อีซยา 17:11 - Northern Pwo Karen Thai Bible

¹¹ ทึเมะ น แม้ เกม๊า อ เมทาง ล นี้ง แย๊ พี่ น เซิงล้าง-อ้ะ ดี๊ แม้ เกม๊า อ โพ๊ทาง ลู่ง โฌ้โค๊ ล นี้ง แย๊ พี่ น ฆวีงล้าง-อ้ะ ทึเมะ บี่นอ ฌี้ นอ, ท แม้นี่ อซูงอแซ นอ ม ไจคุ้ซูงไฆวะ เว๊ ลู่ง มื่ง ล นี้ง แย๊ ท เมะมองแน๊อึ้, ดี๊ ทแช๊ ทคลี พี่ แม้ ก้องแย่ ล ซี แบ

อีซยา 17:11 ပူးပေါင်းရင်းမြစ်များ

โยบา 4:8

พี่ จ แด แบ-อ้ะ นอ, กเย่ โพล้ง พี่ อ เท๊ทเด้เทาเด้บ้ะ ดี๊ โพล้ง พี่ อ วางล้าง ทน้ะทโน๊ง นอ, ม นี่ เก้า แบไท้ เท่อ อ นอ ล้อ

ทอางปฆ้า 90:6

อช๊าอโท่ ลู่ง โฌ้โค๊ นอ, พ้ะทาง, ดี๊ เมทาง ท่อง มแฌล้าง นอ, ล้างเทะ ดี๊ ล้างไย้ะไฆวะ

อีซยา 17:5

ม เก บี่ซุ้ดี๊ โพล้ง เก้าบืง, พี่ อางกีซยอง บืง มื่งเทิง, พี่ บุ้ ชี๊เทิง อ ซ้ะ อ จูง ม เก้า บืง แซเชา ดี๊ ม เก บี่ซุ้ โพล้ง พี่ อางกี บืง แซเชา ลู่ง ทลู่ง เรฟาอีง คางไท้ะ

เยเรมี 5:31

เมะเว๊ โมไคล้คิ้ เท่อ นอ, นี่ โล้ล้าง กไบล้ะกแบล เท่อ ดี๊ กเย่ โพล้งลื่งเท่ออคู นอ, โพะคอง เท่อ ท๊อง อ กแช่ อดู้งอยาง แด เว๊ ดี๊ กพูกลี้ง นอ, แบ อ ซ้ะ บี่อี้ง แบเด้าะ น ซื๊งเว๊ ม แม้ บี่จะเล้, ท่อง อช๊าอโท่ ไค๊ทึ เฌ๊ท้อง นอ?”

โฮเชยา 8:7

เป๊งนี่ อ เว๊ ฆวีงล้าง ลี้ง อ เว๊ แบ เก้านี่ไท้ ลี้ง ว้างไร้ะ บืง มื่งเทิง อ แซเชา ล โอ แบ แบซีงลู่ง เจ่-อ้ะ แม้ ฌื๊งไน้ะ ล ซี แบ ดี๊ ทึเมะ เจ่ แม้ ฌื๊งไน้ะ ซี ฌี้ นอ โพล้ง ลชื้อแด แม้นี่ อางก้ะ เว๊ ล้อ

โฮเชยา 9:16

เอฟาอีง แบ ทแม้ เฌ๊ฌ้องไฆวะ เย้า อฌี่งอเฌ้ นอ ล้างไย้ะล้างไฆ๊ ไฆวะ อ ซื๊งเว๊ ซีง ลแพ ม ล โอ ดี๊ อซูงอแซ ล้า แบ ทึเมะ อ เว๊ ม กึทาง อ พู อ ลี้ง ฌี้ นอ ก ม แม้ซี๊งไฆวะ อ พู อ ลี้ง พี่ อ เอ เว๊ นอ ล้อ

โยเอง 1:17

ทคลี๊งทโพ๊ ไฆ๊ ซี๊ง โอ ลู่ง ฌางคู พ้า โท๊ง นอ โอโปล้ะก้ะ เว๊ พ๊าง นอ ล้างฆ่องล้างซว๊าง เป๊งนี่ บืง นอ, ไฆ๊ซี๊ง เย้า

เลวี​อ​ไฌ่ 26:20

น ซื๊ง ม เลา ฌ้อง นไฌ่นแบ้ โปล้ๆ, ล้อ, เป๊งนี่ น ที๊งล่างค่างพ้า นอ, ทดุ้ทแลทซูงทแซ ล โอ แบ, ดี๊ เซง มื่งเทิง ลู่ง ที๊งล่างค่างพ้า นอ, ล ซูงทางแซทาง แบ

โรมา 2:5

แบเด้าะ น แน่ ตาง ล ญ่อง เปลง ไท้ ซ้ะ แบ, ท บี่ นอ, น อางกี ซยอง น เตา น แต๊ แอ ทาง, ท้อง ล นี้ง แย๊ กแช่ แยว้ ม แม้ เตา แม้ แต๊ เท่อ, ดี๊ ม เนโพล ทาง อ ท ต้ะเซ๊ง ลู่ง อ เกิ้ง อ แบ ล้างที๊ง ล้างช้ะ

โล้​ล้างที๊ง​ทอางแม้เลา 28:39

น ม เซิงล้าง ดี๊ แม้ฌี้แม้แอว้ ซไบ้ะแซ อ มื่ง, แบเด้าะ น ล นี่ โอ้ แบ ไซ้ะ ซไบ้ะแซ ที๊ง แบ, ดี๊ ล นี่ อางชุ้ อซูงอแซ แบ, เป๊งนี่ อ แฆ่ ม อางไฆวะ เว๊ ล้อ