อีซยา 17:14 - Northern Pwo Karen Thai Bible

¹⁴ แคว่เซ้อ, ลู่ง มแฌล้างโค๊ นอ โอ ดี๊ ท ไพ้ะฆิ้โค๊ฆิ้ ลู่ง ท ล คลึ้ พ้างทาง ได้ะ แบ นอ, อ ซื๊งเว๊ ซีง ลแพ ล โอ ล้า แบ อ อี้ง เก โพล้ง อมยู๊อจะ พี่ ย้ะโละ นี่ ก้ะ กคองกแซย้ ดี๊ เก โพล้ง พี่ ตมละ เฆ้อ อ เท่อ ล น้าง

อีซยา 17:14 ပူးပေါင်းရင်းမြစ်များ

2​กจุ้แฆว้ 19:3

อ ซื๊งเว๊ โล้ เอะ อีซยา ไจ้ะเว๊, “เฮเซคียา ไจ้ะเว๊ บี่อี้ง, ‘ล นี้ง แย๊ อี้ง เก มื่ง นี้ง ลู่ง ทน้ะเซิงน้ะซ้ะ, เก มื่ง นี้ง พี่ แบ ทไจ้ะ ทไคล้, ดี๊ ล้าง ฌางแช้ฌางเด, พืงแซ ท้อง อ มื่ง แบ โอ เย้า, แบเด้าะ ไฌ่แบ้ ม โฆ๊ง โอ-อ้ะ นอ ล โอ แบ

2​กจุ้แฆว้ 19:35

ดี๊ โอก้ะ ลู่ง ไค๊ ล แน้ แย๊ นอ, กแช่ยาเว อ ทมุ้คูพู ไจทาง, ดี๊ แม้ซี๊ง โพล้ง อะซีเรีย ลู่ง ทล่างโอซยอง พ้า นอ, ล ล้าง โฆะ ไซ เย่ ม๊า แฌ้, ดี๊ ท่อง โพล้ง เฌ้เทิงทาง ลู่ง โฌ้ ล คึ นอ, แคว่เซ้อ, โพล้ง ลแพ อี้ง เกทางก้ะ ทจู เลาพะ

โยบา 20:29

อ อี้ง นอ, เก โพล้งอ้าโพล้งซ๊าง อ เท่อ, พี่ เฌ๊นี่ ดี๊ กแช่แยว้ ดี๊ เก คองแซย้, พี่ กแช่แยว้ อางกีล้าง เอะ-อ้ะ นอ ล้อ”

ทอางปฆ้า 37:36

แย้ จ ลี้ แพ๊ฆ้าง, ดี๊ แคว่เซ้อ, อเว๊ ล โอ ล้าแบ ทึเมะ จ ม ไจ อางฆื๊งแคว่-อ้ะ ฌี้ นอ, ล แด-อ้ะ แบ

ทอางด้อง 22:23

อไฌ่บี่อี้ง, กแช่ยาเว ม ไคล้คว่าง คิ้ อ ซื๊งเว๊ ดี๊ แม้นี่ โพล้ง พี่ ตมละ อ ซื๊งเว๊ นอ อ ทโอม๊า

อีซยา 10:25

เมะเว๊ ล ไยะ ล้า แบ นอ, ก ท ซ้ะทาง ม ทึไฆวะ, ดี๊ ก ท ซ้ะทาง ม ลี้ ลู่ง ทแม้ เฌ๊ฌ้อง อ ซื๊งเว๊ ล้อ”

อีซยา 21:12

โพล้งคุ้แคว่เท่อ ไคล้ช๊า เว๊ บี่อี้ง “ทพ้างทาง โฌ้โค๊ เฌ๊ท้อง, มแน้แค๊ นอ เฌ๊ ปะ เมะ อางจ้ะ นอ, อางจ้ะ แดเทา เกม๊า เฌ๊ไท้ไท้ เด้าะ”

อีซยา 29:2

แบเด้าะ ก ม เกม๊า อารีเอง น้ะเซิงน้ะซ้ะ ได้ะ ม โอ ดี๊ ท ฌางล้างย้าล้าง ดี๊ โล้ล้าง ทน้ะทโน๊ง ดี๊ เว่ง อี้ง ม เก เอะ เฆ้อ บี่ซุ้ดี๊ อารีเอง

อีซยา 29:5

แบเด้าะ กเย่ นดีงนแด้ ลแพ นอ, ม บี่ซุ้ดี๊ ฌางคูมูง บลิ้ กมูงคลูง ดี๊ กเย่ โพล้ง พี่ อ ล้าง ซ้ะเม นอ, ม บี่ซุ้ดี๊ พี๊ซวิ้ เชงทางเชงล้าง ลชู่ลล่าง เฆาะ ดี๊ ล ทีงฆ่าง ล้อ

อีซยา 29:7

ดี๊ กเย่ โพล้ง กุ้ชื้อกุ้ชะ เลาพะ พี่ ดึ้ โละซ้ะ ดี๊ อารีเอง เลาพะ พี่ ดึ้ โละซ้ะ ดี๊-อ้ะ, ดี๊ อ ทล่าง ทุ้กดื้งซ้ะ พี่ อเฌิ่งอค๊า, เลา ดี๊ แม้ น้ะเซิงน้ะซ้ะ เว๊ นอ ม เก บี่ซุ้ดี๊ ทอางมี๊งม่าง-อ้า, ท แด เว้ ลู่ง มแน้แค๊-อ้า นอ ล้อ

อีซยา 30:28

กแช่แยว้ อ ลี้ง แซทางแซล้าง บี่ซุ้ดี๊ ที๊งกล้อง พู พี่ กลึ้ไบ้ะ เท่อ ล้างอวีงล้างพะ พี่ กลึ้ไบ้ะ เท่อ พ้ะโท๊ ท้อง โคะบ้อง บี่ซุ้ ม ฌื่ง กเย่ โพล้ง กุ้ชื้อกุ้ชะ, ดี๊ ทฆี ฌื่ง เท่อ ลู่ง ทแม้ เฌ๊ฌ้อง พ้า ดี๊ ม ท๊างทาง กื่อ ลู่ง โพล้ง กุ้ชื้อกุ้ชะ ลแพ นอ, อ แคฆีง, บี่ซุ้ ลี้ฌ้า เว๊

อีซยา 33:1

ท เซงทื่งเฌ๊ฌ้อง แบ แน้, พี่ แม้เฌ๊ฌ้อง เท่อ ดี๊ น กแช่ ล แบ ท แม้เฌ๊ฌ้อง แบ ท เซงทื่งเฌ๊ฌ้อง แบ แน้, โพล้ง กไบล้ะ กแบล ดี๊ โพล้ง กไบล้ะกแบล ดี๊ แน้ ล โอ น่างแฌ้ แบ พี่ น โอโท๊ไฆวะ ดี๊ ท แม้เฌ๊ฌ้อง นอ น ม แบ ท แม้เฌ๊ฌ้อง ดี๊ ท่อง น โอโท๊ไฆวะ ทแม้ กไบล้ะกแบล นอ อ ซื๊งเว๊ ซีง ลแพ ม กไบล้ะกแบล ดี๊ แน้

อีซยา 33:18

นเซิงนซ้ะ ม ช๊องมอง ท ไพ้ะฆิ้โค๊ฆิ้ ลู่ง เอะอู้ โพล้ง พี่ อ ดว้ะ เท่อ อแออแซย้ โอ พี่จองเล้? โพล้ง พี่ อ เค๊ง จี้ อแออแซย้ โอ พี่จองเล้? โพล้ง อ ดว้ะ ทล่างคุ้แคว่จู้เท่อ โอ พี่จองเล้?

อีซยา 34:17

กแช่แยว้ พอง เอะ เว๊ อ ไละพู พ้ะดุ้ เท่อ กแช่แยว้ อ จูง, นี่ อางน้าง เอะ เว๊ อ เท่อ, ดี๊ พลี้ง ทู เท่อ อ ซื๊งเว๊ ม นี่ อ เท่อ ล้างชู้ล้างแกย อ ม เปิ่งโอเปิ่งช๊อง พี่ นอ, ท้อง โพล้ง กุ้ชู้กุ้ว๊าง ล้อ

อีซยา 41:12

น ม อางฆื๊งคู๊ โพล้ง พี่ อ ดึ้ โละซ้ะ ดี๊ แน้ แบเด้าะ น ล แด-อ้ะ แบ โพล้ง พี่ อ แม้ ทดึ้ทชาง โละซ้ะ ดี๊ แน้ ม เกทางก้ะ ท ล โอ น่างเม้ง แบ, ดี๊ ล โอ ล้างลื๊อ แบ

เยเรมี 13:25

อ อี้ง เก น เท่อ เก ท ล น้าง พี่ ก โตงทาง นี่ เอะ แน้ กแช่ยาเว โล้ เว๊ บี่อี้ง ล้อ เป๊งนี่ น ซ้ะนางไฆวะ เฆ้อ ดี๊ อางกีล้าง ซ้ะ ดี๊ ท คีงอูงคีงตู๊ง

เยเรมี 2:3

อีซลาเอง นอ, อฌี้อแอว้ ดี๊ กแช่ยาเว เมะเว๊ เก กแช่แยว้ อ ทซูงทแซ อ ต้องคู ล ว๊าง โพล้ง กุ้แฌ้ พี่ อาง ทแซ นอ, ไพ้ะทางแมทาง เว๊ อกย้องบี่นอ, ท กึทาง อ ซ้ะ ลู่ง ออ้าอซ๊าง เฌ๊ท้อง อ ซื๊งเว๊ ล้อ กแช่ยาเว โล้ เว๊ บี่อี้ง ล้อ”

เยเรมี 49:10

แบเด้าะ ก นี่ ดึ้ เกม๊า เอโซ โอ โบลงโกงไล้ไท้ ก นี่ เนโพลทาง อ ล่าง โอคุ้ซูง ดี๊ อ เว๊ โอคุ้ซูง เท่อ ล ซี แบ อ พู อ ลี้ง นอ, แบ ทแม้ เฌ๊ฌ้อง, เลา ดี๊ อ พื่ง อ วี่ ดี๊ อ ฌุ้พาง, อ เว๊ ล โอ ล้า แบ

เอเซเคียง 39:10

อกย้องบี่นอ, อ ซื๊งเว๊ ล แบ แม้นี่ เซงมื่ง ลู่ง ไชะ พ้า-อ้า, กล้างนี่ เซงมื่ง ลู่ง ทเคแกล้-อ้า แบ, เมะเว๊ อ เว๊ ม เช้าทาง มี ดี๊ นางดึ้นางชาง, ดี๊ อ เว๊ ม ลู่นี่ก้ะ โพล้ง พี่ อ เฌ๊ ลู่นี่ก้ะ อ ทฆ้าทโฆ่ ลแพ นอ อ ทฆ้าทโฆ่, ดี๊ ม ตมละ โพล้ง อ เฌ๊ ตมละ-อ้ะ นอ, ทอดูทึโท๊ทึกแช่ยาเว โล้ เว๊ บี่อี้ง ล้อ

เซคารียา 2:12

ดี๊ กแช่ยาเว ม ฮะนี่ ยูดา เก คองแซย้, เก อ เท่อ ลู่ง ที๊งค่าง เช๊งเกล้ง พ้า, ดี๊ ม อางลึ เว่ง เยรูซเลง ล พ๊า เด้าะ

โพล้งต้ะเซ๊งเท่อ 5:31

กแช่ยาเว-เอ้อ, เกม๊า เต้ น ดีง น แด้ กุ้ อ แฌ้ นอ เซงทื่งเฌ๊ฌ้อง บี่อี้ง แบเด้าะ โพล้ง พี่ อ เอ แน้ นอ, เกม๊า อ เก ด้องซุ้ มื่ง พี่ โพล ทาง ดี๊ อโฌ่งอพ้าง ดี๊ ที๊งล่างค่างพ้า โอ ดี๊ ทซยืงทบ้ะ ลี่ง ชี๊ง เนง นอ ล้อ