อีซยา 13:14 - Northern Pwo Karen Thai Bible

¹⁴ ด้องซุ้ ทพู๊ พี่ อ แบ ท ล้อง ค้ะ บี่ซุ้ดี๊ แกะ พี่ โพล้ง ล โอ อางกีซยอง-อ้ะ ดี๊ อ ฌุ้พาง แบ โพล้ง กุ้แฌ้ ม แกยไท้ อ ซ้ะ ลี้ฌูง โพล้ง ล ชื้อ ฆ่าง ดี๊-อ้ะ ดี๊ โพล้ง กุ้แฌ้ ม ไจคุ้ซูง ลี้ ลู่ง อ กแช่ อ ที๊งล่างค่างพ้า

อีซยา 13:14 ပူးပေါင်းရင်းမြစ်များ

1​กจุ้แฆว้ 22:17

มีคายา โล้ เอะ-อ้ะ ไจ้ะเว๊, “จ แด โพล้ง อีซลาเอง เลาพะ นอ, ที่พ้ะที่ล้าง โอ ทลู่ง คู แบด้องซุ้ แกะ, พี่ โพล้ง ล โอ ลื่ง-อ้ะ แบ ดี๊ กแช่ยาเว ไจ้ะเว๊, ‘ โพล้ง ลแพ อี้ง อ เซงคู ล โอ แบ, เกม๊า อ ซื๊งเว๊ ล แฌ้ๆ, นอ, ไท้ ไท้ ลู่ง อ เด้า ดี๊ ทมึทพ้า แดเทา’, ”

1​กจุ้แฆว้ 22:36

เมาะ มื่ง ม ล้างนึ เย้า นอ, ท อ ลู่ง กุ้ทาง เท่อ เฆ้ง ซึ้พูมู๊ง อ แกล้ ไจ้ะเว๊, “เกม๊า กุ้ อ แฌ้ ไท้ ลู่ง กแช่ อ เว่ง, ดี๊ ลู่ง กแช่ อ เฌง ล่าง ฆ๊าง ล่าง”

อีซยา 17:13

กเย่ โพล้ง กุ้ชื้อกุ้ชะ, แม้ เซ๊ อ ลู่ง ล้างว้างล้างซวาง, บี่ซุ้ดี๊ ที๊ง แอฌี่งแอฌ้อง อ ลู่ง แบเด้าะ กแช่แยว้ ม แม้น้าแม้ฆ่าง -อ้ะ, ดี๊ อ เว๊ ม ไจคุ้ซูงไฆวะ ไย้โยะ แบ ท โฌ๊ไจไฆวะ บี่ซุ้ดี๊ พี๊ซวิ้, พี่ แบ ลี้งอูง-อ้ะ ลู่ง ทลู่ง คู บี่ซุ้ดี๊ ทมูงทมวี๊ง พี่ อ ดี้งไฆวะ ลู่ง ลี้ง อ เมะแซ พ้า

อีซยา 21:15

อไฌ่บี่อี้ง, อ เว๊ ไจคุ้ซูงแดไฆวะ น้ะ ไจแดไฆวะ น้ะ พี่ ทึ้ทาง อ ซ้ะ ไจแดไฆวะ คลีง พี่ ไพทาง อ ซ้ะ ดี๊ ไจแดไฆวะ ทดึ้ทชาง พี่ ออ้าอซ๊าง

อีซยา 47:15

โพล้ง พี่ ท ไปว้ะ น ซ้ะ ดี๊-อ้ะ ลแพ นอ, ม เก เอะ แน้ บี่อี้ง เมะเว๊ โพล้ง พี่ โพะเละแม้แค้ เท่อ ดี๊ แน้ โค๊ ลู่ง มืงน้าง แค๊ นอ แบเด้าะ ล แฌ้ๆ, ไจพลุ้ฌ้ะเม้ง ลู่ง อ ซื๊งเว๊ อเกล้อพ้า แด เว๊ ล้อ โพล้ง ม แม้พ้องพลิ้ แน้ ซี ล โอ น่างแฌ้ แบ

เยเรมี 25:12

กแช่ยาเว ไจ้ะเว๊, ‘ท่อง อ ชิ้ ทาง อ เนง เนว๊ ชี๊ง เย้า นอ, ก ม แม้เตาแม้แต๊ กจุ้แฆว้ บาบีโลง, ดี๊ อ เฌงพูฆ๊างพู นอ, เมะเว๊ โพล้ง เคลเดีย อที๊งอค่าง, ลู่ง อ ซื๊งเว๊ ซีง ลแพ อ ทเด้เทาเด้บ้ะ อกย้อง, ก ม ดึ้ เกม๊า ที๊งล่างค่างพ้า นอ, แบ ท ญ๊องไฆวะ ล้างชู้ล้างแกย ล้อ

เยเรมี 50:16

เกม๊า แม้ไฆวะ โพล้ง ฆวีงล้าง เท่อ ลู่ง บาบีโลง ดี๊ แม้ไฆวะ โพล้ง พี่ อ โชะ ท้ะเฌะ ลู่ง ท เก้า อาง อว๊างอแค๊ เป๊งนี่ ลู่ง โพล้ง แคแนแคแก้ เท่อ อ น้ะ อกย้องนอ โพล้ง กุ้แฌ้ แกยฆ้าง อ ซ้ะ, ลี้ฌูง อ กแช่ อ ชื้อ ดี๊ กุ้แฌ้ ม ไจคุ้ซูง ลี้ ลู่ง อ กแช่ อที๊งอค่าง

เยเรมี 51:9

ก ซื๊งเว๊ ก นี่ แม้ก้องแย่ บาบีโลง, แบเด้าะ อ เว๊ ล ก้องแย่ แบ ญ๊องไฆวะ-อ้ะ แดเทา, ดี๊ เกม๊า ก ลี้ ล แฌ้ๆ, ลี้ ลู่ง อ กแช่ อที๊งอค่าง เมะเว๊ ทต้ะเซ๊ง-อ้ะ นอ, นี่ ลี้ทาง ท้อง ทมุ้คู ดี๊ แบ ท โชะทาง ท๊องซุ้ ดี๊ ทเอิง

นาฮูง 3:18

โอ้, กจุ้แฆว้ ลู่ง อะซีเรีย-เอ้อ กเย่ น โพล้ง ลื่ง แกะ นอ, มี๊งไฆวะ เย้า นคูนแน่ ลแพ นอ, มี๊งเชามี๊งเค๊ง โพล้ง ล ชื้อ ฆ่าง ดี๊ แน้ นอ, ที่มื่งที่พ้ะ โอ ลู่ง ทลู่งทโท้ ดี๊ โพล้ง ล โอ อางกีซยอง เว๊ ซี น่างแฌ้ แบ

ม้ะทู 9:36

พี่ กแช่ เยซู แด โพล้ง ล มู๊ง นอ, อ เว๊ ย๊างเซิง ย๊างซ้ะ แบ เว๊, อ ไฌ่ บี่ อี้ง, อ ซื๊ง เว๊ ซีง แบคู่ แบโฌ้ เท่อ, ดี๊ แม้ช้า ล้าง อ ซ้ะ ล ซี แบ บี่ ซุ้ แกะ ล มู๊ง พี่ โพล้ง ล โอ ลื่ง-อ้ะ แบ

มาร้ะกู 6:34

ท่อง กแช่ เยซู ไจ ล้าง ไฆวะ คลี๊ง พ้า นอ แด โพล้ง แอ ฌ้อง ล มู๊ง นอ, ฌ้อง ย๊างเซิง ย๊างซ้ะ เว๊ เต้ๆ, ล้อ, แคว่ เว๊ แบ ด้อง แกะ ล มู๊ง พี่ โพล้ง ล โอ ลื่ง-อ้ะ แบ, อ เว๊ แด ซอง ทาง ซ๊าง ทาง เอะ เว๊ อ เท่อ ตบลึ้ เม้ง ล้อ

1เปโต 2:25

อ ไฌ่ บี่ อี้ง, น ซื๊ง เก บี่ ซุ้ แกะ พี่ อ เฌ๊ พลุ้, แบ เด้าะ ค๊องเนง อี้ง, น เฌ๊ ไท้ ก้ะ ลู่ง โพล้ง พี่ อ ลื่ง น ซื๊ง, ดี๊ ยู่แคว่ น ซื๊ง ล แฌ้ นอ อ โอ เย้า