อีซยา 21:1 - Northern Pwo Karen Thai Bible

¹ ทไคล้ พี่ อ ชอง แบฆ้ะ ดี๊ ปางเล อ แพะคูทเคแกล้ บี่ซุ้ดี๊ ลี้งเฌ๊ ว้างไร้ะ พ้ะดู, พี่ อ ลี้ อูงซยู๊ ฆ้าง เท่อ ลู่ง เนเกะ พ้า อ เฌ๊นี่ ลู่ง แพะคูทเคแกล้ เฌ๊นี่ ลู่ง ค่าง พี่ อ ล้าง ซ้ะเม

อีซยา 21:1 ပူးပေါင်းရင်းမြစ်များ

โยบา 37:9

ลี้งเฌ๊ ไจทางนี่ ลู่ง ท อ เช้า พ้า มื่งแพ้ ล โค๊ ดี๊ ทฌ่อง นอ, เฌ๊นี่ ดี๊ ลี้ง ลู่ง มื่งเค๊ง ล โค๊

อีซยา 13:1

ทไคล้ พี่ อ ชอง แบฆ้ะ ดี๊ บาบีโลง บี่ซุ้ดี๊ อามอ อ พูแคว๊ อีซยา แด แบ เว๊

อีซยา 13:13

อกย้องบี่นอ ก ม ดึ้ เกม๊า ทมุ้คู ว้ะ ตทูง ดี๊ ฌางคูโคล๊งคู ม ว้ะ เทาทื้ง ซึ้ไฆวะ อ ซ้ะ ดี๊ กแช่ยาเว ซึ้คู ดูทึชองทึ อ ท ซ้ะทางพ้ะดู ลู่ง กแช่แยว้ อ ท ซ้ะทาง พ้ะดู อ มื่งนี้ง

อีซยา 14:1

แบเด้าะ กแช่ยาเว ม ย๊างซ้ะ แบ ยาคุ้, ดี๊ ม อางลึนี่ อีซลาเอง ได้ะ, เลา ดี๊ ม ต๊างทาง อ ซื๊งเว๊ ซีง ลแพ ลู่ง อ ที๊งล่างค่างพ้า, ฌ้อง โพล้งลชื้อแด ม เฌ๊ โอซยอง ดี๊ อ ซื๊งเว๊ ซีง ลแพ, ดี๊ ม โอเบ้าโอเท่ง นึซยอง ดี๊ ยาคุ้ อชื้ออชะ

อีซยา 14:14

จ ม ลี้ทาง ลู่ง ทเอิง อ โท๊ เช๊คู จ ม แม้ จ ซ้ะ บี่ซุ้ดี๊ กแช่แยว้ พี่ ดูทึโท๊ทึ’

อีซยา 14:23

“ดี๊ ก ม ดึ้ เกม๊า บาบีโลง เก ก้ะ กล้ะโด้ง ลแพ นอ อ เท่อ, แม้ เก ทาง ก้ะ ที๊งกวี้ง, ม กว้ะไฆวะ เว๊ ดี๊ ทแม้ เฌ๊ฌ้อง อ นางกว้ะ”, กแช่ยาเว ซึ้คู ดูทึชองทึ ไจ้ะเว๊ บี่อี้ง ล้อ

อีซยา 17:1

ทไคล้ พี่ อ ชอง แบฆ้ะ ดี๊ เว่ง ดามากา อี้งเซ้อ, ดามากา ม ล โอ ล้างลื๊อ เก เว่ง ล้า แบ ดี๊ ม เกทาง ก้ะ ท แค่เทาแค่ไช้ะ อ โป้ง

อีซยา 47:1

โอ้, พู มืงน้าง เช๊งเกล้ง ลู่ง บาบีโลง-เอ้อ เกม๊า ลี้ล้าง, ดี๊ ชี๊น้าง ทมูงทมวี๊ง พ้า โอ้, พูมืง เคลเดีย-เอ้อ เกม๊า ชี๊น้าง ลู่ง ฌางคูคู, พี่ ล่างชี๊น้าง ล โอ แบ เมะเว๊ โพล้ง ม ล กุ้ แน้ บี่อี้ง ล้า แบ มู่ ไพ้ะบางแยบาง, มู่ ไพ้ะฌี้แยฌี้

อีซยา 5:28

กเย่ อ คลีงแช นอ โอ ที่ อ จู้งฆิ้ เลาพะ อ คลีงบ้อง นอ ไพทาง เว้ เว๊ อ กซี ลแพ นอ อ คางมีง บี่ซุ้ดี๊ โล่งมีท้ะแช๊ ดี๊ อ เลาะ คางไร้ะ บี่ซุ้ดี๊ ลี้งอูง ว้างไร้ะ เท่อ

เยเรมี 51:1

กแช่ยาเว ไจ้ะเว๊ บี่อี้ง อี้งเซ้อ, ก ม กุ้ เฌ้เทิง โพล้ง แม้เฌ๊ฌ้อง เท่อ อวีงอแล้ เฌ๊ ดึ้ซึ้ โละซ้ะ ดี๊ บาบีโลง ดึ้ซึ้ โละซ้ะ ดี๊ โพล้ง เคลเดีย

เยเรมี 51:42

ปางเล เฌ๊ทาง ลู่ง บาบีโลง อ เช๊คู ที๊ง บู้ง เซ๊ พ้ะดู กลึ้ไบ้ะ-อ้ะ ไชวะ

เยเรมี 51:51

‘ก ฌางแช้ เป๊งนี่ ก แน่ฌ๊า ทไคล้ ไฌ๊ซ้ะ ท ล้างไช้ะล้างย่อง คลึไบ้ะ ทะ ก เมะ เป๊งนี่ โพล้ง ล ค่าง แด, นี่ นึฆ้าง ทแบ้แยว้ล่างลู่งอฌี้ ลู่ง กแช่ยาเว อ ล่างโอ พ้า’, ”

เอเซเคียง 1:4

แคว่-เซ้อ, พี่ จ แคว่ เท่อ นอ, ลี้งเฌ๊ พ้ะดู เฌ๊อูง นี่ เท่อ ลู่ง มื่งเค๊ง ล โค๊, ทเอิง คู่ลอง พ้ะดู พี่ โอ ดี๊ ทพ้าง วะชวะ, ดี๊ มี โอ เค้ทาง โฌ่งค้ะ ครึๆ, ลู่ง มี อ แกล้ พ้า นอ, แคว่-อ้ะ แบด้อง ท่องบ้าง พี่ อ โฌ่งค้ะ

เอเซเคียง 30:11

เมะเว๊ อ กแช่ ดี๊ โพล้ง ล ชื้อ ฆ่าง ดี๊-อ้ะ พี่ เก โพล้ง อ ชื้อ พี่ แม้ชองแม้จุ้ เท่อ น้ะ ทึ ลู่ง โพล้ง กุ้ชื้อกุ้ชะ พ้า ม แบ ท เฌ๊ฌ้า บี่ซุ้ แม้เฌ๊ฌ้อง ค่าง นอ ดี๊ อ ซื๊งเว๊ ม ทึ้ทาง น้ะ ดึ้ซึ้ อีไย้ะ ดี๊ ดึ้ เกม๊า ค่าง นอ, โอ ฆวี้ ดี๊ โพล้ง พี่ อ แบ ท แม้ซี๊ง ล้อ

เอเซเคียง 31:12

โพล้ง ลชื้อแด, เมะเว๊ โพล้ง อ ชื้อ แม้ชองแม้จุ้ เท่อ น้ะ ทึ, ลู่ง โพล้ง กุ้ชื้อกุ้ชะ ซีง ลแพ อ แกล้ พ้า นอ, ม เคาล้าง-อ้ะ ดี๊ ญ๊องไฆวะ-อ้ะ, อ ได้ ม ล้างเทะ ลู่ง ทลู่ง คู ซีง ลแพ, ดี๊ ล้างเทะ ลู่ง ทลู่ง คางไท้ะ กุ้จอง, ดี๊ อพล่องอบ้อง พี่ อ แค่ ลแพ นอ, ม โอ ลู่ง ที๊งล่างค่างพ้า อ ที๊งกล้องพู กุ้ บ้อง, ดี๊ ฌางคูโคล๊งคู อ โพล้ง กุ้ชื้อกุ้ ชะ นอ, ม ไจแดไฆวะ อ กดื้งแล้ ซยืง, ดี๊ ญ๊องไฆวะ-อ้ะ ล้อ

เอเซเคียง 38:9

ดี๊ น ม ลี้ฆ้าง บี่ซุ้ดี๊ ทแม้อ้า อ ซ้ะ, น ม กลึ้ไบ้ะ ค่าง นอ, บี่ซุ้ดี๊ ทเอิง, เมะเว๊ แน้ ดี๊ น โพล้ง ดึ้ซึ้ เท่อ พู, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊ แน้

ดานีเอง 11:40

“ท่อง อ ท้อง ท อ ว๊าง ลู่ง ไค๊ ทึ นอ, กจุ้แฆว้ ลู่ง ทล่าง มื่งแพ้ ม เฌ๊ ดึ้ซึ้ โละซ้ะ ดี๊-อ้ะ, ดี๊ กจุ้แฆว้ ลู่ง ทล่าง มื่งเค๊ง ม ซลู้ง ฆ้าง-อ้ะ, ด้องซุ้ ลี้ง พลื่งทุ้, ล พ๊าฆ่าง ดี๊ เลาะ ดึ้ซึ้, ซึ้พู เทา กซี ดี๊ คลี๊ง ดึ้ซึ้ แอฌี่งแอฌ้อง, อ เว๊ ม นึฆ้าง ค่าง ล จอง แบ ล จอง, ฌ้อง แยว้ล้าง แพ๊ เท่อ บี่ซุ้ดี๊ ที๊ง กลึ้ไบ้ะ เท่อ

เซคารียา 9:14

ฌ้อง กแช่ยาเว ม โพลทาง ลู่ง อ ซื๊งเว๊ ซีง ลแพ อ คูด้าง ดี๊ อ เว๊ อ คลีงแช ม ไจทาง บี่ซุ้ดี๊ ล๊างแว่ได้ะ ทอดูทึโท๊ทึกแช่ยาเว ม อูง ทโน้ง ดี๊ ลี้ ลู่ง ลี้ง พ้า, โอนี่ลู่ง มื่งแพ้