’, เป๊งนี่ น โอ ดี๊ ท ซ้ะเมซ้ะไพล้, ดี๊ เป๊งนี่ ท พี่ น เมะคลี๊ง ม แด เว๊ นอ อ กย้อง ล้อ

โล้​ล้างที๊ง​ทอางแม้เลา 32:11

บี่ซุ้ดี๊ ไละ พ้ะดู โละ อ ซวี๊ง, เทาทาง อ ได้ะ ลู่ง อ พู คูด้าง ย้างแย่ทาง อ ได้ะ ฮะนี่ อ พู, เกม๊า เว๊ อ ช่องล้าง อ ได้ะ คู