อีซยา 11:16 - Northern Pwo Karen Thai Bible

¹⁶ เกล้ พ้ะดู ม โอนี่ ลู่ง อะซีเรีย ลู่ง โพล้ง โอ ล้างลื๊อ ก้ะ ลู่ง กแช่แยว้ อ พู อ ลี้ง อซุ้อแกล้ นอ อ ฌ่าง บี่ซุ้ดี๊ เกล้ ลู่ง อีซลาเอง อ ฌ่าง พี่ อ ซื๊งเว๊ เฌ๊ไท้ ทาง นี่ ลู่ง ค่าง อีไย้ะ นอ ล้อ

อีซยา 11:16 ပူးပေါင်းရင်းမြစ်များ

ทไจทางไฆวะ 14:22

โพล้ง อีซลาเอง ลี้ฆ้าง ฌางคู ซู๊งโคล่ คู ปางเล แกล้ พ้า ที๊ง นอ บุ้ทาง ซ้ะ แบด้อง กางแป ลู่ง อ ซื๊งเว๊ อ ฌ่าง, เลา ดี๊ อ ฆุ้ ล โค๊, ดี๊ อ จี ล โค๊ นอ ล้อ

อีซยา 1:9

กแช่ยาเว ซึ้คู ดูทึชองทึ เมะ ล นี่ อางกี ล้างลื๊อ เอะ เฆ้อ โพล้ง ล น้าง แบ นอ เฆ้อ นอ ก ม เก บี่ซุ้ดี๊ เว่งโซโดง ดี๊ เก บี่ซุ้ดี๊ เว่ง โกโมรา นอ ล้อ

อีซยา 10:20

ล นี้ง แย๊ นอ, โพล้ง อีซลาเอง พี่ โอ ล้างลื๊อ ก้ะ, ดี๊ โพล้ง พ้องพลิ้ ซี๊ง ลู่ง ยาคุ้ อชื้ออชะ นอ, ม ล ทุ้ อ ซ้ะ เปิ่ง โพล้ง พี่ ท่าง-อ้ะ นอ ล้า แบ, แบเด้าะ ม ทุ้ อ ซ้ะ เปิ่ง กแช่ยาเว, อีซลาเอง อ กแช่แยว้ พี่ อฌี้อแอว้ นอ ดี๊ ท เซิงเท่งซ้ะโต้

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 19:23

ล นี้ง แย๊ นอ, เกล้มื่ง พ้ะดู ม โอนี่ อีไย้ะ ท้อง อะซีเรีย, ดี๊ โพล้ง อะซีเรีย ม เฌ๊ ลู่ง อีไย้ะ, ดี๊ โพล้ง อีไย้ะ ม ลี้ ลู่ง อะซีเรีย, ฌ้อง โพล้ง อีไย้ะ ดี๊ โพล้ง อะซีเรีย ม โบงทางแบ้ทาง ซกุ้ เท่อ

อีซยา 27:13

ดี๊ ล นี้ง แย๊ นอ, อ เว๊ ม อูง ทพูแฆ่ อ โน้ง พ้ะดู, ฌ้อง โพล้ง พี่ อ เซงทื่งเฌ๊ฌ้อง พี่ โอ ค่าง อะซีเรีย พ้า, ดี๊ โพล้ง พี่ แบ ท โฌ๊ไจทางไฆวะ ลี้ ลู่ง ค่าง อีไย้ะ นอ, ม เฌ๊ โบงทางแบ้ทาง กแช่ยาเว, ลู่ง ทลู่ง พี่ อฌี้อแอว้ ลู่ง เว่ง เยรูซเลง พ้า

อีซยา 49:11

ก ม แม้พุ้ ก ทลู่ง กุ้ โพลง, เกม๊า อ เก เกล้ โพะ ดี๊ ก เกล้ พ้ะดู ลแพ นอ, ม แบ ท โชะทาง เกม๊า อ โท๊

อีซยา 49:12

อี้งเซ้อ, อ ซื๊งเว๊ ลแพ อี้ง, ม เฌ๊นี่ ลู่ง เว่งไย้ ดี๊ แคว่เซ้อ, ลแพ อี้ง เฌ๊นี่ ลู่ง มื่งเค๊ง ดี๊ ลู่ง มื่งนึ ล โค๊ ดี๊ ลแพ อี้ง เฌ๊นี่ ลู่ง ค่าง ซีนีง”

อีซยา 51:10

แน้ ล เมะ แบ-อ้า พี่ ดึ้ เกม๊า ปางเล ซู๊งทางไฆวะ? เมะเว๊ ทโยะคิ้ อ ที๊ง นอ ดี๊ ปางเล อ ทโยะคิ้ นอ, แม้ เว๊ เก เกล้ บี่ซุ้ เกม๊า โพล้ง พี่ เทะนี่ไท้ เว๊ เย้า นอ, ไจ ลี้ พะไฆวะ เว๊

อีซยา 57:14

ดี๊ ม โอ ดี๊ ท ไคล้ บี่อี้ง “ เกม๊า แม้ จ้องทาง ฌางคู, เกม๊า แม้ จ้องทาง ฌางคู, ดี๊ เกม๊า แม้เว้แด้เว้ เกล้ เกม๊า กูง ทิ้ทางไฆวะ ทแกทเฌ้ ลู่ง กพูกลี้ง อ เกล้”

อีซยา 62:10

เกม๊า ลี้ นึฆ้าง, เกม๊า ลี้ นึฆ้าง ลู่ง ป้ะตู๊ง ลแพ นอ เกม๊า แด้ เว้ เอะ โพล้ง ล ชื้อ อี้ง อ เกล้ เกม๊า โชะทาง, เกม๊า แม้ โท๊ทาง เกล้ พ้ะดู เกม๊า ฆี๊ไฆวะ โล่ง ท่อง อ เลา เกม๊า โชะทาง ตไก้ยะ แม้ไน เท่อ, ลู่ง โพล้ง กุ้ชื้อกุ้ชะ ลแพ นอ อ เช๊คู

เซฟางยา 2:7

ปางเล พ้าไท้ะ ม เก ยูดา อชื้ออชะ พี่ โอ ล้างลื๊อก้ะ นอ อ เท่อ อ ซื๊งเว๊ ม ลื่ง ทพูแฆ่ พี่ นอ ดี๊ อ ซื๊งเว๊ ม มี๊งน้าง ล้าง ลู่ง มื่งแฌล้างโค๊ ลู่ง โพล้ง อะเคโลง อ เด้า พ้า เมะเว๊ กแช่ยาเว, อ ซื๊งเว๊ อ กแช่แยว้ ม ควี๊งคูแกยแน่-อ้ะ ดี๊ เกม๊า อ ซื๊งเว๊ ซีง ลแพ, โอไท้ บี่ อ ล่างๆ