อีซยา 13:6 - Northern Pwo Karen Thai Bible

⁶ เกม๊า ฌางชูฌางช้าง เท่อ, เมะเว๊ มื่งนี้ง ลู่ง กแช่ยาเว เฌ๊ เบ้าทาง เย้า ล นี้ง แย๊ นอ, ม เฌ๊ บี่ซุ้ดี๊ ทแม้ เฌ๊ฌ้อง เฌ๊นี่ ดี๊ กแช่แยว้ พี่ โอ ดี๊ อดู้งอยาง อซยื๊งอซย้อง แอทึ

อีซยา 13:6 ပူးပေါင်းရင်းမြစ်များ

โยบา 31:23

เมะเว๊ จ ซ้ะเมซ้ะไพล้ ทอ้าทน้ะ, พี่ เฌ๊นี่ ดี๊ กแช่แยว้ นอ ดี๊ ลู่ง กแช่แยว้ อ ทฆี๊งดูแล้ดู อกย้อง นอ, จ แม้ บี่นอ ลซีแบ

อีซยา 10:25

เมะเว๊ ล ไยะ ล้า แบ นอ, ก ท ซ้ะทาง ม ทึไฆวะ, ดี๊ ก ท ซ้ะทาง ม ลี้ ลู่ง ทแม้ เฌ๊ฌ้อง อ ซื๊งเว๊ ล้อ”

อีซยา 10:3

น ซื๊ง ม แม้ บี่จะเล้ ลู่ง ท แม้เตาแม้แต๊ อ มื่งนี้ง พ้า? ดี๊ ลู่ง ท แม้เฌ๊ฌ้องไฆวะ อ มื่งนี้ง พ้า พี่ เฌ๊นี่ ลู่ง อ ไย้ นอ? น ซื๊งเว๊ ซีง ลแพ ม ไจคุ้ซูงไฆวะ ลี้ เปิ่ง โพล้ง เล้? ดี๊ น ซื๊ง ม อางกี น คอง น แซย้ พี่จองเล้?

อีซยา 13:9

อี้งเซ้อ, มื่งนี้ง ลู่ง กแช่ยาเว ม เฌ๊ ดู้งลู่ ดี๊ ท ซ้ะทาง พ้ะดู ดี๊ ท เซิงทางซ้ะไฌ๊ พ้ะดู บี่ซุ้ ม ดึ้ เกม๊า ที๊งล่างค่างพ้า เก ทล่าง โอโปล้ ก้ะ กูกิ้ บี่ซุ้ ม แม้เฌ๊ฌ้องไฆวะ โพล้ง ทเด้บ้ะ ลู่ง ฌางคูโคล๊งคู นอ

อีซยา 14:23

“ดี๊ ก ม ดึ้ เกม๊า บาบีโลง เก ก้ะ กล้ะโด้ง ลแพ นอ อ เท่อ, แม้ เก ทาง ก้ะ ที๊งกวี้ง, ม กว้ะไฆวะ เว๊ ดี๊ ทแม้ เฌ๊ฌ้อง อ นางกว้ะ”, กแช่ยาเว ซึ้คู ดูทึชองทึ ไจ้ะเว๊ บี่อี้ง ล้อ

อีซยา 14:31

เว่ง อ ป้ะตู๊ง-เอ้อ, เกม๊า ฌางล้างย้าล้าง, เว่ง-เอ้อ, เกม๊า ฌาง ชูฌางช้าง เท่อ ฟีลีเตีย-เอ้อ, เกม๊า น ซื๊ง กุ้แฌ้ โบงไฆวะ พลี่งไฆวะ เป๊งนี่ ทคูง ไจทาง นี่ ลู่ง มื่งเค๊ง ล โค๊ ดี๊ โพล้ง ล โอ น่างแฌ้ แบ ไจทางไฆวะ อ กแช่ อ เทว ชี๊เทิง พ้า”

อีซยา 2:12

เมะเว๊ กแช่ยาเว ซึ้คู ดูทึ แด้ เว้ มื่ง ล นี้ง พี่ ม ดึ้ โละซ้ะ ดี๊ ทกุ้เม้ง, พี่ ทื่งดู ล้าง ซ้ะ ดี๊ ชีอูงพู๊ อ ซ้ะ เลา ดี๊ ทกุ้เม้ง ลู่ง อ แบ ท โชะทาง พี่ ม ล้างพือ ล้างปี๊

อีซยา 23:1

ทไคล้ พี่ อ ชอง แบฆ้ะ ดี๊ ไทระ เว่ง ทาราชิ้ อ คลี๊ง ลแพ ซีง-เอ้อ, เกม๊า ฌางล้างย้าล้าง แดเทา เมะเว๊ เว่ง นอ แบ ทแม้ เฌ๊ฌ้องไฆวะ, ท้อง ลู่ง เด้า-อ้า, เกล้ นึฆ้าง-อ้า นอ, ล โอ ล้างลื๊อ ล้า แบ อ ซื๊งเว๊ นี่แบ ท ปล้ะล้าง พี่ อ เฌ๊นี่ ลู่ง ค่าง ไซประ

อีซยา 34:2

เมะเว๊ กแช่แยว้ ซ้ะทาง พ้ะดู ดี๊ โพล้ง กุ้ที๊งกุ้ค่าง ดี๊ ซ้ะทาง ดี๊ อ ซึ้พู มู๊ง เลาพะ กแช่แยว้ แม้เฌ๊ฌ้อง อ ซื๊งเว๊, ดี๊ อางกีล้าง เอะ ท แม้ซี๊ง กล้างซี๊ง

อีซยา 34:8

เมะเว๊ กแช่ยาเว โอ ดี๊ อ มื่งนี้ง ลู่ง ท แม้แกไท้ อ ฌ่าง โอ ดี๊ เนง ลู่ง ท แม้ช๊าไท้ ซีโยง อ ท คิ้คุ้ไวะวะ อ ฌ่าง

อีซยา 47:11

แบเด้าะ ทอ้าทซ๊าง ม เฌ๊ท้อง แน้ พี่ น ม อูงซยู๊ไฆวะ-อ้ะ ล ซี แบ ทอ้าทน้ะ ม เฌ๊ ล้างเทะ แบ แน้ พี่ น ม เฌ๊ฆิ้ไฆวะ-อ้ะ ล ซี แบ ดี๊ ทแม้ เซงทื่งเฌ๊ฌ้อง ม เฌ๊ท้อง แน้ ล ทีงฆ่าง พี่ น ล ซีงแฌ๊คูไค๊ เท่อ น่างเม้ง แบ

อีซยา 52:5

กแช่ยาเว ไจ้ะเว๊ บี่อี้ง, ค๊องเนงอี้ง ก แบ แม้ ทเม้งเล้ พี่อี้ง, อไฌ่บี่อี้ง, โพล้ง เฆ้อ ก ชื้อ, แบ ท พองนี่ ไท้ม้องไฆวะ โปล้ๆ, โพล้ง ยู่แคว่-อ้ะ นอ, กุ้ซย้ะ เท่อ ดี๊ กเม้งกแซ แบ ทดึ้เดวทื่งแช้ น๊างบ้อง กุ้มื่งนี้ง

อีซยา 61:2

บี่ซุ้ โล้ล้าง เนง ลู่ง แบ กแช่ยาเว อ ท มอง ดี๊ โล้ล้าง มื่งนี้ง ลู่ง ก กแช่แยว้ อ ท แม้แกแม้ช๊าไท้ บี่ซุ้ แม้ ชองทาง โพล้ง กุ้แฌ้ อ ซ้ะ, พี่ มองแบม้ะแบ เท่อ

อีซยา 63:4

เมะเว๊ มื่งนี้ง ลู่ง ท แม้แกไท้ เท่อ นอ, โอ ก ซ้ะ พ้า ดี๊ เนง ลู่ง ก ท เทะนี่ไท้ เฌ๊ท้อง เย้า

อีซยา 65:14

อี้งเซ้อ, เฆ้อ ก เพล่ ม ซ้ะอวีงแท๊, เฌ๊ทาง นี่ ลู่ง ท เซิงมึซ้ะมึ แบเด้าะ น ซื๊งเว๊ ซีง ลแพ, ม กุ้ซย้ะ เท่อ, เฌ๊ทาง นี่ ลู่ง ทแช๊เซิงแช๊ซ้ะ ดี๊ ม ฌางอื้งฌางโทะ, เฌ๊ทาง นี่ ลู่ง ท น้ะเซิงน้ะซ้ะ พ้า

เยเรมี 25:34

โพล้ง ลื่ง แกะ ลแพ ซีง-เอ้อ, เกม๊า ฌางล้างย้าล้าง ดี๊ กุ้ซย้ะ แดเทา โพล้ง เก แกะ อ กแช่-เอ้อ, เกม๊า เลว๊ น ซ้ะ พี๊แคล พ้า เมะเว๊ มื่งนี้ง อช๊าอโท่ ลู่ง ท แม้ซี๊ง แน้, ดี๊ มื่งนี้ง อช๊าอโท่ พี่ น แบ ที่มื่งที่พ้ะ นอ, เฌ๊ท้อง เย้า ดี๊ น ซื๊งเว๊ ซีง ลแพ, ม ล้างเทะเค้า บี่ซุ้ดี๊ ทพ้าทล่าง พี่ อ ลื่งดูฆวี้ดู

เยเรมี 49:3

“เฮโบง-เอ้อ, เกม๊า ฌางล้างย้าล้าง, เป๊งนี่ เว่ง ไอ แบ ท ญ๊องไฆวะ โอโปล้ก้ะ โพล้ง ลู่ง เว่ง ร้ะบา-เอ้อ, เกม๊า ฌางชูฌางช้าง เท่อ เกม๊า แม้นี่ ตไก้ยะ กเซ้าะ เราทะ ย่างเด้ง เกม๊า ฌางอีงฌางเอ้า, ซยู๊ลี้ซยู๊ไท้ โอ ลู่ง กางแป พ้า เมะเว๊ ท กโช้งกแช่ มีงโคง ม แบ ท พองนี่ ลี้ เก ทอฆ่อง ล พ๊าฆ่าง ดี๊ อ โพล้งลื่งเท่ออคู ดี๊ อคูอแน่ ล้อ

เยเรมี 51:8

บาบีโลง ล้างเทะเค้า, ดี๊ ที่มื่งที่พ้ะ ล ทีง ฆ่าง เกม๊า ฌางล้างย้าล้าง ลู่ง อ ฌ่าง แดเทา เกม๊า แม้นี่ ทซีง เฌ๊โชะ เกม๊า อ แม้ มึทาง ทแช๊ แบซีงลู่ง ม แม้ก้องแย่ไท้-อ้ะ ซี

เอเซเคียง 13:5

น ซื๊ง ล นี่ ลี้ทาง ลู่ง ท อ เช้า ฌู๊ลู้ แบ, ดี๊ ล นี่ แม้ฌี้ไท้ เอะ อีซลาเอง อ กางแป แบ, บี่ซุ้ เกม๊า โอเฌิ่งโอค๊า ซี ลู่ง ทดึ้ทชาง อ แค๊, ลู่ง กแช่ยาเว อ มื่งนี้ง พ้า

เอเซเคียง 21:12

กโพล้ง อ พู-เอ้อ, เกม๊า ฌาง ดี๊ ฌางล้างย้าล้าง เป๊งนี่ ม เก ท ดึ้ซึ้ กพูกลี้ง ดี๊ ดึ้ซึ้ กเย่ อีซลาเอง อคูอแน่ อ ซื๊งเว๊ แบ ท จึ้ล้าง เอะ น้ะ, ล พ๊าฆ่าง ดี๊ กพูกลี้ง อกย้องบี่นอ, เกม๊า ท่างล้าง ซ้ะแน๊ มิ้ล้าง น คู

ดานีเอง 5:26

อ อี้ง นอ เก ท ปเล๊ ทกวิ้ล้าง นอ เมเน กแช่แยว้ ไคะดุ้ นมื่งนบ้าง อช๊าอโท่ เย้า, ดี๊ เฌ๊ฌ้า บ้างมื่ง นอ ท้อง ท อทึอจุ้

ดานีเอง 5:9

ฌ้อง กจุ้แฆว้ เบงชาซา นอ, อ ซ้ะไพ่ น้ะ มะ, ดี๊ อ เมะ ทางบ้าง, ดี๊ อ เพล่ อคูอแน่ ลแพ นอ โท๊มี๊งโท๊แม ล้อ

โยเอง 1:11

โพล้ง แม้ ไชะ ลแพ ซีง-เอ้อ, เกม๊า เซิงซ้ะ ล มึ แบ โพล้ง แม้ฌี้แม้แอว้ ซไบ้ะ มื่ง-เอ้อ, เกม๊า ฌางล้างย้าล้าง เป๊งนี่ ลู่ง บืง ซาลี ดี๊ บืง บาเล อกย้อง อไฌ่บี่อี้ง, ทซูงทแซ ลู่ง ไชะคูแน้พ้า นอ, แบ ทแม้ เฌ๊ฌ้อง

โยเอง 1:13

โพล้งลื่งเท่ออคู ลแพ ซีง-เอ้อ, เกม๊า เรา ตไก้ยะ กเซ้าะ ดี๊ ฌางอีงฌางเอ้า โพล้ง พี่ แม้ เท่อ ลู่ง ทลื่งล่าง-เอ้อ, เกม๊า ฌางล้างย้าล้าง กเย่ โพล้ง แม้ เอะ จ กแช่แยว้ อ เท่อ-เอ้อ เกม๊า เฌ๊ฆ้าง มี๊งโท่ ดี๊ ทซุ้ทก้อง ตไก้ยะ กเซ้าะ อไฌ่บี่อี้ง, ทลื่งทางเทว๊ทซูงทแซ, ดี๊ ทโอ้ลื่งทางเท่อ นอ ไว้ะไฆวะว๊างไฆวะ ดี๊ เด้ น กแช่แยว้ อ ล่างโอ

โยเอง 1:15

เฆว๊, ล นี้ง แย๊ นอ เมะเว๊ มื่งนี้ง ลู่ง กแช่ยาเว เฌ๊ เบ้าทาง เย้า ล นี้ง แย๊ นอ, ม เฌ๊ บี่ซุ้ดี๊ ทแม้ เฌ๊ฌ้อง, เฌ๊นี่ ดี๊ กแช่แยว้ พี่ โอ ดี๊ อดู้งอยาง อซยื๊งอซย้อง แอทึ

โยเอง 1:5

โพล้ง ม้า เท่อ ลแพ ซีง-เอ้อ, เกม๊า นางทาง ซ้ะ ดี๊ ฌางซย้ะ โพล้ง โอ้ไซ้ะโท่ง กุ้แฌ้-เอ้อ, เกม๊า ฌางล้างย้าล้าง เป๊งนี่ ลู่ง ไซ้ะ ซไบ้ะแซ ที๊ง ช๊า อกย้อง เมะเว๊ อ ม แบ ทแม้ ล้างเทาไฆวะ ดี๊ น ซื๊ง นุ้ เย้า

โยเอง 2:1

เกม๊า อูงเซ๊ ทโน้ง ลู่ง ซีโยง พ้า เกม๊า แม้เซ๊ ลู่ง, โล้ ซีงแฌ๊ ทอ้าทซ๊าง, ลู่ง ก ทลู่ง เช๊งเกล้ง คู เกม๊า กุ้แฌ้ พี่ เปิ่งโอเปิ่งช๊อง ที๊งล่างค่างพ้า นอ, ว้ะโทะ น๊างแฌ้ เมะเว๊ กแช่ยาเว อ มื่งนี้ง เฌ๊ เบ้าทาง เย้า

โยเอง 2:11

กแช่ยาเว แม้ เซ๊ อ ลู่ง ลู่ง อ ซึ้พูมู๊ง อ เมะแซ พ้า กแช่แยว้ อ ซึ้พูมู๊ง นอ ดู มะ โพล้ง พี่ แม้โพะ กแช่แยว้ อ ทอางแบเลา อ ไค๊ นอ, โอ อ แฌ้ แอฌี่งแอฌ้อง อไฌ่บี่อี้ง, กแช่ยาเว อ มื่งนี้ง นอ, ดู เต้ๆ ดี๊ ล้าง ซ้ะเม น้ะ มะ, โพล้งเล้ ม โท่ง โอ เว๊ ซี?

โยเอง 2:31

มื่ง ม เกทางก้ะ ทไค้ะ, ดี๊ แล้ เกทางก้ะ ทซวีง พี่ กแช่ยาเว อ มื่งนี้ง ล คลึ้ เฌ๊ท้อง ได้ะ แบ, เมะเว๊ มื่งนี้ง พี่ อดูอโท๊, ดี๊ ล้าง ไพ้ะฆิ้โค๊ฆิ้

อาโม 5:18

ทเซงทื่งเฌ๊ฌ้อง แบ แน้, พี่ แบซ้ะ กแช่ยาเว อ มื่งนี้ง น แบซ้ะ กแช่ยาเว อ มื่งนี้ง แม้ ทเม้งเล้? มื่ง ล นี้ง แย๊ นอ, เก ทไค้ะซ๊า, ล เมะ ทโฌ่งทพ้าง แบ

เซฟางยา 1:14

กแช่ยาเว อ มื่งนี้ง ลู่ง อดูอโท๊ นอ, เฌ๊ เบ้าทาง เย้า เฌ๊ เบ้าทาง ดี๊ ปชื่ง น้ะ มะ ท อ ลู่ง กุ้ซย้ะ เท่อ ลู่ง กแช่ยาเว อ มื่งนี้ง พ้า นอ, ซ้ะ เฌ๊ฌ้อง น้ะ มะ โพล้งดึ้ซึ้เท่อพู ม กุ้ซย้ะ เซ๊ พ้ะดู พี่ นอ

เซฟางยา 1:7

เกม๊า โอกโช้ ลู่ง ทอดูทึโท๊ทึกแช่ยาเว อ เมะแซ พ้า เมะเว๊ กแช่ยาเว อ มื่งนี้ง เฌ๊ เบ้าทาง เย้า กแช่ยาเว แด้เว้ ทลื่งทาง เย้า ดี๊ อางน้างพ้ะไฆวะ โพล้ง พี่ กแช่แยว้ กุ้นี่ เว๊, เกม๊า อเช๊งอเกล้ง ลแพ นอ

เซคารียา 14:1

อี้งเซ้อ, มื่ง ม โอ ล นี้ง เฌ๊ ท้อง ลู่ง กแช่ยาเว อ ฌ่าง, พี่ คองแซย้ พี่ อ เว๊ ลู่นี่ก้ะ น เท่อ นอ, อ เว๊ ม อางน้าง โละ อ ซ้ะ ลู่ง นซุ้นแกล้ พ้า

มาลาคี 4:5

“อี้งเซ้อ, ก ม โซ๊งทาง เอลียา โมไคล้คิ้กแช่แยว้ เฌ๊ฌูง แน้, พี่ ล ท้อง กแช่ยาเว อ มื่งนี้ง ได้ะ แบ, เมะเว๊ มื่งนี้ง พี่ อดูอโท๊, ดี๊ ล้าง ซ้ะเมซ้ะไพล้ ม เฌ๊ ท้อง

ยาเก้า 5:1

ช๊องแน-อ้ะ, โพล้ง ท โอ ท ช๊อง ซีง-เอ้อ, ฌางล้าง ย้าล้าง-อ้ะ, พี่ ท น้ะ ท โน๊ง เฌ๊ ม ท้อง น ซื๊ง โคะ

ท​เน​โพล​ทาง 18:10

อซื๊งเว๊ ชี๊เทิง ลู่ง อ ไย้ แคว่ เว๊, เป๊งนี่ ซ้ะเม เท่อ พี่ อ แด เว๊ เว่ง นอ แบ ท แม้ เทะทอง ปได้-อ้ะ, อซื๊งเว๊ ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู บาบีโลง พี่ อ โอ ดี๊ อ ดู้ง อ ยาง-เอ้อ, น แบ ท แม้ เตา แม้ แต๊ เฌ๊ฌี่ง เฌ๊ฌ้อง ไฆวะ ล ทีง เฆาะ ล้อ”