อีซยา 10:26 - Northern Pwo Karen Thai Bible

²⁶ ดี๊ กแช่ยาเว ซึ้คู ดูทึชองทึ ม เว่งว๊าง นางพลี เฌ๊ ดึ้-อ้ะ, บี่ซุ้ดี๊ พี่ กแช่แยว้ ดึ้ซึ้ โพล้ง มีเดียง ลู่ง ไล๊ โอเระ, ดี๊ อ นางทุ้ พี่ โอ แบ ลู่ง ปางเล คูด้าง นอ, กแช่แยว้ ม โชะทาง เว๊ ด้องซุ้ พี่ อ แม้ เว๊ ลู่ง อีไย้ะ พ้า

อีซยา 10:26 ပူးပေါင်းရင်းမြစ်များ

2​กจุ้แฆว้ 19:35

ดี๊ โอก้ะ ลู่ง ไค๊ ล แน้ แย๊ นอ, กแช่ยาเว อ ทมุ้คูพู ไจทาง, ดี๊ แม้ซี๊ง โพล้ง อะซีเรีย ลู่ง ทล่างโอซยอง พ้า นอ, ล ล้าง โฆะ ไซ เย่ ม๊า แฌ้, ดี๊ ท่อง โพล้ง เฌ้เทิงทาง ลู่ง โฌ้ ล คึ นอ, แคว่เซ้อ, โพล้ง ลแพ อี้ง เกทางก้ะ ทจู เลาพะ

ทอางปฆ้า 35:23

ทอดูทึโท๊ทึ จ กแช่แยว้ -เอ้อ, เกม๊าเต้ เฌ้เทิงทาง, เกม๊าเต้ นางทางซ้ะ, บี่ซุ้ ยู่ทะแคว่ทะ จฌ้องจเก บี่ซุ้ ช๊องมองแคว่ที๊ง เอะ จบ้าจคว่าง ไช้ะ

ทอางปฆ้า 83:11

เกม๊าเต้ อซื๊งเว๊ อ เพล่ดูแม้เท่อบลางพ้า นอ, เก บี่ซุ้ดี๊ โอเระ, ดี๊ เซเอะ เกม๊าเต้ อซื๊งเว๊ อ กดูกแซย่ เลาพะ นอ, เก บี่ซุ้ดี๊ เซบา, ดี๊ ซางมูนา

ทไจทางไฆวะ 14:16

นี๊แด นอ เกม๊า น โชะทาง น นางทุ้บ้อง, ฌ้อง เยาฆ้าง น จูง ลู่ง ปางเล คูด้าง, ดึ้ เกม๊า ปางเล นอ อางน้างพ้ะ อ ซ้ะ, บี่ซุ้ โพล้ง อีซลาเอง ม ไจ แบ ฌางคู ซู๊งโคล่ คู ลู่ง ปางเล แกล้ พ้า ซี

อีซยา 10:24

ทบี่นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ ไจ้ะเว๊ บี่อี้ง “โพล้ง เฆ้อ ก ชื้อ พี่ โอ ซีโยง พ้า-เอ้อ, ซ้ะเม โพล้ง อะซีเรีย พี่ อ ท่าง น ซื๊ง ดี๊ นางมื่งคืง, ดี๊ โชะทาง อ นางทุ้ ดึ้ แน้ บี่ซุ้ดี๊ โอ ลู่ง อีไย้ะ พ้า อู้ง นอ ล ฌี้

อีซยา 11:16

เกล้ พ้ะดู ม โอนี่ ลู่ง อะซีเรีย ลู่ง โพล้ง โอ ล้างลื๊อ ก้ะ ลู่ง กแช่แยว้ อ พู อ ลี้ง อซุ้อแกล้ นอ อ ฌ่าง บี่ซุ้ดี๊ เกล้ ลู่ง อีซลาเอง อ ฌ่าง พี่ อ ซื๊งเว๊ เฌ๊ไท้ ทาง นี่ ลู่ง ค่าง อีไย้ะ นอ ล้อ

อีซยา 30:30

ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

อีซยา 30:31

โพล้ง อะซีเรีย ม ไพ้ะฆิ้โค๊ฆิ้ ดี๊ กแช่ยาเว อ ลู่ง เซ๊, กแช่แยว้ ม ท่าง เท่อ ดี๊ อ เซง

อีซยา 30:32

ดี๊ นางพลี พี่ เจ่ แม้เตาแม้แต๊ เท่อ กุ้ อ ทีง, พี่ กแช่ยาเว เป้ล้าง-อ้ะ อล้องอย่าง นอ, ม พุ้ โละซ้ะ ดี๊ รางมานา ดี๊ ทแน่พี่โอดี๊ อโน้ง, ดี๊ กแช่แยว้ ม ดึ้-อ้ะ ลู่ง ทดึ้ทชาง พ้า ดี๊ จูง พี่ เว่งว๊าง อ ซ้ะ

อีซยา 9:3

กแช่แยว้ แม้ แอทาง โพล้ง อ แฌ้ ลู่ง โพล้ง ล ชื้อ นอ อ พ้า กแช่แยว้ แม้ แอทาง อ ซื๊งเว๊ อ ท เซิงฆวี๊งซ้ะโย้ อ ซื๊งเว๊ ซีง ลแพ ซ้ะอวีงซ้ะโทะ เท่อ ลู่ง กแช่แยว้ อ เมะแซ พ้า ด้องซุ้ ดี๊ ท เซิงฆวี๊งซ้ะโย้ ลู่ง ท เก้านี่ดิ้นี่ อ แค๊ ด้องซุ้ โพล้ง ซ้ะอวีงซ้ะโทะ เท่อ, พี่ อ เว๊ อางน้าง โละซ้ะ ท ลู่นี่ก้ะ อ แค๊ นอ

อีซยา 9:4

อไฌ่บี่อี้ง, แอะ พี่ เก อ ทอวีงทยุ้ ฆ๊า เมะ ฌี้ นางทุ้ พี่ ท่าง อ จื๊งแป เมะ ฌี้ โพล้ง แคแนแคแก้-อ้ะ อ นางมื่งคืง เมะ ฌี้ นอ กแช่แยว้ บุ้แค่ไฆวะ เว๊ บี่ซุ้ดี๊ โพล้ง มีเดียง อ มื่งนี้ง พ้า

ท​เน​โพล​ทาง 11:18

โพล้ง ล แบ้ แยว้ แบ ล แพ นอ อ เซิงทาง ซ้ะไฌ๊ แน้ น เซิงทาง ซ้ะไฌ๊ ปะ ท้อง อ แค๊ เย้า พี่ โพล้ง ซี๊ง ม แบ ท ต้ะเซ๊ง-อ้ะ ท้อง อ แค๊ เย้า น เพล่ น บาง ซีง, เมะ เว๊ โม ไคล้ คิ้ กแช่ แยว้ ดี๊ น พู น ลี้ง กุ้ อ แฌ้, ดี๊ โพล้ง กุ้ อ แฌ้ พี่ อ ดู้ง แบ น เม้ง น แซ เลา ดี๊ อ ดู อ ปี๊ นอ ม นี่ แบ ท อ บลึ้ อ บลาง ดี๊ ท้อง อ แค๊ เย้า พี่ น ม แม้ เตา แม้ แต๊ โพล้ง พี่ อ แม้ เฌ๊ฌ้อง ฌางคู โคล๊ง คู”

ท​เน​โพล​ทาง 19:15

น้ะ อ แน่ ไอ บึ้ชึ ล เบง โอ ลู่ง อ เว๊ อ นุ้ พ้า ไจ ทาง, บี่ ซุ้ ม แม้ น้า โพล้ง ล ชื้อๆ, อ เว๊ ม ยู่แคว่ เว๊ ดี๊ อ ดู้ง ดู ยาง ดู, ม ไย่ เท่อ ลู่ง ท ล่าง ไย่ นี่ ซไบ้ะ แซ นอ อ พ้า, อ นอ เมะ เว๊ ท ล่าง พี่ กแช่ แยว้ ลู่ง อ โอ ดี๊ อ ซยื๊ง อ ซย้อง ดู ทึ ล แฌ้ นอ ปล้ะ ล้าง อ ท ซ้ะทาง พ้ะดู

โพล้งต้ะเซ๊งเท่อ 7:25

อ ซื๊งเว๊ พองนี่ โพล้ง มีเดียง อ กดูกแซย่ คี๊ง แฌ้ เมะเว๊ โอเระ ดี๊ เซเอะ, ดี๊ แม้ซี๊ง โอเระ ลู่ง ไล๊ โอเระ, ดี๊ แม้ซี๊ง เซเอะ ลู่ง ทล่าง ไย่ ซไบ้ะ แซ อ ล่าง พี่ อ เม้ง เซเอะ, ฌ้อง ล้องช่อง โพล้ง มีเดียง, ดี๊ แม้นี่ โอเระ ดี๊ เซเอะ อ คูฆีง เฌ๊ไท้ โชะ เอะ กีเดโอง ลู่ง ที๊ง โจเด้ง กล้อง อ มื่ง ทาง ล โค๊ นอ ล้อ